[1933-8 台灣教會公報 文類-散文 作者-潘道榮/Phoaⁿ Tō-êng]
夏天佮人生 [ Hē-thiⁿ kap Jîn-seng ]
夏天佮人生 1933.08 581卷 p.1 潘道榮 夏天一下到，大家感覺真熱！熱天的台灣，特別顯明上帝疼痛的完全。做詩的先生講，冬天夏天攏是上帝所定著的(詩74：17)。若無春夏秋冬四季的循環，就人生無甚物趣味佇咧。咱愛聽上帝的聲，毋若著日日勤讀聖經若定，閣著不時看上帝所創造自然界的現象。 熱天一下到，干焦感覺真熱；這是極無意義的生活。其實上帝將夏天熱的氣候賞賜咱，有寶貝的教示佇咧。因為對這个熱天是親像咧chhoā咱入佇新新媠媠的世界：- 1)疼的世界。五穀咧咧發育茂盛，結實攏佇這个熱天的時。特別佇咱熱帶地有出濟濟果子，通合咱熱天身體的欠用。又閣佇下晡時常常有落西北雨...

[1933-8 台灣教會公報 文類-散文 作者-落伍生/Lo̍k-ngó͘-seng]
合時的兒童節 [ Ha̍p-sî ê Jî-tông-cheh ]
合時的兒童節 落伍生 1933.08 581卷 p.4 (接5月號第7面) II.造就的兒童節 兒童做社會的基礎，未來世界的主人；所以才會文明國家無毋重視兒童來加添愛護。兒童節的本意就是認定社會，對待這號會用得造就的囡仔，毋應該下咧無理解的所在來予伊失落伊的本能。 先聖孔子捌講，後生可畏伊尊重後輩的深意，滿佇伊的話的以外。今遮的尊敬孔子的心意，就的確無下兒童的德、智、體、群各育佇無好無歹的中間。早孟子的老母捌為著共伊的囝，三擺徙伊的厝，世人傳做美談，因為伊知若毋是按呢，無夠額通教伊的囝，伊會按呢，結果予伊的囝成做繼續孔子的大賢。所以伊會成做大器具，大人物，是孟母的賢德，...

[1933-8 台灣教會公報 文類-散文 作者-屏東生/Pêng-tong seng]
一概莫得掛慮 [ It-khài bo̍h-tit khoà-lū ]
一概莫得掛慮 屏東生 1933.08 581卷 p.5 本間俊平先生講，「無看見的物欲予伊有看見，這是信仰的氣力；無信仰的人，這世間的物質掠做真穩當，真實在；有信仰的人萬事無實在，無久長，快轉踅流動的物。所以人若欣慕彼个超越佇物質的心靈界彼爿的事，將這做目的，因為欲得著彼个，來精進的生涯叫做照神來行的信仰的生涯。」 San-sek中將講，「祈禱上帝，就是予一切的煩惱走閃的路。無論酒，抑是活動寫真，跳舞場，抑是啥物設備機關，也未得通予咱得著慰安佮幫贊的，只有對祈禱通得著。祈禱會搖動上帝的氣力(熱誠真實的祈禱)。予患難困苦圍咧的中間，也知通祈禱的人，就無著急，生狂，閣心肝未受謎來...

[1933-8 台灣教會公報 文類-散文 作者-O.P.E./-]
介紹藥方 [ Kài-siāu io̍h-hng ]
介紹藥方 (O.P.E.記) 1933.08 581卷 p.7 序言 不才毋是醫生，亦毋是藥劑師，閣亦毋是藥種商；總是欲介紹藥方。 或者有人欲辯駁，若是按呢，你太有藥方通介紹啊？不才欲應伊講，有的是對左傳，有的是對親戚佮朋友傳授；所以有通介紹啦！ 檢采有人欲問，為啥緣故，你太欲介紹藥方啊？欲應伊講，毋是為著欲求名聲，亦毋是為著利路；是為著愛救人，予人較利便，較經濟。 俗語講，「畏著，無畏液。」又閣講，「小可錢，佇大眾；」有時免開費亦捌拄著。捌拄著一个例：就是捌有症頭，經過真濟醫生，開費濟濟金錢，總是無啥功效。後來我報伊用某藥方，竟然著手回春(伊連鞭好)。 有人欲問，...

[1933-8 台灣教會公報 文類-散文 作者-林茂生/Lîm Bō͘-seng]
基督教文明史觀 [ Ki-tok-kàu Bûn-bêng Sú-koan ]
基督教文明史觀 林茂生 1933.08 (581卷) (接頂卷8面) 第二，對宗教上來看，論基督教所有貢獻佇東洋的文化的第二點，就是贖罪的觀念。東爿的宗教卻毋是自來全然無這款贖罪的觀念。會用得通講不論佗一款的宗教，濟少就有包含贖罪的意思佇in的教旨，祭祀的中間。我佇遮愛分做兩款來看東洋國宗教所有的贖罪觀，就是(1)物質tek，(2)精神tek。 (1)頭一款這个物質tek得贖罪觀，會用得講較屬佇低級，通屬的宗教。按怎講是「物質的？「意思就是用物質來獻予神明，紲求in的恩典，免譴責過去的罪狀的觀念。中國的道教所屬各種的神明，攏有包含這款贖罪的意思佇彼內面。所以in的祭祀也是不止屬佇物...

[1933-8 台灣教會公報 文類-散文 作者-T. Th. Ts./-]
交通的發達 [ Kau-thong ê hoat-ta̍t ]
交通的發達 (T.Th.Ts.) 1933.08 581卷p.9 以上是陸上機關的解說，今愛代先講起水上的交通，向望後來有機會通講起陸上交通史(交通史)。 水上交通機關第一重要的就是船(舟)。原始時代的人看柴咧浮，樹葉咧流，才想出造船的法度，逐所在差不多攏siāng這款的傳說。予物浮佇水面來載物載人，這是近佇自然運搬的法度，所以人類文化極早的時代，已經有發明造船的法度。對考古學(考古學) 的先生所揣出--的，以及看現時文化程度，極低的民族所用的船，就知彼時代所做的船，佮現代的船大大無相同。 起頭扑算是用幾仔枝的圓柴，用藤仔縛做伙，絞做柴棑仔。現在佇支那洞庭湖、陽子江，也有大柴棑。佇...

[1933-8 台灣教會公報 文類-散文 作者-梁秀德/Niû Siù-tek]
新約書序說 [ Sin-iok-su Sū-soat ]
新約書序說 梁秀德 1933.08 581卷 p.12 第5章：新約書的原文 新約書的原文，是叫做本文(Text)。本文的原底寫的，叫做手記(Autograph)。這咱無法度通知；因為無彼號物啦！ 總是按呢，咱今仔日太會知彼个本文？就是著對寫本(Manuscripts)遮的物，若連斷片紲算，差不多有4000的數額。 咱的新約書，若干焦遮的寫本，也是無夠額通知彼个本文是啥物。若按呢，欲怎樣？因為過抄的人，撿彩有時有意識的變換，抑是無意識的誤錯，有的撿彩本文有破損的所在，致到有袂明的跡。所以對濟濟因端有通僥疑。總是雖然按呢，咱猶有一項的法度，就是著參考譯本佮古代教父佇著書的中間...

[1933-8 台灣教會公報 文類-散文 作者-陳明清/Tân Bêng-chheng]
論基督再臨 [ Lūn Ki-tok Chài-lîm ]
論基督再臨 陳明清 1933.08 581卷 p.12 (接前號第14面) 對頂面所寫，這7个節期所表明的事，共伊看--起來，通知第一到第四个節，搖麥穗的節(盤過節，無酵節)所表明的事實已經過了。第5到第7的節，(噴哨角的節，贖罪的節，搭草厝的節所表明的事，就是主再臨的事，現今猶未到。今照彼个順序來講，咱佇這个時代所咧向望來應驗的節期，敢毋是噴哨角的節mah？佇這个時代咱信徒所咧向望--ê，就是愛聽主的哨角的聲，愛看主齊訓來臨教。保羅講，「今我用奧妙共恁講，咱無欲攏睏，是攏欲變化，這時仔久，目一nih，末期哨角霆的時；因為哨角欲霆，死人就欲閣活，變做袂朽爛--ê，咱也欲變化」(I林...

[1933-8 台灣教會公報/芥菜子 文類-散文 作者-戴仁壽/Tè Jîn-siū]
樂山園雜報 [ Ngāu-san-oân Cha̍p-pò ]
樂山園雜報 戴仁壽記 1933.08 (芥菜仔第91號) p.22 佇1928年11月，總督府有出許可予咱通募集金來起這間治療園來治療照顧癩病患者，舊年有延期閣兩年。到本年六月中全島有toê Y89,413,97有交現今Y60,411,47，按呢歹揀去的時陣成績未歹，實在通感謝上帝的大恩。猶閣有倚三萬箍袂交，向望若有讀報的人猶未交，拜託緊交，予工事緊成，真拜託。佇遮愛共男女老幼說真多謝，不論教會內會外，因為遐爾好意贊成咱的救主所交代的事業。 佇1931年六月中，有買所在通起療養所。 佇彼年十一月有受政府的許可通起厝。紲兩月日久有人反對無愛病院佇遐；總是感謝上帝，彼號反對袂成。 佇1...

[1933-8 台灣教會公報 文類-散文 作者-楊註/Iûⁿ Chù]
台中區的思想 [ Tâi-tiong khu ê Su-siúⁿ ]
台中區的思想 (楊註) 1933.08 581卷 p.18 按怎叫做台中區的思想？百年前無牧師、無區議會、無中會，就無思想的問題？ 今本中會，á Siông-設部所議論的，就是思想。 I.對上帝. 捌講，禮拜的時，欲祈禱，著kióng-chhiú，著坐四正，毋通khiû-跤，著紀念耶穌閣活。 II.對人.(1)對母會的人著請in來赴中會，予in平平有義務，揀in做議長。 開茶餅會歡迎劉忠堅牧師，伊thê-sî。 歡迎董事，有人講，著用台灣禮，用樂隊，放大炮，做出頭，有人呵咾真好，有人嫌。莫怪，呵咾抑是嫌攏是教示，實在大利益，應該說謝。 捌議論共咱醫生做生日，不止...

[1933-8 台灣教會公報 文類-散文 作者-滿雄才/Boán Hiông-châi]
平民的基督傳 [ Pêng-bîn ê Ki-tok-toān ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1933-9 台灣教會公報 文類-散文 作者-潘道榮/Phoaⁿ Tō-êng]
努力！奮鬥！ [ Ló͘-le̍k! Hùn-tò͘! ]
努力！奮鬥！ 1933.09 582卷 p.1 (主筆：潘道榮) 光陰親像流水！目一nih，熱的夏天咧欲過，涼的秋天接續來。啊！造物主智慧的深沉！疼痛的美妙！ 眾青年的學生諸君啊！恁佇歇熱中得著新新的元氣，今歡頭喜面欲進入新的學期；量必大家攏有大決心欲出力勉強，來達成恁的目的，才著。請會記得，前途猶閣遠，應該囥大的希望佇咧。著努力！著奮鬥！ 列位信徒啊！咱為著設教滿70週年，有計畫欲開祝賀的記念會。這是南部教會一个大閣新的記錄，應該謙卑斟酌來想。所以此去，就是猶兩年久，咱著怎樣努力？怎樣奮鬥？佇遮愛排列7項予大家做參考：─ 1.迫切祈禱。佇1928年，基督受難週...

[1933-9 台灣教會公報/芥菜子 文類-散文 作者-柯設偕/Koa Siat-kai]
逐方面得著福音 [ Ta̍k hong-bīn tit-tio̍h Hok-im ]
逐方面得著福音 1933.09 (芥菜子第92號)p.25-26 柯設偕 I.政治家得著福音 早，政治家尼哥底母，暗時來見耶穌(約翰3：1-21)。彼時伊真小膽。總是受主教訓聖道了後，聖神幫贊伊的氣力，佇眾人的面前好膽為著主做干證(約翰7：50，51)。毋但按呢，佇主受難的時，閣較好膽提芳料安葬主(約翰19：39-41)。這敢毋是靠主得著恩典mah ？！ II.軍人得著福音 早，軍人(武官)哥尼流，佇該撒利亞做Pek-hu-tiúⁿ。祈禱的時，天使降落，呵咾伊的祈禱已經有得著主的紀念，紲指示伊差人去Iok-phàⁿ，請彼得指示救人的道理。彼得來傳道理了後，毋若伊得著救，也全...

[1933-9 台灣教會公報 文類-散文 作者-屏東生/Pêng-tong seng]
一概莫得掛慮 [ It-khài bo̍h-tit khoà-lū ]
一概莫得掛慮 1933.09(582卷)p.4-5 屏東生 (接頂卷5面) 聲樂家若干焦佇演奏的時才有唱，按呢毋是聲樂家。無論啥物時，佇伊的心內不時有音樂親像水泉teh衝，伊不時teh吟，無論破病，無論平常的時，伊的心不時teh吟( I林14：15)。聲樂家若干焦teh注意佇伊的技術，發聲法，呼吸法，按呢袂通表現彼塊曲的真意；所以teh唱的時，技術捌，也著若親像毋捌，毋是欲展技術，就是著有真自由的氣氛(氣分)才會通十分傳達彼个曲的真意來感應佇聽眾的心內。宗教音樂者用這款的法度來吸引失迷的靈魂歸佇造化的主，古今算來是無數。親像按呢，信徒也著不時祈禱佮主結聯，心內。宗教音樂者用這款...

[1933-9 台灣教會公報 文類-散文 作者-林茂生/Lîm Bō͘-seng]
宗教心理學講座 [ Chong-kàu Sim-lí-ha̍k Káng-chō ]
宗教心理學講座 1933.09(582卷)p.3 (講演者：林茂生) (筆記者：蘇天明) (接 6月第20面) 我已經大略將現代teh研究心理學所用的方法，大半chhu對實驗的這方面去；自來所teh用彼款內省的工夫的方法較無時行。所以心理學中的一个特殊的 分科宗教心理的研究，也自然較濟是用這款實驗的的方法。大概是用問答法(questiongnaire)來對某一群的小兒，抑是大人發出種種的質問，來問in的宗教經驗，也照in 的所應--的 的特殊的事實來歸納到有一款的結論。譬論來講，有一個某學者對某一間學校的囡仔出一个質問問講，照恁個人的拍算，上帝抑是神明蹛佇佗位？ 也紲分一張單分做神...

[1933-9 台灣教會公報/芥菜子 文類-散文 作者-吳天命/Gô͘ Thian-bēng]
聽上帝的話的人 [ Thiaⁿ Siōng-tè ê oē ê lâng ]
聽上帝的話的人 Siáu-kiā To-hiông 吳天命譯 1933.09 582卷 p.21-22 聖冊是上帝的話，是聽上帝的話的記錄。在這點不論新約抑是舊約攏有一致。舊約的先知以賽亞明明得著上帝指示伊上帝的話的時，用「天著聽！地著聽！耶和華講..................」這款有權威的宣言大膽向百姓來傳上帝的話。原來先知人攏是予上帝的神所醉的人，有講「毋是我講，是上帝踮佇我咧講。「這款確信的人。閣再siāng時也的確是義人，家己有實行道德生活的人。現今的話來講，就是國事。真正的國事，就是著愛聽上帝的話，來實行倫理德生活佇伊的身軀的人。對按呢想起來，以賽亞若做現今的人也是好。...

[1933-9 台灣教會公報 文類-散文 作者-蔡椪/Chhoà Phòng]
黃Hián-chiong君的行述 [ N̂g Hián-chiong kun ê hêng-su̍t ]
黃Hián-chiong君的行述 1933.09 582卷 p.11 蔡椪 記 Hián-chiong君是21 歲，向志有望的青年。伊的老爸黃榮sàng，是做pè Ē中洲教會現任的長老。 佇昭和7年4月，有入東京中央大學的法學科。拄讀一學期了，紲染著病。後來轉來，去入台南新樓病院。踮6月半日久，嶄然有功效。然後出院轉去厝裡(就是大潭) 調養；代先卻平常；總是到佇4月19號，忽然閣起病發熱，對按呢日日沉重。到佇5月1號午後9點，真正得著主敨放伊苦痛的結，安然升天轉去天父兜。 欲臨終的時，論伊的態度佮所講的話，真通感激人。 彼時心臟雖然無啥物力，窈閣真出力求叫主，認罪，吐氣講...

[1933-9 台灣教會公報 文類-散文 作者-陳明清/Tân Bêng-chheng]
論基督再臨 [ Lūn Ki-tok Chài-lîm ]
論基督再臨 1933.09 582卷 p.12-14 陳明清 (接前號第12面) IV、論但以理的冊所記的大像。 索羅門王過身了後，以色列百姓有分做兩國；一國是以色列，一國是猶太國。 猶太國的百姓佮巴比倫國掠去巴比倫。將受掠的以色列百姓佮巴比倫國的中間，所生起的事實來記的，就是但以理一本冊。但以理書所記的，是對B.C.5、6百年起，到世界歷史的結尾為止的讖語。大部份已經應驗成做歷史上的事實。 其中屬佇未來的事，也是接續咧應驗。咱若無稽考但以理書，實在是oh得十分了解新約。佇今仔日濟濟人大聲咧喝講，「世界著改造。」人心受不安的暗雲遮蓋，無有一屑仔的平安佇咧。閣t...

[1933-9 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê Kò͘-sū ]
光輝的故事 (楊士養對蘭醫生娘的More stories from Formosa翻譯) 1933.09 582卷 p.14 光輝出世佇彰化一位信徒的家庭。伊的老爸是做木工，名叫歹錢，老母是真誠實深信的女徒。光輝6 歲的時，伊的老母chhoā伊去讀主日學；坐佇椅條，跤tin-tin來聽先生的教示。有一個禮拜日，先生共伊講，「佮阮阿爸相siāng」。八歲的時，伊去入公學校。伊對起頭就真愛讀冊；真敏捷，也巧，厝裡的工課也做真好勢。佇主日學逐个真疼伊，常常予人揀佇祝聖誕的時，來吟詩抑是越念。 佇1922年4月尾，就是光輝10歲的時，伊有拄著破病。伊的老爸請蘭醫生...

[1933-9 台灣教會公報/芥菜子 文類-散文 作者-黃六點/N̂g La̍k-tiám]
雙連教會 [ Siang-liân Kàu-hoē ]
雙連教會 少年少女的布棚生活 1933.09 (芥菜子第92號) p.24 黃六點 雙連主日學的先生佮12歲以上的學生，共24名。佇7月12號起，4日間，有去八里岔樂山園キャムブ(Camp=幕營生活)期間雖是短短，猶閣利益真大，大家真活動，真趣味。12號頂晡7點半佇拜堂禮拜出發，坐發動機船到淡水，佇神學校歇睏。彼下晡閣坐渡船過去八里岔，4點外到樂山園。到位的時，看著景緻遐好，遐爾涼，大家真歡喜，雖是行路真瘦，總是有清涼的水泉予阮真爽快。阮已經得著元氣，大家就去giâ枋，提磚做桌，椅，佮眠床，也連編鞭設法煮飯。工雖是真濟，總是協力去做，就真緊清楚。食暗飽，做禮拜煞，8點外就去...