[1927-10 芥菜子 文類-散文 作者-陳清義/Tân Chheng-gī]  (2)
迷信快傳染 [ Bē-sìn khoài thoân-jiám ]
迷信快傳染 佇士林附近有一個細的山仔，號做芝山巖頂面有起一間廟是服事開漳聖王，月外日前佇山腳的石頭邊有出一káng水泉，人共伊號做仙水。 就四界謠言講不論甚物病若啉彼个水，就會好，對彼霎了後，就有人去遐入水。日日ná濟人，對各方面來，大家去遐入水，紲去廟裡燒金，現時每日有幾若千人去，我也去共伊看覓，果然oe oe陣陣往來不絕，有的對火車，有的對自動車，有的對人力車，真心適，真鬧熱，欲去入水，著輪班，等真久，著接一choā長長親像鬧熱時排佇停車場接一choā長長去鉸單的款，逐人所得著的水是2，3，兩nā-tiāⁿ，無通予人濟，逐人得著彼个水看著ka-ná寶貝，佇路邊有人搭店仔...

[1927-10 芥菜子 文類-散文 作者-明有德/Bêng Iú-tek]  (1)
基督降世彼一時博士歡喜去揣伊 [ Ki-tok kàng-sè hit chi̍t sî Phok-sū hoaⁿ-hí khì chhē I ]
基督降世彼一時博士歡喜去揣伊 這首詩的作者是Nilliam Chatterton Qix伊佇1837年出世佇英國Bristol的所在。伊的老父是做醫生。伊本身無甚物職業，不過kan-ta著冊佮鼓舞教會的事nā-tiāⁿ。伊不時佇教會來教詩，彈琴，吟詩。伊所著的冊較濟是屬佇聖詩佮禮拜的禮式。 聖公會揀正月初六做紀念日的因端是因為彼日是gâu 的博士對東方來伯利恆欲揣平安的人君的日。遐的博士是外邦人閣是頭一擺去見耶穌。 所以才揀這日來做紀念。 不幸佇這个紀念日Qix紲破病倒佇眠床裡。這首詩就是佇床中想出--的。 這首的意思是愛予遐的外邦的博士的所行，來通...

[1927-10 芥菜子 文類-選擇文類 作者-偕叡廉/Kai Jōe-liâm]  (2)
東西南北 [ Tang sai lâm pak ]
東西南北 1. 聖冊公會逐月日有新翻譯聖經。佇舊年的中間有翻譯14款，平均就是見26日久聖經就加添一款的口音。 2. 美國長老教會佇這幾年的中間真大出力鼓舞孤寡趕養老會的iân金。佇今年的總會已經有報告講，所收入的已經有3000萬銀。三千萬實在毋是小可，通共in歡喜。 3. 通知美國長老教會真有勢力也真熱心佇教會。現時in teh募集金一千萬欲起一間大間拜堂佇華盛頓，京城的所在。 4. 今年咱的母會有新設教佇滿州。地方比台灣較大有派一位老練的宣教師去佇遐。也有2位本地傳道師去幫贊伊。伊有sè厝佇街裡，也逐日佈道6點鐘久。得著真好機會。佇今年5月設教，到這霎已經得著200外人來信主。 ...

[1927-10 芥菜子 文類-散文 作者--/-]  (3)
教囝的法度 [ Kà kiáⁿ ê hoat-tō͘ ]
教囝的法度 第四章 誠實 講白賊的過失。囡仔第一快犯著。東爿chiah的國的人民。攏掠講白賊無要緊無傷害，反轉笑老實的人是戇人，所以人民自己卑賤有甚物奇怪ah，上古的人就毋是按呢，早有希臘的人到印度遊歷。倒轉來本國了後，呵咾印度的人誠實。按呢通顯明古早東爿的人也有對重誠實。Taⁿ就對反，總是官府常常嚴嚴刑罰in，逼in著老實認。到尾也是用白賊來應，按呢彼个害毋是小可，要緊著綴上古的腳步來行，早波斯王tiàm佇Ló͘-sū。猶大問伊所學的，甚物是第一。波斯王應講，誠實做第一，按呢做父母的人。著緊用這个誠實教示伊的囝兒，盡力除去這號白賊的歹風俗。身軀做法度代先去行是第一要緊，東爿c...

[1927-10 芥菜子 文類-散文 作者-張基全/Tiuⁿ Ki-choân]  (2)
製鹽工業 [ Chè-iâm kang-gia̍p ]
製鹽工業 張基全 人類著食鹽，對古早到現今攏無各樣，m̄-nā人，就一般的生物欲維持in的性命的確著鹽的事實也時明明，親像有醫學家將全然無鹽分的食物予動物食是比放予伊餓閣較快死，總是我捌聽見人講，婦人人生囝月內毋通食鹹，這是大錯誤。 咱人所食的鹽，直接通做血佮肉的成分，人的身軀所有的鹽量約略有12 兩，閣再鹽這部分變做鹽酸，佇胃 (胃)內做胃液，贊消化，按呢這年一人著欠用偌濟鹽？照逐國的平均無甚物定著。東瀛人每年一人至少著15斤。英國，德國，美國人15，6 斤。 鹽m̄-nā對一般的生物是hiah要緊，就工業上，化學上也是掠鹽做真重要的物質。 人欲對...

[1927-10 芥菜子 文類-散文 作者-陳瓊琚/Tân Khêng-ku]  (2)
世界十二偉人論 [ Sè-kài Cha̍p-jī uí-jîn-lūn ]
世界十二偉人論 (續接前號) (11). David Livingstone (1813-1873)。論Livingtone m̄-nā kan-ta是宣教師閣亦是大探險家。In一隊毋驚死對熱帶的大樹林直直入去。咱人會得通知影中部亞非利加的人的事就是對佇這个宣教師的致蔭。Taⁿ伊有抱負兩款的目的佇teh，一項是探險佮伊家己所講新天地開發的事業chham愛用神的道理傳予袂開化的人。Taⁿ為著第一的事業伊費了第一濟的時間。彼个因端是鑽入袂捌人到的世界來開新的路予別人通較快綴伊的腳步來行，這款做先鋒是伊的天職。因為這層的事業費了伊的青春佮害著伊的健康，到尾紲連伊的性命亦為著按呢來犧牲。欲做這款...

[1927-10 芥菜子 文類-選擇文類 作者-編輯部/Phian-chip-pō͘͘]  (1)
教會報合印 [ Kàu-hoē-pò Ha̍p-ìn ]
教會報合印 北部的 「芥菜子」報，對1929年正月起欲合印佇「台灣教會報」的內面。就是欲將「北部事務」這四字換做「芥菜子」。台灣教會報這个名毋免改換，因為這个名是大會所定的，請看大會的會錄，第二回，二十四條佮第三回二十七 條，就會知較早是號做台南教會報，後來佮北部聯合，就改換做台灣教會報。也後來北部有加chhòng一款芥菜子報，起頭是一年四擺，後來改做一年十二擺，近來買去讀的人ná濟。 到本年二月中會聚集的時，有議定這个芥菜子報看是欲家己印抑是欲佮南部合印，意思是毋免chhòng兩位。若欲家己印就毋免佮南部合印，就毋免chhòng彼tó͘北部事務。因為芥菜子報是北部事務佇teh，北部的中...

[1927-10 芥菜子 文類-散文 作者-康清塗/Khng Chheng-thô͘]  (2)
一滴一滴的水 [ Chi̍t-tih chi̍t tih ê chuí ]
一滴一滴的水 (32) 征伐日頭 照生番的傳說有講古早日頭是2粒，一粒是早起時出，ē昏時入，一粒是暗頭出起來到天光才落，對按呢攏無分暝日，人攏無通歇睏，五穀菜蔬佮樹木攏死，人真艱苦彼時眾人就參詳揀5个少年閣勇猛的去拍日頭；總是路真遠著行5，6，十年才會到；in 5个行2，3，十年久的時一个病死2个轉來2个直直去攏無消息；後來前人就閣揀數名的青年一人iāng一个囡仔去；閣the̍h五穀佮kam-á菜的種子去；行真久才到，總是少年人攏真老死去chhun 3个青年就是出發的時所iāng的囡仔大漢的。3个就拔箭射日頭，日頭流出真濟的血，紅的日頭隨時變白，天隨時烏陰，所以現時的月就是彼个流出血的...

[1927-11 芥菜子 文類-選擇文類 作者-編輯部/Phian-chip-pō͘͘]  (1)
封面 [ Hong-bīn ]
芥菜子 第22號 1927年11月27號 「天國親像一粒芥菜子，人提去掖佇伊的園；這个是百項種子的第一細；到伊大叢，是較大攏總的菜蔬，紲成做樹，致到空中的鳥來歇伊的枝。」 馬太13章31節 「咱若有信親像一粒芥菜子，恁就欲共這个山講，對遮徙去遐，ia̍h欲徙去；閣恁teh欲無一項袂。」 馬太17章20節 北部台灣基督長老教會 教會公報 內容 1. 約翰對基督的天職觀。 陳清義 2. 兒童中心的基督教。 陳清忠 譯 3. 信就得著。 偕叡廉 4. 耶路撒冷地動。 ...

[1927-11 芥菜子 文類-散文 作者-陳清義/Tân Chheng-gī]  (2)
約翰對基督的天職觀 [ Iok-hān tuì Ki-tok ê Thian-chit koan ]
約翰對基督的天職觀 這个約翰是耶穌所疼痛的學生，常常佇耶穌的身邊，不止捌耶穌的代誌。伊講，「這个tō成人的身軀，」就是指起基督。伊所擔當的責任，就是入世間的 使命，對本質上來講，是上帝的顯現者，對位格上來講，是上帝的獨生囝。約翰愛將基督做人類佮上帝的中間所盡的天職，對3方面的觀察中來完全講明予人通激起對基督的觀念，會真切。Taⁿ基督的天職，照約翰所看是甚物款，排列3項佇下底。 1. 是上帝的羊羔： 人類的罪惡，袂會隱囥，上帝的公義也毋通廢除。古代用犧牲的祭禮，是有表基督救贖的恩，所以基督擔當上帝的使命，來成肉體到這世間，是欲擔當世人的罪孽，來成上帝羊羔的職務，這个就是神人間中保的責任，...

[1927-11 芥菜子 文類-散文 作者-陳清忠/Tân Chheng-tiong ]  (4)
兒童中心的基督教 [ Jî-tông Tiong-sim ê Ki-tok-kàu ]
兒童中心的基督教 (續接前號) 第三章 全能的上帝疼極端 (過頭)。 拍算，予近代的讀書界鬧熱的書籍(冊)，無有一本贏過Pa-pí-nî所著的 「基督傳。」連日本to有兩款的翻譯書。總是用研究的精神來讀一本傳記的人有幾個？拍算彼个數是真少。人人有各樣的趣味，無論teh讀甚物冊，若是有深深合佇家己的趣味--的，就特別較注意，這是自然的理。今仔日的牧師傳道師(台灣？)對佇兒童這方面無甚物有趣味的款，所以研究兒童的精神有缺乏。今仔日的傳教師的冊櫥內內，tàu-tih毋知有幾本關係兒童的冊佇teh？ 幾若年前，我捌佇某出名牧師的讀冊廳借過一暝，隔日透早起來，冊櫥內幾若百本的中間，揣無半本關...

[1927-11 芥菜子 文類-散文 作者-偕叡廉/Kai Jōe-liâm]  (1)
信就得著 [ Sìn chiū tit-tio̍h ]
信就得著 幾若月日無落雨，洘旱，作穡人無收成；無收成，就無錢通買物；無通買物；店頭就無錢趁。店頭無生理，割店直直欲倒。彼時會社長吐氣，搖頭，煩惱到極，m̄-kú無法度。所以有的錢一盡khêng-oá猶欠三十萬銀；taⁿ欲怎樣。 社長的名號做oán-lī。伊佇Oh-sū-tē-lī-a濟濟年teh做大生理。Taⁿ強強欲破產。 Teh坐的時拄著一位的朋友來探伊。朋友看伊的面憂憂就講。你teh煩惱啥事？社長in講，我teh煩惱錢。這pang生理歹做，我欠三十萬。害ah！真慘！朋友講，你的確毋通煩惱，咱是信上帝的人的確毋通過頭掛慮。你是信者，我是傳道，咱著將萬事交託主。...

[1927-11 芥菜子 文類-散文 作者-偕叡廉/Kai Jōe-liâm]  (2)
耶路撒冷地動 [ Iâ-lō͘-sat-léng toē-tāng ]
耶路撒冷地動 這pang佇耶路撒冷有拄著大地動，地方的百姓不止淒慘，死失的人有600外的，著傷的有3000外。地動彼時通猶太國攏搖choah。耶路撒冷的百姓著驚攏走出城外。走袂lī的人真濟予厝teh死。散鄉人毋甘放拺in 的物，欲閣去厝裡the̍h物，濟濟為著按呢來失落in的性命。厝也倒壞真濟。第一傷重就是猶太人的大學，總督的宿舍佮回回教的大宮殿，號做，Mosque of Omar。這間殿就是起佇在早Só-lô-bûn所起彼間殿的所在，所以通講是耶路撒冷出名的古蹟。欲閣修理這間殿，大約著閣開出一百萬銀。 近佇耶路撒冷猶有濟濟所在拄著大損壞。佇Iok-phàⁿ佮Ka-ná山...

[1927-11 芥菜子 文類-散文 作者--/-]  (2)
教囝的法度 [ Kà kiáⁿ ê hoat-tō͘ ]
教囝的法度 公正 世間人攏著用公義款待人，細漢的囡仔，較常若看見物，想愛就共伊the̍h，實在是對伊的智識iá-bē開，所以做父母的人，應該著量早教示囝兒用公義款待人，若甲的囡仔the̍h乙的囡仔的物，乙的囡仔的確知無合理，就著教乙的囡仔講。也毋通the̍h別人的物，上帝第八誡講，莫得偷the̍h，就是按呢，毋通勉強囡仔送物，抑是借物予人，這是做父母的人第一快犯著的過失，要緊著留心，獨獨著常常勉勵囡仔大量，若是別人的物，就毋通the̍h，的確著代先問人才通，借用了後，猶原著囥原位，毋通chhìn-chhái下，閣著教囡仔毋通拍歹別人的物。著小心共人照顧，毋通iân-chhiân到予人來討...

[1927-11 芥菜子 文類-散文 作者-張基全/Tiuⁿ Ki-choân]  (4)
製鹽工業 [ Chè-iâm kang-gia̍p ]
製鹽工業 (續接前號) 這款岩鹽有的真清氣，親像德國所出的岩鹽，自按呢毋免閣精製就會食，用得，閣再Stassfurt地方的岩鹽的囥床有1200到3000尺hiah厚，所以通講規山to是鹽。 有人kiám-chhái欲想講佇陸地ná會有鹽hiah濟佇teh？照現今的學者研究，岩鹽猶原是海水漸漸厚來結成的，後來彼个地方受著地勢的變遷，予塗石蓋去。照岩鹽來看，第一下跤層是鹽化加里(鹽化加里)。中層是鹽......鹽化曹達)。頂面層是鹽化苦土......(鹽化苦土)這按呢tú-tú是將海水共伊蒸發(煮)予伊直直厚，就照頂面岩鹽的款式對鹽化加里，後來鹽，第一路尾才鹽化苦土的順序直直析出沈...

[1927-11 芥菜子 文類-散文 作者-柯設偕/Koa Siat-kai]  (2)
淡水中學 [ Tām-suí Tiong-o̍h ]
淡水中學 (柯設偕) 淡水中學是佇1914年3月9號設立開校。到今年已經是13年久lah。通講是本島中第一久的私立的中學。也出業生已經有9回，共67名。現在教員14 位，學生倚200名。漸漸有ná teh進步。通講地基已經在lah。對taⁿ起穩當會受上帝的大幫贊，發展隆盛，利益濟濟人，閣通榮光天國佇台灣。 逐年有募集新入生。Mâ年4月新學年，猶原有欲閣募集。所以大大向望讀報的兄姊，鬥廣告，鬥宣傳這間學堂，予濟濟人會知，會了解這間的精神，佮理想。也向望濟濟人會來入這間學堂。 常常捌有人，到眾人攏入學清楚了，才欲來交涉，看有甚物特別的路。這款實在有時真通同情，m̄-kú...

[1927-11 芥菜子 文類-散文 作者-陳瓊琚/Tân Khêng-ku]  (2)
淡水女學院創立二十週年紀念會 [ Tām-suí Lú-ha̍k-īⁿ chhòng-li̍p jī-cha̍p-chiu-nî kì-liām-hoē ]
淡水女學院創立 二十週年紀念會 十月十三日頂晡對九點起佇淡水女學院的大講堂有開祝賀「創立二十週年」的紀念會。Taⁿ佇遮愛照彼日的順序大略來記佇下底：-第一步1. 奏樂 (陳Sìn-cheng女士)。2. 禮拜。會眾一同，代先吟詩，後來郭水龍牧師讀聖經佮祈禱，就第一步清楚亦接紲第二部。1. 會眾一同唱「Kimigayo。」 2. Thek-gú奉讀。3. 金姑娘校長式詞。4. 來賓祝詞的中間，代先是台北州知事，以外有淡水郡的事務課長，淡水中學長，偕先生。北部長老教會中會的議長章Thian-ki牧師，閣蕭安居牧師。 閣有美國的領事官佮英國的領事官的hō-chng佮對四方的名士以及...

[1927-11 芥菜子 文類-散文 作者-明有德/Bêng Iú-tek]  (1)
耶穌疼我！我知明 [ Iâ-so͘ thiàⁿ goá! Goá chai beng ]
耶穌疼我！我知明 aⁿa warner是美國人。伊有toà佇一所在是倚佇New York。 伊家內的人攏是做詩，gâu ji̍h琴，gâu唱歌。伊的姐妹有印幾若本；較濟是論聖詩佮音樂的事。 aⁿa Warner本身有做不止濟的詩。伊所做的詩有關係佇囡仔的款式。伊37 歲的時，有印一本故事冊。佇彼內面有應一首的詩，就是論「耶穌疼我！我知明。」 有人講，伊的囡仔彼時有破病。伊共伊照顧的時有讀聖經予伊聽，也對伊的囡仔的所想，所講來寫這首的詩。 也有人講，伊本身有親像囡仔的心肝佇teh，親像囡仔的信仰佇teh；因為伊有彼款的精神才會寫，「是耶穌疼我。」 這款的精神是倚佇耶穌所講...「恁若...

[1927-11 芥菜子 文類-散文 作者-陳清忠/Tân Chheng-tiong ]  (1)
報料 [ Pò-liāu ]
報料 芥菜子列位的讀者siu-lám：- 本報有決定對mā年正月起欲佮「台灣教會報」合印。芥菜子毋是欲廢刊，本報的特色以及內容的充實，無各樣佇以前，不過是換來chham佇「台灣教會報」內面nā-tiāⁿ。就是將「北部事務」換做「芥菜子。」頁數欲加添到20面。目的是欲予讀者較便利，較經濟的。 所以對mā年正月起發行所(北部)欲換佇淡水龍目井街書房嚴漳先生遐。屬北部的讀者，若愛繼續買，直接對嚴先生注文就-好；屬南部--的，請對南部冊房注文。 芥菜子的報料，愛勞煩列位佇本月中(抑是上慢到後月上旬)來la̍p清楚。 請照下面所定來la̍p：- 1. Boé...

[1927-5 芥菜子 文類-散文 作者-陳清義/Tân Chheng-gī]  (2)
予人和平的人有福氣 [ Hō͘ lâng hô-pêng ê lâng ū hok-khì ]
「予人和平的人有福氣」 馬太5 章 9節。 主耶穌佇世間的時，有周圍四方傳道理，有一擺佇迦百農附近的所在，看見眾人規陣就近伊。就peh上天然的教壇來說教，題目是論福氣，攏總有8 个。這tia̍p愛將第7 个來論，佇漢文的聖經是講和平的人有福氣。照本文是講予人和平的人有福氣，按呢較著。 論予人和平這4 字，是好字，閣再真好聽。是上帝的聖旨，也是主耶穌的教示，伊是和平的人君，降世做人，做一chân大事業，予世間人佮上帝和好。也予萬國的人通歸一體大家相疼結和平的果子，來合上帝的旨意，所以予人和平的，就是承受上帝的聖旨，順趁基督的教訓。 按呢咱人毋但家己行和平，也著幫贊人予人來行和平，是真要...