It-seng chàn-bí Chú
Si-phian 104:33
1959.08 tē 848 hō p.25
(Chiu Thian-lâi chok)
1. Goá sìn Iâ-so͘ choè Kiù-chú,
Sim chiū khoài-lo̍k, ti̍t pêng-an;
Kám-siā Chú ê toā jîn-ài,
O-ló Chú, kiù-un bô hān.
2. Goá jīn Siōng-tè choè Thiⁿ Pē,
Hiaⁿ-tī chí-bē, saⁿ kau-poê;
Tāi-ke gîm-si, o-ló Chú,
Kiat-liân tī Chú ê sèng-hoē.
3. Chú ê peh-siⁿ, tio̍h hoaⁿ-hí,
Sêng-sim kèng-pài, ho̍k-sāi I;
Goá beh it-seng o-ló Chú,
En̂g-kng Siōng-tè, tit hok-khì.
4. Goān Chú Sèng Sîn ín-chhoā goá,
Kiâⁿ thiⁿ-lō͘ hiòng-chêng, bô thè;
Gîm-si chhiùⁿ-koa bô sî soah,
Ti̍t-kàu chó͘-ke kìⁿ Thiⁿ Pē.
A-men.
●Hū-kì:- Chhiáⁿ ēng Sèng-si 271 siú ê tiāu (chiū-sī sin-nî teh gîm ê si), chit ê tiāu chin hoa̍t-phoat koh hó thiaⁿ, á-sī nā ū lâng oē thang lēng-goā chò sin tiāu lâi hô iā sī chin hoan-gêng.
