「管家」是甚物？
What is a steward？
江萬里
(接前月號第 11面)
1958年8月836期 15
第 3个責任是著尊重主人的旨意。雖然主人所命令著愛投資的事業，管家的人看做毋好也是著順趁；因為做主人有全權，總是若是無利益，管家的人毋免負責任。因為做管家的人著愛尊重主人的旨意，毋通自專，照家己的意思。主人若無特別的命令，做管家的就著盡伊所會的氣應用所交託伊的，通予主人得著第一大的利益。
第 4面責任是著準備通算數予伊的主人來清算伊所受交託的一切。
第 5面責任，做管家的著愛盡忠對佇管理佮應用。管家的毋是用伊所會通得著的利益來確定伊有盡忠抑無，是看伊有盡伊所會去做抑無來確定。佇馬太25：20─23，領5 千的來，閣toà 5 千......領兩千的也來，我有趁兩千。雖然趁的數字是無仝，iáu-kú主人平平叫in兩來好閣盡忠的奴僕。彼个根本是你有照主人所吩咐的去做抑無。親像保羅所講的，「閣所向望的佇管家的是愛得伊盡忠。」(哥林多前書4：2)
傳教者是上帝的教會的管家─人著掠阮做基督的差用，做上帝遮个奧妙的管家(哥林多前書4：1)因為監督著無通嫌，親像上帝的管家(提多1：7)。
基督徒是上帝的管家，欲將所受交託的恩典分予世間的人。逐人照所受的恩賜相服事，做上帝百般恩典的管家。(彼得前書4：10)。 |
