[1940-1 台灣教會公報/北部教會 文類-散文 作者-柯維思/Koa Î-su]
溫故知新 [ Un-kò͘ ti-sin ]
溫故知新 (柯維思) 1940.01 658號 p.30-31 溫故知新-溫習舊的(過去的)就知新的 (現在的)事。讀冊亦是按呢，講究事務，省察史記亦是按呢。教會的事亦是按呢。 咱讀福音段，就知主耶穌當時傳福音受濟濟艱苦，濟濟人毋承受；讀使徒行傳，就知使徒傳教受濟濟窘逐，陷害。 對早到今，歷代傳教，攏是拄著艱難，窘逐，阻擋......通知現今傳教若有拄著阻礙，亦是無奇怪。 (對創世記到啟示錄，魔鬼不時無閒咧做魔工，欲陷害上主的聖工)。所以傳教拄著艱難，窘逐，毋免掠做奇怪，著益發出力進前。咱著知傳教的工毋是快快的事，是不止為難的工。不過咱著進前就是。對早到今，逐所在傳福音設...

[1940-1 台灣教會公報/北部教會 文類-散文 作者--/-]
牛津運動 [ Giû-tin ūn-tōng ]
牛津運動 第2回世界大會 1940.01 658號 p.31 佇逐時代上帝有揀召拄好的人來做伊的差用。佇現代伊有揀召ブックﾏソ博士閣一擺來傳極簡單，亦是極要緊的道理，就是鼓舞逐人的生活著徹底佇誠實，純潔，無私佮疼痛。這个運動已經遍傳佇全世界，濟濟人有對這个來聽著上帝的聲。 佇舊年這个運動有開第2回世界大會佇美國。彼个大概親像下面。 七月13-20日，全世界的代表約1500名，有佇ロスアソゼルス佮パサデナ 的所在代先備辦心，分團訓練，就中佇7月19日暗，有佇ホリウツトボール大會場開見證會。有30000人入場，亦約10000人袂通入。代表者攏坐佇台頂，亦十外人干證上帝有怎樣變換in...

[1940-2 台灣教會公報/北部教會 文類-散文 作者-蕭樂善/Siau Lo̍k-siān]
喙焦佇真理 [ Chhuì-ta tī Chin-lí ]
喙焦佇真理 蕭樂善 194002 169號 p.22-23 佇英國有一個墓牌刻一本掀開的聖經，也刻字佇遐，「草焦，花謝，獨獨上帝的話永遠佇咧。」這是Mary Jones。伊食82歲，佇76年前別世。 佇140年前這骨個織布的查某囝Mary Jones有去主日學，也讀真濟聖經的教示。總是彼時聖經真少，也真貴；著有錢的家庭才會通買來讀。這個查某囡仔16歲，厝內無通買聖經，伊就四界探聽看佗位有通借讀，就揣著一位離開伊的厝有大稻埕到艋舺的遠。彼時的聖經毋是會通借倒來厝裡讀，是著去遐讀。彼個人歡喜借伊讀，凊彩時伊通去；所以這個Mary Jones為著欲去遐遠讀聖經，伊著放下伊織布以及厝內...

[1940-2 台灣教會公報/北部教會 文類-散文 作者--/-]
世界佮基督 [ Sè-kài kap Ki-tok ]
世界佮基督 (Chh. T. G. ) 194002 169號 p.23-24 伊欲生囝，你著叫伊的名做耶穌；因為伊欲求伊的百姓脫出in的罪惡(馬太1：21)。 耶穌就是基督，世界欠用基督。咱無基督，袂會煞得。人若是講，「基督無必要；若有別項就好」，就是益發欠用基督。因為真的拯救，是在佇真的神，耶穌，基督，以外無通向望。現在世界的人，不止期待基督佇平和的工作。基督為著真的平和來世間。伊出四的時，濟濟的天兵的讚歌講，「......地上和平佇伊所歡喜的人的中間」(路加2：14)。 看題句馬太1：21就知，基督毋是欲救百姓脫出戰爭；是欲救百姓脫出罪惡。約翰5：1-9有表示世界佮基督的關係。...

[1940-2 台灣教會公報/北部教會 文類-散文 作者-吳天命/Gô͘ Thian-bēng]
歡喜，平安，向望 [ Hoaⁿ-hí, pêng-an, ǹg-bāng ]
歡喜，平安，向望 (吳天命) 194002 169號 p。29-30 世界的戰亂今年猶原接紲咧進行，實在予人真悲傷，是人人的責成，咱著大大認罪，哀痛的所在。雖是按呢，佇閣一方面咱真欣慕，踮佇這的戰亂的世界，咱的心神抑是咱的靈魂會得通得著歡喜，平安佮向望。著怎樣才予咱的信仰生活會歡喜平安佮有向望？保羅佇羅馬書15：13，有將伊的體驗來表出得著歡喜，平安，向望的法度。伊家己有得著，紲祈願羅馬的信徒也會得著這號福氣。 照這節保羅有提出兩个大要素，通予咱得著這个向望，歡喜，平安的祝福。就是上帝的賞賜佮人的信仰。伊佇遮有稱呼上帝做「向望的上帝」。這號的稱呼，佇聖冊中是罕得有的事，較常上帝是稱呼做...

[1940-2 台灣教會公報/北部教會 文類-散文 作者--/-]
基督佮我 [ Ki-tok kap Goá ]
「基督佮我」 Tō͘-kang生 習譯。 194002 169號p.24-26 以弗所人書佮約翰福音段所記，特別佇彼个序言有通了解基督佮漫遊萬有的關係，怎樣的親密佮根本tek。宇宙萬有的創造佮存立，對胎初就佮「道」－佮上帝相佮佇咧的－有大干涉。到期「道」成肉體，降臨佇這世間。這个就是上帝的囝基督，對按呢天地萬有就歸佇基督，上帝齊全的聖德佇伊變成形體。猶袂有天地的代先，就受揀來踮佇基督的內面的咱，佇遮起頭通接著對頂面來的光明，佮見著活命的餅。無有基督的世間是到極的渾沌烏暗；就離開伊的靈魂，是萎糜佮墮落若定。獨獨得著這个活源泉的潤澤，咱的心靈才會得著完滿的發展。實在活佇咱內面的基督，...

[1940-2 台灣教會公報/北部教會 文類-散文 作者-吳天命/Gô͘ Thian-bēng]
智識的根本 [ Tì-sek ê kun-pún ]
智識的根本 (吳天命) 194002 169號 p.26-28 箴言講，「敬畏耶和華是智識的根本」(箴1：7)。敬畏耶和華是智識的根本，就是學問的根本；通講就是哲學，科學的根本tek原理。用謙卑來敬畏聖冊所指示的上帝，就是得著學問的路。檢有影按呢。怎樣若無敬畏耶和華就袂得著真的智識？現代的博士，學者的確欲笑講，這是胡說。總是博士的話較著，抑是聖冊的話較著，這是咱著判斷的問題。咱欲判斷這个問題，的確著根據世界的學問史佮人生的事實。 請問世界中，智識做第一進步的國是佇佗位？是支那，印度，波斯仔毋是。遮的國毋是無出大學者；總是用學問來指導世界的毋是遮的國。用學問指導世界的，就是英國，德國，法...

[1940-2 台灣教會公報/北部教會 文類-散文 作者-蕭樂善/Siau Lo̍k-siān]
啥人會到彼塊？ [ Siáⁿ lâng oē kàu hit tè? ]
啥人會到彼塊？ (蕭樂善) 194002 169號 p.28-29 佇舊年12月16暗，有佮幾若个壯年兄弟對談幾若項事： 許：信徒有的啉酒，有的無啉；到底對咱的信仰通啉仔毋通？設使若撙節檢毋是有利益身軀？ 蕭：教會獎勵毋通啉酒，我本身較無咧想酒是歹。人若袂撙節，不論食啥物也會傷害身軀，毋過酒一下啉，向酒心若強，致到家己袂遏止，佇遐跋倒。基督徒著愛創好的社會。毋過有酒昌盛的社會袂做好的社會。佇社會中予酒害真忝的人真濟。田園，某囝攏啉了了；家庭破壞。咱若有熱心愛創好的社會；自然無愛啉酒。教會也有予酒害的歷史；所以咱著真斟酌。有害就是罪。 許：今仔日欲傳道理著用啥...

[1940-2 台灣教會公報/北部教會 文類-散文 作者-莊丁昌/Chng Teng-chhiong]
廈門教會消息 [ Ē-mn̂g kàu-hoē siau-sit ]
廈門教會消息 莊丁昌 194002 169號 p.30-31 上主的恩典佮列位的幫贊，予廈門傳道順tiau經過，來迎接聖誕佮新年，愛致意說謝，佮寫淡薄消息報咱知，向望以後加倍的祈禱佮援助。 1. 教勢。對8月設教會以來，那加添會友來援助；也那得著求道者加添。十二月的禮拜出席平均63个，主日學教員兩个，學生64个，日語講習所學生28名。 2. 祝聖誕。本教會頭一回的祝聖誕，佇24暗7點起，頭一部禮拜，第二部，學生的演藝，吟詩，讀聖經，遊戲，講故事等，20外出，300外人來赴，致到拜堂無位通徛，有人講臨時著換去中國的拜堂來做；可惜逐項準備好勢，袂通變更，無拍算會遐爾盛況。 3.中國教會...

[1940-3 台灣教會公報/北部教會 文類-散文 作者-吳清鎰/Gô͘ Chheng-ek]
佮日基合同 [ Kap Ji̍t Ki ha̍p-tông ]
佮日基合同 吳清鎰 194003 170號 p.22-23 日本基督教會佮台灣基督長老教會平平是長老主義的教會，講較明，就是徛佇siāng款的信仰佮siāng款的政治組織的教會。這个教會若有愛欲合同，通講是真快的事，因為毋免改換in的主義，亦毋免變更in的組織。在來這兩个教會的無siāng款，不過是關係外皮極小可枝葉的問題若定。所以這兩个教會對早就有親密的交陪佮相援助。兩爿攏咧聽候佇將來有合一的日子。佇兩年前北部傳教師總會，有決議著促進佮日本基督教會合一的事，亦有派委員去研究。佇舊年的北部傳教師總會有閣議論著緊實行合同的事。佇兩年前的日本基督教會大會亦有為著這層事，派數名的協力委員欲榮台...

[1940-3 台灣教會公報/北部教會 文類-散文 作者-劉約翰/Lâu Iok-hān]
這片的雲 [ Chit phìⁿ ê hûn ]
這片的雲 劉約翰 194003 170號 p.23-23 1. 早時曾子講，「吾日三省吾身」，就是我一日三擺省察我的身軀。若是トルストイ講，「你佇一日若會干焦用一點鐘久來做你的所想，就你欲成做一个思想家。設使咱若猶原佇一日會干焦用一點鐘久來想主的事佮主靈交，就咱會成做一个信仰的熱心家。 2. 現代人是傷無閒，也是傷貧惰。所毋應該做的...熱狂咧做，若是所應該做的...就貧惰厭siān。 3. 教會若欲興起著欠用殉教者，抑是犧牲者。教會若愈受迫害，就愈閣得著進步。樹仔愈受大風搖捒，就伊的根愈深。 4. 世界充滿白賊，虛guî，不信，背約。若是上帝的恩典...

[1940-3 台灣教會公報/北部教會 文類-散文 作者--/-]
皇紀2600年 [ Hông-kí 2600 nî ]
皇紀2600年 Chh.T.G. 194003 170號 p.25-26 所期待歡喜的年，就是皇紀26的世紀的年，已經到位。本年的敕題「迎年祈世」這兩字迎年，也是迎接這个2600年的年。 人的一生欲迎接兩擺世紀換新的年是真个得；因為至少著活102年。(譬喻2599-2701)。親像鳳林教會長老彭石榮--氏令孫彭Chok-kong若103歲的時，伊有迎接兩擺；也有份佇祝賀皇紀2600年佮2700年。總是這款的人真少，有人雖罔對2501-2599才99歲，也無通迎接半擺。卻這號人也是真少。 佳哉咱現時活咧的人，攏有通迎接皇紀2600年，這算是福氣。拍算咱少少人捌迎接皇紀2500年，也少少...

[1940-3 台灣教會公報/北部教會 文類-散文 作者-蕭樂善/Siau Lo̍k-siān]
欲看異象 [ Beh khoàⁿ ĪN-siōng ]
欲看異象 行傳2：17 蕭樂善 194003 170號 p.26-27 基督教第一起頭的說教是對異象起。彼得的目睭看到遠，滿滿是異象初代教會向異象來向前。世間人攏是用事實做要緊，異象，抑是眠夢是有影無跡的事。總是人佮動物所各樣的是異象的才能。英國哲學者講，「人是造成理想的動物，」通知人袂通放拺異象的能力。 人讀冊真濟，事實捌真濟，學問真飽，伊有家己滿足無？讀愈濟，捌愈濟，伊的心肝走真遠咧起真媠的厝。攏是咧看異象：我欲做成啥物款的人，欲怎樣成功，欲怎樣享樂。親像人出外佇曠野，跤咧行，心肝咧想水泉，目睭真活，看佗位有活水。人無按呢袂會活，親像人講，「國民若無異象就滅無。」人愛欲跳過坑溝，...

[1940-3 台灣教會公報/北部教會 文類-散文 作者-蕭樂善/Siau Lo̍k-siān]
信仰的進軍 [ Sìn-gióng ê Chìn-kun ]
信仰的進軍 蕭樂善 194003 170號 p.28-29 1. 彼得佇耶路撒冷的街路經過，伊的影有予破病的社會人好。基督教進軍佇社會中所到的所在，予彼塊的社會勇健。耶穌是勇健的神。咱的信仰也是勇健的信。 2. 「夯十字架來綴我。」第一婕講的是十字架。第一愛別人做的就是夯十字架，也家己第一無愛夯的也是十字架。咱不時著鍛鍊夯十字架來進軍才好。 3. 馬太12：10。「一人手枯焦......就共彼人講伸你的手。」今仔日的教會第一欠缺伸手來引受教會的工程的責任。柑仔真媠，親像黃金佇叢裡，若無伸手，伊袂得著彼个柑仔來食。引受責任來盡本份，做靈魂，通對主得著飽。那做那活...

[1941-1 台灣教會公報/北部教會 文類-散文 作者-郭和烈/Keh Hô-lia̍t]
新年的意向 [ Sin-nî ê Ì-hiòng ]
新年的意向 郭和烈 1941年1月 670期 17-18 新年若囡仔真歡喜。捌聽著囡仔teh唱「お正月が来ルト、オ年ガーツ多クナル、ウレシイナ、ウレシイナ」的歌。囡仔真愛加一歲的款。在佇囡仔生理tek自然的要求。咱捌看見囡仔用ka-chiah佮ka-chiah teh相比，看甚物人較大漢的時，常常有人偷nih跤尾來講伊較大漢。囡仔真愛大漢，所以新年若到in真歡喜加一歲較大漢。 咱台灣氣候較熱，肉體上的生長發育，大概若到22歲左右，以後就較無親像囡仔hiah-nih仔大變遷。肉體上的生長，發育的旺盛時代，大概也通講佇這个時過了，以後閣大毋驚人。佇這个時，人較無愛因為...

[1941-1 台灣教會公報/北部教會 文類-散文 作者-劉約翰/Lâu Iok-hān]
迎接新年 [ Ngiâ-chih Sin-nî ]
迎接新年 劉約翰 1941年1月 670期 18-19 新年恭喜：日子真快過，舊年liâm-piⁿ過了，新年又閣到。Hông-kí 2600年已經佇後面，teh來的就是新世紀的新年。佇這个新世紀的新年，咱會通徛teh來迎接......這个kiám毋是咱的天父的鴻恩mah？咱佇舊年雖然有拄著濟濟的艱難，困苦，種種的逆境，iáu-kú上帝的疼無離開咱，佮咱相佮佇teh，予咱會撥開bān-lān來迎接新的年月。咱kiám毋著大大感謝呵咾咱的天父！ 今仔日的時代通講是多端多事的時，咱佇這个時下來迎接這个新世紀的新年，佇這个新的前途毋知有loā濟咱所oh得擔當新的...

[1941-1 台灣教會公報/北部教會 文類-散文 作者-潘道榮/Phoaⁿ Tō-êng]
教會的換新 [ Kàu-hoē ê Oāⁿ-sin ]
教會的換新 潘道榮 1941年1月 670期 19 鄙人對舊年3月日，跤踏入北部教會以來，有90回的講演，傳予1萬1千 419名的男女同胞聽著基督的福音。這是對3月24日起，到11月19日止的統計。頭擺的傳道講演佇九份教會是第一好機會。最近(11：16-18)佇松山教會也是破天荒的好機會。每暗拜堂坐到滿滿，至少有300外人。 對看北部教會的現象，鄙人有濟濟的感想佇teh；聽候別日有機會，才現代眾基督徒最大的課題。Chek-èng新體制，tú-tú是咱的教會一大更新的時機。設使教會，若無全體的的大換新，是大大凌辱基督的聖名。所著換新--ê，有濟濟項；這霎...

[1941-1 台灣教會公報/北部教會 文類-散文 作者-黃六點/N̂g La̍k-tiám]
福音社啟事 [ Hok-im-siā Khé-sū ]
福音社啟事 {書記：黃六點 會計：吳天命} 1941年1月 670期 21-22 [這篇佇舊年11月中就寄到本社，為著斟酌，無先落佇12月號--ê。公報社。] 1. 頂pang所計畫琴譜新聖詩的出版，得著大家的預約真多謝。彼時有按算10月袂欲發行，若是照咱所知，出版事業有濟濟的事情袂通照所預定來發行，真遺憾。是因為製版者淡薄的都合來iân-chhiân，總是有按算救主聖誕彼時會發行。致意寫幾字求大家的諒解。 2. 閣一項是大字漢字詩佇11月10日已經出版，照前所通知是用好的紙50 pong 的羊紙，製本不止堅固，所印真明，老大人，抑是教會功用是不止...

[1941-1 台灣教會公報/北部教會 文類-散文 作者-陳朱--氏寶/Tan Chu--sī Pó]
女宣道會年會 [ Lú Soan-tō-hoē Nî-hoē ]
女宣道會年會 書記：陳朱--氏寶 1941年1月 670期 22 1940年度，女宣道會的年會佇11月27日，有聚集佇瑞芳禮拜堂。對頂晡到下晡欲暗的中間相佮祈禱，也相佮聽宣道婦的報告，也得著大會議長的勉勵，以及瑞芳牧師的教示，真心適經過。以外阮也有議事，可惜無甚物得著具體tek的議決，不過役員的中間，今年有改選幾若名，會長照舊，後回的場所無定。 順續紲寫幾字來做請安的話： 親愛的眾會員！咱北部女宣道會，今年18歲。這18年的中間，得著主的恩典滿滿，也得著會員逐个剋歛家己來獻金，也獻精神來造成這个會到佇今仔日。又閣得著濟濟的傳教師鬥出力鼓舞，苦工用真...

[1941-1 台灣教會公報/北部教會 文類-散文 作者-陳石獅/Tân Chio̍h-sai]
好的奉獻 [ Hó ê Hōng-hiàn ]
「好的奉獻」 陳石獅 1941年1月 670期 22-24 一年的計畫，就是佇年頭。佇這个新年頭的時，逐人攏奮起新的決心。有人將這个決心寫佇面桶裡，通逐早起洗面的時，來叫起彼个決心。M̄-kú彼个決心，一日過一日直直無--去。Taⁿ咱大家的決心欲寫佇甚物所在？毋是寫佇洗面去，也毋是寫佇壁裡；就是寫佇咱逐人的心內。佇這个新年頭的時，向望咱大家會佇上主的面前來立一項好的奉獻，做咱的決心。 甚物是好的奉獻？有人teh欲想我真頇慢，無學問也無喙媠閣無錢thài會佇主的面前來行好的奉獻。 咱會記得主所設的譬喻，就是彼个寡婦，所獻的是極小可iáu-kú佇上帝的面前成做第一好的奉獻...