[1933-8 台灣教會公報 文類-傳記 作者-陳思聰/Tân Su-chhong]
小傳 [ Sió-toān ]
小傳陳思聰1933.08, no. 581, pp. 7 故蕭--氏Kam，劉茂清先生娘。 伊是崗仔林的人，20歲的時入劉先生的家庭；24歲的時，就tuì陳 Soan-lēng牧師領洗禮。 少年的時，有toè茂清先生去toà幾若位的教會。 就是崗仔林，台南，杜君英，溪州，加吶埔，後來就倒來toà里港。 無拍算佇昭和6年，頷頸生癌，到今年4月30日午後6點半，予主召伊轉去天堂。 享壽76歲。 佇5月4號午前10點，佇伊家己的本所在舉行葬式。 會葬者300外人。 伊一生做人真勤儉，gâu粒積。 堅心信主，有始有終。 佇病床中常常祈禱。 臨終的時，面顯出快樂，歡喜的榮光。 ...

[1933-9 台灣教會公報 文類-傳記 作者--/-]
故卓道生的小傳 [ Kò͘ Toh Tō-seng ê Sió-toān ]
故卓道生的小傳戴榮旋1933.09, no. 582, pp. 9-11 先生乳名大昌。 出世佇A. D. 1859年（安政6年）1月17日；死佇A.D. 1933年5月17號，享壽75 歲。 是左鎮教會的傑出。 帝國領台以後，改名道生。 Tuì細漢就伶俐聰明，予濟濟先生佮朋友所器重。 抵著故甘為霖牧師去巡左鎮教會的時，看著先生有不俗的才，就苦勸先生的老父著予伊讀冊。 13歲的時，去木柵的教會佮傳道師故吳礫志先生看伊的好才調，就舉薦伊入中學。 受校長甘為霖牧師的疼惜，chhoā伊去廈門讀冊。 故李春生長老，就是伊彼時的同窗友。 甘牧師看伊的做人，毋旦才調好，學問進步，閣看伊不止溫柔，有禮數，...

[1933-10 台灣教會公報 文類-傳記 作者-施坦/Si Thán]
小傳 [ Sió-toān ]
小傳施坦 記1933.10, no. 583, pp. 19 潘A-uî-khai-san翁，是烏牛欄教會有數的人物。 伊佇1864年1月28日出世。 佇今年5月27日別世，享壽69 歲。 彼一日告別式，雖然落大雨，猶久有幾若百人。 敝人做司式者，舉行莊嚴的式。 聽著伊一生的戮力，大家受感激，到流目屎。 今記伊生平幾項的事業佇下面：－1. 對社會。 伊佇明治 9年，就入教會的小學讀冊5年久。 明治 13年，去台南讀大學（神學校）半年久，為著都合無閣去。 明治26年，做屯勇的 si̍p-tiúⁿ。 明治35年，做土地調查委員。 明治37年做保正，連幾若任，共當22年久。 大正9年起，做烏牛欄區...

[1933-12 台灣教會公報 文類-傳記 作者--/-]
楊Tong-jū的小傳 [ Iûⁿ Tong-jū ê Sió-toān ]
楊Tong-jū的小傳黃仁壽1933.12, no. 585, pp. 17 楊Tong-jū是李Goân-hui君的婦人人，是二水教會主日學的教員。 是熱心好女德的女子，伊本是屬鹿港的教會；過來遮chiah倚兩年若定。 Tuì來到今，予家內的人歡喜，也予厝邊以及佮伊相識的人歡喜。 伊的大官是無拜上帝的人，以前雖然有濟濟人苦勸伊，總是攏bē會引chhoā伊來禮拜。 到Tong-jū來，伊的大官有受著伊的感激，就歡喜逐禮拜來禮拜。 今通講是全家拜上帝。 也通知德行感激人的力hiah大。 又閣真致意佇主日學，可惜身體軟弱，bē通逐禮拜出席，總是伊有鼓舞庄裡 的囡仔佮婦人人，彼暝時來伊的厝學白話字...

[1934-8 台灣教會公報/芥菜子 文類-傳記 作者-陳清義/Tân Chheng-gī]
岩崎先生的小傳 [ Gâm-kî Sian-siⁿ ê Sió-toān ]
岩崎先生的小傳陳清義1934.08, no. 593 (KCC, no. 103), pp. 30-31 岩崎敬太郎先生，是東京築地的人。 真早就來台灣，所以台灣話真知影，佮台灣人相識真濟；所以常常人佮伊講話的時，soà boē記得伊是內地人。 三十一年前，阮來艋舺的時，就佮伊相識，也捌聽見伊講，伊捌看見偕牧師，彼霎伊teh做台北地方法院的通譯。 後來漸漸相識，佮北部教會真有關係。 教會所抵著的事，伊真歡喜鬥幫贊，來設法到好勢。 引較要緊--的，一兩項來講：二十外年前。 台灣人猶未有財團法人，雖然我有the̍h東京富士見町教會財團法的規則來參考，猶久佇台灣猶未有民法，真oh得設法。 吳牧師有...

[1926-7 台南府城教會報 文類-傳記 作者-葉金木/Ia̍p Kim-bo̍k]
小傳郭蔡--氏 oàn [ Sió-toān Keh Chhoà--sī oàn ]
小傳郭蔡--氏 oàn1926.07 496卷 p.8(葉金木)伊ê外家就是鹿港蔡Chhí ê 大查某子，17歲嫁郭Oai長老。伊ê丈夫信道理，5年久kap伊做對敵，家己拜偶像，到39歲ê時，才kap伊ê 丈夫相kap信福音。對hit-tia̍p起，真致意守禮拜，雖然身軀軟弱，也坐車去赴，koh 伊也真致意倒轉去鹿港引chhoā伊ê父母禮拜。 伊ê做人勤儉克己，gâu款待--人、gâu料理家事、尊敬丈夫。到beh臨終ê以前，iáu-kú交代伊ê查某子著泡雞卵hō͘伊ê丈夫食。款待人無分親疏，所以無論會內會外ê人若到伊ê厝，伊攏顯出伊歡喜ê面，來好款待--人。所以bat--伊ê 人攏真數念--伊...

[1927-1 台南府城教會報 文類-傳記 作者-蘇阿均/So͘ A-kun]
故卓宗慶ê小傳 [ Kò͘ Toh Chong-khèng ê Sió-toān ]
故卓宗慶ê小傳1927.01 502卷 p.9-10(蘇阿均)宗慶伯4句要緊ê遺囑。 宗慶伯出世tī桃園郡，枋樹庄領頂。3 歲老父過身，無機會thang讀冊，所以m̄ bat字，一生是耕農。 伊得著道理ê因端，是對領頂徙來南崁廟口，kap in 丈姆toà相近ê所在。伊ê丈姆莊--氏乞，是拜上帝ê人，就常常招伊ê子婿kap查某子去南崁拜堂聽道理。對hit-tia̍p宗慶姆就常常chhoā伊ê子、新婦去禮拜堂聽道理kap讀主日學。 Hit-tia̍p 宗慶伯iáu-bē 信，總--是m̄敢阻擋禮拜；家己拜神明。宗慶姆常常勉勵，招伊著去禮拜聽道理。伊應伊講：「做禮拜kiám 會飽--mah？」過無...

[1927-3 台南府城教會報 文類-傳記 作者--/-]
故陳信彰君小傳 [ Kò͘ Tân Sìn-chiong Kun Sió-toān ]
故陳信彰君小傳1927.03 504卷 p.8-9(徐春生)故陳信彰--氏，就是錫口 教會陳復禮、陳約翰二位長老ê兄弟。伊ê親人濟濟做傳教師， 伊本身也bat 3年久做傳道。看北部台灣基督長老教會ê歷史第102面有伊ê 像，就知伊細漢讀義學，後--來讀國語校ê第三附屬，也3年久入醫學，4年久入淡水聖道書院。後來受派去八里社 做傳道，因為家事上就歇工，kap伊ê兄弟逐家出力經營炭礦成功，來利益地方kap家內以及教會。論伊ê性是忠直kap樸實。看伊ê經歷就知伊有交陪濟濟朋友。Tī無扑算ê時，昭和兩年1月1日e晡4點，腦出血；過12點久hō͘上帝召--去，享壽 45歲。到15日e 晡2點舉行葬式，會...

[1927-9 台南府城教會報 文類-傳記 作者--/-]
Siau Lîm ê小傳 [ Siau Lîm ê Sió-toān ]
Siau Lîm ê小傳1927.09 510卷 p.15-16(草屯頭一个信徒)Tī 1899年，舊曆3 月間，Lîm叔koāⁿ寡紙條beh去南投kuì 墓，途中看見1 個老歲仔，手koāⁿ銅鑼，kha-chiah-phiaⁿ 插樹pha，因為是熱天，摃鑼teh 唸，打扮怪狀，giâu 疑tī teh 請神，若beh 請神，thài無提金香紙燭？奇怪！近倚借問；「老兄是teh 請神--mah ？」伊應講：「Hiàu!我是teh請活神，報人知人是 1 個活神ê子」（寶貝ê話）。Lîm叔講：「án-ni 來阮草屯講。」4月初1 老歲仔果然來。初 8黃烏皮長老接續來，那聽那有氣味，就信主，將chh...

[1928-3 台南府城教會報 文類-傳記 作者-偕叡廉/Kai Jōe-liâm]
廉牧師娘ê小傳 [ Liâm Bo̍k-su-niû ê Sió-toān ]
廉牧師娘ê小傳1928.03 516卷(芥菜子第25號) p.12 (偕叡廉)頂日有收著加拿大ê批，講廉牧師娘tī今年正月初一，已經受上主ê揀召。Tī 正月初3有埋葬tī多倫多，伊ê本所在。濟濟人去赴hit日ê葬式，內中有6個宣教師，好意扛伊ê棺木。廉牧師娘就是加拿大ê人，出世tī On-thé-li-o省。伊ê父母企起tī多倫多市。廉牧師娘是不止活動kap好學ê人。伊是多倫多聖經學校ê卒業生。伊也bat tī美國留學1年久。到tī 1919年kap廉牧師做陣來台灣。兩人kap大家真和好、真親切，也真gâu做人。可惜tī台灣ê時，身体無甚mih勇健，不得以tī 1923年koh再倒轉去本國。總...

[1929-7 台灣教會報 文類-傳記 作者-王Têng-goân/Ông Têng-goân]
故Kam-ú，李長老小傳 [ Kò͘ Kam-ú, Lí Tiúⁿ-ló Sió-toān ]
故Kam-ú，李長老小傳1929.07 532卷 p.5-6(王Têng-goân)李長老是1874年舊曆2月9日出世tī台南ê菜市埔。Tī 1929年舊曆3月9日tī歸仁北過身，享壽56歲。 李長老原本tī台南做執事真久，人人o-ló伊誠實古意。伊有kap英國先生安醫生學醫術，卒業了就tī台南開業。Hit-tia̍p tú是楊世註牧師iáu tī台南ê神學在學，差不多20外年前ê事。後--來tī 佳里開業，hia ê兄弟姊妹亦o-ló--伊，tī hia 有當長老。 主ê旨意tī 10 外年前對tī伊ê眠夢中有看著真濟項ê好兆頭，對án-ni伊就決意來歸仁北。人真敬重--伊，伊亦十二分ê g...

[1929-7 台灣教會報 文類-傳記 作者-偕叡廉/Kai Jōe-liâm]
吳廷芳傳道ê小傳 [ Gô͘ Têng-hong Thoân-tō ê Sió-toān ]
吳廷芳傳道ê小傳1929.07 532卷 (芥菜子第41號) p.20(偕叡廉)吳廷芳傳道ê本所在就是艋舺。伊tī明治3年10月24日出世，細漢ê時有讀漢學；到較大漢真認真研究孔子冊。到15歲hit時法國來扑台灣 (西仔反) tī地方濟濟所在不止擾亂。Tī 艋舺hiah ê 三大姓（黃、林、吳）大窘逐教會，講：「若有禮拜堂，就無三大姓，若有三大姓就無禮拜堂。」百姓大擾亂beh 拆禮拜堂。Hit時吳廷芳扑鑼tī街路，出力叫人來拆拜堂。無久幾若千人kia̍h ke-si來拆拜堂。 經過幾若年久，吳廷芳就去行衙門，以及做先生。到明治29年4月，伊搬去錫口（松山）做先生。Tī hia 錫口ê傳道陳能引...

[1929-10 台灣教會報 文類-傳記 作者--/-]
洪邱--氏阿麗ê小傳 [ Âng Khu--sī A-lē ê Sió-toān ]
洪邱--氏阿麗ê小傳1929.10 535卷(芥菜子第44號) p.19(Giâm Khoan-hoâi)洪邱--氏 阿麗出世tī明治21年9月26日。伊是大kho͘陷人，伊 ê父母攏無聽道理。總--是阿麗真愛去拜堂聽人講耶穌ê來歷，拜堂ê先生就教伊讀羅馬字。後--來續kā伊舉荐嫁hō͘會友洪顯理做婦人人；丈夫hit時teh 讀神學校。結婚了就kap丈夫去toà 拜堂幾若年久。了後丈夫放煞傳道ê工，伊就家己教公學校來幫贊家庭ê生活。伊有經過公學校、第二附屬、助產婦講習會，攏總有到卒業。這thang講是伊ê特色；因為伊m̄是出世tī文明有教育ê家庭，這專專是對伊ê好學kap勤勉來得--著ê。 後...

[1929-7 台灣教會報 文類-傳記 作者-吳Te̍k-kî/Gô͘ Te̍k-kî]
小傳故吳雞母（文彬）先生娘去世 [ Sió-toān Kó͘ Gô͘ Ke-bó (Bûn-pin) Sian-seⁿ-niû Khì-sè ]
小傳故吳雞母（文彬）先生娘去世1929.07 532卷 p.9-10(吳Te̍k-kî)先生娘姓莊，名Hê，(Toan)。佇1862年9月15日出世佇羅東庄，到15歲綴老母來信道理，所屬的教會是Ka-poà-soá。佇1880年12月5號對施牧師受洗禮入教，聽道理頭尾5年就入聖會。到20歲嫁予吳文彬先生，對彼時起盡力幫贊先生、利益教會、致意教姊妹捌聖經，予大細尊貴卑賤的會友好親近，佇濟濟教會有經過窘逐佮會友犯罪的苦心，總是攏無餒志，反轉那向主基督。身軀較艱苦也拖命教姊妹學字母、讀詩、讀聖經，實在無輸1个女學的卒業生。今伊有經過的教會，就是嘉義、木柵、柑仔林、Ka-poà-soá、加吶埔、柑仔林...

[1930-1 台灣教會報 文類-傳記 作者-劉阿秀/Lâu A-siù]
小傳詹長老 [ Sió-toān Chiam Tiúⁿ-ló ]
小傳詹長老1930年1月第538卷p.20芥菜子第47號(劉阿秀)詹阿hián是公館庄教會的長老。伊佇明治12年9月7 日出世；伊的出生地是公館庄新港寮；8歲的時徙去北寮徛起，經營農業來成家。伊猶未信主的時趁世俗，服事神明真熱心。佇 19歲的時，對鍾阿muí傳道聽著道理，就放sak世俗來信主。到伊24歲，就是明治36年，有受公館庄教會揀伊做執事6年久；到30歲的時，就是明治42年，就設立伊做長老，20年久無離任。伊有2个查甫子，2个查某子。大子詹Tek-kiàn，猶佇台北神學校在學中，3 年生；第二子teh 幫贊家內；細漢的查某子今年14歲，猶佇公學校補習科讀。伊佇 11月10日猶去苗栗教會赴...

[1930-7 台灣教會報 文類-傳記 作者-葉金木/Ia̍p Kim-bo̍k]
李萬居的傳記 [ Lí Bān-ki ê Toān-kì ]
李萬居的傳記1930.07 544卷 p.20芥菜子53號(葉金木)伊是水返跤教會熱心的聽道者，伊佇地方有擔當區長10外年，也有做台北廳參事，社會事業也熱心teh做。伊有做茶館，各方面攏愛載來賣--伊，生理真發達，做人真德望，真謙卑無驕傲，若有看著人逐擺代先叫人。伊有佮陳熊長老做好朋友，陳熊長老不時用道理teh栽培，後--來信道理。可惜彼霎伊的事業做真大，人真煩，較無機會通守禮拜。總是伊真好膽干證道理，對教會盡力援助，水返跤獨立傳道的時，伊嘛當傳道束金1半。到請牧師的時，伊擔當牧師束金1半。傳道局贊助員每年20 箍，所出的有到伊離別世間才煞。 伊真gâu 款待傳道理的人，若有傳道理抑是遮的熱心...

[1930-7 台灣教會報 文類-傳記 作者--/-]
陳熊的小傳 [ Tân Hîm ê Sió-toān ]
陳熊的小傳1930.07 第544卷 p.20芥菜子第53號陳熊是水返跤教會的長老，14歲就佇三重埔得著道理。後--來佇水返跤做生理，伊的老父毋准伊信道理，紲窘逐--伊，放聲欲刣死伊，若禮拜日伊的父去拜堂巡，若看伊佇--leh隨時叫倒--去。伊就佮曾溫長老參詳，曾長老安慰伊講，上帝逐位佇--leh，你佇逐位通服事上帝。法國扑台灣的時，禮拜日欲去禮拜拄著人搶拜堂，伊就chhoā蔡昇傳道走，家己的生理店攏予人搶了了，歹人出賞格，攑銃四界chhoē,後--來才走去淡水，佇遐做生理，紲入神學，後--來有受派去踮崙仔頂、大里簡傳道。了後就歇睏佇水返跤做生理。伊佇1904年做水返跤長老到今，真熱心佇教會，...

[1932-11 台灣教會報 文類-傳記 作者-朱明蔭/Chu Bêng-ìm]
陳老乳長老的小傳 [ Tân Lāu-leng Tiúⁿ-ló ê Sió-toān ]
陳老乳長老的小傳1932.11 572卷 p.13(朱明蔭 寫)老乳叔細漢的時，是共人做箍絡。過--來聽著道理好，就認真講究到會讀聖經，會寫白話字。A.D. 1885 佇岩前予甘牧師共伊行洗禮接納，1900年做執事，1904年做長老。捌佮傳道先生出外佈道。因為目睭痛，有去醫館予馬醫生醫，卻有較好；若是因為常常痛，後--來紲青瞑。對按呢，吐氣無通看聖經。有聽著講有青瞑的字，就致意愛學。有跟某牧師學，勤勤讀到會讀聖經，無各樣目光的人。記持真好，聖經有chām抑是歸章會活唸。最近3、4年，岩前教會無先生，較常是伊做主理，上台直講、直讀，無輸目光的。佇 7月17日，(去伊的親戚的所在療養了轉--來)，...

[1935-4 台灣教會公報/芥菜子 文類-傳記 作者-葉金木/Ia̍p Kim-bo̍k]
故簡A-chhoan小傳 [ Kò͘ Kán A-chhoan Sió-toān ]
故簡A-chhoan小傳1935.04 第601卷 p.31芥菜子第111號(葉金木記)簡A-chhoan是雞籠教會的執事，伊佇主後1920年，對吳廷芳聽「破迷牢」的道理，對彼霎就決心來信主，了後真熱心研究道理、白話字的聖經讀到真熟。1922年，有受洗禮，對教會真熱心，禮拜真致意，入拜堂真虔誠，就是恬靜祈禱、讀聖經。伊一生是勤儉的人，總是真甘願獻金佇教會。 1926年，教會有揀伊做執事，對教會逐項的事務，真有盡責任。1931年，有閣重任執事，佇 3年前，拜堂的宿舍有拆大路閣改築，伊專心來監督到完成，實在真感心。無拍算，佇舊年中，有佮教會暫時相離，去研究天主教，到今年中會前，就閣得著上帝默示，反...

[1935-9 台灣教會公報 文類-傳記 作者-高端莊/Ko Toan-chong]
故梁阿海長老 [ Kò͘ Niû A-hái Tiúⁿ-ló ]
故梁阿海長老1935.09 第606卷 p.29-30芥菜子第116號(高端莊)梁長老佇A. D. 1872年出世佇新竹州下的北埔庄。1902 年對吳威廉牧師受洗禮；30年前全家族就搬徙來佇花蓮港耕農，直接、間接鬥建設教會佇花蓮港。1918年受揀，當本會的長老；經過幾若任，到佇今仔日。 伊有5个兄弟，3个小妹，大家是熱心的信徒，伊的兄弟攏捌當職佇本會。現時家族有80外个，雖然是大家族，總--是大家真協和，親像1个小社會，閣也是做本會的大氣力。伊的令先父是北埔教會初代熱心的長老，伊的遺族會通繼續佇教會內teh 活動，綴in 序大人媠的跤步，實在是真稀罕。 阿海長老有11个子，內外孫有20外个，有...