Kiat-hun ê Si (2)
1956 nî 8 goe̍h p.26

"Hun-in lâng-lâng tio̍h chun-tiōng" (Hi-pek-lâi 13:4)
1. khún-kiû Jîn-ài ê Thiⁿ-pē
Thiaⁿ goán o-ló kám-siā
chiok-hok sin-hun ê hu-chhe
tī Lí bīn-chêng teh khiā
hō͘ in chheng suí ê i-hok
hián-chhut jîn-ài bô͘-iūⁿ
thang éng-oán ho̍k-sāi Ki-tok
En̂g-kng Chú tī toē-chiūⁿ

2. sui ū pó-ge̍k ê tiâⁿ-hn̂g
nā bô jîn-ài lō͘-chuí
lâi lūn-tek tī hit tiong-ng
kiám ū sím-mi̍h un-huī
sui tiàm pi-bî ê chhù-the̍h
Ki-tok ê kng chiò--lâi
chiū tit khoài-lo̍k, bô khiàm-kheh
kám-siā Chú ê jîn-ài

3. khún-kiû jîn-ài ê Thiⁿ-pē
chiàu-kò͘ in kiâⁿ thiⁿ-lō͘
Hō͘ in hoaⁿ-hí pē si̍p-kè
saⁿ-thiàⁿ koh saⁿ hû-chō͘
pī-pān chiong-lâi tī thiⁿ--nih
chiâu-chn̂g jîn-ài, pêng-an
thang ji̍p êng-kng ê chhù-the̍h
hióng-siū hok-khì bô hān
A-men.
Hū-kì: chit siú si thang ēng Sèng-si 71 siú ê tiāu lâi gîm, in-uī goā-kok iā sī ēng chit ê tiāu, só͘-í bô pit-iàu koh ēng pa̍t khoán ê tiāu.