首頁
Languages 台文｜中文｜日本語｜English 字體 小 ｜ 中 ｜ 大
首頁 / 白話字數位典藏 / 研究 信仰偉人林肯大統領
研究 信仰偉人林肯大統領
卷期：第847號 本次： 日期：1959/7 刊名：台灣教會公報 頁數：13
篇名：研究 信仰偉人林肯大統領 [ Gián-kiù Sìn-gióng uí-jîn Lîm Khéng Tāi-thóng-léng ]
作者：Khó͘ Chuí-lō͘ Khó͘ Chuí-lō͘
  顯示 : 漢羅 全羅 並列  

信仰偉人林肯大統領
Abraham Lincoln (A. D. 1809-1865)
Khó͘ Chuí-lō͘
1959年7月847期 p.13-14
1.伊的出世佮父母。
伊佇主後1809年出世佇美國的Kiàn-ta̍t-ki州（Kentucky）的Hā-tiān郡（Hadin），極偏僻的草地。伊的老父名叫多馬林肯（Thomas Lincoln）是一个樸實散鄉的作穡人。伊的生母名叫Lân-chí Hán-su，真熱心的女信徒。亞伯拉罕林肯細漢的時，就教伊道理，讀聖經，做禮拜，讀天路歷程佮其餘的宗教冊予伊聽。也紲教伊著讀，著祈禱。親像聖保羅講，毋通放拺聚會（希伯來10:25）。著大家相眷顧，來激起仁愛佮行好（希伯來 10:24）。這句話來成做林肯奴隸解放的動機。感謝主有好閣熱心的老母，才會做就偉大信仰的偉人。
2.伊的少年時代。
1)伊幼年的時生母過身。
伊的生母欲過身的時有將一本聖經佮天路歷程留予林肯，共伊講，「所疼的囝亞伯拉罕林肯，你著乖乖聽阿pa的教示，兄弟著和好，著日日讀這本聖經佮天路歷程，著祈禱，才會得著上主的祝福，才會做偉大的人物。阿母代先你去天父遐，你毋免煩惱，別日欲佇天裡相見。」林肯一生將遮的話刻佇心裡，照老母的遺言來行。
(2)伊10歲的時老母死，留伊佮12歲的撒拉佮一个表兄Teng-ni-su Hán-khek-sū（Deⁿis Hanks），佮老父，真無聊。踮佇草地山間teh生活。
3)為著家庭散chiah，只有讀11個月的小學。
4)1819年11月，伊的老父閣娶一个老母閣兩个查某囡仔佮一个查甫囝來。後母也kah真濟ke-si物件來。對按呢in的家庭有較好過，較燒lō。
5)後母名叫撒拉Pō͘-sū（Bush），真熱心信主，真gâu的婦jîn人，gâu治家教囝，無偏愛。
6)後母真gâu同情林肯，真疼伊，看伊teh讀聖經佮天路歷程伊真歡喜，常常獎勵伊，替伊祈禱。有好的生母也有好的後母，實在林肯，Teng-nî-sū，撒拉3个孤兒真受安，真快樂。
3.伊的青年時代。
1)伊21歲受倩去隔壁莊個工，所趁的錢老父攏共伊提去用。伊無錢通讀冊，也無通買冊，著苦學讀冊。
2)伊有堅定的志氣，有正直，有手腕，有謙卑，有疼心，有勇敢硬氣，逐人尊敬伊。
3)佇1830年，in全家搬來I-lē-lo̍k-su（Illinois）的Tek-ka-thû（Decatur）城裡蹛。伊就離開老父的家去別位趁食。
4.伊家已有積錢買土地做自耕農。
4.伊立志做政治家。
1)伊兩擺到新O-lū-an（New Oreluan），看著奴才買賣伊的心真艱苦。伊立志求上帝幫贊伊，有一日會通救遮的烏面人，廢止奴隸制度。
2)後來伊佇新Sa-lé-him（New Salem）佮朋友公家做生理。
3)後來做郵便局長，也做測量師。
4)苦學考律師。得著上主的施恩有合格律師。
5)伊佇1834年佇スブリングフイールド開業律師。
6)彼時伊極力主張奴隸廢止論。得著大家的稱讚，得保守黨的推薦競選做議員。對按呢伊做出名的政治家，大家尊敬伊。
7)伊一任的議員做了欲辭的時，人毋予伊辭，閣當選第二任的議員的時，名聲真tháu，就娶jîn人。
5.伊當選美國第17代的大統領。
1)彼時イリノイ選出的議員ダグラス主張奴隸存置論。亞伯拉罕林肯議員主張奴隸廢止論。對按呢起摩擦。
2)對按呢林肯組織共和黨來抵抗ユニオン參加諸州的奴隸存置制度。
3)林肯做共和黨的指導者（領袖）佇1858年佮反對者ダグラス鬥爭。林肯忠實到尾得勝。
4)伊佇1860年政局急變的時，受共和黨推薦當選美國第16代的大統領。
5)伊極力主張奴隸制度是罪惡，所以當選做第16代的大統領，伊極力廢止奴隸制度。
6)後來反對者不滿紲生起南北戰爭，四年久的戰爭，真厲害。南北戰爭中1862年的年尾，伊將北軍支配下的烏人全部解放，大多數將遐的烏人編入做軍隊。
7)戰爭進行中，兩爿感覺真艱苦真siān，到1864年大統領欲再選舉的時欲到，伊決心欲收拾時局。彼中間1865年4月，南部的勇將李將軍投降。
8)1865年4月14日林肯大統領受惡漢暗殺，4月15日別世。因為南部的勇將李將軍投降。林肯無欲報怨。伊佇4月14日欲參加內閣的會議，欲提出寬待的意見來收拾時局，發表意見後，欲去戲場，予一个無賴漢共伊扑死，隔日4月15日林肯大統領奴隸廢止者，烏人的解放恩人，信仰偉人林肯享壽56歲來離開世間。總是伊的博愛，雄辯，思想，解放的精神猶佇teh。
數位典藏國家型科技計劃
拓展台灣數位典藏計畫
版權所有 國立台灣師範大學 台灣文化及語言文學研究所©2008
10610 台北市和平東路一段162號│TEL 02-7734-5516│Fax 02-2358-2461