[1933-8 台灣教會公報/芥菜子 文類-散文 作者-戴仁壽/Tè Jîn-siū]
樂山園雜報 [ Ngāu-san-oân Cha̍p-pò ]
樂山園雜報 戴仁壽記 1933.08 (芥菜仔第91號) p.22 佇1928年11月，總督府有出許可予咱通募集金來起這間治療園來治療照顧癩病患者，舊年有延期閣兩年。到本年六月中全島有toê Y89,413,97有交現今Y60,411,47，按呢歹揀去的時陣成績未歹，實在通感謝上帝的大恩。猶閣有倚三萬箍袂交，向望若有讀報的人猶未交，拜託緊交，予工事緊成，真拜託。佇遮愛共男女老幼說真多謝，不論教會內會外，因為遐爾好意贊成咱的救主所交代的事業。 佇1931年六月中，有買所在通起療養所。 佇彼年十一月有受政府的許可通起厝。紲兩月日久有人反對無愛病院佇遐；總是感謝上帝，彼號反對袂成。 佇1...

[1933-8 台灣教會公報 文類-散文 作者-楊註/Iûⁿ Chù]
台中區的思想 [ Tâi-tiong khu ê Su-siúⁿ ]
台中區的思想 (楊註) 1933.08 581卷 p.18 按怎叫做台中區的思想？百年前無牧師、無區議會、無中會，就無思想的問題？ 今本中會，á Siông-設部所議論的，就是思想。 I.對上帝. 捌講，禮拜的時，欲祈禱，著kióng-chhiú，著坐四正，毋通khiû-跤，著紀念耶穌閣活。 II.對人.(1)對母會的人著請in來赴中會，予in平平有義務，揀in做議長。 開茶餅會歡迎劉忠堅牧師，伊thê-sî。 歡迎董事，有人講，著用台灣禮，用樂隊，放大炮，做出頭，有人呵咾真好，有人嫌。莫怪，呵咾抑是嫌攏是教示，實在大利益，應該說謝。 捌議論共咱醫生做生日，不止...

[1933-8 台灣教會公報 文類-散文 作者-滿雄才/Boán Hiông-châi]
平民的基督傳 [ Pêng-bîn ê Ki-tok-toān ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1933-9 台灣教會公報 文類-散文 作者-潘道榮/Phoaⁿ Tō-êng]
努力！奮鬥！ [ Ló͘-le̍k! Hùn-tò͘! ]
努力！奮鬥！ 1933.09 582卷 p.1 (主筆：潘道榮) 光陰親像流水！目一nih，熱的夏天咧欲過，涼的秋天接續來。啊！造物主智慧的深沉！疼痛的美妙！ 眾青年的學生諸君啊！恁佇歇熱中得著新新的元氣，今歡頭喜面欲進入新的學期；量必大家攏有大決心欲出力勉強，來達成恁的目的，才著。請會記得，前途猶閣遠，應該囥大的希望佇咧。著努力！著奮鬥！ 列位信徒啊！咱為著設教滿70週年，有計畫欲開祝賀的記念會。這是南部教會一个大閣新的記錄，應該謙卑斟酌來想。所以此去，就是猶兩年久，咱著怎樣努力？怎樣奮鬥？佇遮愛排列7項予大家做參考：─ 1.迫切祈禱。佇1928年，基督受難週...

[1933-9 台灣教會公報/芥菜子 文類-散文 作者-柯設偕/Koa Siat-kai]
逐方面得著福音 [ Ta̍k hong-bīn tit-tio̍h Hok-im ]
逐方面得著福音 1933.09 (芥菜子第92號)p.25-26 柯設偕 I.政治家得著福音 早，政治家尼哥底母，暗時來見耶穌(約翰3：1-21)。彼時伊真小膽。總是受主教訓聖道了後，聖神幫贊伊的氣力，佇眾人的面前好膽為著主做干證(約翰7：50，51)。毋但按呢，佇主受難的時，閣較好膽提芳料安葬主(約翰19：39-41)。這敢毋是靠主得著恩典mah ？！ II.軍人得著福音 早，軍人(武官)哥尼流，佇該撒利亞做Pek-hu-tiúⁿ。祈禱的時，天使降落，呵咾伊的祈禱已經有得著主的紀念，紲指示伊差人去Iok-phàⁿ，請彼得指示救人的道理。彼得來傳道理了後，毋若伊得著救，也全...

[1933-9 台灣教會公報 文類-散文 作者-屏東生/Pêng-tong seng]
一概莫得掛慮 [ It-khài bo̍h-tit khoà-lū ]
一概莫得掛慮 1933.09(582卷)p.4-5 屏東生 (接頂卷5面) 聲樂家若干焦佇演奏的時才有唱，按呢毋是聲樂家。無論啥物時，佇伊的心內不時有音樂親像水泉teh衝，伊不時teh吟，無論破病，無論平常的時，伊的心不時teh吟( I林14：15)。聲樂家若干焦teh注意佇伊的技術，發聲法，呼吸法，按呢袂通表現彼塊曲的真意；所以teh唱的時，技術捌，也著若親像毋捌，毋是欲展技術，就是著有真自由的氣氛(氣分)才會通十分傳達彼个曲的真意來感應佇聽眾的心內。宗教音樂者用這款的法度來吸引失迷的靈魂歸佇造化的主，古今算來是無數。親像按呢，信徒也著不時祈禱佮主結聯，心內。宗教音樂者用這款...

[1933-9 台灣教會公報 文類-散文 作者-林茂生/Lîm Bō͘-seng]
宗教心理學講座 [ Chong-kàu Sim-lí-ha̍k Káng-chō ]
宗教心理學講座 1933.09(582卷)p.3 (講演者：林茂生) (筆記者：蘇天明) (接 6月第20面) 我已經大略將現代teh研究心理學所用的方法，大半chhu對實驗的這方面去；自來所teh用彼款內省的工夫的方法較無時行。所以心理學中的一个特殊的 分科宗教心理的研究，也自然較濟是用這款實驗的的方法。大概是用問答法(questiongnaire)來對某一群的小兒，抑是大人發出種種的質問，來問in的宗教經驗，也照in 的所應--的 的特殊的事實來歸納到有一款的結論。譬論來講，有一個某學者對某一間學校的囡仔出一个質問問講，照恁個人的拍算，上帝抑是神明蹛佇佗位？ 也紲分一張單分做神...

[1933-9 台灣教會公報/芥菜子 文類-散文 作者-吳天命/Gô͘ Thian-bēng]
聽上帝的話的人 [ Thiaⁿ Siōng-tè ê oē ê lâng ]
聽上帝的話的人 Siáu-kiā To-hiông 吳天命譯 1933.09 582卷 p.21-22 聖冊是上帝的話，是聽上帝的話的記錄。在這點不論新約抑是舊約攏有一致。舊約的先知以賽亞明明得著上帝指示伊上帝的話的時，用「天著聽！地著聽！耶和華講..................」這款有權威的宣言大膽向百姓來傳上帝的話。原來先知人攏是予上帝的神所醉的人，有講「毋是我講，是上帝踮佇我咧講。「這款確信的人。閣再siāng時也的確是義人，家己有實行道德生活的人。現今的話來講，就是國事。真正的國事，就是著愛聽上帝的話，來實行倫理德生活佇伊的身軀的人。對按呢想起來，以賽亞若做現今的人也是好。...

[1933-9 台灣教會公報 文類-散文 作者-蔡椪/Chhoà Phòng]
黃Hián-chiong君的行述 [ N̂g Hián-chiong kun ê hêng-su̍t ]
黃Hián-chiong君的行述 1933.09 582卷 p.11 蔡椪 記 Hián-chiong君是21 歲，向志有望的青年。伊的老爸黃榮sàng，是做pè Ē中洲教會現任的長老。 佇昭和7年4月，有入東京中央大學的法學科。拄讀一學期了，紲染著病。後來轉來，去入台南新樓病院。踮6月半日久，嶄然有功效。然後出院轉去厝裡(就是大潭) 調養；代先卻平常；總是到佇4月19號，忽然閣起病發熱，對按呢日日沉重。到佇5月1號午後9點，真正得著主敨放伊苦痛的結，安然升天轉去天父兜。 欲臨終的時，論伊的態度佮所講的話，真通感激人。 彼時心臟雖然無啥物力，窈閣真出力求叫主，認罪，吐氣講...

[1933-9 台灣教會公報 文類-散文 作者-陳明清/Tân Bêng-chheng]
論基督再臨 [ Lūn Ki-tok Chài-lîm ]
論基督再臨 1933.09 582卷 p.12-14 陳明清 (接前號第12面) IV、論但以理的冊所記的大像。 索羅門王過身了後，以色列百姓有分做兩國；一國是以色列，一國是猶太國。 猶太國的百姓佮巴比倫國掠去巴比倫。將受掠的以色列百姓佮巴比倫國的中間，所生起的事實來記的，就是但以理一本冊。但以理書所記的，是對B.C.5、6百年起，到世界歷史的結尾為止的讖語。大部份已經應驗成做歷史上的事實。 其中屬佇未來的事，也是接續咧應驗。咱若無稽考但以理書，實在是oh得十分了解新約。佇今仔日濟濟人大聲咧喝講，「世界著改造。」人心受不安的暗雲遮蓋，無有一屑仔的平安佇咧。閣t...

[1933-9 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê Kò͘-sū ]
光輝的故事 (楊士養對蘭醫生娘的More stories from Formosa翻譯) 1933.09 582卷 p.14 光輝出世佇彰化一位信徒的家庭。伊的老爸是做木工，名叫歹錢，老母是真誠實深信的女徒。光輝6 歲的時，伊的老母chhoā伊去讀主日學；坐佇椅條，跤tin-tin來聽先生的教示。有一個禮拜日，先生共伊講，「佮阮阿爸相siāng」。八歲的時，伊去入公學校。伊對起頭就真愛讀冊；真敏捷，也巧，厝裡的工課也做真好勢。佇主日學逐个真疼伊，常常予人揀佇祝聖誕的時，來吟詩抑是越念。 佇1922年4月尾，就是光輝10歲的時，伊有拄著破病。伊的老爸請蘭醫生...

[1933-9 台灣教會公報/芥菜子 文類-散文 作者-黃六點/N̂g La̍k-tiám]
雙連教會 [ Siang-liân Kàu-hoē ]
雙連教會 少年少女的布棚生活 1933.09 (芥菜子第92號) p.24 黃六點 雙連主日學的先生佮12歲以上的學生，共24名。佇7月12號起，4日間，有去八里岔樂山園キャムブ(Camp=幕營生活)期間雖是短短，猶閣利益真大，大家真活動，真趣味。12號頂晡7點半佇拜堂禮拜出發，坐發動機船到淡水，佇神學校歇睏。彼下晡閣坐渡船過去八里岔，4點外到樂山園。到位的時，看著景緻遐好，遐爾涼，大家真歡喜，雖是行路真瘦，總是有清涼的水泉予阮真爽快。阮已經得著元氣，大家就去giâ枋，提磚做桌，椅，佮眠床，也連編鞭設法煮飯。工雖是真濟，總是協力去做，就真緊清楚。食暗飽，做禮拜煞，8點外就去...

[1933-9 台灣教會公報/芥菜子 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 1933.09 (芥菜子第92號) p.23-24 偕叡廉 (1)這幾年，猶太國不止大進步。工場漸漸那加添。現時佇咧製造玻璃、鐵器、布、電器的物品，佮濟濟款樹奶的物；雪文、麥、餅佮濟濟款的油也有咧製造。 (2)佇約旦河有發電所。佇死海有提出濟濟鹽以及puî-tan，值錢無數萬。 農業也真發展。舊年所出的柑仔有200萬箱今年按算會出400萬箱。種柑的所在一甲著2500箍。 (3)猶太國無偌大。田園是咱台灣一半大若定。 (4)天主教不止愛起大間禮拜堂。現時佇英國咧起一間。工事按50年久。若起好，會坐得10000人。經費按3000萬。 (5)台灣有6款的毒蛇，...

[1933-9 台灣教會公報 文類-散文 作者-落伍生/Lo̍k-ngó͘-seng]
合時的兒童節 [ Ha̍p-sî ê Jî-tông-cheh ]
合時的兒童節 1933.09(582卷)p.7 落伍生 (接8月號，第14面) III.大愛的兒童節 記得幾年前太田總督來台灣就任的時，佇官民宴桌上的答詞，有講，「我來無帶啥物，是欲用白紙的主義佇你台灣。」想這个白紙政治，的確有大造就佇台灣的民政。台灣本來是一个有名聲媠媠的島嶼，閣得著總督用白紙，無私偏遠大眼光的政策來治理，就佇台灣民族的道德上、智識上、生活上，的確有改造佮創新。予蹛佇這美島的人民，伊的生活根據會得漸進入佇堅固。總督答詞的尾段，閣有講，「願盡情從理(盡情從理)，轉禍為福(轉禍為福)。」實在若會按呢，就大家的確無學得體驗皇上一視同仁的精神，來實現大愛(大愛) 的白紙主義...

[1933-9 台灣教會公報 文類-散文 作者-李崑玉/Lí Khun-gio̍k]
霧峰一新會 [ Bū-hong It-sin-hoē ]
霧峰一新會 1933.09.(582卷)p.18-19 李崑玉 1.一新會到今年3月19號，是一週連。有開紀念會，鬧熱幾仔日，講千人來相佮歡喜。委員長 Phan-liông先生穩當有看較深遠，毋是掠鬧熱是目的。是希望有實質，會建設的人才，來成真正利益社會，改造社會；所以深深teh煩惱，感覺實用的人物真欠缺。 2.社會部的事業，猶原照常teh進行，巡迴講演，土曜講座，今換做日曜講座，婦人親牧會，青年懇談會，雄辯會。十外人，訂 12分鐘的演說。聽的人真感激。 兒童的親愛會，幾仔百的囡仔，請阮講故事予in聽，遊戲、體操、分餅，逐擺真歡喜，真心適。獻堂先生逐擺的聚會，非常扑拚親切來應援指...

[1933-9 台灣教會公報 文類-散文 作者-楊註/Iûⁿ Chù]
台中區ê思想 [ Tâi-tiong khu ê Su-siúⁿ ]
台中區的思想 1933.09 582卷p.19 楊註 (接頂卷17面) (C)自養、捌講積立基本金，對區議會的時就有議定，到中會的時也有講幾若回：(1)本堂著積立(區議會有議定)。(2)中會著積立金，已經派紀溫柔做部長，黃仁壽做書記，蘇振輝做會計。(3) 各同會家己擔當一切的所費，請牧師亦好，所以2，3年久請10名牧師。毋若按呢，隨人的支會，講義所，同會攏想欲家己擔當所費。(為著按呢，基本金掠做第二要緊爾爾)。(4)若袂擔當的支會，送予彰化加紀溫柔做巡迴牧師。閣兩年才到任。(5)若是講義所無人敢負擔的，歸新宣道會設法。中會晚餐後著獻金做這項的路用。(6)若有受教師會的補...

[1933-10 台灣教會公報 文類-小說 作者-楊士養/Iûⁿ Sū-ióng]
光輝的故事 [ Kong-hui ê kò͘-sū ]
光輝的故事 1933.10 (583卷) p.13 (接前號第14面) (楊士養對蘭醫生娘的More stories from Formosa翻譯) 佇1924年，醫生娘 in 倒去英國歇睏；有一暝昏佇一間拜堂講起光輝遐的少年人連鞭邊咧問愛出伊的學費。對彼時以後，in有看伊做好朋友來出伊的 學費到出業，(就是1928年4月)。醫生娘有落去赴出業式。學生排列佇大間講堂，青暝的，一爿；啞口佮臭耳人的一爿。人對台頂講話欲予青暝的聽，也一个賢的日本呂先生通譯用指頭仔比予臭耳人佮啞口的看。台南州佇事佮其餘的大官也出席，閣有真濟內台的紳士淑女去赴。 光輝做學生的總代讀國語的答詞，也續做代表領出業...

[1933-10 台灣教會公報 文類-散文 作者-許水露/Khó͘ Chuí-lō͘]
女性的使命 [ Lú-sèng ê Sù-bēng ]
女性的使命 Huī-ú Seng 1933.10 許水露譯 女性有女性尊貴的使命佇咧。女性若會自覺伊的使命，深知伊的使命，實行伊的使命，就有永遠的幸福。女性是下佇犧牲生活的境遇裡 (犧牲生活之境遇)：著生產，著栽培囝兒；這就是做老母的犧牲。 著料理家事，這就是做一家的主婦的犧牲。通講女性的犧牲，是在佇伊日常生活的一切(日常生活的一切)。 對女性的犧牲，囝兒生長，一家得團圓。丈夫佇社會，國家會得成功；就是佇伊的裏面(裏面)有賢妻暗中的援助佇咧。 女性有強的忍耐力 (忍耐力)佇咧。設使若欠缺忍煩惱的苦境。女性佇伊的境遇上佮使命上，著特別欠用這款的忍耐力。若欠缺忍耐力的女性，定著會得盡...

[1933-10 台灣教會公報 文類-散文 作者-陳明清/Tân Bêng-chheng]
論基督再臨 [ Lūn Ki-tok Chài-lîm ]
論基督再臨 陳明清 1933.10 (583卷) p.12 IV。論但以理的冊所記的大像(接續)。 (3)銅的腹肚(希臘國)，是咧表明第3个國；就是希臘國 (Grecia，亞番國)。伊的王就是亞力山大(Alex-ander。但2：39，11：1--4)。這个時代的政治形式是立憲政治，也通講是資本家政治。 (4)鐵的跤胴(羅馬國)。是咧表明第4个國；就是羅馬國(Rome)，總是羅馬國後來有分做"東羅馬"佮"西羅馬"，親像跤有兩支，國也分做兩國 (但2：40；路加2：1) 。對羅馬國以來，世界的政治形式，大概是傾向佇補選時代。 (5)鐵佮土的跤盤。遮的是咧表明...

[1933-10 台灣教會公報 文類-散文 作者-O.P.E./-]
介紹藥方 [ Kài-siàu io̍h-hng ]
介紹藥方 (O. P. E. 記) 1933.10 583卷 P.6 (接續582卷，9月8，第7面) 外科 1. 纏身蛇。用芙蓉仔葉(是婦人人咧插，做除去頭部的路用，彼號。毋是狗頭芙蓉)，捶幼幼，熬茶仔油。熬到芙蓉葉lo͘-lo͘ uî-tō͘。熬好，才摻一屑仔鹽，抐予伊齊，就捧起來。聽候到拉圇燒 (毋通到冷冷)，才用清氣的雞毛，抑是新筆共伊筅。若欲閣抹，著閣溫燒。纏身蛇的款式(症狀)，親像Hoé-nâ-toâⁿ，不過親像狗腳跡，紅跤，漸漸進行，咧纏身軀。亦癢，亦疼，閣燒熱。 2. 透掌蛇。用三跤鱉的葉(中部叫做三跤虎。是旋藤，毋是徛叢。每gím 3葉。逐...