[1934-12 台灣教會公報/芥菜子 文類-散文 作者-陳清義/Tân Chheng-gī]
人生的幸福 [ Jîn-seng ê Hēng-hok ]
人生的幸福 (陳清義) 1934.12，no.597，pp.22-23 提摩太前書，4章8節。論調劑身軀的事，是講著鍛鍊武藝，來調養身體。 論敬虔佇主的事，是講著練敬虔的德行，來服事上帝；兩項攏有利益。總是利益身軀的是較小可，利益敬虔的德行來服事上帝，是較大；因為今世，來世攏有得著福氣。對按呢來看，人生的幸福有3項大要緊：- 1. 身體健康 有一句話是按呢講，「病時方知健是仙。」意思是講破病的時，才知勇健是仙；因為人若無勇健，就無真正的慰安。所以人若無破病的時，毋知影健康是甚物。身體健康的人，看世界是真美麗；雖罔拄著甚物試煉，損失，災害，也毋知伊的艱苦。身體若衰荏的...

[1926-8 芥菜子 文類-散文 作者-陳清義/Tân Chheng-gī]  (4)
基督教佮佛教的研究 [ Ki-tok-kàu kap Hu̍t-kàu ê gián-kiù ]
基督教佮佛教的研究 世間的宗教，毋但一款，派別真濟，照學者所研究，聚集歸類，通講有3大類。 I. 蠻族tek宗教。 II. 一國 tek宗教。 III. 世界tek宗教。 啥物號做蠻族tek宗教？就是親像火教，多神教。 啥物號做一國tek宗教？就是親像希臘教，道教。也啥物號做世界tek宗教？就是基督教、佛教、回回教這款。 今這三个教，雖然平平稱做世界tek宗教，總是無攏總有救世主義的宗旨佇teh。回回教佇台灣無，毋免講，kan-ta將基督教佮佛教來講： 照咱所知基督教是救世主義的宗教，佛教是厭世主義的宗教。今...

[1926-8 芥菜子 文類-散文 作者-陳清義/Tân Chheng-gī]  (1)
著全家拜上帝 [ Tio̍h choân-ke pài Siōng-tè ]
著全家拜上帝 咱人踮佇這世間，家內的人數不論濟少，要緊著同心敬拜全能的上帝，做咱的天爸；這个是真要緊的事。可惜現今佇咱教會的中間，有濟濟的，猶未全家拜上帝，致到家內的信仰無相同，常常顯出tōng-tu̍t，大欠缺平安，來失落福氣。若會全家敬拜上帝，信仰相同，行siâng條的路，就真有平安，真有福氣。 這tia̍p愛引幾若个古早的信徒，有全家拜上帝，來做咱的模樣： 1、 Lū-tí-a。這个婦人人有全家拜上帝，伊是Chhui-ngá chhui-lat城的人teh做chi-sek-pò͘ 的生理，平素有拜上帝，信道理；主開啟伊的心，予伊全向保羅所講，全家領...

[1926-7 芥菜子 文類-散文 作者-陳清義/Tân Chheng-gī]  (1)
來看 [ Lâi-khoàⁿ ]
來看。 佇約翰一章 46節。有記載這2字。就是腓力叫那但業來看耶穌，當時主耶穌佇世間，有揀召人來做伊學生，代先有揀召安得烈、彼得、腓力，也腓力受揀召了後，就紲招伊的朋友那但業，總是那但業毋信，僥疑講拿撒勒是僻野的所在，thài會出聖德的人。腓力無愛佮伊辯駁，也無啥物證據予伊。Kan-ta 共伊講，來看，按呢nā-tiāⁿ，講這句不止有意思，予咱通捌幾若項；排列佇下底。 1、 腓力講這句，真好法度。 人佇僥疑袂明的時，用講的，較oh了解，著用看較快明白。譬喻共人講飛行機、活動寫真、蓄音器，人聽了真oh 明，若叫伊來看，隨時會了解。 腓力共那但業講。古早的先知佮摩西所...

[1926-6 芥菜子 文類-散文 作者-陳清義/Tân Chheng-gī]  (1)
世間的光 [ Sè-kan ê Kng ]
世間的光 佇約翰8章12節有記載主耶穌共眾人講一句話，講：「我就是世間的光。」 對古早到現今，有濟濟大人物予人稱做「人群的光。」親像東洋的孔子，釋迦，老子佮西洋的蘇格拉底等。總是這款的光有限，所照的地方無偌遠，無親像基督的光會照到通世間。所以伊講是世間的光無錯。 今伊的光是啥物款的光？ 1、 伊的光，是啟示的光。啟示啥物？ A、 啟示人捌上帝。基督猶未來以前，人雖然知上帝，總是無徹底；到基督來了，人通十分明白上帝是做人類的天爸。 B、 啟示人捌本身。世間人無明白家己是甚物人...

[1926-5 芥菜子 文類-選擇文類 作者-陳清義/Tân Chheng-gī]  (4)
教會的消息 [ Kàu-hoē ê siau-sit ]
教會的消息 (A) 教會佮傳教師的表 I 艋舺同會 1 艋舺 陳清義 劉約翰 2 板橋 郭樹枝 II 新店同會 3 新店 郭水龍 4 內湖 郭水龍 5 坪林 呂阿家 III 大稻埕同會 6 大稻埕 郭希信 陳阿本 7 新莊 林清火 IV 水轉跤同會 8 水轉跤 康清塗 9 暖暖 徐春福 10金包裡 林水柳 V 淡水同會 11 淡水 章天基 12 八里分 曹添旺 VI 三角湧同會 13三角湧 李滾泉 14大科崁 15龍潭埤 顏寬孩 VII 基隆同會 16基隆 張金波...

[1926-5 芥菜子 文類-散文 作者-陳清義/Tân Chheng-gī]  (2)
基督徒的品格 [ Ki-tok-tô͘ ê phín-keh ]
基督徒的品格 咱大家知影對反悔信主了後就是做基督徒，抑是講做拜上帝的人。有這項真要緊著照顧。彼項是啥物？就是品格。基督徒欲予伊品格較純全、較高尚；著學啥物人的模樣？著學主耶穌的模樣。因為伊有完全的品格通予咱學，以外無；總是咱欲學到親像主耶穌的品格，是真oh得。毋kú也是著出力來學，上少也著學3項。這3項是基督徒不能免著有--的。這3項是啥物？ 1、仁愛的品格。 論仁愛的心是基督徒所應該著有。主耶穌有行完全的仁愛，咱著出力來學。伊佇世間所行逐項事攏是用仁愛做根本，不論是教示人、醫治人、拯救人，攏是對伊仁愛的心來顯出。咱著學伊，就會得著仁愛的結果。照保羅所講，...

[1926-5 芥菜子 文類-小說 作者-陳清義/Tân Chheng-gī]  (2)
一滴一滴的水 [ Chi̍t tih chi̍t tih ê chuí ]
「一滴一滴的水」 (紲接以前) (7) 神佮車夫 有一个人駛一隻馬車，載真濟物，經過爛溝糜的細條路；因為車輪牢土糜。，所以馬拖攏袂進前。 為著按呢，這个人。全然無勞碌，隨時跪落佇土糜頂，大聲hiu神來幫贊。 神就應講，「貧惰的人ah，將你的肩頭掛佇車輪，出力照所會來sak，按呢iáu-kú若著欠用我的幫贊，我就歡喜聽lah ！著會記得彼句俗語講，「天幫贊自助的人。」 教示 常常聽見人teh祈禱的時，所求佮這款siâng類--的不止濟。「爸ah，你的福音到台灣已經五十外年久lah！但是來信你的人是真少。求你著將你的神開啟 in 的心，予in緊緊來佮阮相佮行這條天的路，通來得...

[1935-2 台灣教會公報/芥菜子 文類-傳記 作者-陳清義/Tân Chheng-gī]
李Bêng-tē長老的小傳 [ Lí Bêng-tē Tiúⁿ-ló ê Sió-toān ]
李Bêng-tē長老的小傳1935.02 第599卷 p.29芥菜子第109 hō(陳清義)李長老是泉州的人。伊來佇艋舺做金仔店，有來聽道理。1900年有領洗禮，是偕牧師共伊領洗禮，後--來有做執事。到1905年有升做長老。伊常常赴小會、中會、大會，也幾若擺去台南。1934年12月6日別世，按呢頭到尾做長老29年。李長老對拜上帝起，真熱心，罕得無到拜堂做禮拜，伊來禮拜，時間真準。1904年，就是31年前，伊有提倡教會著獨立。伊就佮眾長老、執事參詳，彼霎北部猶未有中會。伊佮眾長執，去淡水佮華牧師、吳牧師參詳，伊真歡喜，就替in稟加拿大的母會，準in設中會佇北部。母會有准，就定彼年10 月4 日，...

[1925-7 芥菜子 文類-散文 作者-陳清義/Tân Chheng-gī]  (3)
南勢番 [ LÂM SÌ HOAN ]
南勢番 　　這擺我去花蓮港赴奮興會，順機會我研究南勢番ê狀況，不止有趣味，taⁿ來排列寫佇下底，報予大家知影。 1. 論in ê祖先。In逐ê攏講毋知影，有一位ê博士去kā in抽血來研究，講是kap馬來族相同，按呢拍算是對南洋來khah大面，因為kap名稱也相合：佇花蓮港聽彼爿，逐ê攏叫in南勢仔。 2. 論in ê徛起。攏是平洋；In ê番社真清氣相，路真大條，埕真開闊，有竹圍、有樹真好看。厝，是用草起ê，低低；近來不止進步，有ê kah棟起，厝頂蓋鉛鉼不止...

[1925-7 芥菜子 文類-散文 作者-陳清義/Tân Chheng-gī]  (2)
東台灣Ê故典 [ TANG TÂI-OÂN Ê KÒ͘-TIÁN ]
東台灣Ê故典 　　佇教會內欲揀人當職，著真細膩。會友若有囝兒欲號名，也著真斟酌。這擺我kap郭希信、郭水龍、鐘天枝3位牧師去花蓮港赴奮興會，有聽著幾若項ê故典，不止心適；taⁿ來寫佇下底報予大家知影。 1. 王長老抽籤。佇某所在有一個長老姓王，伊ê家內有拄著破病，食藥、祈禱攏袂好；就去宮廟欲抽籤。有某傳道師知影就去問伊，「你kiám毋是王長老？」「是lah，我是bóng抽若定，我to無信。」 2. 偕牧師做小使。有一個姓偕，伊ê名號做牧師teh kā人提物，做小使。有一日，一个人teh問伊&ec...

[1925-10 芥菜子 文類-散文 作者-陳清義/Tân Chheng-gī]  (3)
論祈禱Ê要緊 [ LŪN KÎ-TÓ Ê IÀU-KÍN ]
論祈禱Ê要緊 人佇這世間，有身軀，有靈魂，兩項平平要緊。這個是咱信者所應該知--ê。身軀所著欠ê，就是食、穿、踮；這3項以外，猶有一項koh khah要緊--ê，就是空氣。這个空氣kap人生有大關係，拄拄親像水kap魚ê關係按呢！魚離水就死，人離開空氣也是按呢；這個;這個是人人所知影--ê.靈魂所著欠ê，就是上帝ê話，就是道，道，就是耶穌；按呢thang知耶穌kap咱人有關係。空氣會養飼人ê身軀，hō͘呼吸來thong到肺腑。耶穌會養飼人ê靈魂，予人倚靠伊來祈禱，...

[1934-8 台灣教會公報/芥菜子 文類-傳記 作者-陳清義/Tân Chheng-gī]
岩崎先生的小傳 [ Gâm-kî Sian-siⁿ ê Sió-toān ]
岩崎先生的小傳陳清義1934.08, no. 593 (KCC, no. 103), pp. 30-31 岩崎敬太郎先生，是東京築地的人。 真早就來台灣，所以台灣話真知影，佮台灣人相識真濟；所以常常人佮伊講話的時，soà boē記得伊是內地人。 三十一年前，阮來艋舺的時，就佮伊相識，也捌聽見伊講，伊捌看見偕牧師，彼霎伊teh做台北地方法院的通譯。 後來漸漸相識，佮北部教會真有關係。 教會所抵著的事，伊真歡喜鬥幫贊，來設法到好勢。 引較要緊--的，一兩項來講：二十外年前。 台灣人猶未有財團法人，雖然我有the̍h東京富士見町教會財團法的規則來參考，猶久佇台灣猶未有民法，真oh得設法。 吳牧師有...

[1928-10 台灣教會報/芥菜子 文類-散文 作者-陳清義/Tân Chheng-gī]
貧憚貓咬死鳥鼠 [ Pîn-toāⁿ Niau kā Sí Niáu-chhú ]
貧憚貓咬死鳥鼠 陳清義 1928.10.01 523卷(芥菜子第32號) p.17 佇阮的厝內老鼠真濟。常常來雞椆咬雞仔，致到雞仔飼攏袂起。阮就共人討貓仔來飼。攏總有飼三隻，一隻較少年，兩隻較老。彼隻較少年的，常常看伊咬著老鼠teh弄，弄了若siān就食，亦有時看伊干焦咬死，攏無食。猶彼兩隻較老的 貓攏毋捌看見伊咬死鳥鼠teh食nā-tiāⁿ。俗語講，貧憚貓，咬死老鼠，果然有影。 近來教派那濟來台灣，有的對支那來，有的對內地來。我叫是欲來相佮做工佇台灣，來救台灣四百萬的百姓，其實to毋是按呢。詳細共伊研究看bāi，to是欲來牽piān-iûⁿ，佮咬死鳥鼠。 所用的手段真粗，攏是...

[1926-9 芥菜子 文類-散文 作者-陳清義/Tân Chheng-gī]  (1)
莫得驚 [ Bo̍h-tit kiaⁿ ]
莫得驚 啟示錄1章17節。約翰佇Poa̍t-mô͘海嶼，得著主的啟示。有看見主，真驚，就仆佇伊的跤前親像死。主用手摸伊講，莫得驚。約翰佇世間的時，常常倚佇主的身邊，攏無驚，怎樣這擺看見伊的面，就驚到欲死；紲仆佇地裡？因為彼時主的 容貌佮佇世間的時有koh樣。就是伊的本性顯露佮上帝相同。所以約翰看見擋袂牢。總是主有安慰伊，予伊得著安心。咱踮這世間，有濟濟項予咱的心驚惶，咱著徛在。主也欲安慰咱，共講莫得驚。來講3款，排列佇下底。 1、 莫得驚罪過未無去。 咱已經知罪過佇咱的心內，真厲害，親像瘡毒佇人的體中。佳哉上帝有差伊的囝耶穌降世替咱贖罪，咱對信靠伊的日起，就成做無罪的人。...

[1926-9 芥菜子 文類-散文 作者-陳清義/Tân Chheng-gī]  (4)
基督教佮孔子教的研究 [ Ki-tok-kàu kap Khóng-chú kàu ê Gián-kiù ]
基督教佮孔子教的研究 近來濟濟所在teh興起孔教。照in teh誇口講，現今的社會遐爾腐敗，若無孔子的道理來挽回，無法得。佇台北市 teh設法欲起聖廟，不止濟人寄付，氣力連鞭便。閣捌聽見in也捌批評基督教。今我愛將兩教所研究的幾若項來寫佇下底。 1、 論兩教的出產地。 基督教出產佇猶太國。孔子教出產佇中國。國，雖各樣；洲，就是相同。人常常講，基督教是西洋的宗教；其實是代先發展對西洋去nā-tiāⁿ。 2、 論兩教來台的沿革。 基督教來台灣有60外年久，對彼tia̍p到今，相接紲無隔斷。卻照歷史來研究，1626年拄300年前，有荷蘭人來佈教，彼tia̍p是明朝天啟皇帝坐位 6年的...

[1926-10 芥菜子 文類-散文 作者-陳清義/Tân Chheng-gī]  (2)
研究耶穌的祈禱會捌耶穌是上帝 [ Gián-kiù Iâ-so͘ ê kî-tó oē bat Iâ-so͘ sī Siōng-tè ]
研究耶穌的祈禱會捌耶穌是上帝。 論世間人捌耶穌，無攏siāng款：-有的捌伊是人；有的捌伊是神；有的捌伊毋是人也毋是神，是摩西的模型。 捌伊是人毋是神的，是明明講伊是約翰的囝nā-tiāⁿ，毋是上帝的獨生囝。這个是研究無真，佮對無著方面來看，所以講按呢。譬喻人愛研究觀音山，若對坪頂彼方面來看，穩當是講kē-kē無秀氣；若對淡水彼方面來看，穩當會講真?，真懸真好看。人看耶穌猶原是按呢；若kan-ta看耶穌對馬利亞來生，猶原著穿衫，著食奶，猶原漸漸大漢，猶原有做工有lim食，無愛研究別款，自然看伊時人。 若對祈禱彼方面來研究，毋但看伊是人nā-tiāⁿ，著信伊是上帝。論耶穌的祈禱，敢毋是佮...

[1926-10 芥菜子 文類-散文 作者-陳清義/Tân Chheng-gī]  (2)
世界第一 [ Sè-kài tē-it ]
世界第一 (對新聞翻譯) 1、世界第一長的鐵路是佇美國，有二十四萬五千里的遠。 2、世界第一大的火山是佇墨西哥的國，懸有一萬七千七百四十八尺，出火的口三里，深一千四百尺。 3、世界第一大的戲台是佇法國的首府巴黎，總面積有四百二十六萬四千的平方尺。 4、世界第一大的吊橋是佇美國，長約有五千七百八十尺。 5、世界第一長的磅空是佇意大利國，長有九里半，空口闊二十八尺，懸有十六尺。 6、世界第一長的地下鐵路是佇英國的首府倫敦，有二十一哩半的英哩。...

[1926-11 芥菜子 文類-選擇文類 作者-陳清義/Tân Chheng-gī]  (2)
臨時中會 [ Lîm-sî Tiong-hoē ]
臨時中會 佇 11月9日，下晡點半鐘，北部的臨時中會有聚集佇艋舺禮拜長，赴會的議員。宣教師、牧師、長老，總共有30名，旁聽者 20外人。議長劉中堅 chhoā眾人禮拜，讀約翰15章，請3 位會員祈禱開會，今將所議定2項要緊的事，寫佇下底。 1、 宣教師留任。 因為加拿大的母會已經分做2爿。一爿做聯合教會，咱北部的教會，有分配屬佇照舊長老會彼爿。總是咱的宣教師較濟是屬佇聯合教會，所以中會決議愛共大家留任。 2、 神學校聯合的位置變更去台中袂成。 有3項的理由寫佇下底。 A、 本年大會的決議將11年前所議定神學校聯合的位置，忽然變更去台中，無量早通知中會無照規矩。 B、 ...

[1926-11 芥菜子 文類-散文 作者-陳清義/Tân Chheng-gī]  (2)
研究耶穌的神跡會捌耶穌是上帝 [ Gián-kiù Iâ-so͘ ê sîn-jiah oē bat Iâ-so͘ sī Siōng-tè ]
研究耶穌的神跡 會捌耶穌是上帝 耶穌佇世間的時，毋但四界傳道理，也行濟濟神跡。伊所行的神跡，毋是親像奇術家的款，予人看心適，攏是用道德做目的，來叫醒眾人，予伊就近上帝，也通講是替上帝來宣教：閣顯明有上帝的權佇teh。按呢通知耶穌原本是上帝，今對伊所行的神跡來研究，看伊有顯出啥物權親像上帝。 1、 有顯出宰治天地的權親像上帝。看伊佇加利利海，予風湧恬靜的事就知影，伊若無宰治天地的權風佮湧穩當毋順伊。既然會順伊，咱通捌伊是上帝。 2、 有顯出管轄萬物的權親像上帝。看伊佇底加波利用5个餅2 尾魚予5千人食到飽，閣佇加納用水變做酒，這層事，就知伊有管轄萬物的權，親像上帝，予...