[1920-9 台南府城教會報 文類-傳記 作者-葉金木/Ia̍p Kim-bo̍k]
陳所育ê小傳 [ Tân Só͘-io̍k ê Sió-toān ]
陳所育ê小傳1920.09 426卷 p.8(葉金木記。)所育就是水返腳ê教會陳欣長老ê第三子。伊對細漢就得著主日學ê 教示，伊對細漢到今有真乖，hō͘教會內外攏o-ló伊；無扑算tī頂月12日就hō͘主揀召伊離開世間，今年24 歲。Hàiⁿ--ah!真正扑損，失落這個好佮有路用ê青年人。Tī 12 號e晡tī本堂做埋葬式。論伊ê做人我ài寫幾項可取排列tī下底。(1)伊ê信主。有守道理要緊禮拜。(2)伊ê有孝。對會趁錢ê時起，食穿chhìn-chhái,逐月日有khek-liám錢hō͘父母做家庭ê所費。(3)疼兄弟。兄弟有抵著事誌伊真歡喜幫贊。(4)盡忠。伊有hō͘ 幾若人倩，有內地人也有...

[1920-11 台南府城教會報 文類-傳記 作者--/-]
小傳 [ Sió-toān ]
小傳蕭Tek-bêng先生娘1920.11 428卷 p.12先生娘今年33歲。伊出來做主ê工頭尾14年。伊每任beh換位ê時教會ê兄弟姊妹真m̄甘，因為對兄弟姊妹講話輕聲、細說、親切、好感情、無激派、無大細心、老實、正氣。Koh 1 項，伊每禮拜做唸主日神糧來做眾姊妹ê模樣。伊每禮拜有婦人人ê祈禱會不止感激姊妹ê 心。雖然無讀女學，iáu-kú 論伊teh祈禱、講理不止感激人ê心。先生娘ê天資真足。真gâu吞忍，有甚物姊妹對伊講無道ê 話，伊也無受氣，m̄ bat 佮一位姊妹來計較甚物。亦真gâu款待丈夫，也真gâu整頓拜堂內外清氣。先生娘所做ê 夠額thang做教會ê模範。Tn̄g-pat...

[1920-11 台南府城教會報 文類-傳記 作者-陳添旺/Tân Thiam-ōng]
小傳 [ Sió-toān ]
小傳Tīⁿ Gím-sam.1920.11 428卷 p.7(陳添旺記。)Chit人是Bâ-û教會鄭Teng-thiam長老ê 第三子，今年18歲。淡水中學三年生，入學了後tī淡水受洗禮入教會。今年歇熱回家iáu有佮阮去赴佈道會，無扑算7 月尾起寒熱病，到9 月27 號 hō͘主召伊離開世間。28號tī大甲安葬。失chit號青年輩聽見ê人無m̄傷心。父母親人也憂悶boē了。(1)品行當正。對父母順情、有孝，m̄ bat hō͘ 序大人氣苦。對厝邊、嬸、姆、朋友有禮數，言語溫純、正氣hō͘人欽服o-ló。(2)Gâu吞忍。破病hiah 久，無啍呻、無khiâu人、無叫艱苦。(3)志望高大。Hit...

[1921-11 台南府城教會報 文類-傳記 作者-李存州/Lí Chûn-chiu]
小傳：澎湖許統執事 [ Sió-toān. Phêⁿ-ô͘ Khó͘ Thóng Chip-sū ]
小傳：澎湖許統執事1921.11 440卷 p.4(李存州記。)統伯是屬西嶼ê教會。1902年受洗禮，今年受揀做執事。對入教會了後，熱心拜上帝，勤守聖日。雖然對著真濟ê khún-tio̍k 也無餒志；有時魚掠掠hō͘世俗人搶搶--去，也無beh佮人計較，做人真親切，厝邊人人好；真正是真ê基督徒。西嶼ê教會攏是倚靠伊1人teh料理設法，本身真甘願做主理，招人來禮拜；真正是西嶼教會ê光燈。今無--lah! 10月7 日，就hō͘主召伊離開世間，享壽51歲。攏總破病20外日久，10外日bē講話。Tī teh-beh 死ê時，iáu會開嘴苦勸會友著熱心拜上帝，著有智識。厝邊聽著伊死，逐人無m̄吐氣流...

[1925-8 台南府城教會報 文類-傳記 作者-葉金木/Ia̍p Kim-bo̍k]
小傳鄭Teng-thiam [ Sió-toān Tīⁿ Teng-thiam ]
小傳鄭Teng-thiam1925.08 485卷 p.8(葉金木)鄭Teng-thiam 是Bâ-û教會長老，伊信道理有10外年久；對少年有食鴉片到50外歲。伊有1擺來Bâ-û看戲，抵著陳Kî-siông先生講道理hō͘伊聽；伊就歡喜來信，煞甘願改鴉片，對倚靠上帝用祈禱，無倚靠藥。對hit-tia̍p了後禮拜日除破病以外m̄-bat歇睏，對教會無論獻工、抑是獻金攏真甘願，逐擺若有佈道會抑是演說會，伊對早起著到拜堂發落買菜、掃內外、choaⁿ茶，實在真感心，koh伊真尊敬傳道理ê人，m̄-bat聽見伊有嫌傳道ê 是非。伊對舊年破病，身体軟弱，bē到拜堂，iáu-kú不時teh 掛慮教會ê事， ...

[1925-9 台南府城教會報 文類-傳記 作者-葉金木/Ia̍p Kim-bo̍k]
小傳陳--氏Keh [ Sió-toān Tân--sī Keh ]
小傳陳--氏Keh1925.09 486卷 p.10-11(葉金木)陳氏Keh就是松仔姆，伊對少年ê時是有食鴉片，熱心拜神明。到62歲ê 時有得著道理，改鴉片，學白話字到會讀聖經，熱人致意引chhoā人聽道理。若有姑娘，宣道婦來，伊逐擺出力chhoā in 去佈道。論題捐1真克己向前，也致意chhoā家內大細服事上帝。1日早暗有兩擺家庭禮拜。對舊年來常常抵著破病，身体真lám,iáu-kú 伊不時佮上帝交陪，讀聖冊。破病tī眠床，伊ê序細猶原著佮伊tī眠床邊禮拜，實在真感心。阮tī 7 月30日有佮陳瓊瑤牧師、鄭進丁君做陣去探伊，佮伊相佮禮拜，伊真歡喜顯明伊攏無艱苦ê款，直直kā阮說多謝。不幸...

[1925-11 台南府城教會報 文類-傳記 作者--/-]
偕牧師娘ê小傳 [ Kai Bo̍k-su-niû ê Sió-toān ]
偕牧師娘ê小傳1925.11 488卷 p.5-6(T. C. G.寫)偕牧師娘是姓張名叫聰明，台北五股坑庄ê人，tī主後1878 年5 月27 日有嫁偕牧師，tiàm tī淡水不止久，後--來有搬來台北企起。伊bat kap偕牧師出外四界巡視教會，也bat kap伊做陣去加拿大兩擺，1 擺是對西爿去，有經過幾若國，就是印度國、猶太國、法國、英國、美國，chiah-ê 國度。台灣ê婦人人行hiah遠，kap世界一周，káⁿ是伊nā-tiāⁿ。聖經所講ê所在，伊也有看不止濟位。Bat 聽伊講有去看埃及ê塔，kap法老王ê身屍，也有去看耶路撒冷、伯利恆、約旦河、死海；koh 有去看非所bat遊ê火...

[1926-7 台南府城教會報 文類-傳記 作者-葉金木/Ia̍p Kim-bo̍k]
小傳郭蔡--氏 oàn [ Sió-toān Keh Chhoà--sī oàn ]
小傳郭蔡--氏 oàn1926.07 496卷 p.8(葉金木)伊ê外家就是鹿港蔡Chhí ê 大查某子，17歲嫁郭Oai長老。伊ê丈夫信道理，5年久kap伊做對敵，家己拜偶像，到39歲ê時，才kap伊ê 丈夫相kap信福音。對hit-tia̍p起，真致意守禮拜，雖然身軀軟弱，也坐車去赴，koh 伊也真致意倒轉去鹿港引chhoā伊ê父母禮拜。 伊ê做人勤儉克己，gâu款待--人、gâu料理家事、尊敬丈夫。到beh臨終ê以前，iáu-kú交代伊ê查某子著泡雞卵hō͘伊ê丈夫食。款待人無分親疏，所以無論會內會外ê人若到伊ê厝，伊攏顯出伊歡喜ê面，來好款待--人。所以bat--伊ê 人攏真數念--伊...

[1927-1 台南府城教會報 文類-傳記 作者-蘇阿均/So͘ A-kun]
故卓宗慶ê小傳 [ Kò͘ Toh Chong-khèng ê Sió-toān ]
故卓宗慶ê小傳1927.01 502卷 p.9-10(蘇阿均)宗慶伯4句要緊ê遺囑。 宗慶伯出世tī桃園郡，枋樹庄領頂。3 歲老父過身，無機會thang讀冊，所以m̄ bat字，一生是耕農。 伊得著道理ê因端，是對領頂徙來南崁廟口，kap in 丈姆toà相近ê所在。伊ê丈姆莊--氏乞，是拜上帝ê人，就常常招伊ê子婿kap查某子去南崁拜堂聽道理。對hit-tia̍p宗慶姆就常常chhoā伊ê子、新婦去禮拜堂聽道理kap讀主日學。 Hit-tia̍p 宗慶伯iáu-bē 信，總--是m̄敢阻擋禮拜；家己拜神明。宗慶姆常常勉勵，招伊著去禮拜聽道理。伊應伊講：「做禮拜kiám 會飽--mah？」過無...

[1927-3 台南府城教會報 文類-傳記 作者--/-]
故陳信彰君小傳 [ Kò͘ Tân Sìn-chiong Kun Sió-toān ]
故陳信彰君小傳1927.03 504卷 p.8-9(徐春生)故陳信彰--氏，就是錫口 教會陳復禮、陳約翰二位長老ê兄弟。伊ê親人濟濟做傳教師， 伊本身也bat 3年久做傳道。看北部台灣基督長老教會ê歷史第102面有伊ê 像，就知伊細漢讀義學，後--來讀國語校ê第三附屬，也3年久入醫學，4年久入淡水聖道書院。後來受派去八里社 做傳道，因為家事上就歇工，kap伊ê兄弟逐家出力經營炭礦成功，來利益地方kap家內以及教會。論伊ê性是忠直kap樸實。看伊ê經歷就知伊有交陪濟濟朋友。Tī無扑算ê時，昭和兩年1月1日e晡4點，腦出血；過12點久hō͘上帝召--去，享壽 45歲。到15日e 晡2點舉行葬式，會...

[1927-9 台南府城教會報 文類-傳記 作者--/-]
Siau Lîm ê小傳 [ Siau Lîm ê Sió-toān ]
Siau Lîm ê小傳1927.09 510卷 p.15-16(草屯頭一个信徒)Tī 1899年，舊曆3 月間，Lîm叔koāⁿ寡紙條beh去南投kuì 墓，途中看見1 個老歲仔，手koāⁿ銅鑼，kha-chiah-phiaⁿ 插樹pha，因為是熱天，摃鑼teh 唸，打扮怪狀，giâu 疑tī teh 請神，若beh 請神，thài無提金香紙燭？奇怪！近倚借問；「老兄是teh 請神--mah ？」伊應講：「Hiàu!我是teh請活神，報人知人是 1 個活神ê子」（寶貝ê話）。Lîm叔講：「án-ni 來阮草屯講。」4月初1 老歲仔果然來。初 8黃烏皮長老接續來，那聽那有氣味，就信主，將chh...

[1928-3 台南府城教會報 文類-傳記 作者-偕叡廉/Kai Jōe-liâm]
廉牧師娘ê小傳 [ Liâm Bo̍k-su-niû ê Sió-toān ]
廉牧師娘ê小傳1928.03 516卷(芥菜子第25號) p.12 (偕叡廉)頂日有收著加拿大ê批，講廉牧師娘tī今年正月初一，已經受上主ê揀召。Tī 正月初3有埋葬tī多倫多，伊ê本所在。濟濟人去赴hit日ê葬式，內中有6個宣教師，好意扛伊ê棺木。廉牧師娘就是加拿大ê人，出世tī On-thé-li-o省。伊ê父母企起tī多倫多市。廉牧師娘是不止活動kap好學ê人。伊是多倫多聖經學校ê卒業生。伊也bat tī美國留學1年久。到tī 1919年kap廉牧師做陣來台灣。兩人kap大家真和好、真親切，也真gâu做人。可惜tī台灣ê時，身体無甚mih勇健，不得以tī 1923年koh再倒轉去本國。總...

[1929-7 台灣教會報 文類-傳記 作者-王Têng-goân/Ông Têng-goân]
故Kam-ú，李長老小傳 [ Kò͘ Kam-ú, Lí Tiúⁿ-ló Sió-toān ]
故Kam-ú，李長老小傳1929.07 532卷 p.5-6(王Têng-goân)李長老是1874年舊曆2月9日出世tī台南ê菜市埔。Tī 1929年舊曆3月9日tī歸仁北過身，享壽56歲。 李長老原本tī台南做執事真久，人人o-ló伊誠實古意。伊有kap英國先生安醫生學醫術，卒業了就tī台南開業。Hit-tia̍p tú是楊世註牧師iáu tī台南ê神學在學，差不多20外年前ê事。後--來tī 佳里開業，hia ê兄弟姊妹亦o-ló--伊，tī hia 有當長老。 主ê旨意tī 10 外年前對tī伊ê眠夢中有看著真濟項ê好兆頭，對án-ni伊就決意來歸仁北。人真敬重--伊，伊亦十二分ê g...

[1929-7 台灣教會報 文類-傳記 作者-偕叡廉/Kai Jōe-liâm]
吳廷芳傳道ê小傳 [ Gô͘ Têng-hong Thoân-tō ê Sió-toān ]
吳廷芳傳道ê小傳1929.07 532卷 (芥菜子第41號) p.20(偕叡廉)吳廷芳傳道ê本所在就是艋舺。伊tī明治3年10月24日出世，細漢ê時有讀漢學；到較大漢真認真研究孔子冊。到15歲hit時法國來扑台灣 (西仔反) tī地方濟濟所在不止擾亂。Tī 艋舺hiah ê 三大姓（黃、林、吳）大窘逐教會，講：「若有禮拜堂，就無三大姓，若有三大姓就無禮拜堂。」百姓大擾亂beh 拆禮拜堂。Hit時吳廷芳扑鑼tī街路，出力叫人來拆拜堂。無久幾若千人kia̍h ke-si來拆拜堂。 經過幾若年久，吳廷芳就去行衙門，以及做先生。到明治29年4月，伊搬去錫口（松山）做先生。Tī hia 錫口ê傳道陳能引...

[1929-10 台灣教會報 文類-傳記 作者--/-]
洪邱--氏阿麗ê小傳 [ Âng Khu--sī A-lē ê Sió-toān ]
洪邱--氏阿麗ê小傳1929.10 535卷(芥菜子第44號) p.19(Giâm Khoan-hoâi)洪邱--氏 阿麗出世tī明治21年9月26日。伊是大kho͘陷人，伊 ê父母攏無聽道理。總--是阿麗真愛去拜堂聽人講耶穌ê來歷，拜堂ê先生就教伊讀羅馬字。後--來續kā伊舉荐嫁hō͘會友洪顯理做婦人人；丈夫hit時teh 讀神學校。結婚了就kap丈夫去toà 拜堂幾若年久。了後丈夫放煞傳道ê工，伊就家己教公學校來幫贊家庭ê生活。伊有經過公學校、第二附屬、助產婦講習會，攏總有到卒業。這thang講是伊ê特色；因為伊m̄是出世tī文明有教育ê家庭，這專專是對伊ê好學kap勤勉來得--著ê。 後...

[1912-11 台南府城教會報 文類-傳記 作者--/-]
高先生ê小傳 [ Ko Sian-siⁿ ê Sió-toān ]
高先生ê小傳1912.11 332卷 p.6-7先生姓高名長；泉州府晉江縣ê人，出世tī 1837年，少年ê時過來台灣謀生。 起頭老馬醫生過來台灣開醫館設教，有對漳州請Bûn-peh過來台灣做佈道師；有一日先生備辦金香燭beh 去下王爺，抵遇Bûn- peh佈道，先生就停腳來聽，聽了心受感激，對án-ni無去繫王爺，就信主。 Hit時台灣信主ê人iáu少，koh外國ê先生逐個驚--in，所以醫生有chhiàⁿ先生來料理廚房ê事。無偌久穡濟工少，先生也是熱心信主ê人，醫生就請伊做佈道師，先生tī台灣thang講是頭一個ê傳道先生。對hit-tia̍p 起有30外年出力做工tī教會，雖是細漢無機會...

[1929-7 台灣教會報 文類-傳記 作者-吳Te̍k-kî/Gô͘ Te̍k-kî]
小傳故吳雞母（文彬）先生娘去世 [ Sió-toān Kó͘ Gô͘ Ke-bó (Bûn-pin) Sian-seⁿ-niû Khì-sè ]
小傳故吳雞母（文彬）先生娘去世1929.07 532卷 p.9-10(吳Te̍k-kî)先生娘姓莊，名Hê，(Toan)。佇1862年9月15日出世佇羅東庄，到15歲綴老母來信道理，所屬的教會是Ka-poà-soá。佇1880年12月5號對施牧師受洗禮入教，聽道理頭尾5年就入聖會。到20歲嫁予吳文彬先生，對彼時起盡力幫贊先生、利益教會、致意教姊妹捌聖經，予大細尊貴卑賤的會友好親近，佇濟濟教會有經過窘逐佮會友犯罪的苦心，總是攏無餒志，反轉那向主基督。身軀較艱苦也拖命教姊妹學字母、讀詩、讀聖經，實在無輸1个女學的卒業生。今伊有經過的教會，就是嘉義、木柵、柑仔林、Ka-poà-soá、加吶埔、柑仔林...

[1930-1 台灣教會報 文類-傳記 作者-劉阿秀/Lâu A-siù]
小傳詹長老 [ Sió-toān Chiam Tiúⁿ-ló ]
小傳詹長老1930年1月第538卷p.20芥菜子第47號(劉阿秀)詹阿hián是公館庄教會的長老。伊佇明治12年9月7 日出世；伊的出生地是公館庄新港寮；8歲的時徙去北寮徛起，經營農業來成家。伊猶未信主的時趁世俗，服事神明真熱心。佇 19歲的時，對鍾阿muí傳道聽著道理，就放sak世俗來信主。到伊24歲，就是明治36年，有受公館庄教會揀伊做執事6年久；到30歲的時，就是明治42年，就設立伊做長老，20年久無離任。伊有2个查甫子，2个查某子。大子詹Tek-kiàn，猶佇台北神學校在學中，3 年生；第二子teh 幫贊家內；細漢的查某子今年14歲，猶佇公學校補習科讀。伊佇 11月10日猶去苗栗教會赴...

[1930-7 台灣教會報 文類-傳記 作者-葉金木/Ia̍p Kim-bo̍k]
李萬居的傳記 [ Lí Bān-ki ê Toān-kì ]
李萬居的傳記1930.07 544卷 p.20芥菜子53號(葉金木)伊是水返跤教會熱心的聽道者，伊佇地方有擔當區長10外年，也有做台北廳參事，社會事業也熱心teh做。伊有做茶館，各方面攏愛載來賣--伊，生理真發達，做人真德望，真謙卑無驕傲，若有看著人逐擺代先叫人。伊有佮陳熊長老做好朋友，陳熊長老不時用道理teh栽培，後--來信道理。可惜彼霎伊的事業做真大，人真煩，較無機會通守禮拜。總是伊真好膽干證道理，對教會盡力援助，水返跤獨立傳道的時，伊嘛當傳道束金1半。到請牧師的時，伊擔當牧師束金1半。傳道局贊助員每年20 箍，所出的有到伊離別世間才煞。 伊真gâu 款待傳道理的人，若有傳道理抑是遮的熱心...

[1930-7 台灣教會報 文類-傳記 作者--/-]
陳熊的小傳 [ Tân Hîm ê Sió-toān ]
陳熊的小傳1930.07 第544卷 p.20芥菜子第53號陳熊是水返跤教會的長老，14歲就佇三重埔得著道理。後--來佇水返跤做生理，伊的老父毋准伊信道理，紲窘逐--伊，放聲欲刣死伊，若禮拜日伊的父去拜堂巡，若看伊佇--leh隨時叫倒--去。伊就佮曾溫長老參詳，曾長老安慰伊講，上帝逐位佇--leh，你佇逐位通服事上帝。法國扑台灣的時，禮拜日欲去禮拜拄著人搶拜堂，伊就chhoā蔡昇傳道走，家己的生理店攏予人搶了了，歹人出賞格，攑銃四界chhoē,後--來才走去淡水，佇遐做生理，紲入神學，後--來有受派去踮崙仔頂、大里簡傳道。了後就歇睏佇水返跤做生理。伊佇1904年做水返跤長老到今，真熱心佇教會，...