總督視察樂山園
1937年4月625期 29-30
小林總督，秘書官，秘書係長，台北就知事，以及其他總督府的要人，佇3月4日去八里岔視察樂山園。巡視園內逐項的設備佮恩賜的記念式。不止同情佮表敬意佇這款癩救治的事業。亦有送患者一人一領毛毯，眾犯者受著這款的疼痛，真正受感激。
(吳清鎰報)。
Chóng-tok sī-chhat Ngāu-san-oân
Siáu-lîm Chóng-tok, Pì-su-koaⁿ, Pì-su-hē-tiúⁿ, Tâi-pak chiū Ti-su[sic.], í-ki̍p kî-thaⁿ Chóng-tok-hú ê iàu-jîn, tī 3 ge̍h 4 ji̍t khì Pat-lí-hun sī-chhat Ngāu-san-oân. Sûn-sī oân-lāi ta̍k hāng ê siat-pī kap un-sù ê kì-liām-sek. Put-chí tông-chêng kap piáu kèng-ì tī chit khoán nāi kiù-tī ê sū-gia̍p. ia̍h ū sàng hoān-chiá chi̍t lâng chi̍t niá mn̂g-thán, chèng hoān-chiá siū tio̍h chit khoán ê thiàⁿ-thàng, chin-chiàⁿ siū kám-kek.
(Gô͘ Chheng-ek pò).
