Kò͘ Muî Kam-bū Bo̍k-su ê Lio̍k-le̍k
1940.07 tē 664 hō p.12
A.D. 1866 nî.
Chhut-sì tī So͘-kek-lân kèng-khiân ê ka-têng.
A.D. 1890 nî.
Chut-gia̍p Kek-lah-su-ko (Glasgow) ê Tāi-ha̍k, tit-tio̍h M.A. ê ha̍k-uī, iā te̍k- pia̍t gián-kiù Kó͘-tián-ha̍k kap Tiat-ha̍k, ū tit-tio̍h chit nn̄g kho ê Bêng-ū ha̍k-uī.
A.D. 1889－90 nî.
Sī i tī Kek-lah-su-ko Sîn-ha̍k-hāu (Glasgow Free Church College) tha̍k- chheh ê lō͘-boé nî, chāi-hāu tiong ū siū kéng chò Ha̍k-seng-hoē ê Hoē-tiúⁿ.
A.D. 1890－95 nî.
Ū tī Kek-lah-su-ko siâⁿ chi̍t ê Soat- kàu-só͘ (Gallowgate Mission) lâi uī-tio̍h it-poaⁿ ê pêng bîn kai-kip thoân tō-lí.
A.D. 1895 nî 12 goe̍h 18 ji̍t.
Ū kap Lân Tāi-oē I-seng, Liâm Tek- lia̍t Bo̍k-su lâi kàu Tâi-oân, tiàm Tâi- lâm o̍h Tâi-oân-oē.
A.D. 1896 nî 11 goe̍h 3 ji̍t.
Tī chit nî ê 11 goe̍h chhe 3 ji̍t, ū khì chū-chāi tī Chiang-hoà, chiong chia chò kin-kù tē tī Tiong-pō͘ soan-thoân hok- im.
A.D. 1901 nî 7 goe̍h.
uī-tio̍h sin-thé bô ióng, ū khì Sin- ka-pho hioh-khùn.
A.D. 1902 nî 8 goe̍h 9 ji̍t.
Koh tò-tńg-lâi Chiang-hoà chò kang.
A.D. 1907 nî.
Ū tù "The Heathen Heart" (ĪN-kàu- tô͘ ê sim-chêng") ê chheh.
A.D. 1908 nî.
Ū chhoā Bo̍k-su niû (Miss Margaret Findlay), ū tù Pe̍h-oē-jī chheh, "Lô-má-phoe."
A.D. 1908 nî 12 goe̍h 4 ji̍t.
uī-tio̍h Bo̍k-su-niû sin-thé loán-jio̍k, ū tuì Kàu-sū-hoē sî-chit.
A.D. 1909 nî.
Ū tù "The Saints of Formosa" ("Tâi- oân ê Sèng-chiá") ê chheh.
A.D. 1909 nî 2 goe̍h.
Ū lī-khui Tâi-oân khì Ò-tāi-lī-a ê Sin- se-lân tó chò Bo̍k-su.
A.D. 1913 nî.
Ū chhut-pán i ê Soat-kàu-chi̍p "Love's long campain"("Thiàⁿ ê oán-cheng")
A.D. 1914 nî 11 goe̍h.
Tuì Sin-se-lân koh tńg-lâi Chiang-hoà thoân-kàu, ū tù "Pò͘-tō-lūn."
A.D. 1915 nî joa̍h-thiⁿ.
Kap Bo̍k-su-niû khì Loē-tē hioh-khùn
A.D. 1915 nî 11 goe̍h 8 ji̍t.
Bo̍k-su-niû koè-sin, bâi-chòng Chiong-hoà.
A.D. 1920 nî.
Ū tù "The Mind of the early converts ("Chho͘-tāi Kái-sim-chiá ê su-sióng") ê chheh, tuì án-ni tit-tio̍h Sîn-ha̍k Phok sū ê ha̍k-uī (D. D.).
A.D. 1922 nî. Ū kap Âng Má-gio̍k Ko͘-niû (Miss Margaret Arthur) kiat-hun. Siāng chit nî ū tù Pe̍h-oē-jī chheh"Kó͘-chá ê Kàu- hoē" kap "oa̍h-lō͘ ê būn-tap."
A.D. 1924 nî 4 goe̍h boé.
uī-tio̍h jiám-tio̍h jia̍t-pēⁿ, ū kap Bo̍k- su-niû lī-khui Tâi-oân, tńg-khì tiàm tī lī Kek-lah-su-ko siâⁿ bô loā-hn̄g ê chng-siā.
A.D. 1924－38 nî.
Tī chit tiong-kan ū tù "Christ for us and in us" ("uī-tio̍h lán kap tiàm tī lán ê Ki-tok"), "The Purpose of Christ" ("Ki-tok ê Bo̍k-tek"), "The King's Guests" ("Kun-ông ê lâng-kheh") "The Childhood of the Church" ("Chho͘-kî ê Kàu-hoē") téng, ê chheh.
A.D. 1940 nî 2 goe̍h 28 ji̍t. Ū siū Chú ê kéng-tiàu lī-khui sè-kan.
