[1921-10 台南府城教會報 文類-小說 作者--/-]
至好朋友 [ Chì-hó Pêng-iú ]
至好朋友1921.10 439卷 p.8-9(Lân Liân--氏Má-gio̍k記。)有聽見一個故事teh講幾若10年前英國ê女王有去探蘇格蘭ê京城，離hit個城無偌遠，有小所在近tī海墘，人tī hia較濟是討海ê,真無閒，真mî-noā趁錢。忽然一日聽見女王明仔再beh去in hia看看。 O--ah！逐家聽著，一面大歡喜，一面teh chhoah ，因為想in bē 堪得女王到in hia，in 是散hiong ê粗工人，所在也m̄ 成物。M̄-kú聽了逐家緊緊備辦，街路掃清氣，插英旗，創chhêng-siâⁿ，清潔內外，逐個攏停睏，連討魚船仔也洗清氣，網也收起來，四界創到真伶俐。 ...

[1921-11 台南府城教會報 文類-傳記 作者-李存州/Lí Chûn-chiu]
小傳：澎湖許統執事 [ Sió-toān. Phêⁿ-ô͘ Khó͘ Thóng Chip-sū ]
小傳：澎湖許統執事1921.11 440卷 p.4(李存州記。)統伯是屬西嶼ê教會。1902年受洗禮，今年受揀做執事。對入教會了後，熱心拜上帝，勤守聖日。雖然對著真濟ê khún-tio̍k 也無餒志；有時魚掠掠hō͘世俗人搶搶--去，也無beh佮人計較，做人真親切，厝邊人人好；真正是真ê基督徒。西嶼ê教會攏是倚靠伊1人teh料理設法，本身真甘願做主理，招人來禮拜；真正是西嶼教會ê光燈。今無--lah! 10月7 日，就hō͘主召伊離開世間，享壽51歲。攏總破病20外日久，10外日bē講話。Tī teh-beh 死ê時，iáu會開嘴苦勸會友著熱心拜上帝，著有智識。厝邊聽著伊死，逐人無m̄吐氣流...

[1924-11 台南府城教會報 文類-小說 作者--/-]
迷信ê艱苦 [ Bê-sìn ê kan-khó͘ ]
迷信ê艱苦1924.11 476卷 p.13Tī 印度國，某一個較細微ê 庄，百姓giâu 疑敢是神明teh 譴責in。就去問佛看著án怎樣才會平安？照hit 個尪姨講著thâi 一個查某囡仔來祭獻；後來hiah-ê 人議定著用某人 ê 子。抵好beh thâi 早一暝昏，有一個迷路ê 囡仔來hō͘ hit 個某人ê 婦人人拾--著，佮hit 個beh hō͘ 人thâi ê 囡仔做夥食做夥睏。 隔日，天未光，hit 個人beh 抱囡仔出去hō͘ 人thâi,想著m̄ 免用伊家己ê 子抱--出去，thang 用hit 個迷路--ê 來替--伊。總是hit 內面暗bong-bong 無點火，oh...

[1925-3 台南府城教會報 文類-散文 作者-盧百欣/Lô͘ Pek-him]
請看大慘事 [ Chhiáⁿ khoàⁿ toā Chhám-sū ]
請看大慘事1925.03 480卷 p.2-3(盧百欣)鄙人受派來toà田中，倚 beh 三年久，照所經過，地方ê 發達真緊，chia是芎蕉ê 出產地，致到趁著錢ê 人真濟。當teh發達，歡喜ê 時，忽然抵著大災厄，tī 2月20日午前倚兩點鐘，對上鬧熱ê 街中發火，hit時抵人teh上重眠，致到喝攏無救兵。當人到ê 時，火大焰，北風大透，致到重要ê 店頭攏燒--去，攏總燒了50外戶，這從有田中未bat有ê 大災厄，實在真大可憐代；有個kan-ta目箍紅，有個煩惱到憨憨，現時無厝企，無物食，致到著去別人兜歇企，án-ni受燒--ê 價格攏總約有20外萬，佳哉人攏無受害，啊！這等號ê 慘境，看了...

[1925-8 台南府城教會報 文類-傳記 作者-葉金木/Ia̍p Kim-bo̍k]
小傳鄭Teng-thiam [ Sió-toān Tīⁿ Teng-thiam ]
小傳鄭Teng-thiam1925.08 485卷 p.8(葉金木)鄭Teng-thiam 是Bâ-û教會長老，伊信道理有10外年久；對少年有食鴉片到50外歲。伊有1擺來Bâ-û看戲，抵著陳Kî-siông先生講道理hō͘伊聽；伊就歡喜來信，煞甘願改鴉片，對倚靠上帝用祈禱，無倚靠藥。對hit-tia̍p了後禮拜日除破病以外m̄-bat歇睏，對教會無論獻工、抑是獻金攏真甘願，逐擺若有佈道會抑是演說會，伊對早起著到拜堂發落買菜、掃內外、choaⁿ茶，實在真感心，koh伊真尊敬傳道理ê人，m̄-bat聽見伊有嫌傳道ê 是非。伊對舊年破病，身体軟弱，bē到拜堂，iáu-kú不時teh 掛慮教會ê事， ...

[1925-9 台南府城教會報 文類-傳記 作者-葉金木/Ia̍p Kim-bo̍k]
小傳陳--氏Keh [ Sió-toān Tân--sī Keh ]
小傳陳--氏Keh1925.09 486卷 p.10-11(葉金木)陳氏Keh就是松仔姆，伊對少年ê時是有食鴉片，熱心拜神明。到62歲ê 時有得著道理，改鴉片，學白話字到會讀聖經，熱人致意引chhoā人聽道理。若有姑娘，宣道婦來，伊逐擺出力chhoā in 去佈道。論題捐1真克己向前，也致意chhoā家內大細服事上帝。1日早暗有兩擺家庭禮拜。對舊年來常常抵著破病，身体真lám,iáu-kú 伊不時佮上帝交陪，讀聖冊。破病tī眠床，伊ê序細猶原著佮伊tī眠床邊禮拜，實在真感心。阮tī 7 月30日有佮陳瓊瑤牧師、鄭進丁君做陣去探伊，佮伊相佮禮拜，伊真歡喜顯明伊攏無艱苦ê款，直直kā阮說多謝。不幸...

[1925-11 台南府城教會報 文類-散文 作者-王守勇/Ông Siú-ióng]
罕有 [ Hán-iú ]
罕有1925.11 488卷 p.9-10(王守勇)日本thang 講是佛教國，總--是tuì 明治初代就淡薄仔bat 耶穌基督。Tuì hit-tia̍p了後受基督教ê 影響實在oh 得測度。第一 hō͘ 咱thang 注目--ê,就是tī 5 年前咱有開世界日曜學校大會（第8回世界主日學大會）tī 東京，有大大影響tī 佛教。 Tuì hit 時以後in 有大覺醒，知著教示囡仔來bat in ê 道理ê 要緊。所以就趁咱基督教ê 法度，設日曜學校（照佛教teh講，in ê 日曜學校tuì 第6世紀就已經有，m̄-kú ...？）In teh進步ê 聲，實在hō͘ 咱聽了到會驚。譬論來講，現...

[1925-11 台南府城教會報 文類-散文 作者-陳添旺/Tân Thiam-ōng]
稀罕ê救人 [ Hi-hán ê Kiù-lâng ]
稀罕ê救人1925.11 488卷 p.8(陳添旺)近日tuì Tân Bit傳道聽--見ê消息，煞叫我寫幾字tī報紙。新埔教會溫阿林 tiàm tī犁頭山燒瓦，厝後1窟大潭，不時跋人失落生命；人講：「掠交替。」舊曆7 月29日，忽然阿林兄ê 子阿安，7歲，跋落水。佳哉阿林 ê小弟阿峰 ê子阿水，11歲nā-tiāⁿ，看見小弟跋落水，隨時褪衫落水siû 去救--伊，到救--起-來，囡仔就親像死；佳哉koh 救活--起來。Hit時有大人tiàm 山頂teh看，有人去叫囡仔ê 老父；設使in 老父來也救無人。照看11歲子，有hit 號 ê 心胸，實在可取；thang看為著骨肉ê 疼心真大。這款ê ...

[1925-11 台南府城教會報 文類-散文 作者--/-]
偕牧師娘矣! [ Kai Bo̍k-su-niû ah! ]
偕牧師娘矣！1925.11 488卷 p.6-7(K. Y. C.)偕牧師娘--ah！你 ê gâu 做人，堪得 hō͘ 阮數念 ê 好--處，實在是真濟，講 boē得了。照我 tuì 1910 年 9 月中旬佮你相 bat 起，到今年 6 月18 號最後見面止，滿 15 年久，親身經過來深知你ê 做人，有3款： 1.歡喜 ê 人。有先生講：「入基督教 ê 拜堂禮拜，不時親像 teh 赴結婚式 ê歡喜；」這句話是有影 ê 事實，可惜出拜堂外 ê 會友，少少有 thang 看著這 hō ê歡喜。若看 tī 偕牧師娘就有--lah。 偕牧師娘--ah ！你幾10年親像1日，時常歡歡喜喜， teh ...

[1925-11 台南府城教會報 文類-傳記 作者--/-]
偕牧師娘ê小傳 [ Kai Bo̍k-su-niû ê Sió-toān ]
偕牧師娘ê小傳1925.11 488卷 p.5-6(T. C. G.寫)偕牧師娘是姓張名叫聰明，台北五股坑庄ê人，tī主後1878 年5 月27 日有嫁偕牧師，tiàm tī淡水不止久，後--來有搬來台北企起。伊bat kap偕牧師出外四界巡視教會，也bat kap伊做陣去加拿大兩擺，1 擺是對西爿去，有經過幾若國，就是印度國、猶太國、法國、英國、美國，chiah-ê 國度。台灣ê婦人人行hiah遠，kap世界一周，káⁿ是伊nā-tiāⁿ。聖經所講ê所在，伊也有看不止濟位。Bat 聽伊講有去看埃及ê塔，kap法老王ê身屍，也有去看耶路撒冷、伯利恆、約旦河、死海；koh 有去看非所bat遊ê火...

[1926-7 台南府城教會報 文類-散文 作者-王守勇/Ông Siú-ióng]
九州傳道旅行 [ Kiú-chiu Thoân-tō Lí-hêng ]
九州傳道旅行1926.07 496卷 p.5-6(王守勇)(接6月第5面)8.Tī別府歇睏（12號） 雖罔以外有去幾若位，為著紙面上ê 關係，kan-ta紹介頂面hit 幾位就好。 後--來阮有去別府歇睏兩日久。照咱所知別府（Beppu） thang 講是世界te̍k ê 名所，因為有自然ê 溫泉，致到往來ê人客真濟，宛然親像天堂，m̄-kú 確實是地獄較出名。咱ê俗語講有18個地獄，若是tī chia kiám-chhái iáu 有較濟個。今將較有名--ê,紹介2、3 個就好。 1、血池地獄 就是1個大ê水窟，泉水pho̍k-pho̍k-chhèng,燒到極。手boē摸得，雞卵下--落-去...

[1926-7 台南府城教會報 文類-傳記 作者-葉金木/Ia̍p Kim-bo̍k]
小傳郭蔡--氏 oàn [ Sió-toān Keh Chhoà--sī oàn ]
小傳郭蔡--氏 oàn1926.07 496卷 p.8(葉金木)伊ê外家就是鹿港蔡Chhí ê 大查某子，17歲嫁郭Oai長老。伊ê丈夫信道理，5年久kap伊做對敵，家己拜偶像，到39歲ê時，才kap伊ê 丈夫相kap信福音。對hit-tia̍p起，真致意守禮拜，雖然身軀軟弱，也坐車去赴，koh 伊也真致意倒轉去鹿港引chhoā伊ê父母禮拜。 伊ê做人勤儉克己，gâu款待--人、gâu料理家事、尊敬丈夫。到beh臨終ê以前，iáu-kú交代伊ê查某子著泡雞卵hō͘伊ê丈夫食。款待人無分親疏，所以無論會內會外ê人若到伊ê厝，伊攏顯出伊歡喜ê面，來好款待--人。所以bat--伊ê 人攏真數念--伊...

[1926-8 台南府城教會報 文類-散文 作者-潘勝輝/Phoaⁿ Sèng-hui]
百合花 [ Pek-ha̍p-hoe ]
百合花1926.08 497卷 p.4(潘勝輝)「試想百合花怎樣愈大欉。」請看地上所有chiah-ê 玉樓、台閣 ，in 敢會家己自然tī teh ？獨獨是對血，汗所結成--ê 。為著世上物質ê 關係，煞致到廢寢忘餐，暝日著磨勞苦，kan-ta為著地上ê 功名財寶，就理既然有玉樓、台閣 ，積聚濟濟財物，若是上帝對你講：「憨人啊！今暝beh 對你討你ê 靈魂，就你所積蓄--ê beh 歸tī 甚物人啊？」「人若得著全世界，來喪失伊ê 生命，有甚物利益？」Sòng-hiong人啊！Lín莫得為著身軀所揹ê ka-chì來流目屎、啼哭、憂愁、掛慮，舉頭看空中ê 飛鳥，in 無種作，無收成，也無庫房，...

[1926-10 台南府城教會報 文類-散文 作者-張基全/Tiuⁿ Ki-choân]
酒kap健康 [ Chiú kap Kiān-khong ]
酒kap健康1926.10 499卷 p.6-7(接9月9面)。照日常生活咱著想兩款： 1.M̄-thang用個人特別ê經驗來證明酒ê利益抑是害。咱 m̄-thang想講，親像外國有一個有名ê詩人號做 Goethe ; 伊一世人lim有5000矸ê酒。抑是親像中國早有一個出名ê詩人李太白，伊也是愛酒家。咱 m̄-thang想講，in gâu做詩，思想深，是因為lim酒ê結果。 2.著將濟濟人ê經驗來討論。第一hō͘ 咱會信得--ê就是保險會社。對chiah-ê Lim酒家佮禁酒家ê記錄，照in ê記錄平均： (A)Lim酒家比禁酒家一般較短命。 Tuì 15-20歲 Lim酒家死2人， 禁酒家...

[1926-11 台南府城教會報 文類-散文 作者-陳瓊琚/Tân Khêng-ku]
論結婚 [ Lūn Kiat-hun ]
論結婚1926.11 500卷 p.13-15(陳瓊琚)人tiàm tī 這世間，除起有特別事情ê人以外，boē會獨身生活，就是著建設一個家庭才會用--得。講較明，就是逐人著有一個好同伴相佮企起，相幫贊。有事誌相佮斟酌，同甜同苦，有好相獎勵，有歹相忠告，就是所講異身同情，同心佮同意ê好同伴，才thang 安心快樂經過這個世間。 咱若kā伊看，hit款孤獨生活ê人ê情形就知hit個無趣味，無心適，無歡喜佮淒慘ê所在。所以有父母兄弟，姊妹，親戚佮朋友ê人是真幸福，因為會得著濟濟項ê利便佮福氣。總--是若kan-ta án-ni，其實是無夠額，因為頂面所講hiah ê人逐個有in ê境遇，義務，權利...

[1926-12 台南府城教會報 文類-散文 作者-陳瓊琚/Tân Khêng-ku]
論結婚 [ Lūn Kiat-hun ]
論結婚1926.12 501卷 p.6-8(接11月第18面)。論為著歹某來敗壞國佮滅亡家己ê性命ê真濟講未了。譬喻來講親像楊貴妃敗壞唐朝，亦妲己敗紂王，koh褒姒敗周幽王。俗語講：「差之毫釐，失之千里」實在有影。 Tī beh娶親ê 時若無真細膩斟酌逐項，kan-ta趁私慾所要求--ê,就是親像kan-ta講suí 某ê人後--來的確會為著某ê suí來抵著淒慘。聖經講：「Suí某是hō͘目珠歡喜。」娶某若是kan-ta beh娶來hō͘ 目珠歡喜ê 人，就應該著愛去專門chhē真suí--ê做某。總--是結婚ê精神 m̄-kú m̄ 是kan-ta為著目珠ê因端。我卻m̄ 是teh苦勸人娶...

[1926-12 台南府城教會報 文類-散文 作者--/-]
聖誕樹ê來歷 [ Sèng-tàn-chhiū ê Lâi-le̍k ]
聖誕樹ê來歷1926.12 501卷 p.13-14(對閩南聖會報摘錄)當耶穌出示tī伯利恆ê時，信上帝ê人攏m̄知聖誕是甚物事。Hit時陣出世ê囡仔目珠ê福氣，也無親像現今ê囡仔所享受ê大。查考耶穌ê父母當日ê情境真正散hiong。伊出世ê所在m̄是皇宮，就是馬tiâu。耶穌所睏ê床，m̄是chhu膨被ê搖床；就是充滿稻草ê馬槽。耶穌ê家雖然是chiah艱苦，chiah卑微，伊卻是上帝獨生ê放sak天頂ê寶座，降落世間做人，tiàm tī罪惡貫滿罪人ê中間，用上帝ê大疼痛來教示世間人。 當耶穌出世hit日，天頂bat有真濟天使組織吟詩班，吟真濟好聽ê詩，hō͘伯利恆城ê人聽，其中第一好聽ê一...

[1927-1 台南府城教會報 文類-傳記 作者-蘇阿均/So͘ A-kun]
故卓宗慶ê小傳 [ Kò͘ Toh Chong-khèng ê Sió-toān ]
故卓宗慶ê小傳1927.01 502卷 p.9-10(蘇阿均)宗慶伯4句要緊ê遺囑。 宗慶伯出世tī桃園郡，枋樹庄領頂。3 歲老父過身，無機會thang讀冊，所以m̄ bat字，一生是耕農。 伊得著道理ê因端，是對領頂徙來南崁廟口，kap in 丈姆toà相近ê所在。伊ê丈姆莊--氏乞，是拜上帝ê人，就常常招伊ê子婿kap查某子去南崁拜堂聽道理。對hit-tia̍p宗慶姆就常常chhoā伊ê子、新婦去禮拜堂聽道理kap讀主日學。 Hit-tia̍p 宗慶伯iáu-bē 信，總--是m̄敢阻擋禮拜；家己拜神明。宗慶姆常常勉勵，招伊著去禮拜聽道理。伊應伊講：「做禮拜kiám 會飽--mah？」過無...

[1927-2 台南府城教會報 文類-散文 作者--/-]
奇異ê葡萄樹 [ Kî-īⁿ ê Phô-tō-chhiū ]
奇異ê葡萄樹1927.02 503卷 p.14-15(Liâm Tek-lia̍t)離英國ê 京城倫敦四舖路有一間王宮（Hampton Co͘rt Palace），hit間起已經400外年久（現今國王卻無toà tī hia）。 Tī hit內面有種葡萄樹，因為天氣冷ê 緣故，無種tī 外面，是起玻璃厝，來栽tī hit內底。 Tī 1768年，到今已經159年足，tī hit號玻璃厝有栽一欉葡萄，現今猶活--teh， koh 真gâu 生，bat有一年生倚2200葩，總是逐年有刪--起來，只有留500外葩nā-tiāⁿ，每葩秤重有一斤至2斤， koh 賣真好價；零星賣一斤有3箍3角，所以一欉...

[1927-3 台南府城教會報 文類-傳記 作者--/-]
故陳信彰君小傳 [ Kò͘ Tân Sìn-chiong Kun Sió-toān ]
故陳信彰君小傳1927.03 504卷 p.8-9(徐春生)故陳信彰--氏，就是錫口 教會陳復禮、陳約翰二位長老ê兄弟。伊ê親人濟濟做傳教師， 伊本身也bat 3年久做傳道。看北部台灣基督長老教會ê歷史第102面有伊ê 像，就知伊細漢讀義學，後--來讀國語校ê第三附屬，也3年久入醫學，4年久入淡水聖道書院。後來受派去八里社 做傳道，因為家事上就歇工，kap伊ê兄弟逐家出力經營炭礦成功，來利益地方kap家內以及教會。論伊ê性是忠直kap樸實。看伊ê經歷就知伊有交陪濟濟朋友。Tī無扑算ê時，昭和兩年1月1日e晡4點，腦出血；過12點久hō͘上帝召--去，享壽 45歲。到15日e 晡2點舉行葬式，會...