Tiong Tiong Thong-sìn

III. Chháu-tun Chheng-liân-hoē

1935.02 tē 599 koàn p.19

(Loā Kang)

Siāu-kài uí-oân koa

1.Pè Chheng-liân-hoē ê hoat-khí,

Kàu-taⁿ í-keng moá nn̄g nî,

Chiū khui Chóng-hoē lâi soán-kí,

ài-soán uí-oân thang tī-lí.

2.Hoē-tiúⁿ iû-goân Hoé-thó͘ sàng,

I sī teh khui hî-pó͘ hâng,

Lé-pài kui ji̍t koaiⁿ tiàm-thang,

ài hō͘ sìn-sim khah khin-sang.

3.Hù hoē-tiúⁿ sī Âng Goân-tēng,

Lāu-pē sī Kim-kang I-seng,

Chheng-liân phok-ha̍k nā hùn-chì,

Pùn-hoē bān-sū bē huì-khì.

4.Su-kì chiū-sī Khó͘ Chuí n̂g,

Keng-êng siong-gia̍p tī pún-chng,

Ū-sî chhut-tiuⁿ khì chin hn̄g,

Tuì tī chit-bū kam-goān tng.

5.Koè-kè chiū-sī Heng-ōng sàng,

Teh bē lông-kū kiam kho͘-tháng,

Chháu-tun sìn-chiá thâu chi̍t-ê,

Chiū-sī i ê kò͘ lāu-pē.

6.Chong-kàu pō͘ sī Tân Chuí-lâi,

I sī chhut-miâ lí-hoat sai,

Chò lâng put-chí chin khóng-khài,

Soan-thoân tō lí chin ì-ài.

7.Im-ga̍k-pō͘ Chu-ài lú-sū,

Lîm Eng-sêng sī i tiōng-hu,

Tuì tī im-ga̍k ū chhù-bī,

Kó͘-bú gîm-si gâu chí-sī.

8.Chû-siān-pō͘ sī A-gio̍k sàng,

Teh chò sán-pô tiōng-iàu kang,

Tuì tī pîn-bîn gâu thiàⁿ-thàng,

Lāi goā bêng-ū put7-chí phang.

9.Kàu-io̍k-pō͘ Siok-cheng lú-sū,

Lāu-pē sī goán ê Bo̍k-su,

Phín-hēng put-chí thang khó-chhú,

Kà Iù-tī kho gâu kó͘-bú.

10.I-siōng kài-siāu ê uí-oân,

uī Chú hi-seng chin kam-goān,

Kî-kiû Siōng-chú toā kāng hok,

Hô-pêng êng-kng kui Ki-tok.