Lâm-pō͘ Kàu-hoē I-liâu Thoân-tō-sú

Chiap 1 goe̍h tē 4 bīn

Gân Chín-seng

1941年2月671期                3-4

  Chiong chiah ê su-luī hoat-kau kok Tiong-hoē khì si̍t-hêng. Kàu 12 goe̍h 28 ji̍t, kok Tiong-hoē lóng ū pī-pān piān, iáu Y 2000.00 put-chiok , chiah tuì Pó͘-chō͘ the̍h lâi kàu Tāi-hoē koè-kè.

  Tī 12 goe̍h 30 ji̍t ē-pō͘ iok 3 tiám cheng ê sî, Sit-hêng pō͘-hoē-oân tāi-piáu N̂g Sū-bēng kap kok pō͘-oân, toà 4 bān gîn lâi tī Lí I-seng kheh-thiaⁿ, bêng-bêng kau hō͘ Lí I-seng, chiū chiap I-seng ê léng-siu, the̍h kau Tāi-hoē koè-kè. Lí I-seng chin kám-kek, khoàⁿ-chhut kàu-hoē jia̍t-sêng. Keh-ji̍t chiū-sī 31 ji̍t ē-pō͘, Kàu-sū-hoē tāi-piáu Bān Eng-hoâ; Pō͘-hoē tāi-piáu Iûⁿ Hûn-liông, jī-pí chū lióng-pêng hia̍p-tēng chò kak-su, soà ín-kè pēⁿ-īⁿ.

  Kak-su ê bûn kì ê bīn:

  1. 英國長老教會ノ代表トシテノ台南宣教師會ハ南部台灣キリスト教會ノ大會ニ台南新樓病院ヲ讓渡スルュト

  大會ノ代表者ハ新樓病院ヲキリスト教主義ノ博愛病院トシテ維持スル責任ヲ重ズルュト

  2. 上計ノ條件ノ主旨ニ從ツテ新樓病院(土地建物備品圖ニ示シタル如シ)ノ讓渡金額ハ四萬圓トス

  3. 大會ノ代表ハ未ダ大會ノ財團法人ニ登記セザル新樓病院ノ土地ノ一部分ヲ新ニ登記センルニハ登記科ノ大會負担トス

  4. 萬一第一條ヲ實行シ得ザル場合ニ該病院ノ處分ハ大會ニ任スュト

 附則

 A. 讓渡日期

     昭和十年十二月三十一日以內トス

 B. 讓渡物

  1. 土地 圖面ノ如シ

  2. 建物 該地上ニ在ル凡テノ建築物

  3. 備品 別紙表示ノ如シ

 C. 病院ノ土地トマツクスウェル氏ノ土地トノ界ハ同氏ノ承諾ノ上，別圖ニ示シタル境界ニ改ムルュトヲ得

 D. 辯護士，測量師ノ費用ハ大會ト教師會トニテ等分ヲ支出スルモノトス

 E. 經營者タル宣教師會ハ病院ヲ引揚ゲルトキ大會ノ存續部會ノ實行委員ト氏トノ双方ノ協定ニ依ルュト

  Í-siōng Sin-lâu Pēⁿ-īⁿ tuì Kàu-sū-hoē ín-kè hō͘ Lâm-pō͘ Tāi-hoē chheng-chhó.

  Taⁿ hoê-sióng Si̍t-hêng pō͘-hoē tuì pún-nî 6 goe̍h 24 ji̍t, siū Lîm-sî Tāi-hoē phài kau-sia̍p kap si̍t-hêng kiat-kio̍k, kiōng 6 goe̍h liân 6 ji̍t kàu chia oân-liáu.

  Che sī Sin-lâu Pīⁿ-īⁿ A.D. 1868 nî 12 goe̍h tiong chho͘-tāi Má I-seng tuì Kî-āu koh choán-lâi Tâi-lâm, kàu A.D. 1935. Lí I-seng chí, kiōng 7 uī I-seng, le̍k-koè 67 nî kú. Chit ê I-īⁿ ê ūn-miā i ê chiong-kiat bô chhin-chhiūⁿ Kî-āu Pīⁿ-īⁿ ê khoán. Phí-jîn siá kàu chia iû-goân kā sian-poè-chiá tuì I-īⁿ ê chīn-tiong chò kang, kap kā Soān-kàu-sū-hoē seh to-siā.

  3. Lú-kài I-liāu Thoân-tō-sú.

  1. Chu Ko͘-niû , Bûn Ko͘-niû, lán chai chit nn̄g uī sī Tióng-êng Lú-ha̍k-hāu khai-ki ê Kàu-io̍k-chiá, uī-tio̍h Pún-tó lú-chú chò kàu-io̍k ê kang-chok, kàu-io̍k í-goā, chhut-lâi chhī-lāi pò͘-tō, ín-chhoā lâng thiaⁿ tō-lí; khoàⁿ-chhut pún-tó hū-jîn seng-sán chin kan-khó͘, koh uì cha-po͘ i-seng, kam-goān sí, m̄-khéng hō͘ lâng táⁿ-tia̍p. Só͘-í Ko͘-niû koat-sim o̍h chō-sán, beh lâi kiù lâng . Chit hāng sū káⁿ tī Kàu-sū-hoē ê ū chham-siông koè, bô chàn-sêng; m̄-kú in m̄-thiaⁿ. Só͘-í tī chho͘-jīm ê boé kuí nî, in chiū khì Kî-āu chhoē Moê I-seng , tuì hia ji̍p sán-kho hāu-goā seng, iā ū siū chhì-giām, tit-tio̍h kok-ka bûn-pîn, tú-hó kui-kok hioh-khùn chiū khì pēⁿ-īⁿ liān-si̍p, che sī chho͘-tāi ê sán-pô.

  Kàu koh lâi Tâi-oân, chiū chò chō͘-sán kiù lâng ê kang. Só͘-í tng-sî chin lī-ek tē-hng lân-sán ê hū-jîn-lâng, ū chi̍t ê chí-moē So͘ Kim-hio̍h , chiū-sī kā i tàu kha-chhiú, kā eⁿ-á sè-e̍k, á-sī boē kàu-sî ê sán-hū chiàu-kò͘. I kiù lân-sán ê hū-jîn lóng bô siu lâng ê chîⁿ; hoán-tńg chò eⁿ-á saⁿ piān-piān hō͘ kan-khó͘ eⁿ-á chhēng; ēng che i-liâu ê kang, sūn ki-hoē thoân-kàu. An-pêng ê kàu-hoē, chiū-sī tuì i khì hia hêng-i lâi kiàn-siat chò tē-ki, chiah ū kin-á-ji̍t An-pêng tông-hoē. Koh Tâi-lâm kàu-hoē ū chi̍t ê chí-moē miâ kiò Chio-koaⁿ, chiū-sī Bûn Ko͘-niû kā i khioh-kiáⁿ, í-āu tit-tio̍h tō-lí. In só͘ chò ê kang ti̍t-ti̍t kàu Chu Ko͘-niû kui-kok, in-uī koè-thâu tio̍h-boâ, sin-thé loán-lio̍k boē thang koh lâi, tī A.D. 1931:3 goe̍h 7 hō tī pún-kok lī-khui sè-kan. I só͘ chò ê kang; chiâu-pī chhiáⁿ khoàⁿ Lú-o̍h Hāu-iú-hoē cha̍p-chì tē 7 hoê tui-tō-hoē khah siông-sè.

  2. Bûn Ko͘-niû khah ū hoè, bē thang chò khioh gín-ná ê kang, iā tú-hó Chiong-hoà kàu-hoē hoat-tián, chí-moē sìn-chiá ná ke-thiⁿ. Chiū hun-siat Lú-o̍h tī hia teh kà tō-lí, ióng-sêng lú-chú tàu chò thoân-kàu ê kang, jiân-āu kui-kok, in-uī nî-lāu, bē thang koh lâi Tâi-oân, hiān-sî iáu tī-teh, siông-siông siàu-liām Tâi-oân Kàu-hoē kap Lú-o̍h , lán iû-goân siàu-liām i ê jia̍t-sim, uī goá siá in lú-kài ū hūn chit ê thoân-tō i-liâu ê kang, chiah hō͘ tāi-ke kì-tit kám-siā i thiàⁿ Tâi-oân kok kài ê thiàⁿ-sim.

  3. Sòng Bo̍k-su-niû, I-lī-sa-pek i sī chho͘-tāi tī Tâi-oân ê lú-i, i pang-chān ka-têng, iā chò i-seng ê kang, chin-chhiūⁿ sán hū-jîn-kho kap siáu-jî-kho, án-ni chin tio̍h-boâ, chò hū-jîn-kài ê kiù-chheⁿ. In-uī Pún-tó hū-jîn m̄-ài chiū-kīn lâm-chú i-seng; ū lú-i sī chin hó chhin-kīn, tuì án-ni thang sūn ki-hoē ín-chhoā lâng thiaⁿ tō-lí; iā bat chhut-goā toà kàu-hoē, tī hia hêng-i pò͘-tō , thang kóng tng-sî sī chin toā lī-ek thoân-kàu ê kang. Khó-sioh tī jīm-tiong khí pēⁿ, sûn-chit tī Tâi-lâm Sin-lâu-lāi, hióng-siū 33 hoè, sí sī A.D. 1901:1:17 ji̍t, bâi-chòng-tī Tâi-lâm kong-thióng, muí-nî Koh-oa̍h-chek hiàn hoe piáu-bêng siàu-liām kèng-siā i(ū i ê tô͘ thang khoàⁿ)

(Chiap koè 14 bīn ê tē 2 hâng.)

(Tuì tē 4 bīn tē 1 hâng chiap-lâi--ê)

III. Tiong-pō͘ I-liâu Thoân-tō-sú

  Tāi-lio̍k tī Hông-kí 2546 nî (A.D. 1886 nî), sī chho͘-tāi Má I-seng, uī-tio̍h I-seng-niû phoà-pēⁿ chhoā i kui-kok; āu-lâi in-uī I-seng-niû thé-chit lám, bē thang koh lâi. I pún-lâng kám-kak Tâi-oân iáu ū chi̍t ê Tiong-pō͘, sio-siāng sī chin toā khiàm i-liâu kap Thoân-tō ê kang. Tong-sî hō͘ Soan-tō-hoē chhiáⁿ chò lí-sū, chū-jiân pún-sin pí pa̍t-lâng khah koan-sim. Só͘-í ū ki-hoē chiū soan-thoân i-liâu thoân-kàu ê sū hō͘ lâng thiaⁿ, goá tuì Pa Phok-sū thiaⁿ-tio̍h, lāu Má I-seng bat khì chi̍t keng I-ha̍k-hāu hóng-mn̄g, khoàⁿ ū sím-mi̍h chhin-liân-lâng ē thang chò kang tī Tâi-oân, ū gū-tio̍h chi̍t ê sìⁿ Poè, sī iu-téng ha̍k-seng. Siū Má I-seng ê kám-kek, chì-goān pit-gia̍p āu beh lâi Tâi-oân hiàn-sin chò-kang, keng-koè chut-gia̍p āu, in-uī sī-toā-lâng sin-thé lám, bē thang hoāⁿ sū-gia̍p tio̍h i pang-chān, chiah bē thang chiàu chêng kap Má I-seng iok-sok ê lâi kiâⁿ, tuì liông-sim bē tit koè, chiah ēng piàn-thong hoat, chiong pún-sin oāⁿ sǹg chiong hit pit chîⁿ, the̍h-chhut kau Soan-tō-hoē chò chi̍t ê châi-thoân, chiong hit ê lī-ek thang chhiáⁿ chi̍t lâng thè i chò kang tī Tâi-oân. án-ni ū kám-kek tng-sî ê lâng hō͘ thiàⁿ Tâi-oân, iā ū lâng chhut pīⁿ-īⁿ keng-êng-huì, chiâⁿ chò i-liâu thoân-tō sū-gia̍p hoat-goân tī Tiong-pō͘.

(Thāi-sio̍k).