論教會功業的由來
1934.12，no.597，pp.18-19
舊嘉義廳打貓南堡，有姓劉的功業，彼个業主是劉玉公，有土地佇大崙洋。佇大崙庄有劉玉公的派下劉Chhàu-hiàn，劉Lâu-pa̍k佇teh。帝國領台了後，有勘丈到大崙，有查出劉玉公的派下無納大崙洋，崙仔崗的地租，致到官廳有共伊賣。彼時有叫劉萬清著買，總是萬清無愛。若是官廳有再三叫伊買，後來無ta何有共伊買。買了後，有有力者出來假做彼塊土地的相續者，愛欲奪彼塊地。看這个勢面彼款，就佮伊的小弟萬劍參詳。伊的小弟共伊講，若是按呢，將這塊地來獻予斗六教會。萬清有歡喜，就隨時去拜堂揣林育奇先生；in兩人設法彼塊地，佮討予人收--去的租粟。佇1904年9月7日，有登記做斗六教會的功業，甲數是3甲 6釐。教會有託劉萬劍管理，彼个收益攏做教會的經常費。
(待續)。 |
