Kū-iok Le̍k-sú
(Chiap 1 goe̍h tē 8 bīn)
Tiuⁿ Bêng-tō
1937年3月624期 6-7
Tē 3 pō͘
Tē-it pō͘ sī it-poaⁿ jîn-luī sî-tāi.
Tē-jī pō͘ sī ka-cho̍k soán-poa̍t sî-tāi.
Í-sek-lia̍t cho̍k tuì chhut Ai-ki̍p hit-sî chiū chiâⁿ-chò chi̍t ê kok-bîn. Ka-cho̍k chiū oāⁿ chò kok-ka; hoān só͘ ū chèng-tī-siōng(政治上) ê chè-tō͘ , tián-chiong chha-put-to lóng ū ê khoán, só͘-í kiò-chò í-sek-lia̍t kok-bîn ê sî-tāi.
1. Chit ê sî-tāi sī tuì chhut Ai-ki̍p khí(12:40-42), kàu Sò-lô chē-uī chí. Chiàu nî-kí lâi phoè-tong sī B.C. 1270?-1050? ê sî-tāi.
2. Chit ê sî-tāi Í-sek-lia̍t cho̍k chèng-tī, sī chi̍t chéng te̍k-pia̍t--ê. Î-it(唯一) ê ông chiū-sī Iâ-hô-hoa(Sū-su 8:23). Tuì án-ni koan-hē chong-kàu-siōng ê sū-kiāⁿ, ū chè-si teh ho̍k-sāi--i. Koan-hē chèng-tī-siōng ê sū-kiāⁿ ū Sū-su(2:16), tit-tio̍h Siōng-tè jīm-bēng(任命) lâi tī-lí. Só͘-í chiâⁿ-chò chi̍t ê sîn chèng-hú-tek chèng-tī(神政府的政治).
3. Chit ê sî-tāi , ē thang kā sió-khu-hun, chiàu ē-té:
(1) Khòng-iá ê phiau-liû. Sī Siōng-tè ê keng-lûn ê chi̍t pō͘ , sī ài in chún-pī cheng-ho̍k hit ê só͘ iok-sok ê tē lâi hùn-liān--in(Chhut 13:17,18). Hit ê kî-kan si̍t-chāi ū 40 nî kú(Si-bēng-kì[sic.] 8:2).
(2) Cheng-ho̍k Ka-lâm. Koè Iok-tàn-hô liáu-āu, suî-sî chhut-chhiú, ū kau-chiàn kuí-nā nî-kú. Chlt[sic.] ê thó͘-tē sī chí-ū piáu-bīn chiūⁿ cheng-ho̍k nā-tiāⁿ, sian-chū ê bîn-cho̍k(先住的民族) iáu lâu-teh, kàu Tāi-pi̍t ê sî-tāi, in ê sè-le̍k iáu pó-liû tī-teh.
(3) Sū-suê tī-sè(治世). Iok-su-a sí āu (B. C. 1200-?), kok-bîn chiū tiàm tī Sū-su chí-tō ê ē-bīn. Chiah ê Sū-su tú-hó 15 lâng, bô lóng ti̍t-chiap soà-chiap.
4. Chit ê sî-tāi chiàⁿ-chiàⁿ chheng-chò eng-hiông sî-tāi. Lán thang tuì in tiong-kan ê eng-hiông kú-khí 4 miâ.
(1) Mô͘-se. Kok-bîn ê kiàn-siat-chiá(Sin-bēng-kì 34:10-12).
(2) Iok-su-a. Ka-lâm ê cheng-ho̍k-chiá(Iok-su-a 11:23).
(3) Ki-tiân. Sū-su tē-it toā--ê(8:28).
(4) Sat-bó-ní. Sū-su choè-āu--ê(I Sat 12:1,2).
