[1954-12 台灣教會公報 文類-散文 作者-劉振芳/Lâu Chín-hong]
空前的聚會 [ Khong-chiân ê Chū-hoē ]
空前的聚會 (劉振芳)。 1954.12，no.792，pp.6 看報的兄姊平安。 這pang照恁所知，佇菲律賓的首都馬尼拉，有開「東亞基督教化家庭生活研究會。」對咱台灣長老會有派10 个代表，4个是本省人，4个外省人，兩个是宣教師。 阮攏真苦心走chông手續，阮護照佮出入境証若毋是有相當的人，佮天爸上帝的幫贊，穩當袂赴通來赴會。所以感謝主，佇11月初二著坐飛機來赴會，我的，是到初一下晡3點半才出--來。也去中國旅行社拆飛機票。拆到好，tú是下晡5點半，險險無時間。因為隔日是著出發。較險擔油。 今佇11月2號，我穿彼軀20外年前所teh穿的洋服，閣穿倚 7年久，補兩空紅皮...

[1954-12 台灣教會公報 文類-散文 作者-賴炳烔/Loā Péng-tông]
介紹部長 [ Kài-siāu pō͘-tiúⁿ ]
介紹部長 1954.12，no.792，pp.22 1. 推行部長賴炳烔，通講雖是無真通；佳哉部員個個猛，倍加運動的確成。 2. 財政部長吳可免，料理經濟最穩健；伊teh設法極kài 穩，免驚錢薄受虧損。 3. 連絡部長彌迪理，外國朋友滿滿是；伊會設法人協助，若著欠錢也有路。 4. 資料部長蘇天明，所接資料kài 才情；也有部員鬥設法，著用資料永免缺。 5. 訓育部長是林照，傳道牧會gâu 變竅；愛知實績看澎湖，受訓學生袂錯誤。

[1954-12 台灣教會公報 文類-散文 作者--/-]
拯救的宗教 [ Chín-kiù ê Chong-kàu ]
拯救的宗教 (牧師：歐萬得) 1954.12，no.792，pp.8-9 始祖陷落，著驚逃走。佳哉上帝叫伊，欲予伊知罪；亞當你啥事食禁果？講，你所予我的婦人人，用禁果予我食。問夏娃，你啥事食禁果？講，蛇引誘我食。罪無人承認；反推罪予tong-gô͘。上帝判決in死刑，講，恁的身體是土粉做--的，死後猶原歸土粉。始祖若認罪，上帝慈悲大德：「若認咱的罪，伊是sêng信閣義，欲赦免咱的罪，洗除咱攏總的不義」(Ⅰ翰 1：9)。耶穌佇迦百農講道，有4人kng一个半遂--的就近伊，若是人濟，袂得倚；in就上厝頂，將半遂的墮落佇耶穌的面前。主看in有信，講，「細囝，你的罪赦lah，隨時起來，giâ床轉...

[1954-12 台灣教會公報 文類-散文 作者-明有德/Bêng Iú-tek]
世界消息 [ Sè-kài Siau-sit ]
世界消息 (牧師：明有德) 1954.12，no.792，pp.9-10 美國。 美國教會佇幾若年的中間，會友人數有加添濟濟。基督教有全百姓的 35% (1953)，天主教19% (1953)。佮1940年比較基督教有加添全百姓的 7%，天主教有加添3%。 印度。 1956年，就是美國美以美會去印度傳教100年的記念。佇彼時總會欲聚集佇美國的 Miⁿeapolis。為著這个記念會，印度真出名的聖歌隊欲代表印度去赴總會。 南美。 佇南美路德馬丁信義會有興起佇逐所在。雖然天主教有濟濟年的歷史佇彼所在，iáu-kú信義會的會友有75 萬。 日本。 Brunn...

[1954-12 台灣教會公報 文類-散文 作者--/-]
老竹頭teh puh新芛 [ Lāu tek-thâu teh puh sin íⁿ ]
老竹頭teh puh 新芛。 1954.12，no.792，pp.17 自今年4月起，竹仔跤教會分設林邊佈道所，獨力支持到這个9月，閣得著高雄中會傳道部的援助，每禮拜三日，特派專家來加強佈道，也請鄭斗長老來駐在。阮得著這款的鼓舞，大家活動起來宛然是老竹頭teh puh 新芛。Kah著100週年P.K.U。，阮決心teh ló-le̍k，雖然現在teh受援助，阮向望無久會通獨立。請saⁿ替祈禱。照前月公報所報，這个林邊佈道所是高中P.K.U.頭粒的果子，現在是佇人家阮林仁慈長老的厝，此去著買地建堂。向望上帝祝福佮大家的援...

[1954-12 台灣教會公報 文類-散文 作者--/-]
梅山第一任開拓者 [ Moê-san tē-it jīm khai-thok-chiá ]
(A)梅山第一任開拓者。 1954.12，no.792，pp.15 蔡耿賢牧師，對10月1日起，就去駐在佇遐的會友邱先生(醫生)的家庭，用伊的厝做集會所，招呼人聽道理，予細囝讀主日學。每日佈道引chhoā人，也有設家庭禮拜，祈禱會，佮禮拜日的頂下晡禮拜，也有獻金。到11月欲接任的時，已經進步到30外人teh禮拜，獻金5、6十箍。邱先生夫婦真出力。教會對一般的真好感。梅山也是鄉的所在地，四圍庄社真濟，現在11月換北榮的先生接任，中委聽這好消息，就閣積極的下力，託中會書記聘請講師大舉佈道，閣揣所在通做禮拜堂，向望上帝監納，果然會成立教會。 (B)鐵線橋。 卻以前就有一間講義所，也...

[1954-12 台灣教會公報 文類-散文 作者--/-]
北中秋季中會 [ Pak Tiong chhiu-kuì Tiong-hoē ]
北中秋季中會。 1954.12，no.792，pp.10 台北中會第 3 屆秋季中會，佇10月18日上午 10點，有開佇新莊教會禮拜堂。議長用「基督徒的職份」做題領導眾議員開會。佇這pang 的開會感覺非常歡喜的一項，就是對開始到結束攏無有人早退，對頭到尾攏是遮的20外人teh saⁿ-kap想，chēng到今毋捌有按呢的景況，向望以後也會常常saⁿ激勵，照按呢的次序進行辦代誌。 佇本中會內有兩間的教會攏猶毋捌出席saⁿ-kap計畫，saⁿ-kap想，是本中會內的一个苦心佮不止teh數念，也特別為著為著這兩間教會，阮有特別派人勸勉愛in saⁿ-kap做工，siāng時也為著in開祈禱會...

[1954-12 台灣教會公報 文類-散文 作者-駱先春/Lo̍k Sian-chhun]
以弗所人書的認識 [ Í-hut-só͘ jîn-su ê jīn-sek ]
以弗所人書的認識 (牧師：駱先春)。 1954.12，no.792，pp.18-19 Ⅰ. 著者是啥物人？......「使徒保羅」(1：1)。 II. 讀者是啥物人？......「踮佇以弗所遮的聖徒」(1：1)佮「咱。」 III. 啥物時寫的？......主後63年。 IV. 佇啥物所在寫的？......佇羅馬的監獄老寫--的，所以這張批稱做獄中的批信。 V. 寫批當時的環境啥款？......保羅佇羅馬家己有稅一間厝(行傳28：30)，受羅馬兵顧守，照看真嚴。因為伊有叫伊勇敢傳主奧妙的福音(以弗所6：19，20)。 VI. 啥物目的...

[1954-12 台灣教會公報 文類-散文 作者--/-]
山地習藝所 [ San-tē Si̍p-gē-só͘ ]
山地習藝所 1954.12，no.792，pp.12 主內的兄弟姊妹，我愛介紹，台灣基督教山地習藝所的情況予大家知。本所佇主後1951年7月創立。宗旨是為著愛培養山地同胞生活技能，佮深造信仰基礎。予in 會確立自養、自傳、獨立教會的基礎。本所地址原設佇關西鎮，Má-bú-tok 倚近山地的地方。因為遐交通不便，又無電燈的設備，毋但學生的生活不便而且各種的生產品運銷困難，所以這擺有遷出來中壢鎮。本所近中壢教會。因為我平素對趣味，所以常常佇遐teh領導in 的聚會。現時收容的學生倚 30名，較濟是對西部各山地鄉來的。近--的，有五峰、角板、<...

[1954-12 台灣教會公報 文類-散文 作者-賴炳烔/Loā Péng-tông]
倍加運動：介紹工作 [ Poē-kāun-tōng:Kài-siāukang-chok ]
介紹P.K.U.的工作 (P.K.U.書記：賴炳烔)。 1954.12，no.792，pp.21 介紹P.K.U.的工作的概要佮各部的部長。 1. 記念設教百週年，信徒每人著覺醒；大會為這已經決，組成七部 teh設法。 2. 第一推行排做前要求信徒盡使命；奉獻祈禱佮做工，也著獻錢通救人。 3. 第二栽種著確實，最少著獻十份一；你若為主按呢做，生活的確免煩惱。 4. 第三就是連絡部，愛得內外來協助；向望得著錢佮人，倍加運動才穩當。 5&...

[1954-12 台灣教會公報 文類-小說 作者-賴仁聲/Loā Jîn-seng]
一杯冷水 [ Chi̍t-poe léng-chuí ]
一杯冷水 (賴仁聲作)。 1954.12，no.792，pp.22-23 讀幼稚科的小美麗對主日學倒--來，真歡喜踮門口，就大聲叫in老母「媽媽，我--倒來，」媽媽呵咾伊真乖，親像按呢美麗逐禮拜都真歡喜去讀主日學。若倒--來也真gâu講老師所講的故事予媽媽聽。有一禮拜聽老師講，耶穌捌對伊的學生講，恁若為著我的名用一杯的冷水予至微細的一个lim，彼个人也的確無失落伊的報賞。 照看美麗對這个故事不止受感動，但是in老母想這是囡仔一時的感激，大概毋免到明仔載就袂記得lah。隔早起，美麗將伊的 thit-thô物仔，佮彼sian大sian 布尪仔攏搬出去外埕的樹仔跤thit-thô。忽然對彼爿...

[1954-12 台灣教會公報 文類-散文 作者--/-]
我著怎樣做？ [ Goá-tio̍h cháiⁿ-iūⁿ choè? ]
我著怎樣做？ (牧師：鍾子時)。 (傳道1，2章) 1954.12，no.792，pp.25-26 「我著怎樣做，」這个問題，佮你，我真有關係。做著，抑是做毋著，有關係咱一生的「幸」佮「不幸。」醉生夢死，譀譀 teh 過日的，kiám-chhái毋捌teh想，對佇愛欲活較有意義，較有價值的，是暝日無歇睏teh想，真嚴肅的難題。 舊約傳道的冊的記者，為著愛欲解決這个問題，伊實在有用真濟的工夫來努力，用萬般的方法來追揣。伊講，「聽候我看明世間人佇天下一生著行啥物事是好」(傳道2：3)。實在伊的目標有媠，理想有懸，也伊有立志一項，揣過一項，袂著揣到著。今咱來看伊佇數千年前所稽考，所經...

[1954-12 台灣教會公報 文類-散文 作者--/-]
頂山跤獻堂式 [ Téng-soaⁿ-kha Hiàn-tn̂g-sek ]
頂山跤獻堂式。 1954.12，no.792，pp.15-16 頂山跤教會佇11月10日頂晡10點，有舉行獻堂典禮。雖然佇前一日有落大雨，iáu-kú彼日出席的人數有兩百外人。拜堂坐到滿滿。 獻堂的順序，中會議長廖間淑牧師開新拜堂門佮獻堂的宣言。盧賞牧師有主持獻堂的典禮秩序。總教士黃武東牧師講道。伊有將伊王 6：1-7來分析拜堂重建的動機。因為起拜堂佮做衫共款。衫重做的原因有3款。是因為舊的已經穿破，或是傷e̍h，或是無合時勢，所以愛閣做新的。拜堂的重建，有的為著舊的已經破損，抑是傷e̍h

[1954-12 台灣教會公報 文類-散文 作者--/-]
水底寮教會三慶 [ Chuí-té-liâu kàu-hoē sam khèng ]
水底寮教會三慶。 1954.12，no.792，pp.16 佇10月25日，台灣光復的佳節，水底寮教會舉行設教20週年，升格堂會佮重修獻堂的慶祝會。得著高中議長歐進安牧師主禮；副議長邱天登牧師也出席。吳新輝先生司式，在地各界人士佮鄰右教會的參席，真盛況。特聘創設者蕭文德先生講演建設的經過佮苦心；黃樂祺先生講起到現在的歷史，經過鹹、酸、苦、汫，佳哉上帝閣復興伊的聖會。有十外位教會的祝歌。特別對有功者贈送禮品，到兩點才完。翕記念像，有真chheⁿ-chhau 的中食，大家心，身攏飽足來散會，真正是三慶的大節。感謝主，呵咾主。閣佇11月有欲開始枋寮的佈道所的工作。...

[1954-12 台灣教會公報 文類-散文 作者-明有德/Bêng Iú-tek]
著會記得樂山園 [ Tio̍h oē-kì-tit Ngāu-san-oân ]
著會記得樂山園 1954.12，no.792，pp.27 逐年到聖誕節的時，就有濟濟人愛去樂山園佮遐的兄弟姊妹saⁿ-kap歡喜迎接聖誕。請各教會的兄姊關心佇這个事業，也著替身體艱苦的人祈禱。請特別獎勵主日學的學生為著這个來祈禱，佮獻淡薄錢來做幫贊。請予in知這个事業是teh學主的模樣愛同情佮醫好chiah-ê。醫好這个病，現時毋是無法度的，因為有濟濟新的方法通用。 奉獻錢的時，第一利便是對華南銀行轉來入董事會張鴻圖的數是好。 (明有德報)...

[1954-12 台灣教會公報 文類-散文 作者--/-]
倫敦大佈道會 [ Lûn-tun toā pò͘-tō-hoē ]
倫敦大佈道會 (Dr.C.T.Cook報-陳惠昌譯)。 1954.12，no.792，pp.27-28 這是Khu̍k-khu̍k博士所寫關係Bí-lí Gu-lem (Billy Graham)博士倫敦大佈道會的精彩結束記。 五月22日，Gu-lem博士佇Wembley 的倫敦皇家運動場，向120,000人的大聽眾來講道。這是有教會史以來聽眾最濟。博士已經三點前佇Shepherd's Bush 的 White City運動場向67,000 的聽眾講道。有4000人佇這个會決心求道，佮對開始起，有35,000以上佮無計算的幾若千个人信基督。到逐城，逐鄉繼續做工。Wembley...

[1955-1 台灣教會報 文類-小說 作者-賴仁聲/Loā Jîn-seng]
倍加運動：一杯冷水 [ Poē-kāun-tōng：Chi̍t-poeléng-chuí ]
一杯冷水
當Eńg-chím-á去河loā久，tú有一個醫生騎一隻o-to-bái (オ-トバイ)真緊tuì in門口過， hit條路真坎坷，真tǹg。 Chhe̍k了後面ê 貨物架頂 ê物縛無tiâu ka-la̍uh去，醫生攏m̄知，做伊直直走去。Hit時Ki-hoâ忽然想著伊有機會thang做「一杯冷水」ê好事lah。趕緊出來，khiā tiàm所ka-lauh3 ê物ê邊仔，大聲hoah-hiu hit個醫生。Hit個醫生是一個基督徒，是家裡真出名ê醫生，因為真趕緊beh去庄裡，有一個婦人人難產，性命真危險。伊所chhe̍k ka-la̍uh用布包真sù-sī ê物就是助產...

[1955-2 台灣教會報 文類-散文 作者-蔡長義/Chhoà Tiông-gī]
研究：基督教幸福論 [ Gián-kiù：Ki-tok-kàu Hēng-hok lūn ]
基督教幸福論 (牧師：蔡長義 著)幸福是人所意愛，災難是人所厭惡；得著幸福,人就快樂，tú著災難,人就憂悶。幸福論若無四正，會將幸福看做災難，也將災難掠做幸福。 新舊約聖經攏有論起幸福ê事，這個立場thang講第一正當。舊約中，tī詩篇，箴言，傳道，約伯khah有論起幸福ê事。新約中，耶穌ê話kap啟示錄就是一個幸福論ê標準.咱thang tuì馬太5:3-12;路加6:20-23; 行傳20:35,其他幾nā位來研究這個問題. 耶穌時代ê猶太人kap現代人相像,平平掠物質上ê豐盛做幸福ê標準.若是耶穌ê教示是將精神上ê快樂做標準.所以一般ê人聽著耶穌ê講法,常常奇怪伊ê話攏是kap人講倒...

[1955-2 台灣教會報 文類-散文 作者-高安賜/Ko An-sù]
雜錄：兒童宗教教育ê重要性 [ Cha̍p-lio̍k：Jî-tông chong-kàu kàu-io̍k ê tiōng-iàu sèng ]
兒童宗教教育ê重要性 老母ê 責任。 論老母ê責任，這個問題是舊iáu-kú 永新，是淺iáu-kú是深。俗語講：「世上第一戇是皇帝，第二戇是老父。早時kok-ka ê是大是皇帝，家庭ê頭是老父，m̄-kú其實皇帝tio̍h 做百姓ê差用，為國家ê安寧kap百姓ê幸福來圖謀;也老父tio̍h 做囝ê奴僕，kā 囝洗腳，馬可10:43， 44， siāng這個意思。我好膽講：「世上第一戇是媽媽，第二戇是爸爸。」已經bat做媽媽ê人就知媽媽為著囝兒tio̍h犧牲joā濟ê幸福kap快樂來忍受一切ê 患難， kap勞苦。Tolstio(托爾斯泰)講，「人類無論是男性抑是女性， in ê使命平平是奉...

[1955-3 台灣教會報 文類-散文 作者-吳德元/Gô͘ Tek-goân]
研究：基督教感恩論 [ Gián-kiù：Ki-tok-kàu Kám-inlūn ]
基督教感恩論 (牧師：吳德元)Tī世間做人，患難勞苦真濟。Thài有甚麼thang感謝？德國厭世 tia̍t學家 Arthur Schopenhauer講：「人做嬰仔出世，哭hit個孤孤悲哀ê 聲.活ê時期tuì少年到老，不時有不滿kap怨嘆ê事，算boē盡;死一下到,幸福攏放離，一生ê tio̍h磨歸tī 落空, 嗚呼哀哉.」這叫做人生。所向望ê幸福得boē 著,反轉無期待ê災難，「禍不單行,」連續到tī咱。學者kā 伊叫做人生ê矛盾。古早人言有講：「禍kap福來並做一條鎖.福中有禍，禍中有福.」這個是人生，決斷無有完滿ê幸福。親像suí ê月遇著烏雲jia遮，親像suí ê 櫻花受一暗ê狂...