[1928-6 台灣教會報/芥菜子 文類-散文 作者-陳能通/Tân Lêng-thong]
對禁食到死的研究 [ Tuì Kìm-chia̍h kàu Sí ê gián-kiù ]
對禁食到死的研究 陳能通 1928.06.01 519卷(芥菜子第28號) p.17-19 [這篇是日本Ko-pí-liông醫學博士所研究的論文。我讀了不止有趣味，所以對彼內中揀通俗tek較快了解的譯術佇遮；向望會做列位的參考]。 「性命是在佇食」，這句是對古早以來人常常teh liū 的話。因為若無食，無久袂免得著死；這是明明的事實。總是到底人若無食會活teh幾日久leh？論動物方面的試驗卻相當有不止濟；總是關係人這方面，用學術的來議論--ê，猶罕得聽見。 無食會活的期間照動物的種類攏無相同。Lam-á內的細隻鳥彼款，若一兩日袂記得共伊飼就死；田蛙仔，龜佮蛇彼等號，若到冬...

[1931-1 台灣教會報/芥菜子 文類-散文 作者-陳能通/Tân Lêng-thong]
毒瓦斯tek的舌 [ To̍k-oá-su-tek ê Chi̍h ]
毒瓦斯tek的舌陳能通1931.01, no. 550 (KCC, no. 59), pp. 16-18 一个將校寫講："毒瓦斯tek的思想tuì 3000年前的古早就有。 Bē開化的人佮文明的希臘人，攏捌用濟濟款的毒物來相攻擊。 總是軍事上猶未到佇決定tek有價值的時，就開歐洲大戰。頭一擺用了有功效是佇1915年4月，德國第二擺攻擊白耳義的イープル的時，忽然所用的鹽素 (Chlorine)；干單3，40 分久15000人中毒，內中5000人的性命做頭擺的犧牲。 所以英、法兩國就盡力研究發明毒瓦斯佮用毒的器具。 總是德國不時都比聯合軍多進一步；閣攻擊的毒瓦斯佮用毒器具變做智識マラソン競爭，接...

[1931-9 台灣教會報/芥菜子 文類-散文 作者-陳能通/Tân Lêng-thong]
科學佮信仰 [ Kho-ha̍k kap Sìn-gióng ]
科學佮信仰陳能通1931.09, no. 558 (KCC, no. 68), pp. 15-18 （看見濟濟的青年輩，為著現代的科學，致到信仰搖動；所以夯筆來譯寫淡薄）。Tuì 19世紀以來，科學實在有非常的大進步。 已經發見，佇物質內有囥蒸汽，電氣的大氣力；遮的力，今仔日有做了真大的工程。 火車，電車會走；電話，電信會通；電火會光；其他也有無聲電話（ラヂオ）發聲的寫真（トーキー）佮電視（テレヴ井ジヨン）；遮的攏是科學所賞賜的。 閣有天文鏡，會看到幾若億年的遠，也有顯微鏡；會看至微細的細菌。 科學者的手一下摸著物質，宇宙內神秘的真相攏顯出；將來boē明的事件攏tuì in的手來闡明。 實在...

[1932-1 台灣教會報/芥菜子 文類-散文 作者-陳能通/Tân Lêng-thong]
向望的源頭 [ ǹg-bāng ê Goân-thâu ]
向望的源頭陳能通1932.01, no. 562 (KCC, no. 72), pp. 11-12 "有向望咱的主耶穌基督，就吞忍。"老人的特色是回顧過去的事；青年的特色就是囥向望佇將來。 這是人人所承認的真理。 總是有人觀察現代的時勢講，"現代的青年無囥向望；無論是趨向佇社會主義--的，抑是沉溺佇享樂主義--的，原因攏是在佇遮。" 實在是按呢，這个歹景氣，oh得著職業，佇遐有生活的困難。 Chī-chuī欲指示in活命的路，chī-chuī欲予in有氣力？ 有時正當的言論也受金錢勢力的壓迫，致到soà毋知是為著甚麼因端來得著學問。 所以有氣力的就想講：著用革命tek的手段來改造這號社會狀態...

[1933-1 台灣教會公報 文類-散文 作者-陳能通/Tân Lêng-thong]
日本兩个大教派 [ Ji̍t-pún nn̄g ê toā Kàu-phài ]
日本兩个大教派陳能通1933. 01, no. 574, pp. 27 　　佇內地ê基督教，新教ê內中第一大ê教派，是日本組合教會kap日本基督教會。1932年10月，佇東京市內，組合教會有開總會，日基有開in ê大會。　　這兩个會ê議長所說教ê要點，照看是teh主張逐人事先著有靈tek ê覺醒，也對彼个信仰來成做新創造ê人。　　原來組合教會佇日本，對外部來觀察，in ê傾向khah濟是對重佇社會tek ê革新、教化kap出力，ài予國家成做基督教化&eci...

[1933-1 台灣教會公報 文類-散文 作者-陳能通/Tân Lêng-thong]
為著傳教者ê祈禱 [ uī-tio̍h Thoân-kàu-chiá ê kî-tó ]
為著傳教者ê祈禱陳能通譯1933. 01, no. 574, pp. 26 　　這篇是19世紀尾，英國ê大說教家士埔讓(Spurgeon)牧師所寫--ê。有人講：伊是續接保羅傳福音予第一濟人聽見。　　「兄弟ah，著替阮祈禱」（帖撒羅尼迦前書5 : 25）。　　這霎ài用「替傳教者ê祈禱」做題目，kap列位相kap想。所引起ê聖經句，是使徒保羅對所有信徒ê家庭要求ê祈禱，咱現時也著反覆來熱心祈求。兄弟ah，阮ê著磨是真要緊，因為有關係幾若萬人ê安危（安危）。阮是干涉佇永遠&...

[1933-3 台灣教會公報 文類-散文 作者-陳能通/Tân Lêng-thong]
精製品ê有害 [ Cheng-chè-phín ê Iú-hāi ]
精製品ê有害（陳能通）1933. 03, no. 576, pp. 28 　　京都禁酒會ê會長松浦（松浦）醫學博士，主張精製品（精製品）有害論講：人若啉蒸餾水（蒸餾水 distilled water）會破壞白血球，kap紅血球，致到人khah快死。按呢thang知水若用人工（人工）來kā伊精製反轉變做有害。　　Koh講：甘蔗是南洋ê人所ài ê食物。（台灣也是按呢）。因為甘蔗汁ê內面有真濟含水碳素（含水碳素，carbohydrate），會做in ê氣力ê源頭。所以khòe甘蔗來食&...

[1927-7 芥菜子 文類-散文 作者-陳能通/Tân Lêng-thong]  (3)
光的色緻 [ Kng ê Sek-tì ]
光的色緻 (續接第二號) 咱常常捌看見真媠的五彩色照佇壁裡。這是因為淡薄的光線，若通過三角玻璃的時，會曲折顯出遐媠的色緻。有時淡薄的日出，若拄好照佇鏡裡的 斜角，會生起這號現象。這款的例，佇自然界也是真濟。第一壯麗、偉觀的就是「虹」請看cheh！落西北雨了後，抑是欲做風颱的時，常常看見彼條五彩色的帶顯出，來裝飾佇空中裡。實在是到極媠?！照聖經所記載，「虹」是上帝佮挪亞的後裔，以及地面的活命，所立的記號(創世記9：8-17)。 遮媠的現象是怎樣來成的 leh？這是太陽照佇空中的水蒸汽的時，光線佇細細的水粒的內面，曲折反射來成的。愛明白這號現象的原因，著知淡薄論起光的 性質。 咱會看見逐...

[1925-7 芥菜子 文類-散文 作者-陳能通/Tân Lêng-thong]  (4)
科學雜略 [ KHO-HA̍K CHA̍P-LIO̍K ]
科學雜略 　　咱日常ê生活，所teh經驗ê現象（就是物ê變化：親像火炭teh焯、天氣teh 變、風teh吹、水the流、動植物teh生長逐項）真濟是自然科學（就是研究自然界ê現象ê學問。）所teh研究ê問題kap材料。所以咱ê五官日暝所teh經驗ê事物、teh變遷ê原因，對科學ê方面thang拆明。猶久濟濟人khah上是用臆--ê，罕得詳細kā查考彼个源頭。常常teh看ê物、teh聽ê事，á是所teh用ê物件，若...

[1925-10 芥菜子 文類-散文 作者-陳能通/Tân Lêng-thong]  (5)
科學雜略(空氣) [ KHO-HA̍K CHA̍P-LIO̍K (KHONG-KHÌ) ]
科學雜略 空氣 　　看見草木ê枝葉teh搖來搖去，咱就知有風teh吹。靜靜無風ê時，咱若用手á是扇佇空中趕緊來拽，也thang知有啥物觸著咱ê皮膚。Koh這項就是人用鼻孔teh呼出吸入空中ê物無一秒間有歇睏。Taⁿ空中彼項物，咱kā伊號做空氣。這是逐人所識ê常識。 　　空氣是包圍佇地球水陸兩界ê表面上，無論叼位一孔、一隙to是伊所佔領ê王國。雖然是按呢，伊ê存在ê範圍毋是無限ê。 　　空氣包圍佇地球ê表面上chiah有20外英哩（mile）&...