奉獻身體
蔡椪
1968.08.15 1036號P.16~p.17
身體是靈魂所附託的物件，佮整個的人有關係，因為無有身體，靈魂的存意就無綴表現出來。可比咱的主耶穌若無成肉體降世，將家己獻佇十字架，上帝的大疼痛就袂會表現(I 翰 4：10)。主耶穌的犧牲也袂會成就。人若欲表示伊是上帝的，也的確著用身體的實在行動來證明。所以咱主耶穌極其尊重人的身體，甚至譬喻做是上帝的聖殿(Hān 2：21)。佇遮咱愛相佮來研究，來想奉獻身體的問題：
(1) 是上帝所造(創2：17；太19：4)。有一款人看見罪惡，攏是對身體造成，就認定身體是真毋好，來厭賤伊。這是大大的錯誤，其實身體不過是成就罪惡的器具，並毋是發生罪惡的根源，因為一切私慾，邪惡，攏是對心內所造的身體原本是真好(甚好) (創1：31)。試看咱的主耶穌的體，佮世間人所有的絲毫無分別，也捌凡事受過試探，佮人一樣。啥事伊無犯罪？因為伊完全順服上帝的旨意。所以咱應該知，上帝造遮爾好的身體予咱，是愛咱順趁伊的旨意，榮光伊的聖名！
(2) 主所救贖可惜咱得著遮爾好的體，猶過毋肯順趁上帝的旨意，始祖亞當，夏娃心內生起驕傲，自大的念頭，撒旦就趁機會將in的目睭，肢體攏總搶奪去。對這個榮耀上帝的體，變做抗拒上帝的器具，結局就著佮靈魂平平滅無。該哉得到上帝的大疼痛，可憐咱將來欲得著的結果，就將獨生囝耶穌賜予咱，捨身流血，做咱的贖罪過，予咱對罪得敨放(羅馬6：22)。所以聖經按呢講，「恁毋是屬家己的，是主用重的價錢賣的。」
(3) 獻做活祭 (羅馬12：1)。對這個題目，咱通想到兩項意思：
1. 獻身體做活祭的原因。是因為上帝的大慈愛；因為上帝對創世以來，為了得救的問題，有種種的計畫，親像大衛講，「上帝啊！你的旨意，佇阮何等的寶貴，彼個數額何等的罪，我若算，比海沙較濟」(詩139：17－18)。
2. 獻活祭的意義。上帝佇咱身上，既然顯明了這大的慈愛，咱應當將咱的身體獻予伊，親像活的祭物，就是著將精神，身體一切的動作，不論甚物時，甚物所在，甚物事，攏著為著上帝去做，而且著做到聖潔，光明，榮耀上帝，這就是獻活祭的大要。總講耶穌基督一生所做，就是咱獻身體做活祭去事奉上帝的好模範，願咱靠頂面的力，綴耶穌行。
3. 獻做義的器具(羅馬6：12－23)。器具是踮佇做奴僕的地位，予人使用的，若是予好人使用，就成功好事，予歹人使用就成了歹代。親像按呢，咱的身體，若是予罪使用，彼時就成做偌濟不潔，不義，不法，以及遐個通見笑的事，結局是死。若是予義使用，變做，榮耀上帝，利益眾人。咱既然對烏暗中，罪惡中，得著敨放，做光明的兒女就著結出光明的果子出來，就是一切的良善，公義，誠實(以弗所5：8－9)。
4. 聖神的殿(I 林 6：19)。房屋不管大，小，也不論好，歹，若是欲予高的人蹛，當然著整理到予伊清氣。咱的身體本是聖神所欲徛起的所在；只因為充滿污穢，驚人，聖神就離開伊去(創6：3，5)。現在倚靠主的寶血清氣了，聖神就欲閣將咱的身體做伊住所。所以咱著保守清氣，予聖神通安住佇咱心內，做咱的主人，將咱的言語，行為，四肢百體，攏予伊做主，予伊充滿(以弗所5：18)，按呢，才通成做聖神的殿。
(4) 盈昏上帝的器具(I 林 6：20)。咱研究以上所講量必會明白咱奉獻量必會明白咱奉獻身體予上帝的宗旨，因為咱一切的行為，雖是對心內發出，猶過 其實完全是照身體表達出來的，表現無好，就是虧欠上帝的榮耀，所以保羅切切苦勸教示「恁或是食，或是啉，無論做甚物，攏著因為榮光上帝來做」(I 林 10：31)。可見上帝造咱身體的大目的，是愛咱用身體多多榮耀伊。 |
