Kiat-hun-sek chiok-koa

(Má-thài 19:6)

1956.06 tē 810 hō p.25

(Chiu Thian-lâi chok)

1. Chō-hoà ê Chú, tī goân khí-thâu,

Chhòng-chō it-lâm, it-lú;

Sī beh hō͘ in kiat-liân chi̍t-thé,

Phoè-ha̍p chiâⁿ-choè hu-hū:

Taⁿ, ū n̄g-lâng, tī Chú bīn-chêng,

Kiat-iok beh choè hu-chhe;

Goān Chú sù-hok,tī īn it-seng,

En̂g-kng kui Pē, Siōng-tè.

2. Chāi-chá Kiù-chú, thàn lâng hong-sio̍k,

Bat hù hun-in iân-sia̍h;

ēng chuí piàn chiú, pó͘ in put-chiok,

Saⁿ-kap kau-poê, lim-chia̍h:

Chhiáⁿ Chú Iâ-so͘, iû-goân kàng-lîm,

Chiok-hok kim-ji̍t tián-lé;

Chhiong-moá Sèng Sîn tī in ê sim,

Kú-tn̂g kàng-hok bô thè.

3. Kiû Chú chiok-hok, sin-hun hu-hū,

Chun-siú kim-ji̍t sè-iok;

Saⁿ-kèng, saⁿ-thiàⁿ, sūn-hok Kiù-chú,

ún-tàng oē tit khoài-lo̍k:

Goān Chú sî-siông, ín-chhoā chiàu-kò͘,

Siúⁿ-sù pêng-an, hoaⁿ-hí;

Chān in chīn-la̍t, kiâⁿ thiⁿ ê lō͘,

Eńg-oán hióng-siū hok-khì. A-men.

Hū-kì: Kiat-hun si chin put-chok, sī só͘ bat thiaⁿ-kìⁿ ê siaⁿ, tī chia chit siú thang ēng 107 siú ê tiāu gîm.