[1914-11 台灣教會報 文類-傳記 作者-林學恭/Lîm Ha̍k-kiong]
黃Táiⁿ ê小傳 [ N̂g Táiⁿ ê Sió-toān ]
黃Táiⁿ ê小傳1914.11 356卷 p.3林學恭記。Lâ-lí-sàn ê教會有1個會友黃Táiⁿ。伊是toà tī 塭仔庄，離Lâ-lí-sàn有8里路。黃Táiⁿ到72歲才反悔來信主。伊有食鴉片薰真大，致到攏bē行路，hit時若來禮拜著倚靠拐仔才會行。後來伊有決意ài改鴉片，攏無koh食。也決意ài 學白話字，koh無偌久就會曉讀白話字ê聖冊。對改薰了就攏無食。Hit 時身体算是勇健，若無落大雨透大風ê阻擋，較常逐禮拜日有來守安歇，攏m̄免kia̍h拐仔。逐個禮拜日伊做會友ê頭前來拜堂。伊是真非常ê熱心服事主ê人，也ài引chhoā伊ê子孫拜上帝，也常常 ài 引chhoā別人來信...

[1915-10 台灣教會報 文類-傳記 作者--/-]
小傳 [ Sió-toān ]
小傳1915.10 367卷 p.11-12Kin姆。Kin 姆姓張名iân,是阿里港ê林仔庄人，出世tī主降生1880年5月30日，19 歲招丈夫是作穡人，到28歲搬來阿里港改做生理。 Kin姆對會知人事就真虔誠服事佛，每月ê初1、15買真濟金香紙燭，來燒hō͘ hiah-ê佛。為著án-ne趁錢無夠了，致到散phí-phí。又koh m̄-nā án-ne所生ê子、查某子幾若個，長短長chhiam死到無半個。雖然tú著hit號重災厄，總--是服事佛ê心攏無變換；猶原是儉食teh 燒金teh孝敬。有1日伊孝敬hiah-ê佛仔ê時，tú好有1 個姊妹號做Goân嫂來chhoē伊thit-thô...

[1915-12 台灣教會報 文類-傳記 作者--/-]
女徒葉Kian-sìn ê小傳 [ Lú-tô͘ Ia̍p Kian-sìn ê Sió-toān ]
女徒Ia̍p Kian-sìn ê小傳1915.12 369卷 p.8葉Kian-sìn是我所疼ê大查某子。主後1903年出世。對3歲起常常tú著破病，致到ka-chiah骨曲痀。宋醫生kap其餘ê先生盡力ài幫贊伊得著好，總--是無法度。所經過ê艱苦講bē了，到tī本年10月7日e 晡7點鐘hō͘主揀召伊轉--去。論伊所經過ê狀況我ài寫4項排列tī下面。（1）論伊ê信。伊對3歲ê時就會toè人嘴尾吟詩，4歲ê時就會曉祈禱；逐暗、逐早起、逐三頓，無bē記tit祈禱ê事，逐暗若無kap人做家庭ê禮拜，雖然真艱苦伊也m̄去睏。到伊這擺bē起來kap人禮拜，伊iáu-kú叫阮著tī伊ê房間禮拜。到...

[1915-12 台灣教會報 文類-傳記 作者--/-]
梅牧師娘ê小傳 [ Muî Bo̍k-su-niû ê Sió-toān ]
梅牧師娘ê小傳1915.12 369卷 p.8-10(Lâu Tiong-kian記)。Tī 11月8 號梅牧師娘離開世間。台灣ê教會聽見這-ê消息真正煩惱，替牧師憂悶。今仔日ài記幾句，報會友知梅牧師娘ê履歷。 梅牧師娘名叫瑪格烈，是蘇格蘭ê人。伊ê老父是長老教ê牧師。因為學問真深，就進名做博士。瑪格烈13歲hit時老母別世。對hit-tia̍p老父不止疼惜伊ê 查某子。對細漢伊受著父母ê好教示。到20外歲hit-tia̍p有熱心替世俗人煩惱，因為in m̄-bat天父ê恩，就愛獻己做上帝ê工tī世俗人ê中間。心肝真熱就寫批請求宣道會。寫批了後未寄，心koh斟酌想，才toè 尾驚了bē堪ti...

[1916-8 台灣教會報 文類-傳記 作者-葉金木/Ia̍p Kim-bo̍k]
小傳林文通 [ Sió-toān Lîm Bûn-thong ]
小傳......林文通1916.08 377卷 p.6林君文通出世tī主後1885年，細漢ê時有tī水返腳拜堂讀小學幾若年，到主後1902年有入淡水神學校讀冊。頭尾有經過4年久。後--來為著家內ê代誌，姑不將著退學，轉來幫贊伊ê父，總--是無久伊ê父就死，伊著擔當家內kap發落生理ê責承。不幸tī 2年前伊ê 頷kún有起腺癌ê病。近來伊ê病那傷重，到本年6月30號e 晡6點鐘就離開世間。論伊濟濟項ê好模樣hō͘人thang學，今我大略寫幾項排列tī下底。 (1)誠實。對伊少年到25歲才建置家後，m̄ bat聽見伊有甚mih.放縱ê事，也無aikaphiah3-ê做歹ê人交陪，若閒ê時就到拜堂...

[1929-7 台灣教會報 文類-傳記 作者-王Têng-goân/Ông Têng-goân]
故Kam-ú，李長老小傳 [ Kò͘ Kam-ú, Lí Tiúⁿ-ló Sió-toān ]
故Kam-ú，李長老小傳1929.07 532卷 p.5-6(王Têng-goân)李長老是1874年舊曆2月9日出世tī台南ê菜市埔。Tī 1929年舊曆3月9日tī歸仁北過身，享壽56歲。 李長老原本tī台南做執事真久，人人o-ló伊誠實古意。伊有kap英國先生安醫生學醫術，卒業了就tī台南開業。Hit-tia̍p tú是楊世註牧師iáu tī台南ê神學在學，差不多20外年前ê事。後--來tī 佳里開業，hia ê兄弟姊妹亦o-ló--伊，tī hia 有當長老。 主ê旨意tī 10 外年前對tī伊ê眠夢中有看著真濟項ê好兆頭，對án-ni伊就決意來歸仁北。人真敬重--伊，伊亦十二分ê g...

[1929-7 台灣教會報 文類-傳記 作者-偕叡廉/Kai Jōe-liâm]
吳廷芳傳道ê小傳 [ Gô͘ Têng-hong Thoân-tō ê Sió-toān ]
吳廷芳傳道ê小傳1929.07 532卷 (芥菜子第41號) p.20(偕叡廉)吳廷芳傳道ê本所在就是艋舺。伊tī明治3年10月24日出世，細漢ê時有讀漢學；到較大漢真認真研究孔子冊。到15歲hit時法國來扑台灣 (西仔反) tī地方濟濟所在不止擾亂。Tī 艋舺hiah ê 三大姓（黃、林、吳）大窘逐教會，講：「若有禮拜堂，就無三大姓，若有三大姓就無禮拜堂。」百姓大擾亂beh 拆禮拜堂。Hit時吳廷芳扑鑼tī街路，出力叫人來拆拜堂。無久幾若千人kia̍h ke-si來拆拜堂。 經過幾若年久，吳廷芳就去行衙門，以及做先生。到明治29年4月，伊搬去錫口（松山）做先生。Tī hia 錫口ê傳道陳能引...

[1929-10 台灣教會報 文類-傳記 作者--/-]
洪邱--氏阿麗ê小傳 [ Âng Khu--sī A-lē ê Sió-toān ]
洪邱--氏阿麗ê小傳1929.10 535卷(芥菜子第44號) p.19(Giâm Khoan-hoâi)洪邱--氏 阿麗出世tī明治21年9月26日。伊是大kho͘陷人，伊 ê父母攏無聽道理。總--是阿麗真愛去拜堂聽人講耶穌ê來歷，拜堂ê先生就教伊讀羅馬字。後--來續kā伊舉荐嫁hō͘會友洪顯理做婦人人；丈夫hit時teh 讀神學校。結婚了就kap丈夫去toà 拜堂幾若年久。了後丈夫放煞傳道ê工，伊就家己教公學校來幫贊家庭ê生活。伊有經過公學校、第二附屬、助產婦講習會，攏總有到卒業。這thang講是伊ê特色；因為伊m̄是出世tī文明有教育ê家庭，這專專是對伊ê好學kap勤勉來得--著ê。 後...

[1929-7 台灣教會報 文類-傳記 作者-吳Te̍k-kî/Gô͘ Te̍k-kî]
小傳故吳雞母（文彬）先生娘去世 [ Sió-toān Kó͘ Gô͘ Ke-bó (Bûn-pin) Sian-seⁿ-niû Khì-sè ]
小傳故吳雞母（文彬）先生娘去世1929.07 532卷 p.9-10(吳Te̍k-kî)先生娘姓莊，名Hê，(Toan)。佇1862年9月15日出世佇羅東庄，到15歲綴老母來信道理，所屬的教會是Ka-poà-soá。佇1880年12月5號對施牧師受洗禮入教，聽道理頭尾5年就入聖會。到20歲嫁予吳文彬先生，對彼時起盡力幫贊先生、利益教會、致意教姊妹捌聖經，予大細尊貴卑賤的會友好親近，佇濟濟教會有經過窘逐佮會友犯罪的苦心，總是攏無餒志，反轉那向主基督。身軀較艱苦也拖命教姊妹學字母、讀詩、讀聖經，實在無輸1个女學的卒業生。今伊有經過的教會，就是嘉義、木柵、柑仔林、Ka-poà-soá、加吶埔、柑仔林...

[1930-1 台灣教會報 文類-傳記 作者-劉阿秀/Lâu A-siù]
小傳詹長老 [ Sió-toān Chiam Tiúⁿ-ló ]
小傳詹長老1930年1月第538卷p.20芥菜子第47號(劉阿秀)詹阿hián是公館庄教會的長老。伊佇明治12年9月7 日出世；伊的出生地是公館庄新港寮；8歲的時徙去北寮徛起，經營農業來成家。伊猶未信主的時趁世俗，服事神明真熱心。佇 19歲的時，對鍾阿muí傳道聽著道理，就放sak世俗來信主。到伊24歲，就是明治36年，有受公館庄教會揀伊做執事6年久；到30歲的時，就是明治42年，就設立伊做長老，20年久無離任。伊有2个查甫子，2个查某子。大子詹Tek-kiàn，猶佇台北神學校在學中，3 年生；第二子teh 幫贊家內；細漢的查某子今年14歲，猶佇公學校補習科讀。伊佇 11月10日猶去苗栗教會赴...

[1930-7 台灣教會報 文類-傳記 作者-葉金木/Ia̍p Kim-bo̍k]
李萬居的傳記 [ Lí Bān-ki ê Toān-kì ]
李萬居的傳記1930.07 544卷 p.20芥菜子53號(葉金木)伊是水返跤教會熱心的聽道者，伊佇地方有擔當區長10外年，也有做台北廳參事，社會事業也熱心teh做。伊有做茶館，各方面攏愛載來賣--伊，生理真發達，做人真德望，真謙卑無驕傲，若有看著人逐擺代先叫人。伊有佮陳熊長老做好朋友，陳熊長老不時用道理teh栽培，後--來信道理。可惜彼霎伊的事業做真大，人真煩，較無機會通守禮拜。總是伊真好膽干證道理，對教會盡力援助，水返跤獨立傳道的時，伊嘛當傳道束金1半。到請牧師的時，伊擔當牧師束金1半。傳道局贊助員每年20 箍，所出的有到伊離別世間才煞。 伊真gâu 款待傳道理的人，若有傳道理抑是遮的熱心...

[1930-7 台灣教會報 文類-傳記 作者--/-]
陳熊的小傳 [ Tân Hîm ê Sió-toān ]
陳熊的小傳1930.07 第544卷 p.20芥菜子第53號陳熊是水返跤教會的長老，14歲就佇三重埔得著道理。後--來佇水返跤做生理，伊的老父毋准伊信道理，紲窘逐--伊，放聲欲刣死伊，若禮拜日伊的父去拜堂巡，若看伊佇--leh隨時叫倒--去。伊就佮曾溫長老參詳，曾長老安慰伊講，上帝逐位佇--leh，你佇逐位通服事上帝。法國扑台灣的時，禮拜日欲去禮拜拄著人搶拜堂，伊就chhoā蔡昇傳道走，家己的生理店攏予人搶了了，歹人出賞格，攑銃四界chhoē,後--來才走去淡水，佇遐做生理，紲入神學，後--來有受派去踮崙仔頂、大里簡傳道。了後就歇睏佇水返跤做生理。伊佇1904年做水返跤長老到今，真熱心佇教會，...

[1932-11 台灣教會報 文類-傳記 作者-朱明蔭/Chu Bêng-ìm]
陳老乳長老的小傳 [ Tân Lāu-leng Tiúⁿ-ló ê Sió-toān ]
陳老乳長老的小傳1932.11 572卷 p.13(朱明蔭 寫)老乳叔細漢的時，是共人做箍絡。過--來聽著道理好，就認真講究到會讀聖經，會寫白話字。A.D. 1885 佇岩前予甘牧師共伊行洗禮接納，1900年做執事，1904年做長老。捌佮傳道先生出外佈道。因為目睭痛，有去醫館予馬醫生醫，卻有較好；若是因為常常痛，後--來紲青瞑。對按呢，吐氣無通看聖經。有聽著講有青瞑的字，就致意愛學。有跟某牧師學，勤勤讀到會讀聖經，無各樣目光的人。記持真好，聖經有chām抑是歸章會活唸。最近3、4年，岩前教會無先生，較常是伊做主理，上台直講、直讀，無輸目光的。佇 7月17日，(去伊的親戚的所在療養了轉--來)，...

[1955-10 台灣教會報 文類-傳記 作者-許篤禮/Khó͘ Tok-lé]
中中:數念故黃愛 [ TIONG TIONG:Siàu-liām kò͘ N̂g ài ]
中中數念故黃愛(謝九長老娘)1955.10 第802號 p.15-16(許篤禮)佇1898年，梅牧師佮林學恭牧師來溪湖佈道的時，頭水的果子謝九長老夫婦來接受道理，若是以前的九長老娘是熱心敬神佛，食菜3、6、9。總--是家內袂平安，一个生，一个死；重、沖、thó͘、煞；做偶像鬼神的奴才。1899年正月初九天公生，佮遐的偶像斷絕，就信耶穌做主的百姓。佇1901年6月23日，36歲對甘為霖牧師佮丈夫kāng日領洗禮入教，55年久做主盡忠的女徒，gâu幫贊丈夫，通講是模範的信徒。論起伊的1) 信心。熱心守禮拜，除去重病以外，毋捌無出席，祈禱會無論遠、近綴到著，雖然70外歲也參加佈道隊，行8、9里路，透...

[1928-9 台灣教會報/芥菜子 文類-傳記 作者-陳瓊琚/Tân Khêng-ku]
故吳昌盛君的略歷 [ Kò͘ Gô͘ Chhiong-sēng kun ê Lio̍k-le̍k ]
故吳昌盛君的略歷 陳瓊琚 1928.09.01 522卷(芥菜子第31號) p.15-18 吳君誕生佇1897年11月27日。升天佇1928年6月28日。出世佇屏東，長成佮受初等教育亦是佇屏東。臨終亦是佇屏東；7月12日下午有舉行伊的葬式猶原是佇屏東禮拜堂。彼日的會葬者有內地人屏東的 Kūn-siù以及信者佮本島人，合共有幾若百人。 論伊佇細漢做囡仔就佮別人有較各樣。因為無論是啥物，真聽伊的序大人的話，老母若叫伊的序大人的話，老母若叫伊恬恬坐，伊就恬恬坐毋敢凊彩徙位。孔子的教示有講，「百善孝為先。」吳君有行孝道做伊人生的基礎。對伊卒業公學校了後就接續有綴伊的兄哥去京都留學，就...

[1931-8 台灣教會報/芥菜子 文類-傳記 作者-吳萬生/Gô͘ Bān-seng]
旗後莊Hoat長老小傳 [ Kî-āu Chng Hoat Tiúⁿ-ló Sió-toān ]
旗後莊Hoat長老的小傳吳萬生1931.08, no. 557 (KCC, no. 67), pp. 12-13 Hoat長老tuì我捌伊到今知影以前伊來聽道理已徛30年啦。 前teh聽道理是奉行故事，雙腳踏雙船，上帝也好，王爺，媽祖也是好，Pi-lia̍t好，基督嘛好；有時來禮拜，有時出去燒香，身軀為著致病，艱難過日，所以有食鴨片來減輕艱苦，有時受苦勸就減食淡薄。 到這成十年來就嶄然解換，續一時就按呢決心毋食，這敢毋是基督的大氣力，大權能麼？ 我信是基督的疼teh催逼伊的心，若無是bē hiah緊解，因為伊的病症是ná久ná傷重，猶久外身予伊艱苦，刻己來toè基督的腳步。 雖然身軀真衰lám...

[1931-5 台灣教會報/芥菜子 文類-傳記 作者-周桃/Chiu Thô]
王--氏勤小傳 [ Ông--sī Khûn Sió-toān ]
王--氏勤小傳周--氏桃1931.05, no. 554 (KCC, no. 64), pp. 20 王--氏勤是踮佇大甲街，頂店庄的人。 對教會來講：伊是屬佇大甲教會的女信徒。 伊是佮故陳其祥先生有親戚關係，閣伊本身會信道理佮伊的大家官，大家會入教攏是tuì佇Kî-siông先生佮先生娘的熱心引chhoā的結果。 所以咱若數念伊，就自然亦著數念其祥先生佮先生娘。 伊tuì 21年前就信道理，亦其祥先生soà鼓舞設法予伊來讀婦學。 論伊的天資不止好，boē輸當時的窗友，伊讀六個月就著轉去厝裡料理家事。論伊的聖是恬靜，罕得凊采講話，亦佮人不幸，真正是通做一个模範值的女信徒。 伊頭尾14年久佇...

[1931-8 台灣教會報/芥菜子 文類-傳記 作者-郭水龍/Keh Chuí-lêng]
張海水的小傳 [ Tiuⁿ Hái-chuí ê Sió-toān ]
張海水的小傳郭水龍1931.08, no. 557 (KCC, no. 67), pp. 20 木柵教會的長老張海水是貧寒的家庭出身，細漢的時父母就過身，伊予人倩做看牛囝仔，較大漢就共張弘做長工，伊看張Hông長老的熱心受感，後來娶某建立新家庭，果然熱心佇教會，勤免佇家庭，淡薄講較詳細。1. 伊對教會，熱心守禮拜，題捐攏是愛做模樣，所行守道理，教會就揀伊做長老，伊閣較盡職，會友若有破病逐日去看伊，幫贊伊，踮遐鬥照顧，閣較無閒亦撥工去，行到伊的病好chiah煞。 會友若有不和伊盡力勤和，有少年人去放蕩，伊去勸勉伊到家己流目屎；為著教會的事閣較無閒亦放工去做，若會友冷心，伊常常去引chhoā，若...

[1931-9 台灣教會報/芥菜子 文類-傳記 作者-陳添旺/Tân Thiam-ōng]
陳鄧--氏Chhoā小傳 [ Tân Tēng--sī Chhoā Sió-toān ]
陳鄧--氏Chhoā小傳陳添旺1931.09, no. 558 (KCC, no. 68), pp. 20 這人是故陳Kim-khit長老娘，是故陳Sêng-chong (Hàn) 長老的大新婦，陳文贊長老的老母。 文贊醫生娘也是長老。 In是真久的會友，也通講：三角湧教會的功勞者；西仔反的時，予人懇著真悿，總是無放sak，到長老娘的囝，in有三代接續長老的職份，今兩代煞in的著磨向望現代猶較盡力。長老娘22歲入in門，後來順從信天道，1960年34歲受洗禮入教會，過往享壽是59歲，遺下三個囝攏成器，有8个甫孫，5个查某孫。 一個大囝過世，第二--个是醫生，第三--个作穡，算是真好命，親族真...

[1931-12 台灣教會報/芥菜子 文類-傳記 作者--/-]
李文斯頓的傳 [ Lī-bîn-sū-tùn ê toān ]
李文斯頓的傳佚名1931.12, no. 561 (KCC, no. 71), pp. 14-15 李文斯頓．大衛 (David Livingstone) 佇1813年出世，1873年過往。 伊的父母散凶，是熱心服事上帝的人，對重祈禱，閣是真謙卑。 伊10歲，就無通讀公學校，姑不將佇織工場予人倩。 所賺的錢，ná 積囥teh。 後來有學做醫生兼牧師。 伊有欣慕愛到阿非利加就做主的奴僕引chhoā人捌天父。1840年受派，搭船3月日久chiah到位。五大洲的中間，阿非利加洲是第一熱帶地，總是李文斯頓毋驚地氣的熱，會予人真艱苦，百姓較濟是烏面人。李文斯頓到位，就學遐个腔口，後來四界傳福音，教示人...