[1926-11 芥菜子 文類-散文 作者-雪峰逸嵐/Soat-hong Iat-lâm]  (2)
智識的源頭 [ Tì-sek ê goân-thâu ]
智識的源頭 佇這號的 「芥菜子，」我欲專門佮同屬主的囡仔兄，囡仔姐，saⁿ-kap講話，恁若袂曉看，叫恁阿娘，阿姐，讀予恁聽，恁穩當會真歡喜。我也是真歡喜，因為我也捌做囡仔，我也有囡仔所以真愛佮囡仔講話。 這馬欲共恁講智識對佗位來，敢毋是真要緊的物？咱攏無愛戇攏真愛智識，有囡仔共我講「我真頇慢，袂曉讀冊，因為無智識，讀袂會，別日會做無路用的人，所以真煩惱。」通知「智識」是真要緊著毋？今智識的源頭是對佗位來？我報恁讀「敬畏耶和華是智識的根本」(箴言 1：7。) 「有人智識無夠，著求上帝，上帝gâu予人」(雅各1：5)。今我欲講一篇故事，來證明這兩句予恁明白。 有一个14 ...

[1926-11 芥菜子 文類-散文 作者-郭水龍/Keh Chuí-lêng]  (2)
馬偕醫院近訊 [ Má-kai i-īⁿ kūn-sìn ]
馬偕醫院近訊 這間病院的主旨全是救世的主義，規模雖然細細，實在佇台灣是無通比的好，內容設備逐項真次序，衛生真完全，用刀真經濟，人員真充足。戴博士、陸醫生、吳醫生，洪先生、西洋看護婦 4名本島看護婦 17名全病院人員共42名，現時病室有46張的眠床，閣teh起一棟小兒科的病室，眠床6張無外久會完工。 這个病院所設的法度真濟項是新思潮，理想tek佮別間病院無siâng款，有人看做奇怪紲嫌，照我看有真濟項的特色所以寫幾項說明予各位較諒解。 1、 救治thái-ko：這號病空前無醫藥無救治的法度，不幸染著thái-ko就絕望聽候死，現時來就醫thái-ko患者有117名。萬國thái...

[1926-11 芥菜子 文類-選擇文類 作者--/-]  (2)
教會的消息 [ Kàu-hoē ê siau-sit ]
教會的消息。 1、 北投的教會佇10月10日有守聖餐，共有28人，閣有3个囡仔領洗禮。 2、 Bâ-û 的教會有組織一隊佈道隊，每禮拜的拜3有出去庄社佈道。 3、 頭圍的教會佇10月4日有開佈道會3日久佇5个所在，來聽的人，共有255人；閣佇10月19日有開婦女的講演會 3 日久，來聽的有350人，機會不止好。 4、 瑞芳的教會佇10 月12日到20日，有開演說會，來聽的人，共有500以上，逐个真致意聽，也呵咾真好。 5、 新埔教會的會友：林才、林出泉、劉氏招、陳氏蜜4人有移轉屬台中教會。 6、 南庄的教會有teh修理拜堂佮起宿舍，大概著2月日久才會好。 7、 坪林...

[1926-12 芥菜子 文類-散文 作者-陳清義/Tân Chheng-gī]  (2)
研究耶穌的教示，會捌耶穌是上帝 [ Gián-kiù Iâ-so͘ ê kà-sī, oē bat Iâ-so͘ sī Siōng-tè ]
研究耶穌的教示，會捌耶穌是上帝。 咱愛捌耶穌原本是上帝毋但對研究伊的祈禱，伊所行的神跡，就對伊的教示這方面來研究，也會捌伊。伊三年久，周圍四方，傳道教示人，佮經學士的教示攏無相同。有一擺佇迦百農會堂教示人，聽的人大奇怪，因為聽伊的教示有大權佇teh，無親像經學士用摩西的律法教示人，專專愛諂媚人予人歡喜；看見人有過失，毋敢干證--伊。耶穌的教示毋是按呢，勇敢直講，權柄顯現。對按呢來看予人通知伊的權是佮上帝平等，原本是上帝。 論耶穌的教示有上帝的權佮有上帝的口氣，愛排列幾若款佇下底：－ 1、耶穌講，「凡若著磨艱苦pē重擔的，著就近我，我賞賜恁平安」。閣講「人喙焦著就近我lim...

[1926-12 芥菜子 文類-散文 作者-蔡安定/Chhoà An-tēng]  (2)
信仰佮行為 [ Sìn-gióng kap hêng-uî ]
信仰佮行為 1、 無言的感化。 有一个無神論的人佮ヘネロンsaⁿ-kap蹛三日久，伊本身無欲承認有這个真神，所以伊想伊的確袂變做基督教的信者。總是佇佮伊做陣的中間，有予伊的人款佮信仰拍著伊的心肝。後來伊才講「若閣蹛佇遮較久，我雖然無teh希望，毋kú袂免得著變做基督教的信者。」 ヘネロン無用言詞來苦勸伊著來信，也無佮伊議論信仰上的問題，總是伊家己驚了著放sak伊平生的無神論來信真神。這就是對ヘネロン恬恬的感化。 講話來傳傳道理，的確是要緊，毋kú無言的感化也有大氣力。 2、 親切的感動。 有一个勞動者teh拖車peh上kiā，因為貨物真重，所以才袂照所愛通peh上去。...

[1926-12 芥菜子 文類-散文 作者-雪峰逸嵐/Soat-hong Iat-lâm]  (2)
佇基隆一日久的感想 [ Tī Ki-liông chi̍t-ji̍t kú ê kám-sióng ]
佇基隆一日久的感想。 這pang鄙人為著研究電氣療法的事，對基隆欲來古浪嶼，因為船延期紲會通佇基隆過一个禮拜日。一日久有得著濟濟的教示佮感想；這若是別人遇著，是已經司空見慣；總是我毋是，反轉生出濟濟的感覺；雖然是平常事，iáu-kú若斟酌想，就有教示真濟。寫淡薄予親愛的兄姊saⁿ-kap參考： I、 吉野丸欲出航去日本的半點鐘前，人客佇船頂，親戚朋友佇岸頂teh送。送客買紙liâu 規khûn，hiat予人客，人客就對頭仔khiú--teh，規khûn hiat予送客。船 teh開的時，直直抽直直長。也有一个人客khiú 10外條，顯明有遐濟人來送；風 li-li，紙liâu p...

[1926-12 芥菜子 文類-小說 作者-康清塗/郭水龍/Khng Chheng-thô͘/Keh Chuí-lêng]  (2)
一滴一滴的水 [ Chi̍t tih chi̍t tih ê chuí ]
「一滴一滴的水」 (21) 老土地無信用

[1926-12 芥菜子 文類-散文 作者-郭水龍/Keh Chuí-lêng]  (2)
坪林教會新聞 [ Pîⁿ-nâ kàu-hoē sin-bûn ]
坪林教會新聞。 我這pài 巡坪林教會比舊年有進步重倍。 坪林的所在是內山，道路真oán-sia̍p，佇台北佮宜蘭 12舖的中間，船車袂得到。小街市有百姓300外人，山崙的百姓真sòng-hiong，在地米食無夠著配蕃薯，倚靠蕃薯較濟。4年前有設講義所，到今不止好成績，百姓真欣慕道理，現時有20 戶趁道理人數94名。這pang大人15名愛領洗禮接納9名閣囡仔5名鄭生姆這家有10人來teh禮拜，鄭生本反對，今逐禮拜有刁工來禮拜。這pang伊的大新婦領洗禮，代先入天國向望後日全家30人會攏趁道理。 教會teh進步的因端有幾若項。 1、 有上帝的神跡teh幫贊。這人名林火對細漢h...

[1927-1 芥菜子 文類-散文 作者-陳清義/Tân Chheng-gī]  (2)
基督的神tek [ Ki-tok ê sîn-tek ]
基督的神tek 以賽亞9 章，6節。 論這節的聖冊，是先知以賽亞，稱讚基督的神tek。 伊講幾若所在患難的百姓得欲得著德聖，是因為有一个做王--的得欲出世。伊佇默示中看見，親像已經降生。 有人講這个是以賽亞看見太子 Hi-se-ka，約略十外歲，心意良善，預料伊做王，會得著tāi-kong，對按呢就想到基督親像已經佇世間。古早人濟濟用目下的人物以及事情做預想來指起後日的事。總是詳細來研究伊所講，的確著指起彌賽亞才著，因為所尊稱的名，別人當袂起，佇舊約中的 uî-giân基督，無有比這个較明亮。閣7百年後，天使傳言救主已經降生，博士來朝拜伊，眾人所看見，所講，佮以賽亞所看見所講相同。以...

[1927-1 芥菜子 文類-散文 作者-雪峰逸嵐/Soat-hong Iat-lâm]  (2)
兩个恭喜 [ Nn̄g ê Kiong-hí ]
兩个恭喜 （風雪拽南） 列位恭喜！大家恭喜恭喜！！欲恭喜啥物？就是恭喜救主降世的大記念日。這真正是真恭喜，毋是一部分的人teh恭喜，是通世界的人攏teh恭喜，就是通世界同心大歡喜的日。按呢來講，就是通世界共同的大節日。這个節日是世界tek--的，其餘的節日是隨國的，隨人--的，kan-ta這个日是世界人類共同--的，這敢毋是著真歡喜，真恭喜？列位兄姊！咱穩當知是啥物因端才有這个節日，就是對上帝的疼不忍世間人沉淪，差聖囝來替人擔罪，才有生出這个日，這敢毋是真大歡喜真大恭喜的事？實在是。真通恭喜，總是毋知親愛的兄姊，有teh想是因為按怎才會連累聖囝來受苦nē？上帝敢真愛伊的神...

[1927-1 芥菜子 文類-散文 作者-陳清忠/Tân Chheng-tiong ]  (2)
死！ [ Sí ! ]
死！ 人應該著死！ 早前出世的人有拄著死的款式，現時teh活的人也著經過彼條死河；後來閣出世的人也是親像為著死來出世一樣。 人生有死，宛然是親像太陽有落山。對東爿上出來的日頭定著一擺著對西爿落--去。人對出世了後，就隨時有死的運命來交纏。人會得通閃避sàn-hiong 的艱苦，lîn-iū 的歹款待；總是袂得通脫離死的手頭。死是人生不能免得，遐確實的事，iáu-kú人無teh想死的事，實在真奇怪。人人宛然 teh想欲活到永遠來經過這世間的款式。若看見序大人的墓，拄著囝兒的大病，朋友葬式的時，彼時就會想出家己的運命；總是若過了就隨時袂記得。 死毋但是佇人生做確實的事實，尚且是最壓制的最有...

[1927-1 芥菜子 文類-散文 作者-陳清忠/Tân Chheng-tiong ]  (2)
信仰的問答--論活基督 [ Sìn-gióng ê Būn-tap--Lūn oa̍h Ki-tok ]
信仰的問答--論活基督 A、先生，你teh 講活基督，彼到底是啥物意思。請指教。 B、活基督就是佇2000年前予人thâi死彼个基督現時猶活，無變換teh活動的意思。 A、基督敢毋是已經予人釘佇十字架死mah，是閣還魂對墓裡出來mah？ B、毋是，毋是按呢，還魂來活的，會閣照舊來死；總是基督是真實死也真實閣活；無變換伊生前的聲音抑是形狀，iáu-kú伊會得自由出入佇關密的門。 A、彼敢毋是基督的陰魂mah？ B、基督的學生起頭嘛是拍算是伊的陰魂，總是基督問in看有啥物通食--無，的時，in予伊一尾魚，伊隨時佇 in 的面前來食；閣再共 in講伊毋是陰魂，陰魂無跤手，伊報in看伊的跤...

[1927-1 芥菜子 文類-散文 作者-明有德/Bêng Iú-tek]  (2)
「羊九十九」的由來 [ “Iûⁿ káu-cha̍p-káu” ê Iû-lâi ]
「羊九十九」的由來 這首是英國蘇格蘭某市的市長Khu-le̍k phêng 的查某囝伊莉莎白作的。伊寫這首，是做基督徒了後無若久。咱若吟這首詩，就知伊有囥滿滿的歡喜佇伊的心內。伊起頭所囥的歡喜佮這款無相同。伊是市長的查某囝，見若伊所愛--的，逐項攏通快快得著；所以伊想平常的人是真下賤，無有親像伊所囥的歡喜。伊拍算伊的快樂無有別項通比。總是到伊捌耶穌了後，這款的快樂予伊袂滿足，知這是外皮暫時的歡喜nā-tiāⁿ毋是真實久長的福氣。所以伊決意愛欲揣出實在久長的快樂。後來果然得著，因為伊讀著約翰第十章所記迷羊的故事，明白伊本身tú-tú是親像迷路的羊，今已經予耶穌揣著；彼時對伊的真心寫出這首詩來...

[1927-1 芥菜子 文類-散文 作者-張金波/Tiuⁿ Kim-pho]  (2)
意料外 [ Ì-liāu-goā ]
意料外 (基隆教會的消息) 世間事濟濟項予人會料得，總是有的予人袂料得。聖冊有記，－吼的獅gâu食人巴比倫王有設獅穴，見若犯罪死刑的人，就hiat落獅穴予獅食，逐个無性命，逐人都料會出。只有但以理獅無kā--伊，對獅的喙脫離；這是人的意料外。 這幾年來基隆，教會的事情有幾若項出佇意料外，排佇下底：－ 1、1923年拄著歹境遇，大家拍算教會負擔傳道的經費袂起；無疑 1924年正月黃瑞擎長老對廈門來遮赴禮拜，紲鼓舞會友著請牧師，果然3月獨立請牧師；遮緊是意料外！ 2、會友請牧師是強tìⁿ，因為無財產，閣人數少。曾清才執事較有氣力，做車長真久，拄著減員，無久紲破病，1925 iân-k...

[1927-2 芥菜子 文類-散文 作者-陳清忠/Tân Chheng-tiong ]  (2)
兩个異端 [ Nn̄g ê ĪN-toan ]
兩个異端 基督教信仰的基礎就是聖經。上帝有顯現伊本身佇聖經內，也宣言永遠的疼佮拯救佇彼中間。論信仰的枝葉kiám-chhái佮時代有變遷，默示論贖罪的大根本，是phoâⁿ過時代有超越變遷，宛然親像高山，雖罔世移人變 iáu-kú無一屑仔的振動。咱的信仰也著親像按呢。 信仰是事實。神學是說明。所以神學有變遷，總是信仰的事實是永袂變。星辰燦爛佇大的空中，雖罔天文學有進步，但是星本身是無變。紅、白的花參插teh開，雖罔植物學的學說有變遷，但是花彼項物雖罔開佇ái-tiân 的樂園，大概無啥物精差。神學 teh變遷，思想teh進步，總是人猶kú是罪人，著欠用救主，若無贖罪的血，chiong-kó...

[1927-2 芥菜子 文類-散文 作者-陳清忠/Tân Chheng-tiong ]  (2)
「Hiat 你的米糧佇水裡」！ [ “Hiat lí ê bí-niû tī chuí-ni̍h”! ]
「Hiat 你的米糧佇水裡」！ 「Hiat你的米糧佇水裡，濟濟日了後你欲閣得著」。這句是希伯來出名的哲學者所講的話。這句的意思，Ná想是ná深，伊的教示是真大。Hiat你的米糧佇水裡！人毋通想報仇，著hiat你的活命的米糧！人kiám-chhái欲講是拍損，你本身kiám-chhái也欲想是無效的所做。總是著毋通惜來hiat 你的米糧佇無人看見池內的水面，按呢就你佇濟濟日了後欲閣揣出！ 愛是啥物？愛是無向望欲對人得著報仇，歡喜來做的親切。世上有濟濟彼款的人將少少予人，就隨時欲要求人的答禮，向望人用加倍還--伊。實在in 的心肝真劣等！ 彼款的人是kan-ta掠對人得著物來做福氣。真...

[1927-2 芥菜子 文類-散文 作者-陳清忠/Tân Chheng-tiong ]  (2)
桌上談 [ Toh-siōng-tâm ]
桌上談 (續接前號)。 (IV) 宗教 有人問講，所有的宗教，佇苦勸人做好彼層事，敢毋是差不多攏相同 mah？」伊應講。「是，總是有大差別。別的宗教教示人講「照恁所會來行好，後來恁就成做好人。」基督教是教示弄人講，「著成做好人，彼時恁就會行好。」心肝的變化是著代先才著。」 學者問講，「論佛陀你想怎樣？」應講，「伊毋是神秘的人，是kan-ta一个道德tek的先生nā-tiāⁿ。因為佇伊的教示的中間，全然無論神的事。這款的人論神的事反轉是傷奇怪。伊所教示--的，就是盤涅抑是絕滅要求的事。總是拯救毋是要求的絕滅，是要求滿足。 治療喙焦得當的方法，毋是予伊死，著予伊lim夠額。」 ...

[1927-2 芥菜子 文類-散文 作者-明有德/Bêng Iú-tek]  (2)
「天堂攏無苦難」的歷史 [ “Thian-tông lóng bô khó͘-lān” ê le̍k-sú ]
「天堂攏無苦難」的歷史 這首詩是楊安得烈作--的，伊佇1807年出世佇蘇格蘭的京城 Ediⁿbvrgh。 伊對大學佮神學校卒業了後，有做中學校的先生 50年久。伊做先生真出名，學生真濟來就問伊。禮拜日伊常常做主日學的主理。 三十一歲的時，佇一暗有去伊的學生的厝，彼个學生的老母ji̍h琴予伊聽。所ji̍h 的真好聽。伊問這个調是啥物調？彼个老母應講是青番仔的調叫做「樂園。」 伊轉去，彼暗就想起彼條的韻遐爾好聽，宛然佇天堂的款，所以才做「天堂攏無苦難」這首詩，和彼个調來做記念。 伊就就將彼條教示伊的學生。有一个牧師聽見伊的學生teh吟就拾彼條掺佇所發行的聖詩的內面。對彼tia̍p了後彼...

[1927-2 芥菜子 文類-散文 作者-陳清忠/Tân Chheng-tiong ]  (2)
一滴一滴的水 [ Chi̍t tih chi̍t tih ê chuí ]
一滴一滴的水 (24) 人一日所suh空氣的份量佮肺的闊。 咱平常teh喘氣，逐擺suh入sûn出空氣的份量，約略是2合。一暝一日肺所喘入歕出空氣的量大概是50石。若將遮个空氣入佇4 斗的酒桶，就會入得百外桶的額。 Suh遮爾濟空氣的肺，伊的面積也是真大。肺是對至細的肺的氣胞集合來成--的，伊的闊若用坪數來比較，差不多是25 坪的闊。 實在無有一項物比人的身軀較奧妙。對按呢通知上帝的智識到佗位！ (25) 長命國佮短命國。 人愛長歲壽，這是人的情。所以若愛長歲壽的人，較好著去長歲壽的國。若是按呢長歲壽的國是佇佗位？若看下面的統計表就會知：－ suī-...

[1927-2 芥菜子 文類-散文 作者-郭水龍/Keh Chuí-lêng]  (2)
北部拜堂建築改築 [ Pak-pō͘ pài-tn̂g Kiàn-tiok kái-tiok ]
北部拜堂建築改築 1926年度建築部有設法墩仔跤拜堂改築，已經好，有開￥ 1000.00左右。南庄移徙，有著內地人寄附 in 的禮拜堂予咱的教會用，也有閣修理￥ 1000.00左右。 頂雙溪有改築真次序。雙連新建築，已經完工，樓跤主日學教室，樓頂拜堂廳，不止好看，開有7000.00箍，總是無起傳道的宿舍。 新店拜堂現時建築中，因為有幾若項的阻礙，許可的 iân-chhiân；也有幾若位教會所寄附猶未交，若好天向望工事會大進行。 利澤簡也有改築，開 ￥ 300.00左右，近日暖暖教會也teh 請愛買一間店做拜堂，in欲負擔一半，總是猶未允准--in。 ...