An-uì
1960年5月857期 7
Tī goán ko͘-toaⁿ ê sî Chú tī-teh.
Tī goán iā phû-tô siu chhì-phè,
iā jîn-ài siu oàn-hūn ê sî, Chú tī-teh.
Tī goā-bīn ū guî-hiám,
Tī lāi-bīn ū kiaⁿ ê sî, Chú tī-teh.
Tī bû-hoa-kó chhiū bô kiat koé- chí,
Ka-ná chhiū iā bô siu-sêng,
Tiâu-lāi bô poàⁿ-chiah iûⁿ,
Gû-tiâu iā bô gû ê sî, Chú tī-teh.
Tī goán ê hoaⁿ-hí pìⁿ-choè pi-ai,
Khoài-lo̍k pìⁿ-choè thó͘-khuì,
Sêng-kong pìⁿ-choè sit-pāi,
ǹg-bāng pìⁿ-choè choa̍t-bāng ê sî, Chú tī-teh.
Chú! Kám-siā Lí, in-uī Lí kóng, "Goá beh kiù lí tī 6 pái ê hoān-lān, chiū nā 7 pái chai-hāi iā bô kha̍p tio̍h lí."
Chú! Kiû Lí pó-siú pún-īⁿ kap 18 bān ê soaⁿ-pau, hō͘ goán pîⁿ-pîⁿ tit-tio̍h Lí ê un-tián kap chin-lí.
Chek-hoa̍t kap sià bián,
Sím-phoàⁿ kap chín-kiù. A-men.
(Ko Chùn-bêng pò)
