CHA̍P-LIO̍K

uī Chú hōng-hiàn

1955.08 tē 800 hō p.27-28

(Chiu Thian-lâi chok)

(Lô-má 12:1)

1. Chú Iâ-so͘ ah! Siàu-liām Lí chin-chiàⁿ thiàⁿ goá,

Siū tèng si̍p-kè, lóng sī uī goá choē-koà;

Ke̍k toā thiàⁿ-thàng! Sè-kan lóng bô thang pí-phēng,

Goá sim kám-kek, o-ló bô sî thêng.

2. Chú Iâ-so͘ ah! Sèng-pia̍t goá choè Lí khì-khū

Seng-khu, lêng-hûn, í-ki̍p it-chhè só͘ ū;

Tuì taⁿ í-āu, uī Lí êng-kng ê sèng-miâ,

Kam-goān hōng-hiàn, thàn Lí chí-ì lâi kiâⁿ.

3. Chú Iâ-so͘ ah! Chin choē lâng iáu m̄-bat Lí,

Goān Lí Sèng-sîn, kám-hoà kiò-chhíⁿ chí-sī,

Chān goá ta̍k uī, hó-táⁿ pò-iông Chú tō-lí,

ín-chhoā chèng-lâng, sìn Chú tâng hióng hok-khì.

(A-men).

Hù-kì:- Nā ài gîm chit siú si ê lâng, chhiáⁿ ēng chin chhut-miâ ê Im-ga̍k-ka Bēng Tek-sun (Felix Mendelssohn 1809-1847) só͘ choè ê khek, chiū-sī Chàn-bí-koa tē 14 siú ê tiāu lâi gîm; chóng-sī ta̍k chat tē-it choā tē-it jī ê "Chú"--jī tio̍h khan nn̄g im=(khan 3 pán poàⁿ) í-goā choân-pō͘ lóng sī chi̍t jī tuì chi̍t im lâi gîm.