CHA̍P-LIO̍K

Chú Iâ-so͘ ê Ho͘-siaⁿ

(Iok-hān 14:18)

1959.04 tē 844 hō p.24

(K. Nagasaka chok, Chiu Thian-lâi e̍k).

1. It-ti̍t kiaⁿ--khì, it-ti̍t kiâⁿ--khì,

Chí-ū khòng-iá, soa-po͘;

Sì-bīn khoàⁿ bô lō͘ ê só͘-chāi,

Ka-kī chi̍t-lâng bê-lō;

Goá ū thiaⁿ-kìⁿ, chin soè ê siaⁿ,

Tī sin-piⁿ ná kūn-oá;

Tio̍h-boâ ià-siān, goá ê pêng-iú,

Lí tio̍h lâi chiū-kūn goá.

2. Chin-chiàⁿ iām-jia̍t khòng-iá, soa-po͘,

Thǹg chhiah-kha, chin thàng-thiàⁿ;

Goá chin chhuì-ta tī chit sî-chūn,

Í-keng beh bô sìⁿ-miāⁿ;

Goá ū thiaⁿ-kìⁿ un-jiû siaⁿ-seh,

Chin hó-thiaⁿ ê siaⁿ-im;

oa̍h-miā chuí-goân, sī chāi tī goá,

Lí tio̍h kín-kín lâi lim.

3. Siūⁿ beh tńg-khì, chóng-sī bô chhù,

ià-siān bô la̍t, sit-chì;

Bô só͘ ǹg-bāng, goá ê chi̍t-sin,

Chí-ū kiû sí jî-í;

Goá ū thiaⁿ-kíⁿ ū la̍t ê siaⁿ,

Chin an-ún koh chū-chāi;

Thiⁿ-pē Siōng-tè, chì hó ê ke,

Lí tio̍h kín kín tńg-lâi. A-men.

Hù-kì: Chit siú si sī tuì Ji̍t-pún ê sin Chàn-bí-koa 244 siú hoan-e̍k--ê, kū-pán bô; chok-si-chiá sī Nagasaka, Kanjirō (1871-1952); chok-khek-chiá sī Koyama, Shōzō (1930-). Lán bat thiaⁿ-kìⁿ kóng, "Ū lō͘, bô chhù;"nā-sī pún-si chok-chiá ê sim-chêng sī "Bô lō͘, iā bô chhù;"chí-ū thiaⁿ-kìⁿ Chú Iâ-so͘ ê ho͘-siaⁿ kóng, "Lí tio̍h lâi chiū-kūn Goá."