Lâm Tiong Tē 3 sió-khu
1954.01 781 hō p.19-20
Bîn-kok 42 nî 12 goe̍h 17 hō téng-po͘ 10 tiám poàⁿ, Lâm Tiong tē 3 sió-khu-hoē ū chū-chi̍p tī Sin-hoà kàu-hoē ê pān-kong-sek gī-sū.
Chit-tia̍p chiong só͘ keng-koè ê kán-iàu kì tī chia:－
- 1) Hia̍p-gī mê-nî ê kang-chok chiàu ē-bīn ê sūn-sū chhui-chìn:－
1 goe̍h: Chù-tiōng kiông-tiau kî-tó (kî-tó goe̍h).
2 goe̍h: Kiông-hoà tha̍k pe̍h-oē-jī (sek-jī goe̍h).
3 goe̍h: Chù-tiōng hùn-chìn (hùn-chìn goe̍h).
4 goe̍h: Chhoā lâng kui Chú (ín jîn kui Chú goe̍h).
5 goe̍h: Ka-têng lé-pài (ka-têng lé-pài goe̍h).
6 goe̍h: Khek-kí hōng-hiàn (hōng-hiàn goe̍h).
7 goe̍h: Tha̍k keng ūn-tōng (tha̍k keng goe̍h).
2) Gī āu-hoê Sèng-keng chhek-giām ê kho-bo̍k, sī Hui-li̍p-pí su.
3) Gī sin-nî tō͘ iàu chài khai-chhui Tióng-chip liân-gî-hoē:－
1. Kî-ji̍t : 43 nî 2 goe̍h 5 ji̍t (seng-kî 5).
2. Sî-kan : Siōng-ngó͘ 10 tiám.
3. Káng-su : Chóng-kàn-sū N̂g Bú-tong Bo̍k-su.
4. Káng-tê : "Sím-mi̍h kiò-chò Tiúⁿ-ló kàu-hoē?"
5. Hoē-chí :Eńg-khong kàu-hoē.
6. Jîn-oân : Tióng-ló kap chip-sū (goân-chek-siōng choân-pō͘ chhut-se̍k)
7. Hoē-huì : Muí miâ Tâi-pè 2 kho͘ gîn.
8. Tiong-si̍t : Sió-khu-hoē siat-hoat.
9. Chhia-huì : Chū-pī.
10. Kang-chok : Téng-po͘ khui-hoē kap gián-kiù; ē-po͘, pò-kò, thó-lūn, í-ki̍p hia̍p-gī.
4) Gī khu-huì chiàu án-ni koah-tong:－
Siān-hoà, Kui-jîn, Sin-hoà kok 20 kho͘; Sin-chhī, Téng-soaⁿ-kha, Eńg-khong, Toā-oan kok 15 kho͘; Kháu-pi 10 kho͘.
5) Chin thang hoaⁿ-hí ê siau-sit, chiū-sī Sin-hoà Hó͘-thâu-pi khah ji̍p-khì, ū chi̍t só͘-chāi, kiò-chò Kháu-pi, í-keng ū siat-chiâⁿ chi̍t keng kàu-hoē lah.Tī chit kài ê Tiong-hoē, beh pín-chhéng chèng-sek sêng-li̍p. Kám-siā Chú!!
Sió-khu-tiúⁿ: Lâu Hoâ-gī.
