通知書
本年度的演說會佮奮興會有決定佇10所在：=
1、新店 2、暖暖 3、羅東 4、八里沙 5、玉里 6、公埔 7、台東 8、南崁9、月眉 10、南庄。
請逐所在代先通知佇啥物時開較合，著小可分配，若無，做一時開，oh得通得著講師。若是奮興會，講師對本局分配，所費本局擔當。
若是演說會，每所在貼 ￥25‧00，講師著家己請。聚集的時日，至少著一禮拜。請逐所在著量早準備，若是有所在無愛，毋愛勉強，著通知本局，通分配予逐位。
Thong-ti su
Pún-nî-tō͘ ê ián-soat-hoē kap Hùn-heng-hoē ū koat-tēng tī 10 só͘-chāi:=
1.Sin-tiàm 2. Loán-loán 3. Lô-tong 4. Pat-lí-sa 5. Gio̍k-lí 6. Kong-po͘ 7. Tâi-tang 8. Lâm-khàm 9. Ge̍h-bâi. 10. Lâm-chng.
Chhiáⁿ ta̍k só͘-chāi tāi-seng thong-ti tī sím-mi̍h sî khui khah ha̍h, tio̍h sió-khoá hun-phoè, nā-bô, choè chi̍t sî khui, oh tit thang tit-tio̍h káng-su. Nā-sī Hùn-heng-hoē, káng-su tuì Pún-kio̍k hun-phoè, só͘-huì pún-kio̍k tam-tng.
Nā-sī ián-saot-hoē, muí só͘-chāi thiap ￥25‧00, káng-su tio̍h ka-kī chhiáⁿ. Chū-chi̍p ê sî-ji̍t, chì-chió tio̍h chi̍t-lé-pài. Chhiáⁿ ta̍k só͘-chāi tio̍h liōng-chá chún-pī, nā-sī ū só͘-chāi bô-ài, m̄-ài bián-kióng, tio̍h thong-ti pún-kio̍k, thang hun-phoè hō͘ ta̍k-uī.
