[1968-7 台灣教會公報 文類-散文 作者-鄭連坤/Tīⁿ Liân-khun]
著揀好的份額（路加10：38-42） [ Tio̍h kéng hó ê hūn-gia̍h（Lō͘-ka 10:38-42） ]
聖經講解 2.著揀好的份額（路加10：38-42） 鄭連坤 1968.07.15 1034號P.6~p.8 路加福音段的記者路加佇序言的所在捌講，「我已經對起頭siōng-sè chha-khó攏總的事，就想著照次序寫伊」（1：3）。咱若注意讀路加福音段就會知，伊實在有照次序編排。因為伊咧安排記事不時有勸這個意思，所以彼個前後關係常常比別本的福音段較有意義佇咧。閣一項路加有得著真濟別的福音書記者所無得著的材料。親像9：51起到18：14叫做「路加的旅行記」（省略稱做「L」）。今咱今仔日所欲研究這段的聖經chām就是這個「L」的一部分。佇遮代先來看路加怎樣照次序咧安排這chām的...

[1968-3 台灣教會公報 文類-散文 作者-宋泉盛/Sòng Choân-sēng]
神學教育的宣揚使命 [ Sîn-ha̍k kàu-io̍k ê soan-iông sù-bēng ]
神學教育的宣揚使命 宋泉盛 1968.03.15 1026號P.3~P.5 台南神學院的每年的紀念日對本院的師生，也我相信對咱教會的兄姊，毋bat一擺隨隨便便過去。一方面這个是阮對心底感謝的機會。阮若看著上帝怎樣teh用阮真無完全，真頇顢，真愚戇chiah的器具teh做伊宣揚福音的工作的時陣，阮實在有滿心的感謝。實在上帝的恩典盤過人的愚戇佮欠缺，上帝的氣力贏過人的軟弱佮頇顢。阮的感謝常時是為著咱教會全體同信的兄弟姊妹的不斷支持佮援助。恁大家出佇疼主的心，替阮祈禱，替阮準備金錢，予阮會通繼續教會所交代阮的工作。台南神學院是咱教會的，因為這是上帝通過咱的教會設立欲來養成佮訓練合佇這个...

[1968-10 台灣教會公報 文類-散文 作者-陳添登/Tân Thiam-teng]
完整的文字傳道機構 [ Oân-chéng ê bûn-jī thoân-tō ki-kò͘ ]
完整的文字傳播機構 --佇文字傳道紀念日-- 陳添登 1968.10.01 1039號P.3-4 每年10月第2禮拜是「世界文字傳道紀念日。」若是這日真少教會有特別做記念；也真少人知伊的由來佮意義是怎樣？可見台灣教會對文字傳道的關心猶真薄。 這个責任當然代先歸佇阮從事佇文字工作的人的頂面；因為無夠額努力予大家關心。總是咱總會全體對文字傳道較無感覺伊的重要性也是事實。這對兩方面通檢討：1)總會內別的機關－學校，學院，病院攏有伊的紀念日，各教會為著in祈禱紲獻金，(遮的所得的外援是百萬計)。若是真少教會佇文字傳道紀念日來代禱，自然總會也猶未規定著為著文字傳道來獻金。檢采是因為無獻...

[1968-6 台灣教會公報 文類-散文 作者-陳添登/Tân Thiam-teng]
得救的人日日加添 [ Tit-kiù ê lâng ji̍t-ji̍t ke-thiⁿ1 ]
得救的人日日加添 行傳2：43-47 陳添登 1968.06.30 1032號P.6~p.8 最近有機會佮嘉義中會的中委巡迴探訪教會，佮傳教者以及長執座談聽各教會的事前佮欠缺。大多數的教會同聲異口講，「毋知怎樣才會加添人額......」特別農村的教會青年外流，優秀的信徒一號一號搬走，會友日日咧減少，實在有僫得講出的苦痛。欲怎樣打開農村教會的難題？切實感覺「得救的人日日加添」的需要。 得救的人日日加添，教會就毋免掛慮人才的外流，因為有加添新的信徒；也毋免掛慮經濟的問題，因為會友看著「人額加添」獻金就較踴躍，閣新的會友也會奉獻；亦毋免掛慮無甚物活動，因為予「得救的人日日加添」就是...

[1968-5 台灣教會公報 文類-散文 作者-陳添登/Tân Thiam-teng]
編者的請安 [ Phian-chiá ê chhéng-an ]
編者的請安 陳添登 1968.05.01 1029號P.18 恭敬請安敬愛的讀者。本人對4月起受交代擔當本報的兼主筆，對這期起佮各位相見面，此後請常常指教佮代禱。 過去教會公報有久長的歷史佮輝煌的貢獻，82年久不斷teh報教會內外的消息；集教界名流寫作發表，來培養信徒的靈性；傳達信仰佮智識，造就教會信徒等......通講公報是台灣教會的歷史，也是過去信仰思想的寶庫。 光復後隨著教會廣闊；事工進展，教會公報所負擔的責任ná重大，時代所要求的是佈道愛緊，範圍著闊，致到一月日一期的白話字公報已經未應付時代的需要。經過淡薄的演變，現在本社所發行的是國文的榮光報半月刊。董事會也有決...

[1968-12 台灣教會公報 文類-散文 作者-胡茂生/Ô͘ Bō͘-seng]
星馬短期傳道報告 [ Seng má toé-kî thoân-tō pò-kò ]
星馬短期傳道報告 胡茂生 1968.12.01 1043-1044合刊號P.27 本人真光榮，受海外宣道會派遣，去到馬來西亞做短期的傳道工作。遵照海宣的命令，佇遮做紙面的報告。 本來這回有訂佮歐進安牧師做夥去，因為伊私人的都合紲袂赴。我是佇6月綴出發27日到泰國的萬國，29日到新加坡。佇星馬共兩告月閣10日。得著上主的引chhoā，這中間攏平安，大小主領89擺的聚會；只有3日的歇睏若定。 親像咱有鼓舞倍加運動，星馬長老會也咧提倡「5運」。今年是拄「5運」的第2屆第3年，主題是「活的基督」，中心下佇「平信徒的訓練」。所以我佇遐的工作較濟是赴in的講習會講演佮培靈。 以下將星馬...

[1968-8 台灣教會公報 文類-散文 作者-蘇天明/So͘ Thian-bêng]
祈禱的動員 [ Kî-tó ê tōng-oân ]
祈禱的動員 蘇天明 1968.08.01 1035號P.3~p.4 祈禱是教會復興的原動力，逐個時代的教會復興攏是對祈禱開始。耶穌上天後使徒第一個工作毋是組織，行政，研究，協議，in代先對祈禱做去，所以若無重視祈禱的教會，就無有屬靈的長大。 1. 祈禱的厝。 新約中有記載6個馬利亞，就是主耶穌的老母馬利亞（路加1：17），抹大拉的馬利亞（路加1：2），馬大的姊妹馬利亞（路加10：39），小雅各佮約西的老母馬利亞（馬可15：40），革羅霸的某馬利亞（約翰19：25），馬可的老母馬利亞（使徒行傳12：12），佇羅馬一個基督徒叫做馬利亞（羅馬16：6）。 佇遮所講的馬利亞是Ku-...

[1968-8 台灣教會公報 文類-散文 作者-蘇天明/So͘ Thian-bêng]
今日的公報社 [ Kim-ji̍t ê kong-pò-siā ]
今日公報社 蘇天明 1968.08.15 1036號P.3~p.4 公報社這個名佇台灣教會史已經有84年的歷史。過去做台灣教會屬靈刊物的供應中心。現時佇大都市有各教派的文字中心，所以公報社佮所有的文字中心成做同工來供應教會佮信徒的欠用。現時做重視的工作有幾項。 1. 鼓勵讀聖經：以前聖經公會佇台灣的工作，攏是交代公報社一手包辦；現時聖經公會佇台灣有辦事厝，家己直接辨理業務，所以公報社毋但是推銷聖經，應該著出版較濟種鼓勵信徒讀聖經的小冊。 2. 宗教音樂的冊：現時教會的音樂水準亦不止進步，濟濟青年人唱聖詩以外，猶過愛唱別款的詩歌。對佇聖歌隊的合唱曲，學生的聚會愛...

[1968-10 台灣教會公報 文類-散文 作者-許德謙/Khó͘ Tek-khiam]
介紹艋舺教會伉儷團契 [ Kài-siāu Báng-kah kàu-hoē khòng-lē thoân-khè ]
介紹艋舺教會伉儷團契 許德謙 1968.10.15 1040號P.14-15 台灣教會進入宣教第2世紀，有娠世紀宣教運動咧革新會，也有幾若款的團契咧培養教育信徒的生活。T.K.C.，少年團契，兄弟團契，女宣道會(姊妹團契)，學生團契等佇各階層咧活動，真感謝。不過佇基督化家庭的強化，有需要夫婦同心的「伉儷」團契。因為爸母若無一致有好的信仰佮領導，袂通幫贊子女的生活，就生出問題青年。尤其是當今的時勢邪惡，社會道德腐敗，家庭夫婦發生濟濟問題，離婚的風氣來那濟，夫婦若無好的信仰，袂通建設基督化的家庭。 針對這方面的需要台北艋舺教會的伉儷團契值得予咱通注意看齊in的活動。該會戴伯福牧...

[1968-6 台灣教會公報 文類-散文 作者-許德謙/Khó͘ Tek-khiam]
聖神就是保惠師 [ Sèng sîn chiū-sī Pó-huī-su ]
聖神就是保惠師 許德謙 約翰14：15-16 1968.06.01 1031號P.3~P.5 主耶穌講，「恁若疼我，就欲守我的命令，我亦欲對爸求，就伊欲用閣一個保惠師予恁，予伊永遠佮恁蹛；就是真理的神」 聖神降臨節就是教會的生日。主耶穌有應允學生講，伊若去，欲差聖神就是保惠師，真理的神來佮恁蹛。果然耶穌上天了後五旬節聖神降臨佇in的身上。當學生佮信主的人約略120人聚集同心專務祈禱的時，聖神降臨，予in有能力通見證主的閣活，也會行濟濟的神蹟；信的人加添，教會成立。 Taⁿ聖神是甚物？五旬節聖神降臨的以前，舊約的時代kiám無聖神？舊約的聖神新約的聖神有像款仔無？聖神佮現...

[1966-8 台灣教會公報 文類-傳記 作者-林照/Lîm Chiàu]
故林蕭勤ê 略傳 [ Kò Lim siau-khûn ê lio̍k-toān ]
故林蕭勤ê 略傳林照1966.08.15 P.14-15 蕭勤女士是彰化縣 田中央 tok-nái-潭 ê人。老父叫做蕭Hin-siông，是早前田中央教會ê長老。 蕭長老自細漢就真聰明，有去台北讀醫學校到中途，因為家庭關係轉來厝-nih 開運送店幫贊家庭。 蕭勤女士是伊ê長女， 自細漢就真乖 koh真聰明， 19 歲畢業彰化高等女學校，是這間學校第二屆 ê畢業生。做學生ê時代就真熱心tī教會ê工，得tio̍h當時田中教會ê牧師盧賞ê介紹，就tuì牧師娘學風琴到高女畢業了， 20 歲就kap我本人結婚， hit時tú好是1926年3月31號，所在是tī我ê故鄉Tn̄g-poe̍...

[1968-11 台灣教會公報 文類-散文 作者-王英世/Ông Eng-sè]
介紹儲蓄互助社 [ Kài-siāu Thû-thiok Hō͘-chō͘-siā ]
介紹儲蓄互助社 王英世 1968.11.01 1041號P.10-14 新宣農傳年所著推行重要事工的一項，就是儲蓄互助社的設置。請王Eng-sè牧師詳細來介紹。 主筆陳添登(Thiam-teng)牧師愛我寫淡薄關係「儲蓄互助社的內容」落佇教會公報。事實我毋是專家，因為張Hûn-gím牧師去外國深造，所以無牛駛馬來答應主筆的要求。 普通民間咧流行的「會仔」抑是「合會」「農會」「銀行」的儲蓄，咱大家攏真熟；總是「儲蓄互助社」(以下簡稱互助社)這个運動佇台灣才有4年外的歷史，所以猶有真濟人全然攏毋捌聽見，也毋知彼个好處。常常會聽見予人倒錢，仔是講散赤人毋敢行到銀行寄錢。...

[1968-9 台灣教會公報 文類-散文 作者-莊丁昌/Chng Teng-chhiong]
傳教師總會有必要嗎？ [ Thoân-kàu-su Chóng-hoē ū pit-iàu mah? ]
傳教師總會有必要嘛？ 莊丁昌 1968.09.15 1038號P.3～P.4 全省傳教師靈修會拄佇9月9日到13日佇金山開會中，一年一擺的傳教師會，有人講真好；有人講是傳教師的慰勞，消遣；有人嫌會費較重。佇遮請莊牧師來分析過去的特色紲提供對將來的希望。 －編者－ 當我等日收著今年傳教師總會的通知書的時，我隨時看著這幫的主題登做：「時代工人的諸問題」，閣看著今年的專題演講的講題也攏真合佇實際上的需要，講員的陣容也真好，我真意愛，決定欲報名參加。 公報愛我發表我對傳教師總會的ngó͘見，愛我分析伊的得失。叫我分析，我卻是袂曉。我愛將我所知的講予大家做參考。 佇過去，傳總是外國...

[1968-2 台灣教會公報 文類-散文 作者-黃章輝/N̂g Chiong-hui]
黃章輝牧師的請安 [ N̂g Chiong-hui Bo̍k-su ê chhéng-an ]
黃章輝牧師的請安 1968.02.15 1024號P.5~P.5 致敬佮請安佇主內敬愛的議長佮列位牧長。接著總幹事的批，愛我寫幾字請安大家，感覺光榮佮歡喜。離開故鄉已經2年外久，總是時常數念諸位主內同工，亦時常為著咱的教會祈禱。 聽著敬愛的同工，為著咱的主佮伊的教會的奮鬥，亦感激亦歡喜。願疼痛的主佮恁大家佇teh，引chhoā保守恁佮咱的教會。 特別聽著咱所祈禱teh期待的新世紀宣教運動taⁿ teh欲開始，閣較感激，閣較歡喜，願五旬節的聖神臨到諸位敬愛的同工佮咱的教會，激勵強壯恁，予恁所計劃所做的攏歸榮光咱佇天裡的父，亦講闊伊的國佇咱所疼的台灣，亦直到地極。主已經有祝福咱以前...

[1967-12 台灣教會公報 文類-散文 作者-Ló-hu/Ló-hu]
讀「咱的白話字」所感 [ THA̍K “LÁN Ê PE̍H-OĒ-JĪ” SÓ͘ KÁM ]
讀「咱的白話字」所感1967.12 第1019， 1020號 p.17-18Ló-hu舊事重提，再論白話字的重要性。佇幾年前已經有強調teh呼籲講， 白話字毋通廢；毋過最近事實上是漸漸teh荒廢的款。雖然有真濟因素teh受影響，總是相信白話字猶原會繼續存在，咱愛共同來努力維持。咱知，日人時代，用同化政策強制統一台灣的時，咱都攏認定白話字是咱教會需要的文字，所以保存到今。論白話字對咱台灣基督教會來看，是文化的功臣，對教會的建立是有真大的幫贊力量。台灣初代教會的時，捌字的人真少，佳哉對捌白話字會讀聖經，會吟詩，通遍傳道理佇各地方，來興起教會佇逐所在。白話字的貢獻也有教會公報，有以外的刊物抑是冊，其...

[1968-7 台灣教會公報 文類-傳記 作者-鄭兒玉/Tēⁿ Jî-gio̍k]
故宋泉龍長老五年忌 [ Kò͘ Sòng Chông-liông Tiúⁿ-ló 5 nî kī ]
故宋泉龍長老五年忌 鄭兒玉 1968.07.01 1033號P.17 宋泉龍先生佇主後1963年7月17日受忽然的災害來過身，已經滿5年lah。回顧當時的情形，猶過予咱的心會酸，到今猶過感覺毋甘。 伊雖罔已經去世5年久，伊的做人，信仰佮工作值得咱數念，所以筆者才kia̍h筆來寫幾句，不但予咱通追念若定，也對伊的人生予咱看會得通得著濟少的勉勵佮教示仔袂。 我這霎將伊生涯的經過寫佇遮，佇一項的中間來看出伊的做人。以及伊對教會佮社會的貢獻。 泉龍佇主後1923年（民國12年，大正12年）11月5日出世佇台南做宋水琴佮吳Chìn-tī 女士的第4查埔囝。伊的爸母得主照顧...

[1968-4 台灣教會公報 文類-詩 作者-鄭兒玉/Tēⁿ Jî-gio̍k]
世上的光，地上的鹽 [ Sè siōng ê kng, tē siōng ê iâm ]
世上的光，地上的鹽 鄭兒玉 作詞 駱維道 作曲 1968.04.15 1028號 P.18 主你交代我工程，我盡力teh拍拚， 若是這世間聲音，過頭濟攪擾心， 彼時我心愛定定，集中注神來聽 對日日著做工程，主teh指示的聲。 Taⁿ我佇工作中間，驚了只趁世間， 雖無嫌境遇艱苦，著為生活奔波， 懇求天父伸)聖手，扶持免受引誘， 予我佇無閒中間，也khîⁿ-tiâu主平安。 世間生活無單純，容易跋落沉淪， 有時明知是不義，iáu-kú學得閃避， 有時權勢逼我行，辜負我主尊名， 願我勇敢佮清廉，成做世間光，鹽。 社會辦事ná複雜...

[1966-9 台灣教會公報 文類-小說 作者-拾穗生/-]
故事:盡忠有義ê動物 [ KÒ͘-SŪ: Chīn-tiong ū gī ê tōng-bu̍t ]
故事:盡忠有義ê動物拾穗生1966。09。15拾麥穗第23期 P。1-2 盡忠koh有義ê動物古早有一個人，無偌濟錢，用chhun淡薄就出去四界行。到一個庄社，看見一群 ê 囡仔圍tī hia hoā-hoā-叫，就oá-去看， hiah-ê 囡仔掠一隻細隻老鼠(月鼠) teh 創治 hō͘伊跳舞，你看， koh會跳舞，真心適。伊看了可憐叫in m̄-thang án-ni，放伊去，我chiah錢hō͘ 恁，真正錢hō͘ in， in就kā放去， hit隻老鼠phe命走nǹg tuì老鼠孔入去。這個人就koh行到別ê鄉社，看hiah-ê 囡仔掠一隻猴，勉強伊親像人兩腳khiā起來跳舞，跳到喘...

[1966-8 台灣教會公報 文類-小說 作者-拾穗生/-]
故事：黃金ê鳥 [ KÒ͘-SŪ: N̂g-kim ê chiáu ]
故事：黃金ê鳥 古早一個皇帝，王宮ê後壁有真suí ê花園， 埕nih有一叢蘋果樹，所生ê 蘋果是黃金，到成熟(大粒)就過算。隔早起就減一粒，有人將這個代誌kā皇帝講：皇帝吩咐逐暝tio̍h派人tiàm樹腳顧。皇帝有三個後生，皇帝叫大後生去顧，到半暝真愛睏，無睏tòng boē tiâu，隔早起kā算，又koh減一粒。 第二暗，叫第二ê去顧，無法度，時鐘kòng 12 ē，猶原是睏去，天光又koh 減一粒。 這擺輪到第三個，總是皇帝無信用伊，想講話比伊兩個兄哥khah失敗(害)，總是hō͘伊試看。 第三個就倒tiàm樹腳，目睭金金tìⁿ m̄ hō͘伊睏。 Tân 12點ê時，聽見空中有sà...

[1966-6 台灣教會公報 文類-小說 作者-拾穗生/-]
故事:水雞變皇帝 [ KÒ͘-SŪ:Suí-koe pìⁿ Hông-tè ]
故事：水雞變皇帝 古早古早有一個皇帝，伊ê 查某囝攏真suí其中soah尾查某囝第一suí。 宮城ê附近有一個真暗ê大樹林，樹林內有一叢真老古樹菩提樹（菩提樹），樹頭hia有一窟水泉，若天氣熱ê時， 這個細查某囝就去樹林內，坐tiàm水泉邊秋凊，若無聊ê時，就the̍h用黃金所做hit粒球hiat koân hiat kē來sîn，伊真愛這款ê thit-thô。有一擺sîn了liù手， ka-la̍uh tī土腳，soà lìn tuì水窟落去，目睭金金看伊沉落去，水真深， 底看boē tio̍h。 王女tiàm hia哮， ná哮ná大聲，哮攏boē soah。忽然間有一個聲對王女講:是...