[1927-9 芥菜子 文類-散文 作者-陳清義/Tân Chheng-gī]  (2)
信心得救佮賞罰行為 [ Sìn-sim tit-kiù kap Sióng-hoa̍t hêng-uî ]
信心得救佮賞罰行為 兄弟ah！我今仔日對恁所講的題目，是真要緊：咱大家來信基督耶穌，是愛靈魂得著救。耶穌講，信的人免到滅無反轉得著永遠活。約翰3：16。信的人已經出死入活。約翰5：24。按呢信就得著救，是主耶穌基督的應允，也是上帝的旨意，毋是人的話，永遠袂會改變。咱若信伊，永久靠得chū。有人問講，去信耶穌是真容易，總是信耶穌以後，行為一舉，一動：攏愛親像耶穌的款，這是為難，卻有影。行為是信心的果子。得著報賞的代價佮得救的大道，毋通相參，得救的大道佮報賞，根本不同，聖經中有講真清楚。看路加23：39-43。Kiông-tô͘的得救。哥林多前書5：1-5。受趕出的教會犯罪的信徒得著救。...

[1927-10 芥菜子 文類-散文 作者-陳清義/Tân Chheng-gī]  (3)
世界的結局 [ Sè-kài ê kiat-kio̍k ]
世界的結局 我有讀這本細本冊，Parker博士所著的，論起世界結局這層事，不止有你。這个世界實在真大，頂面是天，下面是地，袂會無起頭，也袂會無續尾。 這个問題科學家，宗教家，攏有辯論了，逐个攏集in所講--的；總是照基督教聖經所記載，這个天地萬物，以及地球上的人群，或是空中的世界，宇宙間的日，月，星辰，無毋是上帝所創造的。經過hiah濟年星辰，地球的運行無煞，萬物的生活佇彼个中間，對在早到這霎，這个是世界的起頭，真明。既然有起頭自然的確有路尾，所以世界結局的問題，是人類所著研究的材料，總是這个代誌體真大，設使若毋是上帝的啟示，kan-ta倚靠人的智識來推測無法得。聖經是上...

[1927-10 芥菜子 文類-散文 作者-陳清義/Tân Chheng-gī]  (2)
迷信快傳染 [ Bē-sìn khoài thoân-jiám ]
迷信快傳染 佇士林附近有一個細的山仔，號做芝山巖頂面有起一間廟是服事開漳聖王，月外日前佇山腳的石頭邊有出一káng水泉，人共伊號做仙水。 就四界謠言講不論甚物病若啉彼个水，就會好，對彼霎了後，就有人去遐入水。日日ná濟人，對各方面來，大家去遐入水，紲去廟裡燒金，現時每日有幾若千人去，我也去共伊看覓，果然oe oe陣陣往來不絕，有的對火車，有的對自動車，有的對人力車，真心適，真鬧熱，欲去入水，著輪班，等真久，著接一choā長長親像鬧熱時排佇停車場接一choā長長去鉸單的款，逐人所得著的水是2，3，兩nā-tiāⁿ，無通予人濟，逐人得著彼个水看著ka-ná寶貝，佇路邊有人搭店仔...

[1927-11 芥菜子 文類-散文 作者-陳清義/Tân Chheng-gī]  (2)
約翰對基督的天職觀 [ Iok-hān tuì Ki-tok ê Thian-chit koan ]
約翰對基督的天職觀 這个約翰是耶穌所疼痛的學生，常常佇耶穌的身邊，不止捌耶穌的代誌。伊講，「這个tō成人的身軀，」就是指起基督。伊所擔當的責任，就是入世間的 使命，對本質上來講，是上帝的顯現者，對位格上來講，是上帝的獨生囝。約翰愛將基督做人類佮上帝的中間所盡的天職，對3方面的觀察中來完全講明予人通激起對基督的觀念，會真切。Taⁿ基督的天職，照約翰所看是甚物款，排列3項佇下底。 1. 是上帝的羊羔： 人類的罪惡，袂會隱囥，上帝的公義也毋通廢除。古代用犧牲的祭禮，是有表基督救贖的恩，所以基督擔當上帝的使命，來成肉體到這世間，是欲擔當世人的罪孽，來成上帝羊羔的職務，這个就是神人間中保的責任，...

[1927-5 芥菜子 文類-散文 作者-陳清義/Tân Chheng-gī]  (2)
予人和平的人有福氣 [ Hō͘ lâng hô-pêng ê lâng ū hok-khì ]
「予人和平的人有福氣」 馬太5 章 9節。 主耶穌佇世間的時，有周圍四方傳道理，有一擺佇迦百農附近的所在，看見眾人規陣就近伊。就peh上天然的教壇來說教，題目是論福氣，攏總有8 个。這tia̍p愛將第7 个來論，佇漢文的聖經是講和平的人有福氣。照本文是講予人和平的人有福氣，按呢較著。 論予人和平這4 字，是好字，閣再真好聽。是上帝的聖旨，也是主耶穌的教示，伊是和平的人君，降世做人，做一chân大事業，予世間人佮上帝和好。也予萬國的人通歸一體大家相疼結和平的果子，來合上帝的旨意，所以予人和平的，就是承受上帝的聖旨，順趁基督的教訓。 按呢咱人毋但家己行和平，也著幫贊人予人來行和平，是真要...

[1927-6 芥菜子 文類-散文 作者-陳清義/Tân Chheng-gī]  (1)
彼得佇所羅門籠中的說教 [ Pí-tek tī Só-lô-bûn lông-tiong ê Soat-kàu ]
彼得佇所羅門籠中的說教 使徒 3章12節到路尾。 彼得佮約翰佇聖殿的suí門醫治跛跤的。猶太人真奇怪，走來就近in，聚集佇所羅門的 léng-lông。這个籠大概是佇聖殿的東爿，卻聖經無講所羅門的籠是佇佗一爿，照約瑟佛的冊所記論聖殿遮的籠。有一籠佇聖殿的東爿，就是約瑟佛所建置，差不多是這个。 彼得看見眾人聚集佇遐，真奇怪，注目看in。就對in說教，請來研究佇這篇的說教中。有教示聽眾啥物，大概通講有4款，排列佇下底。 1、愛予大家知，醫治跛跤的事，毋是對家己的權能，是對信耶穌。 當時的猶太人，真奇怪。看彼得是人，怎樣會行這款。所以愛看伊，彼得講毋是對阮的才能，也毋是對阮的敬虔，來予這...

[1927-7 芥菜子 文類-散文 作者-陳清義/Tân Chheng-gī]  (3)
重頭生的要緊 [ Têng-thâu-siⁿ ê iàu-kín ]
重頭生的要緊 約翰3章3節。 耶穌佇世間的時。有一个猶太的官吏名叫Nî-ko-tì-bú，暝時來就近伊。主耶穌用重頭生要緊的道理來教示伊，佇聖經的中間，教示人的道理有真濟；總是會入人的耳空，動人的心肝，無毋是這款。按呢這款的道理，正是救世的良言，也是人生必要的大問題。主耶穌講出這款的道理，不但關係Nî-ko-tì-bú，也關係佇咱大家。怎樣號做重頭生。 重頭生毋是人的重出世，就是jîn-lêng 的新生，因為人的罪惡深重，雖罔活，親像死，逐个著洗心悔罪，改惡遷善，出力除去舊時所染著的污穢，來進行自新的路，親像死的閣活，按呢號做重頭生。 按呢這个重頭生的道理真大要緊，是做咱人所向望來世...

[1933-10 台灣教會公報/芥菜子 文類-散文 作者-陳清義/Tân Chheng-gī]
十年間的感想 [ Cha̍p-nî kan ê Kám-sióng ]
十年間的感想 陳清義 1933.10 (芥菜子第93號) P.22 北部的教會對設教到這疊，有61年久。對頭一年到50年，已經有對一本略史，濟濟人有讀了，大概攏知影。 對五十一年起到這霎，就是這十年的中間，有聽見濟濟人塊講東西，聽了不止心適，宛然親像眠夢中jû-事夢的款。人若聽見這款的聲，信這款的話，亦宛然親像眠夢中塊聽見消息。 人欲批評教會的事，若毋知影彼的教會的統計，也毋捌辦教會的事，忽然間四界講北部的教會的事，怎樣無進步，冷淡，倒退，無一位親像北部遐衰微，那冷淡。毋知講的人是對人聽見，抑是本身去調查著。 若是別所在的教會，比北部的教會較進步，我毋敢講無...

[1933-9 台灣教會公報/芥菜子 文類-散文 作者-柯設偕/Koa Siat-kai]
逐方面得著福音 [ Ta̍k hong-bīn tit-tio̍h Hok-im ]
逐方面得著福音 1933.09 (芥菜子第92號)p.25-26 柯設偕 I.政治家得著福音 早，政治家尼哥底母，暗時來見耶穌(約翰3：1-21)。彼時伊真小膽。總是受主教訓聖道了後，聖神幫贊伊的氣力，佇眾人的面前好膽為著主做干證(約翰7：50，51)。毋但按呢，佇主受難的時，閣較好膽提芳料安葬主(約翰19：39-41)。這敢毋是靠主得著恩典mah ？！ II.軍人得著福音 早，軍人(武官)哥尼流，佇該撒利亞做Pek-hu-tiúⁿ。祈禱的時，天使降落，呵咾伊的祈禱已經有得著主的紀念，紲指示伊差人去Iok-phàⁿ，請彼得指示救人的道理。彼得來傳道理了後，毋若伊得著救，也全...

[1933-12 台灣教會公報/芥菜子 文類-散文 作者-柯設偕/Koa Siat-kai]
天堂佇佗位 [ Thian-tông tī tó-uī ]
天堂佇佗位？ 193.12 (芥菜子第95號) p.22 第1回 柯設偕 天堂佇佗位？ 天堂是一个所在，毋是干焦空想爾爾，是有一個一定的所在。 主耶穌基督佇約翰14章有講起，伊的「父的家」。伊去是欲共咱備辦所在，後來伊欲閣來接納咱歸佇伊，予咱佮伊踮佇遐(約翰14：1-4)。 這站聖經所講的，通予咱知天堂是一个實在的所在。 當主耶穌上天的時，伊有帶伊的身軀去。 聖經講，血，肉的體，袂會能承受上帝的國。 所以咱所疼的主，佇十字架頂流血了後，當伊閣活的時，就講起伊閣活的身軀講，「神魂無骨，無肉，照恁看見，我攏是有」(路加24：39)。 主耶穌閣活了後，伊血肉的體，已經變做...

[1933-12 台灣教會公報/芥菜子 文類-散文 作者-柯設偕/Koa Siat-kai]
咱的信經 [ Lán ê Sìn-keng ]
咱的信經 柯設偕 1933.12 (芥菜子第95號) p.23 這擺建成同會成立禮拜式的順序的中間，有一項不止特色，就是佇禮拜的時，會眾有一同讀「信經」。 (請讀「建成同會成立禮拜式」彼篇)，紲將這个「信經」做建成同會的目標。 這个「信經」有應佇咱所咧用的聖詩的頭前。(總是其實咱真罕得讀)。 這是咱的 「信經」是表明宣明咱的信仰。 無論啥物團體，攏有伊的主張目標。所以咱教會應該著有咱的「信經」。 今咱這个信經，就是按呢： 信經 我信全能è父上帝，創造天，地的主宰。 閣信伊獨生的囝，咱的主耶穌基督。伊對聖神的官能投胎，對在室女瑪利亞出世；佇Pún...

[1934-1 台灣教會公報 文類-散文 作者-柯設偕/Koa Siat-kai]
聖經做中心 [ Sèng-keng choè tiong-sim ]
聖經做中心 (柯設偕) 1934.1，no.586，p.26 　聖經是上帝所啟示--的，就是上帝的話。 　因為按呢，所以聖經是盤過別等號世間的宗教的經典真hn̄g。 　基督教自然是著用聖經做中心，基督徒自然是著用聖經做信仰的標準。這是自然--的。 　毋kú雖然是講基督教，雖然是講基督徒，毋kú也有彼款無用聖經做中心，用人做中心--的。所以彼款毋是真的基督教，毋是真的基督徒lah。 　人嫌天主教毋著，是講in (天主教)聖經以外有閣加添濟濟項的異端，khiàn損。所以無照聖經，也加濟濟款聖經以外的事佇teh。因為按呢，天主教聖經以外有加添別款的要素佇teh，所以咱(新教，Prot...

[1934-1 台灣教會公報 文類-散文 作者-柯設偕/Koa Siat-kai]
盧An-ná過世 [ Lô͘ An-ná Kè-sì ]
盧An-ná過世 (柯設偕) 1934.1，no.586，pp.28 盧An-ná (Mrs.aⁿd Ross)佇本年9月6日，有受上帝揀召過世，享受85歲。盧An-ná是偕先生娘的老母，也佇無幾年前，佇70歲的時有來台灣，踮佇伊的查某囝-就是偕先生娘的厝，年半久，也佇彼中間，伊有教育宣教師的囝兒，(小可親像學校的款)。 　閣伊的冊，有一本捌翻譯白話字-就是陳靈通先生所翻譯彼本「上帝的戰甲。」所以佮咱台灣的教會有緣故佇teh，愛寫淡薄伊的傳。 盧An-ná，佇1848年出世佇英國。老父姓中堅，是牧師(Rev. J. Duncun)，也伊是第二查某囝。也伊6歲的時，in...

[1934-7 台灣教會公報/芥菜子 文類-散文 作者-柯設偕/Koa Siat-kai]
天堂佇佗位 [ Thian-tông tī tó-uī ]
天堂佇佗位 第4回 (柯設偕) 1934.7，no.592，pp.21-22 詩篇48篇第2節有按呢講，- 「郇山的北勢是大人君的掠做歡喜。」 佇遮所講--的，是指地面的耶路撒冷。總是猶原有指起天頂的耶路撒冷-天堂。 希伯來12章22節有按呢講，- 「獨獨恁所到--的，就是郇山，真活上帝的城，天頂的耶路撒冷。」 按呢通知，佇這暫猶原有暗指天堂是佇北爿，- 「因為人得著興起，毋是對東，毋是對西，毋是對南。」 按呢有包含-是對北 -的意思佇teh。 以西結看見異象的時，伊看見- 「......大風對北方生真來，也有大雲親像火炎炎，雲裡有光，親像過磨的金」(...

[1934-9 台灣教會公報 文類-散文 作者-柯設偕/Koa Siat-kai]
信徒信經 [ Sìn-tô͘ Sìn-keng ]
信徒信經 (柯設偕) 1934.9，no.594，pp.21-22 [佇幾若月日前的教會報，我有寫一篇「咱的信經。」這霎愛閣寫淡薄論起咱所teh用的「信經」的由來，佮彼个重要]。 信經是甚物？信經就是教會道理的箇條，有順序排列，包含聖經中根本要緊的道理，是信徒所著遵守，保重的道理。 信經是做信徒信仰標準，也是信徒宣明信仰的標準。 所以是做信徒的人，應該遵守保重，佮著盡力保護--的。 信經是對聖經抽出來--的，所以彼个根本基礎，就是聖經。 因為按呢，咱對重聖經，相時也著對重信經。 對古早到今，純正的教會攏是因為有遵守，保重聖經，也遵守，保重信經；才會...

[1934-9 台灣教會公報 文類-散文 作者-柯設偕/Koa Siat-kai]
基督徒的福氣 [ Ki-tok-tô͘ ê hok-khì ]
基督徒的福氣 (柯設偕) 1934.9，no.594，pp.24-25 咱信耶穌基督的人，實在真有福氣！請讀路加10：23-24。(耶穌) 「就越轉身暗靜對學生講，看見恁所看見--的，遐的目睭有福氣。因為我共恁講，前有濟濟先知佮君王愛看恁所看見--的，也無看見，愛聽恁所聽見--的，也無聽見。」 按呢予咱通知，耶穌臨到的以前，有濟濟先知，君王無通看見，也無通聽見，彼時信徒所會通看見，佮所會通聽見--的。 耶穌已經臨到佇世間啦。今仔日咱信主的人真有福氣，對聖經咱會通看見耶穌，會通聽見耶穌。 耶穌臨到的以前，有濟濟的先知，君王，gâu人，有地位的人，有勢力的人，有錢人，有名聲...

[1934-12 台灣教會公報/芥菜子 文類-散文 作者-柯設偕/Koa Siat-kai]
平埔族 [ Pîⁿ-po͘-cho̍k ]
平埔族 (柯設偕) 1934。12，no。597，pp。27-29 佇台灣有數萬的平埔族。平埔族是比漢人 (一般所咧講的台灣人) 閣較代先來踮佇台灣。通講，平埔族是正台灣人！一般咧講的台灣人，是比in較後來才對支那搬過來--的。 咱著注意一項，就是平埔，生蕃，雖然平平是對南洋海嶼彼方面來--的，iáu-kú in (平埔，生蕃)無siāng種族，有不止大各樣佇咧。 普通一般咧用這兩句「熟蕃，」「生蕃，」實在真無合，真快予人相混亂佮誤解。聽了親像熟蕃 (平埔族)是生蕃變--的的款。其實照現時研究的結果，平埔族，生蕃，不止有各樣，也是無siāng種族。生蕃袂會變做熟蕃 (平埔族)...

[1926-1 芥菜子 文類-散文 作者-柯設偕/Koa Siat-kai]  (3)
兩款Ê果子 [ NN̄G KHOÁN Ê KÉ-CHÍ ]
兩款Ê果子 　　聖經有講起兩款ê果子，就是聖神ê果子kap魔鬼ê果子。 　　聖神ê果子就是：仁愛、和平、歡喜、吞忍、慈悲，善良、忠信、溫柔、撙節遮个。請讀加拉太5:22－23。 　　魔鬼ê果子就是：相爭、結怨、奸詐、詭譎、僥疑、怨恨、結黨、分爿、陷害、怨妒、譭謗遮个。請讀加拉太5:20－21。 　　聖神ê果子kap魔鬼ê果子，相對反。聖神ê果子是好ê，魔鬼ê果子是歹ê。聖神ê果子是屬佇上帝，魔鬼ê果子是屬佇撒旦。聖神&...

[1931-8 台灣教會報/芥菜子 文類-散文 作者-柯設偕/Koa Siat-kai]
論信 [ Lūn "Sìn" ]
論"信"柯設偕1931.08, no. 557 (KCC, no. 67), pp. 12-13 "信"是甚麼？"信"就是所向望的的實在，佮boē看見的事的憑準（希伯來11:1）。Ⅰ. 怎樣"信"是大要緊？1. 若無信，就boē會予上帝歡喜（希伯來11:6）。2. 對信，咱chiah有活（加拉太2:20）。3. 對信，萬項事攏會（馬太17:20；馬可9:23）。Ⅱ. "信"的源頭佮目的是甚麼？1. 上帝是源頭（希伯來12:2；彼得後書1:1）。2. 基督是源頭（行傳3:16；加拉太2:20）。3. 聖神是源頭（哥林多前書 12:9）。4. 人著信上帝（馬可11:22；約翰6:29；行傳 20...

[1931-10 台灣教會報/芥菜子 文類-詩 作者-柯設偕/Koa Siat-kai]
個人傳道的工 [ Kò-jîn Thoân-tō ê kang ]
個人傳道的工柯設偕1931.10, no. 559 (KCC, no. 69), pp. 18-19 （Tuì中國雜誌翻譯）1. 個人傳道的工，逐人攏會去傳，不論男婦老幼，逐人攏利便，你去chhoā你朋友，我去chhoā我朋友，一直chhoā到主前，通受主拯救。你去chhoā你朋友，我去chhoā我朋友，一直chhoā到主前，通受主拯救！通受主拯救，通受主拯救，一直chhoā到主前，通受主拯救！2. 個人傳道的工，逐位攏會去傳，不論內面外面，逐位攏利便，你欲chhoā你朋友，我欲chhoā我朋友，一直chhoā到主前，通受主拯救。3. 個人傳道的工，逐時攏會去傳，不論日時暝間，逐時攏利便，你...