北部神學校欲閣開
北部神學校佇今年4月按算欲閣開。場所佇淡水舊的醫館。無久許可會落來。所以若有人志願愛入--學，請，參考下面所排列的事項，量早寄入學願佮履歷書來交傳道局。1、入本科的資格：著愛中等學校第 3 學年修了；抑是有同程度的學歷的人(總是著試驗。)無論欲入本科抑是預科，攏著愛傳道師的舉薦，洗禮了，品行方正、身體勇健、熱心的青年才會用得。
PAK-PŌ͘ SÎN-HA̍K-HĀU BEH KOH KHUI
Pak-pō͘ sîn-ha̍k-hāu tī kin-nî 4 ge̍h àn-sǹg beh koh khui. Tiûⁿ-só͘ tī Tām-chuí kū ê I-koân. Bô-kú Hú-khó oē lo̍h lâi. Só͘-í nā ū lâng chì-goān ài ji̍p--o̍h, chhiáⁿ, chham-khó ē-bīn só͘ pâi-lia̍t ê sū-hāng, liōng-chá kià ji̍p ha̍k-goān kap lí-le̍k-su lâi kau Thoân-tō-kio̍k. 1. Ji̍p Pún-kho ê chu-keh: Tio̍h ài tiong-téng ha̍k-hāu Tē 3 ha̍k-liân siu-laiú; á-sī ū tông-thêng-tō͘ ê ha̍k-le̍k ê lâng (chóng-sī tio̍h chhì-giām.) Bô-lūn beh ji̍p pún-kho á-sī û-kho, lóng tio̍h ài Thoân-tō-su ê kú-chiàn, Soé-lé liáu, phín-hēng hong-chèng, sin-thé ióng-kiāⁿ, jia̍t-sim ê chheng-liân chiah oē ēng tit.
