[1935-12 台灣教會公報 文類-散文 作者-林金柱/Lîm Kim-thiāu]
雜錄 黃香的目屎 [ Cha̍p-lio̍k N̂g Hiong ê Ba̍k-sái ]
雜錄II.黃香的目屎1935.12 第609卷 p.14-15(林金柱)故黃香是舊城教會最初的信者，就是開基祖。43歲的時因為小弟愛共人偷牽牛，雖然兄弟分居，猶過人欲牽伊的牛拄數。本身生做小枝骨，用武力擋人袂牢，就想步去旗後聽道理，靠西洋人的勢頭，經過1年久平安。A. D. 1872年chhoā李庥牧師來設教會佇現時的舊城；城內崎跤觀音亭廟的倒爿稅1坎店聚集。彼時愛靠勢的人真濟來聽。同年9 月15日，只有黃香1人領洗禮，其他無 1个有誠實反悔的心，致到教會無好名望，袂興旺，擋無5年就關--起-來。今黃香逐禮拜著行舖路去旗後，楠仔坑抑是鳳山四界禮拜；經過27 年久無厭siān，無放煞。這庄的中間...
|
 |
[1940-10 台灣教會公報 文類-傳記 作者-施振讓/Si Chín-jiōng]
南中通訊 楊--氏格的小傳 [ Lâm Tiong Thong-sìn Iûⁿ--sī Keh ê Sió-toān ]
南中通訊II.楊--氏格的小傳1940.10 第667號 p.13(施振讓)楊--氏格，人較常叫伊清良嬸。佇主後1854年出世，佇1938年舊曆10月20日受主揀召；享壽84歲。51歲的時信主，共33年久。伊信主的動機，是對家內死失。未信主的以前，服祀無影跡的神明真有敬虔，事不知神明袂會保庇人。Siāng一年死3个人；起頭死丈夫，無偌久死一个孫仔，又閣無偌久死伊的第4新婦；亦閣有業產的相告，法院常常召問。Ai--ah！出入攏是悲哀流目屎。有一日法院召問，伊就去赴問。後來對台南Ho͘-chio kóng經過，看見人山人海攏對太平境禮拜堂入去，扑算敢是teh做戲，伊也佮人坐佇遐。閣無偌久，就一个先...
|
|
[1935-1 台灣教會公報/芥菜子 文類-散文 作者-林清廉/Lîm Chheng-liâm]
現在的平埔族佮A-mi族 [ Hiān-chāi ê Pîⁿ-po͘-cho̍k kap A-mi-cho̍k ]
現在的平埔族佮A-mi族1935.01 598卷 p.23-24芥菜子第108號(林清廉)Teh欲講起現在的事，也著講淡薄過去的情形來接紲。因為我有讀著12月號的教會報，有1篇替平埔族teh辯解in的冤枉，我的心不止受感動，所以寫這篇專專來論宜蘭的平埔族(也後來紲論東部的A-mi族). 宜蘭的平埔族，本有36社，40外年前，in的人額不止濟，到尾也真興起。彼霎in真富裕，因為in有「公租」、「私租」通收。就是舊政府的時代，有特別款待。佇逐社的附近的土地，漢人若去開墾，到生成的時，每年著納租，交in的頭目。頭目除公費以外，賰--的，著照丁、口，分予逐戶。(彼時教會的經費，無對個人題，攏是頭目對公...
|
|
[1935-2 台灣教會公報/芥菜子 文類-傳記 作者-陳清義/Tân Chheng-gī]
李Bêng-tē長老的小傳 [ Lí Bêng-tē Tiúⁿ-ló ê Sió-toān ]
李Bêng-tē長老的小傳1935.02 第599卷 p.29芥菜子第109 hō(陳清義)李長老是泉州的人。伊來佇艋舺做金仔店，有來聽道理。1900年有領洗禮，是偕牧師共伊領洗禮，後--來有做執事。到1905年有升做長老。伊常常赴小會、中會、大會，也幾若擺去台南。1934年12月6日別世，按呢頭到尾做長老29年。李長老對拜上帝起，真熱心，罕得無到拜堂做禮拜，伊來禮拜，時間真準。1904年，就是31年前，伊有提倡教會著獨立。伊就佮眾長老、執事參詳，彼霎北部猶未有中會。伊佮眾長執，去淡水佮華牧師、吳牧師參詳，伊真歡喜，就替in稟加拿大的母會，準in設中會佇北部。母會有准，就定彼年10 月4 日，...
|
|
[1935-5 台灣教會公報/芥菜子 文類-散文 作者-林清廉/Lîm Chheng-liâm]
現在的A-mi族 [ Hiān-chāi ê A-mi-cho̍k ]
現在的A-mi族1935.05 第602號芥菜子第112號 p.23-24(林清廉)A-mi族，就是踮佇東台灣企起的原住民，in 原本面無刺字，也無刣人的風俗；in所踮，是佇平洋山跤的所在，所以人共in分別是「低山番」（別款，原本男女，面攏著刺字，也常常愛刣人，生活是踮佇山內，所以人共伊分別是「懸山番」 ）。 今我所teh 講--的，是專講「低山番」（A-mi族）；對洄瀾港到台東，一逝平洋以及沿海邊，四界攏有A-mi族teh 企起（大約有倚5萬），論in的生活，全部是耕農，袂曉做生理，查甫--的，有時愛掠；查某--的，攏著作穡。 論教育，官府佇逐所在攏有共in 設公學校，閣佇逐个番社有設夜學，...
|
|
[1935-6 台灣教會公報/芥菜子 文類-散文 作者-劉阿秀/Lâu A-siù]
震災的慘景 [ Chín-chai ê Chhám-kéng ]
震災的慘景1935.06 第603卷 p.27-28芥菜子第113號(劉阿秀)4月21日早起6 點khòng 鐘，忽然地大動，彼日我佇獅潭，蹛佇蘇春盛執事兜，伊的厝是2層的厝，我佇樓腳睏，抵欲起床，抵著地大動，伊的厝liâm-piⁿ倒--落來，我緊匿佇門徛，才免受死，伊的家內佮我共11人，只有我佮春盛的大囝12歲受傷，其餘--的9人攏無受傷，這明明是上主的保護。獅潭的庄有幾十戶若定，通講厝攏倒--去，咱的拜堂也倒--去，彼所在有現死幾若人，我有受傷佇頭殼佮手，春盛的囝也是佇頭殼佮身軀受傷，人事不省。厝倒的時，我佇樓腳活埋，地動煞，才對厝孔爬--出來，我的傷經過10外日，就攏好，真感謝上帝。 地...
|
|
[1937-2 台灣教會公報/芥菜子 文類-散文 作者-陳添旺/Tân Thiam-ōng]
新奇的遺囑 [ Sin-kî ê uî-chiok ]
新奇的遺囑
陳添旺譯
1937年2月623期 28-29
古年間哥林多人的中間，有一人名叫Iû-thài-bí-thài，是因為sàn-hiong來死；死的時陣，放拺老母佮一个細漢查某囝，孤單艱苦，算是真可憐啊！！
佳哉Iû-thài-bí-thài有兩个好額朋友；一个名叫A-khó-都u，閣一个名叫Cha-lī-sek-luí。
代先Iû-thài-bí-thài各樣，異象中想死的時欲到，趕緊寫一張遺囑書，按呢寫。
我放拺老母予A-khó-都u，著盡伊的力量，予伊活得著平安的勇活，死得著好的安葬。
閣放拺軟弱的查某囝予Cha-lī-sek-luí，愛盡伊的...
|
|
[1937-2 台灣教會公報 文類-散文 作者--/-]
偉勞補壽汁 [ Uí-lô Pó͘-siū-chiap ]
偉勞補壽汁
1937年2月623期 31
偉勞補壽汁是囡仔最好的補藥。這个內面有補養身體各種要緊的成分，不止有大路用。
頂面兩个尪仔圖，就是teh表明偉勞補壽汁的功效：-
第一佮第二是相siāng這个囡仔。佇1903年2月初3，入院的時，這个囡仔是親像第一圖的像，不止瘦，無力袂徛，也袂食；身軀的重聲，只有20磅連9兩nā-tiāⁿ。
後來食偉勞補壽汁經過35日，身體勇健，親像第二圖的款。加添重到30磅連2 兩。按呢攏總佇35日久的中間，有加添9磅半(7近重)。通知這項藥的氣力，到tah-lo̍h！
向望列位，若愛囡仔勇健，gâu大漢，請來試用；通得著大大的效驗。
...
|
|
[1937-2 台灣教會公報/芥菜子 文類-散文 作者--/-]
三年運動特記 [ Saⁿ-nî ūn-tōng te̍k-kì ]
三年運動特記
(S. L. S. )
1937年2月623期 25-26
1. 主張。
本運動的工程真闊，佇各方面攏有工著做。咱的標語是講，「求主奮興你的教會，代先奮興我」。咱怎樣叫做得著奮興？毋是干焦用喙念，也將這个工一任上帝，也家己照舊。來禮拜照在來的款，祈禱是照舊，實行福音也是親像早時。講話也照舊，獻金也照舊。按呢無奮興，逐人著家己看做無力，無智識，也屈低佇上帝的面前，靜靜聽伊的聲，也佮上帝立約欲照按呢去實行。咱佇說教聽上帝的話，抑是家己teh讀聖經，用甚物精神teh讀；總是咱心內若無真大的要求，也大大敬畏上帝來讀，是無甚物功效。濟濟人講聖經是寶貝，這是著；總是...
|
|
[1937-2 台灣教會公報/芥菜子 文類-散文 作者-吳清鎰/Gô͘ Chheng-ek]
信仰的鬥爭 [ Sìn-gióng ê tò͘-cheng ]
信仰的鬥爭
(吳清鎰)
1937年2月623期 21-22
耶穌是平和的王，教會是平和的國。教會的平和，不及天國的平和，教會是地上的天國。按呢教會就是地上最第一平和的所在。教會是福音的中繼，是欲chhoā人看見上帝。所以教會毋但伊家己是平和，亦是平和的造者。所以教會所有的言動，教會的全神經，攏著充滿平和的精神。教會否定鬥爭，所有鬥爭攏著煞。金錢上的鬥爭，權利，地位的爭奪，光明的相爭，人佮人的計較，人佮上帝的做對頭，遮的攏著煞。因為遮的是屬血氣，教會毋是屬血氣，教會是屬靈，屬血氣--的攏著放煞。所以教會毋通踮佇血氣來鬥爭。總是教會為著欲閃避血氣的鬥爭，紲反轉著佮血氣鬥爭。換話...
|
|
[1939-1 台灣教會公報/北部教會 文類-散文 作者-駱先春/Lo̍k Sian-chhun]
更新年頭的所感 [ Keng-sin nî-thâu ê só͘ kám ]
更新年頭的所感
(駱先春)
1939.01 646期 22-23頁
萬象更新的年頭閣一擺出場佇咱的眼前啦！感謝主，因為伊的恩典日過日，年過年重新予咱。
新年就是萬物通新出發的好機會。佇咱周圍萬般的被造物也向佇新的活命佮氣力咧出發。
基督徒佇年頭特別也著有新的決心佮抱負，抑是計劃來盡上帝所託咱的使命，才未辜負伊的恩典。
I. 過去的回顧
總是欲決心抑是計劃，以前對過去一年間的歷史來回顧佮反省，是真有意義的事。
保羅佇腓立比3：13，14遐有講，「獨獨專務一項，就是袂記得後面的事，致意頭前的事，向所插標來走」的寶訓佇咧。佇遮保羅所講，「袂記得後面的事」這句，毋是咧講咱毋通回想過去的...
|
|
|
|
|
[1939-1 台灣教會公報/北部教會 文類-散文 作者--/-]
同行活路 [ Tâng kiâⁿ oa̍h-lō͘ ]
同行活路
張長川(Tiuⁿ Tiông-chhoan)
1939.01 646期 24-26頁
人類會通各樣佇禽獸，查考彼个特殊點的一項，就是有宗教信仰。總是這个特殊點的問題，咱應該著研究予伊明白，若無，驚了這个第一尊貴的宗教性致到受塞密，若按呢，就佮禽獸無各樣。進化論者講，人對猴進化來的。破迷信家講，人無有靈魂，不過動物中做高等的智能者nā-定。這款的主張，攏是屬佇無吹毛根本，干焦淡論枝葉的胡言亂語。干焦對肉眼的觀察，物質的體驗，紲致到自棄自賤，佮禽獸品等，來失落第一高尚的靈界活路，敢毋是可惜嗎？
人的格，咱著認予伊真，人攏著較贏禽獸，若無，人的性無通自存，靈界無所向望。傳道3：21...
|
|
[1939-1 台灣教會公報/北部教會 文類-散文 作者--/-]
替人祈禱 [ Thoè lâng kî-tó ]
替人祈禱
(路加11：1-13)
(謝福元)
1939.01 646期 26-28頁
祈禱是基督徒的特權。不論甚物時，甚物所在，攏總通祈禱。無祈禱的基督徒是親像無呼吸的人。祈禱是佮上帝交通的路。也魔鬼真驚咱這項。咱對聖冊通知祈禱的必要佮彼个氣力。對這个，基督徒有好的籐牌。論祈禱的事，佇聖冊中至少有記600擺以上。其中得著應驗的祈禱，至少有記400擺以上。怎樣會記遐濟擺？這个無毋是咧講基督徒著對重祈禱，也咧表示祈禱著真心，熱切，著有信仰。替別人祈禱，這个就是祈禱中一項要緊的事。請看以賽亞59：16「伊看無人拯救，無人替求，不止gông-ngia̍h......」所以通知替人祈禱的要緊。為...
|
|
[1939-1 台灣教會公報/北部教會 文類-散文 作者-明有德/Bêng Iú-tek]
牛津基督教會議 [ Giû-tin Ki-tok-kàu hoē-gī ]
牛津基督教會議(4)
(明有德)
1939.01 646期 29-30頁
III. 基督教佮經濟
咱來研究這个問題，就是信上帝對耶穌來啟示咱的立場來研究。佇主的全生涯佮伊的死所啟示的上帝；就是正義的上帝，定罪的上帝，以及慈悲滿滿致到來拯救罪人的上帝。這款關係上帝的性質佮意志，會做人生存在的地基佮行為的標準。
人的第一目的，就是著榮光上帝，著敬畏上帝，疼上帝。佇人逐日的生活佮工作，宛然顯出親像咧敬拜上帝一樣。這个疼痛，有關係咱的厝邊，就是著疼in親像家己。這个就是主所教示咱第2大的誡命。
這个疼厝邊的本份，對一方面來想，就是因為上帝創造人親像伊本身一樣，所以疼上帝的人應該著疼厝邊。毋...
|
|
[1939-2 台灣教會公報/北部教會 文類-散文 作者-蔡受恩/Chhoà Siū-un]
你的奴僕咧聽 [ Lí ê lô͘-po̍k teh thiaⁿ ]
你的奴僕咧聽
北部中會的準備
(蔡受恩)
1939.02 647期 22-23頁
教會渾沌混雜的原因，攏是對聽家己的聲佮環境的聲，來叫起私慾佮感情，致到拍亂教會運行的秩序，這攏是過去的事。咱迎接新年已經有徛佇主的面前來出發新的立約，也有信仰的決斷。清算人佮家己的話，決意欲聽上帝的話。撒母耳會成做上帝的使者，是對聽耶和華的聲來應答去行。伊講，「耶和華啊，請講，你的奴僕咧聽。」咱受揀做伊的差用人，是對聽伊的話來出發做工，才會成就伊的旨意。愛解決教會過渡期的危機，只有是著對聽上帝的話來出發，毋通閣聽家己的話佮人的聲。
北部中會佇舊年分做三个，猶偆真濟重要的問題，佇咧欲來的原北中召集的時...
|
|
[1940-1 台灣教會公報/北部教會 文類-散文 作者-蔡長義/Chhoà Tiông-gī]
年頭的反省 [ Nî-thâu ê Hoán-séng ]
年頭的反省
蔡長義
194001 658號 p.22-23
1940年的年頭已經到啦。佇這個年頭應該著照新計畫來進行。總是若無反省就無計畫。曾子的反省一日3擺，咱至少一年嘛著一擺的反省。應當是佇年尾來反省，毋過年尾逐人較無閒，年頭較閒，辛勞萬象換新；這陣來反省，也真有意義。欲反省啥物？算袂了，講袂盡；寫幾項做參考材料。
I. 讀聖經。
宋尚節博士來台灣的時有講，伊讀新舊約全書幾若遍。伊的頭腦遐好，尚且讀幾若遍；咱檢毋著讀幾若十遍嘛？！Lī-bîn-su-tùn傳道理佇亞非利加州一世人的中間。彼時交通非常不便；伊破病傷重的時，予人(番仔)用轎(番仔轎)扛出來的...
|
|
[1940-1 台灣教會公報/北部教會 文類-散文 作者-蕭樂善/Siau Lo̍k-siān]
新年的光 [ Sin-nî ê Kng ]
新年的光
蕭樂善
路加11：33-36
194001 658號 p.23-24
「無人點燈下佇隱密的所在，抑是斗下，就是下佇燈台等......身軀的燈就是你的目睭......」
今年是特別的年，向望對頂面有特別的光。人攏有經過濟濟新年的；總是毋知有幾人實在知伊新年的頭一步。若毋知伊的頭一步就袂知伊一年中的跤步。毋知伊的頭一步，就是對佇無明白伊所著行的路，致到罔過，罔行，罔歡喜，別人譀譀過，咱也譀譀過。這是信徒所著警kái的。耶穌講，「我就是路」應該咱著知咱的路。對這chām的聖經咱通掠著項：
1. 咱著gâu用信仰的光佮特權。
上帝用萬物予咱有真gâu用仔無？通知真濟人袂...
|
|
[1940-1 台灣教會公報/北部教會 文類-散文 作者-劉約翰/Lâu Iok-hān]
新的曙光 [ Sin ê Sū-kong ]
新的曙光
劉約翰
194001 658號 p.24-25
日子真快過，舊年連鞭過了，新年閣來。「啊！時間啊！！你怎樣遐緊，攏無聽候咧，做你直直走，直直去，濟濟人予你逼到欲佮你絕交，實在你真正無情。」這是我對時間的緊的卑感來對時間講的話。冊裡講，「日月如梭，光陰似箭」。日月親像經布的梭仔，光陰親像箭咧射遐爾緊。記得舊年一年宛然是凊凊經過一日若定。總是咱若回顧佇舊年一年間的經過，就會知咱有虛度濟濟的光陰。上帝賞賜咱逐人的時間，有的較長，有的較短，這通講是做咱的寶貝，也是做咱的活命。人無保惜伊的寶貝，仔是活命是到極的殘念。今舊年已經過去了袂通閣得著，若是新的年閣咧來，咱佇這個新年頭時間是新的，...
|
|
[1940-1 台灣教會公報/北部教會 文類-散文 作者-溫榮春/Un En̂g-chhun]
對廣東 [ Tuì Kńg-tang ]
對廣東
溫榮春
194001 658號 p.25-27
鄙人佇舊年5月，有拜命東亞傳道會的牧師，佇東京佮台灣受著真大的歡迎佮激勵，實在是鄙人的光榮佮感激。為著種種的準備佮都合，延延到7月9日，才對高雄坐船出發來廣東，欲出發的時，閣受著格外的送行真道謝。
七月13日，有夠廣東市，真濟人聽候阮，就是有早阮一禮拜代先來的Kūn-sim先生以及對前幫就來的I-kang牧師，以外有青年會的Kong-pō͘。先生佮中國的兄弟十數名，以及台灣來的兄弟幾若個。到位隨時開歡迎的晚餐會，予阮非常感激。彼時我有感覺著主的福音的威力。踮佇主的疼的內面攏無分別猶太，希利尼。彼暗受著李Kong先生的好意，有踮佇i...
|
|
|
|
