Ji̍t-pún Tiông-kiā chhī ū chi̍t keng Hok-im Lō͘-tek kàu-hoē, tuì kin-nî 4 ge̍h khì khai-hòng i ê lé-pài-tn̂g choè lô-tōng-chiá hioh tiong-tàu ê só͘-chāi.
In tuì siōng-ngó͘ 11:30 kàu hā-ngó͘ 1:30 khui kàu-hoē ê toā-mn̂g, chún-pī chióng-chióng ê chiat-bo̍k hō͘ hiah ê tī hū-kūn kang-chhiúⁿ teh choè-kang ê lô-tōng-chiá hióng-siū khoài-lo̍k ê tiong-ngó͘.
Chiat-bo̍k hun-choè 3 pō͘-bûn: ē-kha chàn sī pài-tn̂g, tī chia ū 15 hun ê lé-pài, āu-lâi ū im-ga̍k ê him-sióng, ū ha̍p-chhiùⁿ ê liān-si̍p, sió chū-hoē téng. jī kai sī tha-tha-mih, tī chia thang khùn tiong-tàu, kiâⁿ-kî, tha̍k-chheh, chia̍h-tê téng. Chhù-téng sī pîⁿ--ê, tī chia thang pha̍k-ji̍t, á-sī choè tâm-lūn téng, kok chiàu ta̍k-lâng ê hèng-chhù soán-te̍k.
