Ko Tiong uī-tio̍h beh sek-èng P. K. U. ê kang-chok, tuì 9 goe̍h í-lâi ū soán-tēng kuí-nā só͘-chāi chò hāu-pó͘-tē, lio̍k-sio̍k kang-chok. Tiong-kan chi̍t uī chiū-sī 林邊 (Lîm-pian=Nâ-á-piⁿ). Chit ê kang-chok kàu 10 goe̍h boé kiat-sok, í-keng tī kuí-ji̍t chêng, chiū-sī 10 goe̍h 28 hō kí-hêng khai-hoē tián-lé. Chiong chi̍t lia̍p suí-suí P. K. U. thâu-chuí ê koé-chí hiàn hō͘ lán ê Chú.
"Chú à! goān Lí chiap-la̍p goán só͘ hiàn--ê, iā goān Lí sù hok chit ê sin-sin P. K. U. ê kàu-hoē. Chú à, kiû Lí iā siàu-liām hiah ê uī-tio̍h chit keng kàu-hoē iā bô uī-tio̍h pò-siúⁿ lâi chò ê kang-lâng kap in ê kang-tiâⁿ."
Chin sim-sek, chit lia̍p koé-chí tī Nâ-á-piⁿ, taⁿ goān Chú siu tī I nâ-á-lāi, hó-hó koán-kò͘ kàu tī I lâi.
