巡教會
1902.05 206卷p.36
廉牧師
西曆3月16號(2：7)佇草鞋墩晚餐：有25人求入教從中接納三個。這是頭一擺佇草鞋墩行聖會的禮數。這个教會已經設兩三年，現時teh守禮拜較常有50，60人。
三月23號佇牛罵頭晚餐；兩人彼日領洗禮入教。
三月30號佇大社行洗禮予兩人紲守晚餐。
對大社去東大墩佮大里杙。這兩所在是新設的教會，也這陣嶄然活動。總共有46人求入教；佇4月6號(2：28)接納十一个。
四月13號佇彰化晚餐；有16人求入教，從中接納8个。
宋牧師
四月13號佇內埔仔晚餐。有23人來求入教，從中有接納4个；也有行洗禮予三个囡仔。現時陳Teng-suí佇遐teh教小學。
四月20號佇埤頭晚餐。干焦4个來求入教從中接納兩个佮兩个囡仔。閣有接納一个本受禁的兄弟。又閣加設立一人做執事。
四月27號佇阿猴晚餐。有17人來予牧師問道理；從中有接納四个；佇彼四个的中間兩個自細漢有領洗禮。也有行洗禮予兩个囡仔。
四月29號(就是拜二暝)佇中林晚餐。有12人來求入教會，從中接納四个佮兩个囡仔。 |
