準備農村年收集，編製資料
1968.06.01 1031號P.8
新世紀宣教運動第3年1969年的中心目標是「農村強化年」，總會農村傳道小組有聚集研討，欲怎樣來準備明年強化農村的傳道。
所研究的結果：1有託主席劉華義牧師佮書記孫鴻鎮牧師蒐集有關農村傳道的各種資料來編製農村傳道手冊。2為著欲閣較訓練農村信徒的專長，予大家互相服務，有託Chiong Chú-sî牧師調查信徒的職業。3有定本年度上半年開辦農村傳教師聯誼會，大家相佮造就，也通得著提供意見。4選定農村實驗教會做模型於濟濟教會做參考。這個實驗教會的選定託各中會傳道部提出候補教會佮人才，後來佇農村小組才閣選定。5下半年，有定：1.欲宣傳1969年農村強化的事工，這個宣傳欲利用海報佮公報，雜誌(本年英公報11月號欲做「農村傳道特輯」──編輯室)。2.介紹結姊妹教會。
又閣小組有決定目前農村傳道的目標：1對內的強化，就是信徒的造就(傳教師的造就佮te̍k-chu的 chí-tò)，訓練信徒信仰佮生活平平進步也重視合作的精神。傳教師的造就，予傳教師認識農村教會的型態以及欲怎樣來應付。閣對增產技術，運銷等te̍k-chu方面的指導。2對外的kóng-tián揣出增加信徒的種種方法，也利用農會等介紹公共的關係。 |
