[1927-4 芥菜子 文類-散文 作者-王守勇/Ông Siú-ióng]  (2)
雜記 [ Cha̍p-kì ]
雜記 1) 建築費攏總開出有十外萬箍，攏燒到親像火炭遐爾烏，就是同志社女學這擺有火燒厝，所以逐項物件大半變火灰。研究彼个原因是對兩个少女相怨妒，所以一个佇半暝去放火是tiâu-tì-kò͘。雖然緊緊走去藏佇棉被底，假死tìⁿ毋知講堂已經teh 著火，總是到警官攏總來，知影蓋袂密才事實一盡排。逐項事未創的代先著注意，聽候做了才知毋著已經是歹代誌，親像這个少女看見火沖天才知害，這就是後悔不及，所以猶原著受縛到監獄內。 2) Tō͘-si̍t Put-ti--jîn先生(天幕報導隊的頭)佇3月20號過身。伊佇6、7年前也捌來咱台灣傳道理，專專是倚靠主耶穌的名teh 共人醫病佮行神跡。這擺為著伊...

[1927-8 芥菜子 文類-散文 作者-陳清義/Tân Chheng-gī]  (2)
成聖的要緊 [ Chiâⁿ-sèng ê iàu-kín ]
成聖的要緊 羅馬12章1節。 保羅苦勸羅馬的兄弟愛in著成聖也是苦勸咱著成聖。論這个愛咱成聖的道理，通講是基督教的教示，第一順全，儒教雖罔tiàm佇Sek教，道教的頂面，iáu-kú這款的道理袂得著詳細，雖罔聖人，也毋敢凊彩講。保羅佇遮敢明明講，可見伊有得著這个地步就是對聖神來成就的。 論成聖甚物意思。 成聖，就是聖，善，攏齊備，無閣犯罪無入迷惑，這款的工夫毋是人的氣力所會成的，獨獨聖神會成的。聖神會造就咱，予咱到佇成聖的地步。按呢咱人m̄通倚靠家己的氣力，來向望成聖，著倚靠聖神的扶助。 論成聖甚物人著有。 就是基督徒所著有的，怎樣按呢，因為聖經明明講。揀召恁的就是聖，恁也著聖，人...

[1927-8 芥菜子 文類-散文 作者-偕叡廉/Kai Jōe-liâm]  (2)
馬太馬可牧師 [ Má-thài Má-khó Bo̍k-su ]
馬太馬可牧師。 佇美國有一位牧師名叫馬可姓做馬太這款的名姓，實在真罕有。馬太馬可牧師佇宗教中是世界大人物的一个。伊的學問深，伊的 口才好，伊的信tek堅固，伊的心志熱，伊的謙卑，伊的疼痛會堪得做人的模範。牧師的教會就是通世界長老教會中第一大的。會友有4000外人，長老有150人。 我對久久就捌聽見馬太博士的名，也常常欣慕愛聽伊傳主的福音。拄好佇4年前去加州的時有聽見講某禮拜欲請博士來演講。彼早起我量較早去赴禮拜。到位拜堂已經坐到欲tīⁿ-tīⁿ，若是猶有規陣人直直來，到尾袂得入，著佇外面徛。 閣無偌久馬太博士上台頂。伊是50外歲人，sán-sán，總是伊的懸約略有6 呎 3吋。 吟詩...

[1927-8 芥菜子 文類-散文 作者-蕭樂善/Siau Lo̍k-siān]  (2)
聖經研究會 [ Sèng-keng gián-kiù-hoē ]
聖經研究會 聖經有包上帝的性質佇teh。人欲實在捌伊著tháu開到得著彼个實在的。野球(baseball)是真硬，外面chhòng細pán的樹奶來包，真oh得算lìn，我拍算規粒是按呢來成的，我就直直共伊留到內面就得著這粒實腹的樹奶球。內面是樹奶外面亦是樹奶；總是無相同。平常的捌上帝佮入佇聖經的深奧來捌的上帝是無相同。 深捌上帝才會知上帝對咱有甚物款的要求，亦才會順命令。聖經的智識就是教會的財產佮教會的地基，快搖choah，快犯罪的教會就是地基無hē佇實在的地。咱逐人無掠聖經的智識做無要緊，就用心來想來研究亦的確無看輕。這是現時教會所欠的一項。 欲讀，抑是越念聖經...

[1927-8 芥菜子 文類-散文 作者-柯設偕/Koa Siat-kai]  (2)
台灣的產物 [ Tâi-oân ê sán-bu̍t ]
台灣的產物 (柯設偕) 台灣的產物，通講是真濟款。其中，較要緊的，愛寫淡薄。 米，(中部出第一濟) 一年5000000石-就是5百萬石。 茶，(北部山地出第一濟。) 一年會收成12擺以上。 一年26000000斤-2千6百萬斤。 糖。(南部出第一濟) 甘蔗一年出6200000000-62億斤。 芎蕉-一年1900000000斤。 王梨-一年8000000斤。 柑桔-一年9600000斤。 龍眼-一年2300000斤。 蕃薯-一年1600000000斤。...

[1927-9 芥菜子 文類-散文 作者-陳清義/Tân Chheng-gī]  (2)
信心得救佮賞罰行為 [ Sìn-sim tit-kiù kap Sióng-hoa̍t hêng-uî ]
信心得救佮賞罰行為 兄弟ah！我今仔日對恁所講的題目，是真要緊：咱大家來信基督耶穌，是愛靈魂得著救。耶穌講，信的人免到滅無反轉得著永遠活。約翰3：16。信的人已經出死入活。約翰5：24。按呢信就得著救，是主耶穌基督的應允，也是上帝的旨意，毋是人的話，永遠袂會改變。咱若信伊，永久靠得chū。有人問講，去信耶穌是真容易，總是信耶穌以後，行為一舉，一動：攏愛親像耶穌的款，這是為難，卻有影。行為是信心的果子。得著報賞的代價佮得救的大道，毋通相參，得救的大道佮報賞，根本不同，聖經中有講真清楚。看路加23：39-43。Kiông-tô͘的得救。哥林多前書5：1-5。受趕出的教會犯罪的信徒得著救。...

[1927-9 芥菜子 文類-散文 作者-偕叡廉/Kai Jōe-liâm]  (2)
聖冊公會 [ Sèng-chheh Kong-hoē ]
聖冊公會 聖冊公會近來佇菲律賓teh盡力鼓舞袂聖經。驚了有人會曉買，袂曉讀，毋知意思所以有用幾若款的批信寄予買的人，向望in較會了解聖冊的意思。 頭這張批是論起約翰福音傳。有講，這本冊真正有價值；就是耶穌所疼的學生，約翰本身所著的。著這本冊的時代，大約就是耶穌出世了後第90年。通知約翰著這本冊彼霎已經真老。福音傳就是新，舊約中的一本冊。Chiah的冊就是上帝用伊的聖神感動人來寫的。 請恁讀請恁聽耶穌所講的，也致意順趁伊的教示。Taⁿ讀聖冊中出名的章節，排列佇下底： 1. 至寶貝的真理。馬太：5-7章。 2. 暝時的文答。約翰3。 3. 伊替咱。以賽亞53章。 4...

[1927-9 芥菜子 文類-散文 作者-柯設偕/Koa Siat-kai]  (2)
佈道參考疑問應答 [ Pò͘-tō chham-khó Gî-būn èng-tap ]
佈道參考疑問應答。 佇佈道抑是說教的中間聽的人有時有僥疑，oh信，躊躇的心。有的愛閣問，就著說明予in聽。Taⁿ寫淡薄通做參考。 1. 我to猶少年，少歲，所以也毋免打算將來的事？ 2. 人若死，kám毋是攏煞去？著引起。路加16：22，23。 3. 我平素to無做啥歹，kám會定罪mah？著引起。約3：3。 4. 上帝是真慈悲，所以kám毋是無欲看見我的罪？著引起。出埃及記34：7。 5. 我暝日to有祈禱，所以上帝敢會赦免我。著引起。馬太7：22，23。 6. 怎樣看我佮歹人相同？著引起。以賽亞 53：6。羅馬5：15。 7. 我所著信的，是著信甚物？著引起。以賽亞 53...

[1927-10 芥菜子 文類-散文 作者-陳清義/Tân Chheng-gī]  (2)
迷信快傳染 [ Bē-sìn khoài thoân-jiám ]
迷信快傳染 佇士林附近有一個細的山仔，號做芝山巖頂面有起一間廟是服事開漳聖王，月外日前佇山腳的石頭邊有出一káng水泉，人共伊號做仙水。 就四界謠言講不論甚物病若啉彼个水，就會好，對彼霎了後，就有人去遐入水。日日ná濟人，對各方面來，大家去遐入水，紲去廟裡燒金，現時每日有幾若千人去，我也去共伊看覓，果然oe oe陣陣往來不絕，有的對火車，有的對自動車，有的對人力車，真心適，真鬧熱，欲去入水，著輪班，等真久，著接一choā長長親像鬧熱時排佇停車場接一choā長長去鉸單的款，逐人所得著的水是2，3，兩nā-tiāⁿ，無通予人濟，逐人得著彼个水看著ka-ná寶貝，佇路邊有人搭店仔...

[1927-10 芥菜子 文類-散文 作者-張基全/Tiuⁿ Ki-choân]  (2)
製鹽工業 [ Chè-iâm kang-gia̍p ]
製鹽工業 張基全 人類著食鹽，對古早到現今攏無各樣，m̄-nā人，就一般的生物欲維持in的性命的確著鹽的事實也時明明，親像有醫學家將全然無鹽分的食物予動物食是比放予伊餓閣較快死，總是我捌聽見人講，婦人人生囝月內毋通食鹹，這是大錯誤。 咱人所食的鹽，直接通做血佮肉的成分，人的身軀所有的鹽量約略有12 兩，閣再鹽這部分變做鹽酸，佇胃 (胃)內做胃液，贊消化，按呢這年一人著欠用偌濟鹽？照逐國的平均無甚物定著。東瀛人每年一人至少著15斤。英國，德國，美國人15，6 斤。 鹽m̄-nā對一般的生物是hiah要緊，就工業上，化學上也是掠鹽做真重要的物質。 人欲對...

[1927-10 芥菜子 文類-散文 作者-陳瓊琚/Tân Khêng-ku]  (2)
世界十二偉人論 [ Sè-kài Cha̍p-jī uí-jîn-lūn ]
世界十二偉人論 (續接前號) (11). David Livingstone (1813-1873)。論Livingtone m̄-nā kan-ta是宣教師閣亦是大探險家。In一隊毋驚死對熱帶的大樹林直直入去。咱人會得通知影中部亞非利加的人的事就是對佇這个宣教師的致蔭。Taⁿ伊有抱負兩款的目的佇teh，一項是探險佮伊家己所講新天地開發的事業chham愛用神的道理傳予袂開化的人。Taⁿ為著第一的事業伊費了第一濟的時間。彼个因端是鑽入袂捌人到的世界來開新的路予別人通較快綴伊的腳步來行，這款做先鋒是伊的天職。因為這層的事業費了伊的青春佮害著伊的健康，到尾紲連伊的性命亦為著按呢來犧牲。欲做這款...

[1927-10 芥菜子 文類-散文 作者-康清塗/Khng Chheng-thô͘]  (2)
一滴一滴的水 [ Chi̍t-tih chi̍t tih ê chuí ]
一滴一滴的水 (32) 征伐日頭 照生番的傳說有講古早日頭是2粒，一粒是早起時出，ē昏時入，一粒是暗頭出起來到天光才落，對按呢攏無分暝日，人攏無通歇睏，五穀菜蔬佮樹木攏死，人真艱苦彼時眾人就參詳揀5个少年閣勇猛的去拍日頭；總是路真遠著行5，6，十年才會到；in 5个行2，3，十年久的時一个病死2个轉來2个直直去攏無消息；後來前人就閣揀數名的青年一人iāng一个囡仔去；閣the̍h五穀佮kam-á菜的種子去；行真久才到，總是少年人攏真老死去chhun 3个青年就是出發的時所iāng的囡仔大漢的。3个就拔箭射日頭，日頭流出真濟的血，紅的日頭隨時變白，天隨時烏陰，所以現時的月就是彼个流出血的...

[1927-11 芥菜子 文類-散文 作者-陳清義/Tân Chheng-gī]  (2)
約翰對基督的天職觀 [ Iok-hān tuì Ki-tok ê Thian-chit koan ]
約翰對基督的天職觀 這个約翰是耶穌所疼痛的學生，常常佇耶穌的身邊，不止捌耶穌的代誌。伊講，「這个tō成人的身軀，」就是指起基督。伊所擔當的責任，就是入世間的 使命，對本質上來講，是上帝的顯現者，對位格上來講，是上帝的獨生囝。約翰愛將基督做人類佮上帝的中間所盡的天職，對3方面的觀察中來完全講明予人通激起對基督的觀念，會真切。Taⁿ基督的天職，照約翰所看是甚物款，排列3項佇下底。 1. 是上帝的羊羔： 人類的罪惡，袂會隱囥，上帝的公義也毋通廢除。古代用犧牲的祭禮，是有表基督救贖的恩，所以基督擔當上帝的使命，來成肉體到這世間，是欲擔當世人的罪孽，來成上帝羊羔的職務，這个就是神人間中保的責任，...

[1927-11 芥菜子 文類-散文 作者-偕叡廉/Kai Jōe-liâm]  (2)
耶路撒冷地動 [ Iâ-lō͘-sat-léng toē-tāng ]
耶路撒冷地動 這pang佇耶路撒冷有拄著大地動，地方的百姓不止淒慘，死失的人有600外的，著傷的有3000外。地動彼時通猶太國攏搖choah。耶路撒冷的百姓著驚攏走出城外。走袂lī的人真濟予厝teh死。散鄉人毋甘放拺in 的物，欲閣去厝裡the̍h物，濟濟為著按呢來失落in的性命。厝也倒壞真濟。第一傷重就是猶太人的大學，總督的宿舍佮回回教的大宮殿，號做，Mosque of Omar。這間殿就是起佇在早Só-lô-bûn所起彼間殿的所在，所以通講是耶路撒冷出名的古蹟。欲閣修理這間殿，大約著閣開出一百萬銀。 近佇耶路撒冷猶有濟濟所在拄著大損壞。佇Iok-phàⁿ佮Ka-ná山...

[1927-11 芥菜子 文類-散文 作者--/-]  (2)
教囝的法度 [ Kà kiáⁿ ê hoat-tō͘ ]
教囝的法度 公正 世間人攏著用公義款待人，細漢的囡仔，較常若看見物，想愛就共伊the̍h，實在是對伊的智識iá-bē開，所以做父母的人，應該著量早教示囝兒用公義款待人，若甲的囡仔the̍h乙的囡仔的物，乙的囡仔的確知無合理，就著教乙的囡仔講。也毋通the̍h別人的物，上帝第八誡講，莫得偷the̍h，就是按呢，毋通勉強囡仔送物，抑是借物予人，這是做父母的人第一快犯著的過失，要緊著留心，獨獨著常常勉勵囡仔大量，若是別人的物，就毋通the̍h，的確著代先問人才通，借用了後，猶原著囥原位，毋通chhìn-chhái下，閣著教囡仔毋通拍歹別人的物。著小心共人照顧，毋通iân-chhiân到予人來討...

[1927-11 芥菜子 文類-散文 作者-柯設偕/Koa Siat-kai]  (2)
淡水中學 [ Tām-suí Tiong-o̍h ]
淡水中學 (柯設偕) 淡水中學是佇1914年3月9號設立開校。到今年已經是13年久lah。通講是本島中第一久的私立的中學。也出業生已經有9回，共67名。現在教員14 位，學生倚200名。漸漸有ná teh進步。通講地基已經在lah。對taⁿ起穩當會受上帝的大幫贊，發展隆盛，利益濟濟人，閣通榮光天國佇台灣。 逐年有募集新入生。Mâ年4月新學年，猶原有欲閣募集。所以大大向望讀報的兄姊，鬥廣告，鬥宣傳這間學堂，予濟濟人會知，會了解這間的精神，佮理想。也向望濟濟人會來入這間學堂。 常常捌有人，到眾人攏入學清楚了，才欲來交涉，看有甚物特別的路。這款實在有時真通同情，m̄-kú...

[1927-11 芥菜子 文類-散文 作者-陳瓊琚/Tân Khêng-ku]  (2)
淡水女學院創立二十週年紀念會 [ Tām-suí Lú-ha̍k-īⁿ chhòng-li̍p jī-cha̍p-chiu-nî kì-liām-hoē ]
淡水女學院創立 二十週年紀念會 十月十三日頂晡對九點起佇淡水女學院的大講堂有開祝賀「創立二十週年」的紀念會。Taⁿ佇遮愛照彼日的順序大略來記佇下底：-第一步1. 奏樂 (陳Sìn-cheng女士)。2. 禮拜。會眾一同，代先吟詩，後來郭水龍牧師讀聖經佮祈禱，就第一步清楚亦接紲第二部。1. 會眾一同唱「Kimigayo。」 2. Thek-gú奉讀。3. 金姑娘校長式詞。4. 來賓祝詞的中間，代先是台北州知事，以外有淡水郡的事務課長，淡水中學長，偕先生。北部長老教會中會的議長章Thian-ki牧師，閣蕭安居牧師。 閣有美國的領事官佮英國的領事官的hō-chng佮對四方的名士以及...

[1927-5 芥菜子 文類-散文 作者-陳清義/Tân Chheng-gī]  (2)
予人和平的人有福氣 [ Hō͘ lâng hô-pêng ê lâng ū hok-khì ]
「予人和平的人有福氣」 馬太5 章 9節。 主耶穌佇世間的時，有周圍四方傳道理，有一擺佇迦百農附近的所在，看見眾人規陣就近伊。就peh上天然的教壇來說教，題目是論福氣，攏總有8 个。這tia̍p愛將第7 个來論，佇漢文的聖經是講和平的人有福氣。照本文是講予人和平的人有福氣，按呢較著。 論予人和平這4 字，是好字，閣再真好聽。是上帝的聖旨，也是主耶穌的教示，伊是和平的人君，降世做人，做一chân大事業，予世間人佮上帝和好。也予萬國的人通歸一體大家相疼結和平的果子，來合上帝的旨意，所以予人和平的，就是承受上帝的聖旨，順趁基督的教訓。 按呢咱人毋但家己行和平，也著幫贊人予人來行和平，是真要...

[1927-5 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t-tih chi̍t-tih ē chuí ]
「一滴一滴的水」 (30) Ba-khu-the-lī-á (細菌) 的大。通動植物界第一細的敢是Ba-khu-the-lī-á。Tauh-tí是loā細？大概是1分的 3000份一(1/3000分)伊的重每粒是0.00000000000041錢。 總是伊的生湠的力是非常，48點鐘後就到440錢重。 細菌的害，大部分是做傳染病的原un佮做肉類以及其他的植物腐敗的 原un。 A. 手佮細菌： 若用500抑是600倍的顯微鏡來看，無論甚物人的手to有濟少的細菌khîⁿ-teh。較濟人是想若sái洗手就會lut，若是實在無hiah快，也袂死。有一款細菌就用蒸餾水抑是純全的酒精來洗，袂l...

[1927-6 芥菜子 文類-散文 作者-明有德/Bêng Iú-tek]  (2)
聖哉。聖哉。聖哉！ [ Sèng-chài. Sèng-chài. Sèng-chài! ]
聖哉。聖哉。聖哉！ 這首詩是R.Heber所作的。伊是英國人，出世佇1783，卒業牛津(Oxfort)大學。伊做囡仔的時真gâu做詩。伊做詩到一世人。伊所做的較常是聖詩。伊佇英國的一所在做牧師16年久。做牧師的時伊真欣慕愛去印度。佇英國的時，伊不時看印度的地圖，想愛蹛遐通四界看遐的人的狀況。40 歲的時伊有受一个kam-tok牧師的命令，去印度的 Calcutta做遐的 kam-tok。3年久伊不時出外探教會。伊真熱心做主的工。有一日伊做工真thiám，轉去厝ni̍h 的時入去浴間洗身軀，一點鐘後，一个朋友來揣伊，總是看伊已經佇浴間內過往。 佇咱的聖詩的中間，兩三首是伊所做--的。這...