首頁
Languages 台文｜中文｜日本語｜English 字體 小 ｜ 中 ｜ 大
首頁 / 白話字數位典藏 / 傳道會　
傳道會　
卷期：第212張 本次： 日期：1902/11 刊名：台南府城教會報 頁數：84-85
篇名：傳道會　 [ Thoân-tō-hoē ]
作者：
  顯示 : 漢羅 全羅 並列  

傳道會

190211 212卷p.84

 

這11月7號(10：8)嘉義屬的傳道會聚集佇牛擔灣拜堂。來赴會--的就是許朝陽，周主經，林世傳，黃茂盛；長老，黃烏皮；也有兄弟幾若人齊集。

1. 許朝陽做主理，讀約翰15：1-9，分做4項。(1) 葡萄樹是指耶穌。(2)管園--的是指上帝。(3) 枝是指伊的百姓。(4) 枝會結籽是有連佇主。講論勉勵明白就祈禱。

2. 有接著林Io̍k-kî 的批，講起伊袂得來赴會，是因為斗六現時teh起拜堂。也有接著伊的論。閣有接著黃Chhoan-pe̍k 的批，因為伊的身軀破病袂得來赴hoē。

3. 林世傳讀林Io̍k-kî 的論。題目就是馬太13：51，52節。這兩節。這兩節是耶穌佇加利利的海邊教示人，有設7 个譬喻，而後對學生所講--的。通講是7个5譬喻教示人了，驚伊的學生袂明白，就問學生看會曉悟抑袂？學生應講，會。耶穌對按呢就共in講，凡若欲傳出天國的道理，著照啥物款，也是予in知著對佗位the̍h出。所以耶穌共讀冊人學天國的道理，抑是頭家對庫房內the̍h出新舊的物。Taⁿ將52節指起幾若句來想看有啥物意思。

I. 庫房是啥物？(1)是指上帝的聖冊。(2)是指上帝的奴僕的心。

II. 心的庫房所囥的物是對佗位來？(1)講究聖經來得著--的。(2)家己所經過來得著--的。(3)對別人所經過來得著--的。

III. 心著the̍h出是啥物？(1)舊的，是指咱捌用的物，舊時所講究--的。(2) 新--的，是指咱袂捌用的物，現時閣講究--的。

4. 講究恩典的道理。(1)論怎樣號做是恩典。(2)論上帝恩典人啥物。(3)論受恩典的人啥物款。

5. 時到主理祈禱暫停。

6. 下晡兩點鐘分做四隊出門探兄弟。

7. 下昏八點鐘閣聚集，黃茂盛做主理。讀使徒15：1-21，祈禱。

8. 兄弟有代誌著chhap抑毋通chhap？大家議論犯代誌有的通chhap，也有的毋通chhap。總是咱著斟酌。

9. 議論幾若項著苦勸兄弟切切毋通做。(1)世俗排壇孝鬼，咱兄弟毋通用物借--伊，也毋通替伊借物。(2)親戚朋友來咱兜，咱毋通用鴉片請--伊，也毋通替伊備辦食鴉片的家私頭。(3)毋通予世俗人寄買金香燭。(4)毋通跪外家，做外家也毋通予人跪。

10. 時暗主理祈禱就停。

11. 第二日拜六頂晡9點鐘閣聚集，周主經做主理，讀羅馬1：13-15，用14節做題。(1)還債是應該著。(2) 債還了心就平安。講論了祈禱。

12. 議論後會佇新年舊曆3月頭一禮拜過去的拜四，著齊到Giâm-chêng，拜五欲聚集。

13. 議論後會請周主經做論。題目約翰2：1-11。

14. 議論事會欲講究的聖經就是羅馬8：1，2。

15. 第三日禮拜日頂晡佮兄弟姊妹禮拜，用幾句勉勵安慰。

16. 下晡佮兄弟姊妹做祈禱會。

17. 下昏8點鐘閣聚集。林世傳做主理，讀哥林多前書11：1-16，用1節教示勉勵了祈禱。

18. 無接著周耀彩先生的批，也無看見伊來，大家真鬱卒。議論託重記事寫批問māi-teh。

19. 聽記事讀所記--的，準記上冊。主理祈禱，四散。

這pang傳道會的伙食是牛擔灣幾若當職佮幾若兄弟設法請阮；taⁿ愛共in說謝。

閣講幾若句予恁列位通安心。因為我對傳道會倒來的時第二日有接著周耀彩先生的批，teh問啥物時傳道會；按呢不過是袂記得nā-tiāⁿ，無別物因端。
數位典藏國家型科技計劃
拓展台灣數位典藏計畫
版權所有 國立台灣師範大學 台灣文化及語言文學研究所©2008
10610 台北市和平東路一段162號│TEL 02-7734-5516│Fax 02-2358-2461