北中秋季中會。
1954.12，no.792，pp.10
台北中會第 3 屆秋季中會，佇10月18日上午 10點，有開佇新莊教會禮拜堂。議長用「基督徒的職份」做題領導眾議員開會。佇這pang 的開會感覺非常歡喜的一項，就是對開始到結束攏無有人早退，對頭到尾攏是遮的20外人teh saⁿ-kap想，chēng到今毋捌有按呢的景況，向望以後也會常常saⁿ激勵，照按呢的次序進行辦代誌。
佇本中會內有兩間的教會攏猶毋捌出席saⁿ-kap計畫，saⁿ-kap想，是本中會內的一个苦心佮不止teh數念，也特別為著為著這兩間教會，阮有特別派人勸勉愛in saⁿ-kap做工，siāng時也為著in開祈禱會，通對上帝的指示佮引chhoā。也聖經學院的獻金有真濟無交；逐人不止感覺-著使命，所以極力欲捐獻來盡所著盡的義務。這pang咱台灣教會也有得著真好的機會，通得著濟濟方面的刺激佮援助，以及培養。所以有得著這个「Ecumenical Scholarship」通對台灣的教會中得著一人通去美國讀冊。佇全台的各中會中通推薦人；所以本中會滿場一致，有推薦一人到佇籌備部會。向望佇將來會通有這款的好機會通閣較提高台灣教會的氣力。 |
