水底寮教會三慶。
1954.12，no.792，pp.16
佇10月25日，台灣光復的佳節，水底寮教會舉行設教20週年，升格堂會佮重修獻堂的慶祝會。得著高中議長歐進安牧師主禮；副議長邱天登牧師也出席。吳新輝先生司式，在地各界人士佮鄰右教會的參席，真盛況。特聘創設者蕭文德先生講演建設的經過佮苦心；黃樂祺先生講起到現在的歷史，經過鹹、酸、苦、汫，佳哉上帝閣復興伊的聖會。有十外位教會的祝歌。特別對有功者贈送禮品，到兩點才完。翕記念像，有真chheⁿ-chhau 的中食，大家心，身攏飽足來散會，真正是三慶的大節。感謝主，呵咾主。閣佇11月有欲開始枋寮的佈道所的工作。 |
