[1954-4 台灣教會公報 文類-散文 作者--/-]
佈道：天堂kap地獄 [ Pò͘-tō:Thian-tông kap Tē-ge̍k ]
佈道天堂佮地獄1954.04 784號 p.24-25 人踮世間第一愛--的，就是平安、快樂、好額、勇健、長歲壽、子孫濟、地位懸。就是愛得滿意的人生。也第一毋愛--的，就是悽慘、艱苦、散hiong、衰荏、夭折、孤單、卑微。就是毋愛不如意的生活。為著按呢，咱就用盡所有的智慧佮氣力，來追求第一好的人生，也盡量愛避免一切第一毋好的生活。今若人人所teh追求--的，攏達成，就世間是無甚乜艱苦，抑是困難。總是事實報咱知「人生」並毋是遮爾簡單，因為一面果然世間有濟濟人得著滿意的人生，siâng時閣一面也是有濟濟人teh經過不如意的生活。就siâng一个人也會經驗著這兩種的境遇，親像走馬燈，來閣去，去閣來...

[1954-4 台灣教會公報 文類-散文 作者--/-]
實行ê基督徒 [ Si̍t-hêng ê Ki-tok-tô͘ ]
實行的基督徒1954. 04, no. 784, pp. 27-28林Io̍k-lí先生是霧峰教會的會員，伊的令尊故林Chuí-lâi先生，是出名的醫師，雖然毋是會員，歷代的傳教者攏受伊的厚待，教會慈善的機關，若有去共伊募款，伊就盡所會貢獻。Io̍k-lí先生，公學校畢業就去長榮中學校讀冊。佇遐接受基督的救恩，決心受洗進教。後來去日本留學，對昭和醫專畢業，蹛病院實習幾nā年，內科，外科，產科，真特色高妙。就倒來霧峰幫贊伊的老爸。大東亞戰爭就受召去南洋。一擺十三个醫師做伙，聯軍的飛機來掃射，死十二个，kan-ta Io̍k-lí先生生存。伊就感覺，上帝留伊的性命，是愛伊著盡力做有價值的人。日本降...

[1954-5 台灣教會公報 文類-散文 作者--/-]
公告：普世教聯主席團 [ Kong-kò:Phó͘-sè Kàu Liân Chú-se̍k-thoân ]
普世教聯主席團的批1954. 05, no. 785, pp. 4-5阮普世基督教聯合會主席團，佇這个主曆1954年五旬節的日請安屬佇普世教會團契眾教會佮恁的眾會友。阮愛恁特別佇這時為著全世界的教會以及佇今年8月佇Evanston欲開的第2次普世教聯總會來祈禱。咱的主對使徒約束：「恁欲佇耶路撒冷遍猶太撒馬利亞直到地極做我的干證。」五旬節的日通講是表明這个約束teh應驗的日。以後濟濟世紀，無管罪惡佮分裂偌厲害，佇教會基督的工程一直開闊到通世界。第一，咱著為著這日來感謝上帝，續做伊的干證到地極。今年第2次普世教聯總會欲重新宣言講，基督是世界唯一个向望。照新約所記的教會的合一佮向望咱saⁿ-kap有...

[1954-5 台灣教會公報 文類-散文 作者--/-]
世界消息：別國教會 [ Sè-kài Siau-sit:Pa̍t kok kàu-hoē ]
世界消息1954. 05, no. 785, pp. 11-13(1)英國聖經會。照這个會的報告，舊年1953年是真好的年。這个聖經會有用真濟款完全猶毋捌做字來寫的腔口印聖經。佇亞非利加12款，南亞美利加3款，亞細亞15款，南洋13款。(2)瑞西國。佇國內一省的教會的大會近來聚集的時，有得著 Karl Barth神學博士的指導講演。伊的題目是關係今年欲聚集佇美國普世教會第二總會所欲拄著的問題。伊講，照伊看，彼个會看現代的使命對一方面著對聖經所有的教示講。也閣一方面著看現世的人所會曉疼的話語來講。伊問講，有向望無？應講，有，向望是佇耶穌基督。因為佇基督所有的向望有較進步的所在。世界的人有大向望：...

[1954-6 台灣教會公報 文類-散文 作者--/-]
社論：容允細囝就近主 [ Siā-lūn:Iông-ún soè-kiáⁿ Chiū-kūn Chú ]
容允細囝就近主(牧師：張Hông-chhiong)。1954. 06, no. 786, pp. 3-4[本月頭一禮拜的主日是聖神降臨節，第二个主日是兒童節。這霎特別愛來想兒童的事。]無論耶穌在世當時á是現代，細囝常常提出問題予社會。也是常常成做問題的中心。當時按呢，現時也是按呢。細囝是予人看做費氣閣麻煩的存在者。所以常常予人對這个社會共伊除外。細囝是不斷teh進步的，無論是精神á是肉體；所以不時teh求刺激，袂通靜靜，伸腳出手，哭，嚷，拍，舂，不時都予人罵，喝，拍，趕出去。若是佇內面mī嫌chhò耳，趕出去外面mī有車ê危險。所以趕遮，趕遐，in毋知欲去tó位？毋知欲怎樣做才好？實在細囝今仔...

[1954-9 台灣教會公報 文類-散文 作者--/-]
佈道：南無阿彌陀佛 [ Pò͘-tō:Lâm-bû o-bí-tô-hu̍t ]
佈道南無阿彌陀佛1954.09 789號 p.22-23南無阿彌陀佛這6字是全佛教的根本真髓，是性命的中心。也是做先鋒的工作，引chhoā人來信救主耶穌基督。發明這六字的東洋人真正是宗教天才。東洋人佇西爿有出基督的十字架，東爿有生出這六字的口號。宗教是對東洋出，伊的光照到全世界。1.「阿彌陀」是甚乜意思？這三字是形容詞。意思是「無量壽無量光」；就是講，伊的生命無時間的制限，伊的榮光威嚴無空間的制限。就是永遠到永遠，無起頭無煞尾的存在，閣逐所在佇--leh；無所不在。這就是「真如」的實在的款式。2.「佛」是甚乜？「佛」是名詞，就是「如來」。「如來」的意思就是「從如來生者」。意思就是對真如的世界來...

[1954-10 台灣教會公報 文類-散文 作者--/-]
世紀的大運動P.K.U. [ Sè-kí ê toā ūn-tōng P.K.U. ]
世紀的大運動P.K.U。 1954.10，no.790，pp.4-5 今年的南部大會有決議欲開始一个大運動，叫做「設教百週年記念教會倍加運動，」簡稱 P.K.U。佇此去11年內，來完成這个運動。到1965年，就是南部教會設教一百週年，彼年向望有比今仔日重倍的教會數，就是300 間，來獻予主，做in設教100週年記念的禮品。 1. 這是空前的大運動。 看南部教會史的中間，最第一精彩的一段，就是1896-1906 止10年間，中部 地區漢人三間的教會進步到20 間；信徒數對500進到3000。也平埔的教會本6 間，加一間；信徒對800進到1200 (看萬牧師的教會史 137面)。按...

[1954-10 台灣教會公報 文類-散文 作者--/-]
祈禱的力 [ Kî-tó ê la̍t ]
祈禱的力 (牧師：李鏡智)。 1954.10，no.790，pp.9-10 這个題目是受指定的。我來引幾句聖經節，簡略發表我的所信，來完我的受託。我想欲有有力的祈禱，著有以下的三條件。 (1)佮主不斷的一致。 「恁若踮佇我，我的話踮佇恁，凡若所愛的恁著求，就欲共恁成」(約15：7)。 (2)服從爸的旨意。 「心若無責備咱，就咱向上帝有好膽，閣見若咱所求的，就對伊得著，因為咱守伊的命令，佇伊的面前行伊所歡喜的代誌」(伊約3：21-23)。 (3)無搖choah 的信心。 「獨獨著用信來求，攏無僥疑，因為僥疑的人譬喻親像海湧予風拍，來起落。彼號人免拍算對主...

[1954-11 台灣教會公報 文類-散文 作者--/-]
高中頭水的果子 [ Ko tiong Thâu-chuí ê koé-chí ]
高中 頭水的果子 1954.11，no.791，pp.22 通恭喜，感謝主。百週年記念教會倍加運動，佇高雄中會內，頭一粒的果子已經成熟，也已經收成lah。 高中為著欲適應P.K.U.的工作，對9月以來有選定幾若所在做候補地，陸續工作。中間一位就是林邊 (=林仔邊)。這个工作到10月尾結束，已經佇幾日前，就是10月28號舉行開會典禮。將一粒媠媠P.K.U.頭水的果子獻予咱的主。

[1954-10 台灣教會公報 文類-散文 作者--/-]
加拉太人書的認識 [ Ka-lia̍p-thài jîn-su ê jīn-sek ]
加拉太人書的認識 (牧師：陳惠昌)。 1954.10，no.790，pp.18-20 路德馬丁講，「加拉太人書是我的，因為是聘定了，伊是我的某。」高德 (ゴーデ)講，「路得是用這个武器鑿入法王制，紲打倒當時的物質主義宗教，來建立福音到通得著自由。」按呢通知加拉太人書對佇宗教改革有真大影響，佇這个危機的教會通閣認識加拉太人書是真必要。本書只有6章短短的批，是保羅迫切親筆(6：11) 「一氣呵成」來寫，欲做緊急通解除加拉太教會的困惑。請用3項來研究本書。 Ⅰ.保羅佮加拉太遮的教會。 這个教會毋是一間，是幾若間，大概是保羅第1、2次傳道旅行，所建設的安提阿，以哥念，路司得，特庇佮加拉太省等...

[1954-10 台灣教會公報 文類-散文 作者--/-]
生死的交界 [ Seⁿ-sí ê kau-kài ]
生死的交界 (牧師：劉晉奇)。 1954.10，no.790，pp.22-24 聖經有兩个源頭，這tú-tú親像兩káng 的水源佇高高的山頂流到世界逐所在。就是始祖亞當佮人類的救主耶穌基督；也人類對這兩个源頭來決定彼个運命，就成做生死的交界。今我愛將這个題目分做幾項來佮大家想幾點的教示。 Ⅰ. 怎樣會致到死？ 彼个原因是對人的悖逆。有人講，律法ná 濟條，是表明人類ná墮落！基督教的道理只有教人一條，是最簡單，也是最完全，彼个就是順趁。因為基督有留順趁的模樣予人學習。彼个順趁換話來講，通，就是通，毋通，就毋通。這个就成做律法的根本，親像先生教學生，爸母教細囝，攏袂通出這个範圍。 ...

[1954-11 台灣教會公報 文類-散文 作者--/-]
阿義所獻的禮物 [ A-gī só͘ hiàn ê lé-mi̍h ]
阿義所獻的禮物 (頂面接社論) 1954.11，no.791，pp.25-26 這个感謝節的故事是佇第二次世界大戰中，對中國傳--來的。 阿義是一个十四、五歲的囡仔。有一日，teh行路的時真傷心，因為伊無爸母，無兄姊，無親人，只有留伊家己一个nā-tiāⁿ。所以ná行ná想伊所拄著的境遇。Tú一禮拜前，阿義佇學校teh讀冊，家庭、厝內攏安全，無啥物通好掛慮。總是今 kan-ta chhun伊一个，是為著對敵的炸彈炸了伊的厝，一盡受火燒滅。阿義的家族攏四散，阿義兩日久佇街路四界行，四界揣，揣攏無伊的親人。百姓也攏四散逃走到西爿的山去。阿義也綴人走，行4日久，日--時就一直行，暗時...

[1954-11 台灣教會公報 文類-散文 作者--/-]
跑 306 Km (公里) [ Pháu 306 Km (kong-lí). ]
跑 306 Km (公里)。 1954.11，no.791，pp.24 竹中T.K.C.今年有主辦跤踏車的旅行(bicycle trip)。九月6日A.M.9.00，對中壢出發(5名)是陳Lân-kî牧師做領隊，到楊梅有新屋 T.K.C.3名合流，到新竹 tú-tú中晝。佇新竹食晝，有閣加新埔3名，竹東一个，新竹 9 个，特別台中的任牧師(Rev.Junkin )有招一位美以美會的馬牧師(Rev.Mciⁿis)，對台中用火車送跤踏車來到新竹，也對新竹佮大家做伙出發。對新竹出發的時已經有23

[1954-11 台灣教會公報 文類-散文 作者--/-]
宇宙第一的冊 [ Ú-tiū tē-it ê chheh ]
宇宙第一的冊 (牧師：湯鼎乾)。 1954.11，no.791，pp.22-23 佇宇宙列國中有千千萬萬的冊。到底佗一本是第一的冊nih。佛教徒就欲代先來講，佛教歷史第一久，阮的教祖釋迦佛佇世間第一長歲壽；阮也有優婆尼沙經，中間有記十條戒，其中有一條有禁戒殺生，毋通強欺弱，是第一慈心的冊。所以阮的優婆尼沙經是宇宙第一的冊。若是回教徒講，阮有古爾阿尼經，是對基督教第一好的部分佮佛教最好的部分來採取成立的，所以古爾阿尼經是宇宙第一的冊。毋kú儒敎徒，伊就無欲按呢講，阮有四書五經，說起仁、義、禮、智、信，第一完全，到現代袂通改到一字，所以宇宙第一的冊正是阮的四書五經才著lah。以外猶有天文學家...

[1954-1 台灣教會公報 文類-散文 作者--/-]
山地消息 [ San-tē Siau-sit ]
山地消息 莊聲茂 1954.01 781號p.14-15 1、 第 7 屆高山講習會，對12月1號起，5日間，開佇新竹禮拜堂。講師 10名，會員14名。佇結束的時，Hái Bō͘-teng牧師熱切勉勵轉去山地著盡力為著救靈來工作，予會員有新的決心。 2、 我佇山地的傳道工作，是負責五峰、尖石兩鄉，共有11 間的教會。 3、 醫療事業是外國組織。醫師第1 任是陳先生，第 2 任是吳先生；予高山的兄姊得著真福氣，食藥免費，對in 的肉體佮靈魂通攏健康。 4、 論人物養成有兩个，一个teh讀台北聖經學院，一个高中2年，因為高山現時推進國語，傳教不止欠伊的工，所以有召轉...

[1954-12 台灣教會公報 文類-散文 作者--/-]
我若無來 [ Goá nā bô lâi ]
我若無來 (牧師：陳蘭奇)。 1954。12，no。792，pp。3-4 每年佇聖誕節的時，逐所在有濟濟人開慶祝會來歡喜快樂過日。怎樣欲按呢nih？因為人類久久就teh期待的彌賽亞已經出世lah！ 上帝因為疼痛的緣故，佇1950外年前，有將伊獨生囝耶穌基督賞賜世間，予見若信伊的人袂沉淪，會得著永活，佮有權通做上帝的囝兒。咱欲歡喜快樂來慶祝聖誕節的理由是在佇遮。 總是世間濟濟人無明白聖誕節的意義，kan-ta綴人參加表面上的慶祝會，這是無意思，是真可惜的事。 題目講，「我若無來」(約翰15：22)。列位兄姊，咱讀這句話毋知有啥物感覺？這句話是主耶穌家己講的話。伊已經來lah，...

[1954-12 台灣教會公報 文類-散文 作者--/-]
新莊教會消息 [ Sin-chng kàu-hoē siau-sit ]
新莊教會消息。 1954.12，no.792，pp.11-12 (蔡長義)。 新莊教會對小弟到任以來，已經半年久。這中間有致意佇建築拜堂的推行，不過猶未得著建設局的許可。因為北大建設局是今年才成立，阮猶未得著in的指導，現時猶摸無路通行，向望無久會摸著彼个頭緒。 對新莊教會創設以來77年，攏猶未捌建築拜堂，宛然親像有路無厝的可憐蟲；請有心的兄姊共阮指導幫忙。 第一遺憾的事，就是6月28號，阮有失落一位真熱誠的執事名叫黃土獅。伊當執事17年久，本年72 歲。伊領洗禮了後隔一年就任職，十外年久為著建築拜堂teh祈禱，鼓舞十外年猶未得著。伊有對小弟講明欲獻2000箍通做建堂的路用；...

[1954-12 台灣教會公報 文類-散文 作者--/-]
新店教會聘牧 [ Sin-tiàm kàu-hoē phèng bo̍k ]
新店教會聘牧。 1954.12，no.792，pp.11 北部的元老教會新店，對郭水龍牧師離任了，無有tú好的人通料理教會的事，不止無啥物好勢。所以這pang得著上主的引chhoā，有聘請一位少年先生鄭連德教師做in 的牧師，對今以後，人欲叫伊少年鄭牧師，因為鄭牧師真濟个，oh分別，伊上少年的緣故mah！ 十月25日上午11點，台北中會開特會，議長張昆遠牧師的領導下，舉行牧師封立典禮。天氣無啥物好，總是人就是人，khó chu̍t-chu̍t。這間教會是不止好的教會，過去的傳教者通講也是佇教界相當的人物捌蹛過的教會，親像故郭希信牧師，蕭安居牧師(當日也出席講祝詞，講，「新店教會是石磐，教...

[1954-12 台灣教會公報 文類-散文 作者--/-]
拯救的宗教 [ Chín-kiù ê Chong-kàu ]
拯救的宗教 (牧師：歐萬得) 1954.12，no.792，pp.8-9 始祖陷落，著驚逃走。佳哉上帝叫伊，欲予伊知罪；亞當你啥事食禁果？講，你所予我的婦人人，用禁果予我食。問夏娃，你啥事食禁果？講，蛇引誘我食。罪無人承認；反推罪予tong-gô͘。上帝判決in死刑，講，恁的身體是土粉做--的，死後猶原歸土粉。始祖若認罪，上帝慈悲大德：「若認咱的罪，伊是sêng信閣義，欲赦免咱的罪，洗除咱攏總的不義」(Ⅰ翰 1：9)。耶穌佇迦百農講道，有4人kng一个半遂--的就近伊，若是人濟，袂得倚；in就上厝頂，將半遂的墮落佇耶穌的面前。主看in有信，講，「細囝，你的罪赦lah，隨時起來，giâ床轉...

[1954-12 台灣教會公報 文類-散文 作者--/-]
老竹頭teh puh新芛 [ Lāu tek-thâu teh puh sin íⁿ ]
老竹頭teh puh 新芛。 1954.12，no.792，pp.17 自今年4月起，竹仔跤教會分設林邊佈道所，獨力支持到這个9月，閣得著高雄中會傳道部的援助，每禮拜三日，特派專家來加強佈道，也請鄭斗長老來駐在。阮得著這款的鼓舞，大家活動起來宛然是老竹頭teh puh 新芛。Kah著100週年P.K.U。，阮決心teh ló-le̍k，雖然現在teh受援助，阮向望無久會通獨立。請saⁿ替祈禱。照前月公報所報，這个林邊佈道所是高中P.K.U.頭粒的果子，現在是佇人家阮林仁慈長老的厝，此去著買地建堂。向望上帝祝福佮大家的援...