介紹部長
1954.12，no.792，pp.22
1. 推行部長賴炳烔，通講雖是無真通；佳哉部員個個猛，倍加運動的確成。
2. 財政部長吳可免，料理經濟最穩健；伊teh設法極kài 穩，免驚錢薄受虧損。
3. 連絡部長彌迪理，外國朋友滿滿是；伊會設法人協助，若著欠錢也有路。
4. 資料部長蘇天明，所接資料kài 才情；也有部員鬥設法，著用資料永免缺。
5. 訓育部長是林照，傳道牧會gâu 變竅；愛知實績看澎湖，受訓學生袂錯誤。
6. 傳道部長名戴反，這位就是特別選；伊會徛佇司令台，也會本身落去thâi。
7. 醫療部長蔡愛義，醫德高明人伶俐；醫療傳道若teh做，穩當予咱最可靠。
(以上)。
Kài-siāu pō͘-tiúⁿ
1954. 12, no. 792, pp. 22
1. Chhui-hêng pō͘-tiúⁿ Loā Péng-tông, Thang kóng sui-sī bô chin thong; Kai-chài pō͘-oân kô-kô béng, Poē-ka ūn-tōng tek-khak sêng.
2. Châi-chèng Pō͘-tiúⁿ Gô͘ Khó-bián, Liāu-lí keng-chè choè ún-kiān; I teh siat-hoat ke̍k kài ún, Bián kiaⁿ chîⁿ po̍h siū khui-sún.
3. Liân-lo̍k Pō͘-tiúⁿ Bí Te̍k-lí, Goā-kok pêng-iú moá-moá-sī; I ē siat-hoat lâng hia̍p-chō͘, Nā tio̍h khiàm chîⁿ iā ū lō͘.
4. Chu-liāu Pō͘-tiúⁿ So͘ Thian-bêng, Só͘ chiap chu-liāu kài châi-chêng; iā ū pō͘-oân tàu siat-hoat, Tio̍h iōng chu-liāu éng bián khoat.
5. Hùn-io̍k Pō͘-tiúⁿ sī Lîm Chiàu, Thoân-tō bo̍k-hoē gâu piàn-khiàu; ài chai si̍t-chek khoàⁿ Phêⁿ-ô͘, Siū-hùn ha̍k-seng boē chhò-gō͘.
6. Thoân-tō Pō͘-tiúⁿ miâ Tè Hoán, Chit uī chiū-sī te̍k-pia̍t soán; I ē khiā tī Su-lēng tâi, iā ē pún-sin lo̍h-khì thâi.
7. I-liâu Pō͘-tiúⁿ Chhoà ài-gī, I-tek ko-bêng lâng léng-lī; I-liâu thoân-tō nā teh chò, ún-tàng hō͘ lán choè khó-khò.
(Í-siōng).
