CHÚ-JI̍T-O̍H

Iâ-so͘ Lâi-le̍k-koa

Iâ-so͘ siū chhì (Má-thài 4:1-11).

1957.08 tē 824 hō p.23

(Toh Hêng-lī).

1. Chú Iâ-so͘ soé-lé āu,

Sèng Sîn suî-sî kàu,

Chhoā Chú kàu tī khòng-iá khì,

Tī hia tú-tio̍h Mô͘-kuí chhì.

2. Chú kìm-chia̍h toān ji̍t-si̍t,

Kè-kiōng sì-cha̍p ji̍t,

Choân-jiân bô chia̍h chin kan-khó͘,

Seng-khu iau-gō naih pak-tó͘.

3. Chú Iâ-so͘ pak-tó͘ iau,

Mô͘-kuí lâi khiâu-tiàu,

ài I lo̍h bāng siū bê-he̍k,

Mô͘-kuí lia̍h che chò sim-sek.

4. Thâu chi̍t kù chiū chhut-siaⁿ,

Nā-sī Siōng-tè Kiáⁿ,

Bēng-lēng chio̍h-thâu pìⁿ-chò piáⁿ,

Goá chiū sìn Lí chin ū iáⁿ.

5. Iâ-so͘ kóng, tī Sèng-keng,

Kì-chài chin-chiàⁿ bêng,

Lâng oa̍h m̄-nā oá-khò piáⁿ,

ài thiaⁿ Siōng-tè kóng ê siaⁿ.

6. Tē-jī pái kóng liáu-āu,

Mô͘-kuí koh-chài kàu,

Chhoā I ke̍k koân ê sèng-siâⁿ,

ài beh hō͘ I bô sìⁿ-miā.

7. Hō͘ Chú khiā tiān bé-liu,

ài I bē thang kiù,

Kiò I tuì chia thiàu--lo̍h-khì,

Siōng-tè ún-tàng oē pó-pì.

8. Tī Sèng-keng iā ū kì,

Chú beh hû-chhî lí,

Chhiáⁿ Lí kín-kín thiàu--lo̍h-khì,

Thiⁿ-sài hû Lí bô tāi-chì.

9. Iâ-so͘ kóng koh ū kì,

Bêng-bêng ū chí-sī,

Bo̍h-tit chhì Chú lí Siōng-tè,

Siōng-tè sī lán ê Thiⁿ-pē.

10. Tē-saⁿ pái bô hoat-tō͘,

Chiū oāⁿ pa̍t khoán lō͘,

Mô͘-kuí chhoā I chiūⁿ koân soaⁿ,

Bān-kok êng-kng pò Chú khoàⁿ.

11. Kā Chú kóng nā pài goá,

Pí che koh-khah toā,

Goá chiū lóng-chóng beh hō͘ Lí,

Hō͘ Lí toā-toā ū hok-khì.

12. Iâ-so͘ kóng, Sat-tàn thè,

Siogn7-tè m̄-sī ké,

Chin-sîn Siōng-tè lí tio̍h pài,

M̄-thang án-ni loān-loān lâi.

13. Tuì án-ni lóng bô hāu,

Mô͘-kuí chiū kín cháu,

Thiⁿ-sài it-chīn lóng chiâu kàu,

Hoaⁿ-hí ngiâ Chú liâ sū-hāu.