Lâm-pō͘ Kàu-hoē I-liâu Thoân-tō-sú
Chiap 10 goe̍h tē 8 bīn
Gân Chín-seng
1941年1月 670期 3-5
Hông-kí 2595 nî (A.D. 1935) 6 goe̍h 24 ji̍t téng-po͘ 10 tiám cheng, tī Tang-mn̂g Kàu-hoē-tn̂g khui-hoē.
Kàu-sū-hoē Lí I-seng, Lâu Tiong-kian goā sò͘-miâ chhut-se̍k. Lîm-sî Tāi-hoē Gī-tiúⁿ Ko Kim-seng goā kap tāi-hoē Gī-tiúⁿ Ko Kim-seng goā kap tāi-gī-oân to-sò͘ chhut-se̍k.
Tāi-seng tuì Siông Uí pò-kò Sin-lâu I-īⁿ hoè-īⁿ ê keng-koè kap soat-bêng, āu-lâi gī-lūn kóng I-īⁿ sī chin kú chò thoân-kàu ê pó͘-chō͘, lâi hoè-īⁿ sī Lâm-pō͘ Kàu-hoē sìn-tô͘ ê kiàn-siàu. Só͘-í tuì kái-kek ê huì-iōng tio̍h hoaⁿ-hí chhut. Hia̍p-gī ê kiat-kó. Sin-lâu I-īⁿ chûn-sio̍k moá-tiûⁿ it-tì. Soan-kàu-su hong-bīn, nā-sī beh chûn-sio̍k, in m̄ koh keng-êng beh bē, chiong hit phit chîⁿ beh the̍h khì Chiong hoà ha̍p chò-hoé khí sin pīⁿ-īⁿ. án-ni hoè-īⁿ kap chûn-sio̍k tuì-li̍p, kàu ē-po͘ chi̍t tiám koh khui hoē-gī; iû-goân sī lūn-chiàn. Gī-tiúⁿ ēng chhái-koat ê hong-hoat, tit 60 phiò to-sò͘. Tuì án-ni chiū chham-siâng kū-thé-tek ê hong-chiam, chiū kéng uí-oân siat pō͘-hoē, chiū-sī Ko Chài-tek, Lâu Suī-san, Gân Chín-seng, Gô͘ Sûn-jîn goā 8 miâ chìn-hêng uí-oân , kau-sia̍p bé-siū būn-tê, ē-pō͘ sì tiám pí-hoē.
Chìn-hêng uí-oân chiū tī 7 goe̍h tiong kuí-nā pái chham-siâng, bat chū-chi̍p tī Má Bo̍k-su lâu-téng kheh-thiaⁿ.
Kàu-sū-liân: Boán Bo̍k-su, Bān Bo̍k-su . Má Bo̍k-su , Lâu Bo̍k-su, Lí I-seng.
Uí-oân-liân: Lâu Suī-san, Gân Chín-seng, Gô͘ Sûn-jîn, Si Khun-phêng, N̂g Jîn-êng.
Boán Bo̍k-su tāi-piáu kóng Sin-lâu pīⁿ-īⁿ beh bē khì, chiong hit ê chîⁿ tī Chiong-hoà sin-khí pīⁿ-īⁿ, chhin-chhiūⁿ téng-bīn só͘ kì ê lí-iû. Nā Tāi-hoē beh keng-êng, chin tāng chek-sêng, goā-bīn ū lâng chhut chin-chē chîⁿ, goán Kong-pò-siā hō͘ Tāi-hoē keng-ēng, iáu-boē hó sêng-chek, chit ê pí Kong-pò-siā khah tāng.
Uí-oân-liân-kóng, Chit ê pīⁿ-īⁿ kó-jiân keng-êng bô khoài, m̄-kú ū 70 nî le̍k-sú, m̄-thang pàng khì; kàu chit 70 nî kú, kàu-hoē oá 200 keng, sìn-chiá káng cha̍p bān, bô--ê, to siūⁿ beh sin chhòng-siat, hô-hòng 70 nî ê hó sū-gia̍p pàng-khì, sī chin khó-sioh, chhiáⁿ hō͘ goán lâi kè-e̍k.
Kàu-sū-liân-kóng, Lín beh tī sî, kàu-hoē hiah khoah , hiaⁿ-tī chí-moē tio̍h chhut hiah chē-chîⁿ. Koh goán goā-bīn teh kau-sia̍p chin iàu-kín.
Phí-jín kóng 70 nî chû-siān-sū beh pó-chûn , iông-ún goán sió-sim kè-e̍k, nā beh koáⁿ-kín sī bē thang, uī-tio̍h án-ni cheng-chit. Phí-jîn kóng chi̍t kù put-tek-í bô hâm-ióng ê oē, chiū-sī kó-jiân lín beh bē hō͘ lâng, Tâi-oân lâng só͘ chhut ê chî, bô chham-siâng hó-sè, goá chò Hoat-jîn lí-sū ê chi̍t lâng, goá m̄ khàm-ìn. Kàu-sū-liân khí-thâu thiaⁿ boē bêng-pe̍k, ko͘-put-chiong phí-jîn chiah koh kóng, Pún-tó só͘ chhut hiah ê chîⁿ kap kià-hù ê thó͘-tē, nā bô chham-siâng hó-sè, goá m̄ khàm-ìn, sī in-uī án-ni , Kàu-sū-liân chiah bêng-pe̍k . āu-lâi siang-pêng chiah koh iok-sok chham-siâng.
Kàu 7 goe̍h hā-sûn chiah chū-chi̍p tī Lí I-seng ê kheh-thiaⁿ. Lí I-seng tāi-piáu Kàu-sū-hoē, kóng Kàu-sū-hoē beh hō͘ Tāi-hoē keng-êng, àn gō͘-bān bē Tāi-hoē, nā-sī Má I-seng lâu tù khí-lâi, chiū 4 bān chiū hó. Siang-hong moá-ì, chiū hoê-hok Siông Uí.
Hông-kí 2595 nî(A.D. 1935) 8 goe̍h 20 ji̍t ē-po͘ 2 tiám, Lâm Tāi Siông-tì Uí oân-hoē chū-chi̍p tī Tâi-lâm Sin-lâu Phoaⁿ Tō-êng Bo̍k-su ê siok-sià. Tēⁿ Gī-tiúⁿ kî-tó khui-hoē. Koan-hē I-koán chiap-tio̍h I-koán pō͘-hoē kau-sia̍p ê pò-kò.
1. Koat-tēng I-koán tio̍h ín-siū lâi keng-êng.
2. ín-siū kim 4 bān kho͘, keng-êng-huì nn̄g-bān gîn, kiōng 6 bān.
Chit ê 6 bān kho͘, Lâm Tiong hū-tam gō͘-hūn-jī, kî-û saⁿ Tiong-hoē kok hū-tam gō͘-hūn-chi̍t. ài kok Tiong-hoē chek-jīm chi-chhut.
Koh in-uī chit ê chek-jīm tiōng-tāi, chiū tī 8 goe̍h 22 ji̍t ē-pō͘ 1 tiám , ū tiàu-chi̍p 4 Tiong-hoē liân-ha̍p Siông-siat-pō͘-hoē tī Sîn-ha̍k-hāu chham-siâng.
Í-chiūⁿ 4 Tiong-hoē liân-ha̍p-hoē liáu chiū pò-kò Lâm Tāi Siông-tì Uí-oân-hoē. Tâng-ji̍t ē-pō͘ 6 tiám khui Lâm Tāi Siông-tì Uí-oân-hoē tī Phoaⁿ Tō-êng ê siok-sià.
Tēⁿ Gi tiúⁿ kî-tó khui-hoē, soà pò-kò liân-ha̍p Siông-siat-pō͘-hoē.
1. Thang chìn-hêng bé-siu I-koán lâi keng-êng.
2. Tio̍h chioh-ji̍p kim 4 bān, hān nn̄g-nî kú hêng chheng-chhó. Tâi-lâm Tiong-hoē hū-tam nn̄g-bān, Ko-hiông Tiong-hoē 8 chheng, Ka-gī Tiong-hoē kap Tâi-tiong Tiong-hoē kok hū-tam 5 chheng; put-chiok--ê, tuì Tāi-hoē ê kong-kim chioh-ji̍p, á-sī bó͘ Tiong-hoē ē thang ke tit-tio̍h chē-chió.
3. Lī-sek muí-nî 5 hun, kui I-koán hū-tam.
4. ēng Tāi-hoē chò chioh-chú, kok Tiong-hoē Siông-siat-pō͘-oân chò liân-tài pó-chèng-jîn.
5. Chioh-ji̍p bō͘-chi̍p ê pò-kò , hān kàu 9 goe̍h boa̍t-ji̍t , kim-hāng kàu 12 goe̍h boa̍t-ji̍t, kau chheng-chhó.
6. Thok su-kì siá-phoe hō͘ Má I-seng, tuì i tîn-su̍t bé-siū I-koán ê chêng-iû.
7. Thok gī-tiúⁿ, su-kì chún-pī chioh-kim ê chhù-ì-su kap chioh-iōng-chèng.
趣意書
窃為宏碁肇照，以屆先哲創始之巧，事業保存，需賴後人繼承之志，今之古蹟莫不皆然，維我台灣南部，受上主之鴻恩，開福音之生路，經今七十週歲適逢教士會都合上，決定將新樓醫院合併於彰化，而大會念此係，傳教行醫首開業績，不忍拋棄故議決要向教士會買受，繼續經營，已爲南部設教七十週年紀念事業，按需六萬金，由南部教會負擔，四萬圓於本年十二月中須繳納教士會清楚，二萬圓為此後經營諸費，然因期迫切，故要先向有志者借入議定由各中會先借最低限度，即高雄中會八千圓，台南中會貳萬圓，嘉義中會五千圓，台中中會五千圓，以南部大會為借主，而以各中會常設部員為連帶人，按定借二年，自能別籌償還清楚，願有志諸君，共相贊成蓋蟻駄一粒，驥負千斤各盡其能力以相援助，則眾擎易舉不難集腋成裘矣。
昭和拾年 月 日
南部臺灣基督長老大會
金員借用証書
一金 也
右 金額依左記借用條項向貴殿拜借。
一 目 的，爲收買新樓醫院費
二 辨濟期目，昭和 年 月 日
三 利 息，一個年五分
四 利息支拂期，每年 年 月 日
五 借 主，南部大會
六 連 帶 人，各中會常設部
右 金額借用領收是實謹當照前記條項履行轉立借用証書一紙付執為據
昭和 年 月 日
南部台灣基督長老教會大會 印
台灣基督長老教會中會
右常設部員
議長
書記
部員
某某中會常設部御中
承 諾 書
一 金 也
右金額為祝南部台灣傳教七十週年事業，大會買收新樓醫院費用拙借者，自願應募貸附之金額以贊成此美舉，特立承諾書一紙為據。
昭和 年 月 日
住 所
氏 名
某某中會常設部 御中
