首頁
Languages 台文｜中文｜日本語｜English 字體 小 ｜ 中 ｜ 大
首頁 / 白話字數位典藏 / 祝禱的意義
祝禱的意義
卷期：第832號 本次： 日期：1958/4 刊名：台灣教會公報 頁數：11
篇名：祝禱的意義 [ Chiok-tó ê ì-gī ]
作者：許德謙 Khó͘ Tek-khiam
  顯示 : 漢羅 全羅 並列  

祝禱的意義

許德謙

1958年4月832期       11-12

 

  [許牧師是日本神學院的出身，教會報算是頭擺的執筆。總是因為伊勤學 虔敬，歷任屏東，斗六佮屏東 的和平教會，成績顯著，現任高中的議長，通講是教界 的中堅牧師。所寫本篇，若斟酌讀，就欲知影伊好的 學識佮信仰。]

 

    每聖日禮拜teh欲煞的時，吟siōng-êng 的詩了後，牧師祝禱講，「願咱大家得著主耶穌基督的 恩典，上帝的疼痛，聖神的相通，佮恁眾人佇teh。阿們。」然後會眾就散會。這个代誌每禮拜攏是按呢teh反覆直到代代。今這个祝禱有甚物意義？是只有做禮拜的結束，抑是禮拜煞一款的暗號抑毋是？

   我想毋是kan-ta禮拜的結束，閣較毋是禮拜煞的暗號。佇這个祝禱有深深的內容佮意義佇teh。咱著明白這个祝禱 的意義，較會幫贊咱的敬拜。

   佇聖經中最著現的 祝禱有兩位。佇舊約是民數記6：24-26；佇新約是哥林多前書13：14。這兩个祝禱不止有相對的所在，有表現三位一體的信仰

    舊約                              新約

    1、願耶和華賜福保護你-           願上帝的疼痛

    2、願耶和華予伊的面的光照你-   願主耶穌基督 的 恩典

    3、願耶和華的面看你賞賜你平安-  願聖神的相通

    原來猶太人真對重。佇以色列百姓中常常有祝福。In真看重這个。

    (1)佇家庭，家長佇伊的年老 的時祝福伊的囝兒(創世記27：27-29)。親像雅各共12 个囝祝福，抑是摩西共百姓祝福。

    (2)祭司佇聖殿共人祝福(利未記9：22，23)。亞倫kia̍h起手共百姓祝福。

    (3)咱的主耶穌共人祝福(路加24：50)。

    (4)使徒的 祝禱。保羅、彼得的書信的最後有祝禱(II 哥 13：14；羅馬15：33 II彼得3：18)。

今現在的教會牧師佇聚會最後kia̍h手祝禱是根據聖經來做的(利未記9：22，23)。這个毋是一種的禮數，閣較毋是集會完了的暗號。就是祈求三位一體的上帝的祝福，施恩，幫贊，引chhoā。我想至少有3項的意義。

1、祈求上帝的祝福佮保守。

  2、祈求上帝的施恩佇耶穌基督的 恩典。

  3、祈求上帝的神佮咱同在(以馬內利的事實)。

 總是是祈求三位一體的上帝的祝福佮保守。

I.祈求上帝的祝福佮保守。「我耶和華賜福你，保護你。」通佮「爸上帝的疼痛」相對。上帝會賜福保護伊的百姓。

咱知上帝選召以色列百姓是代先揀選亞伯蘭做伊的百姓。伊完全信上帝的祝福佮保守。上帝佮伊立約賜福伊濟濟 的福氣(創 17：1-14)。果然上帝的約束有實現，予亞伯蘭濟濟囝孫親像星抑是海沙袂算得。又閣救世主果然對伊的囝孫出。伊也有得著迦南大。今仔日上帝的 恩典普遍佇全世界，見若佮亞伯蘭siāng款的信心，上帝猶原欲賜福保守伊。

咱對信耶穌基督，會通得著爸上帝的疼。這就是上帝的祝福佮保守。

對上帝的囝耶穌基督咱得著赦罪，稱做義，永生的福氣。這也是上帝的祝福佮保守。上帝為著欲保守咱，有差聖神就是保惠師佮咱佇teh，teh引chhoā咱到世間的路尾。耶穌欲上天的時有吩咐學生著去普天下傳福音，也有應允日日欲佮in佇teh，到世間的路尾(馬太28：19，20)。

人若有深信上帝的話，就會得著伊的祝福。親像雅各佇伯特利祈求上帝，得著祝福。

伊佇母舅拉班的厝欲轉來到佇Ngá-po̍k 的渡頭，忽然拄著天使佮伊相ián ，天使siàn伊的大腿臼，雅各毋放伊去，講若無共我祝福，毋放你去。路尾天使共伊祝福，也共伊換名叫做以色列。親像按呢，天爸上帝的祝福佮保守，對古早到現在無變換。願咱會通倚靠耶穌基督的 恩典來祈求上帝的祝福佮保守，會通得著上帝的疼。

                                                         (未完)
數位典藏國家型科技計劃
拓展台灣數位典藏計畫
版權所有 國立台灣師範大學 台灣文化及語言文學研究所©2008
10610 台北市和平東路一段162號│TEL 02-7734-5516│Fax 02-2358-2461