[1925-6 台南府城教會報 文類-傳記 作者-潘水土/Phoaⁿ Chuí-thó͘]
秦Hi-kia̍t ê小傳 [ Chîn Hi-kia̍t ê Sió-toān ]
秦Hi-kia̍t ê小傳1925.06 483卷 p.8-9(潘水土)Hi-kia̍t君是艋舺ê會友，也是獨身ê青年。伊ê原籍tī大溪。伊細漢就讀漢文，後--來koh 公學校卒業，了後就來艋舺hō͘伊ê阿叔牽成，若是伊ê身体衰弱，常常詖病，經過濟濟醫生ê手頭也是平常。不幸tī 舊年7 月koh發病就入松山病院，攏無較好，然後koh轉入台北病院，若是伊ê病症日日那重，到2月28號就別世。享壽24歲。 Hit e 晡我chhoā會友10外人到赤十字社ê葬式場執行葬式ê禮拜，也濟濟人送到?埔--ni̍h。 Chit 個Hi-kia̍t君照我查考有thang做咱ê好模樣。 (1) 論伊ê性質。對細漢...

[1925-6 台南府城教會報 文類-詩 作者-劉約翰/Lâu Iok-hān]
日過日 [ Ji̍t kè ji̍t ]
日過日 1925.06 第483卷 p.9-10 (劉約翰) 內心日日換新（II 林.3：16） 1.「日過日。」上帝啊！求你換新我。 用你祝福的活命； 「日過日。」上帝啊！求你扶持我， 用你的權力恩典的神。 2.「日過日。」救主啊！求你提攜我， 予你的奴僕意愛自由； 「日過日。」主啊！求你幫贊我， 予我會做你攏總的旨意。 3.「日過日。」救主啊！求你保持我， 抵抵踮佇你的疼痛； 孤單的倚靠佮順趁， 看到佇你的頂面。 4.「日過日。」救主啊！求你賞賜我， 我所大欠缺攏總的氣力； 閣用你佮你祝福的聖神， 永遠保守我佇你的感動。 5.「日過日。」來佮這個...

[1925-6 台南府城教會報 文類-散文 作者--/-]
教白話字ê方法 [ Kà Pe̍h-oē-jī ê Hong-hoat ]
教白話字ê方法1925.06 483卷 p.11-12(林--氏安)近來我有機會thang教白話字，所以有淡薄經驗，koh有看著教會較濟iáu照舊款，較為難ê法度，teh教主日學ê學生。Chím仔 ài將我本身所想出ê方法來記幾句。 請逐家想主日學ê目的是甚物？敢m̄ 是beh教道理，引chhoā學生來bat主耶穌做in ê救主？M̄-kú tī 台灣姑不chiong著koh加教一項，就是著教學生會曉讀白話字ê聖經；因為真濟囡仔攏無路thang另外學。Tuì án-ni，bē 曉讀聖經ê學生就算是預備科，亦所beh教--in就是道理以及白話字。前年ê課本已經bat替咱分所beh教ê時間，就是譬...

[1925-6 台南府城教會報 文類-傳記 作者-楊世註/Iûⁿ Sè-chù]
黃執事ê小傳 [ N̂g chip-sū ê Sió-toān ]
黃執事ê小傳1925.06 483卷 p.16(楊世註)歸仁北 ê執事黃Pi-hiaⁿ,3月日前有生肺癰，醫了無好，tī 4月26日離開世間，享壽55歲。論伊ê事簡略講淡薄:---1. Kài早。Kài早聽道理，就是歸仁北未成教會伊就信主，是黃振德先生tī山仔腳teh傳ê時到今。伊亦kài早做執事。2.著磨。20外年前bat受派toà新樓醫館做工。Bat佮Tio̍h仔叔去四界賣冊佈道。若請伊講道理，伊無推辭，若無破病伊kài常來禮拜，守兩晡。赴送葬會，伊kài 搰力，鬥設法攏無驚。3.題iân。伊不止ài。起禮拜堂，伊獻幾若百箍。伊講久久才起chit間，若m̄ 獻，以後驚了無機會。4.Kài好...

[1925-7 台南府城教會報 文類-散文 作者-許振芳/Khó͘ Chín-hong]
故陳Sêng長老 [ Kò͘ Tân Sêng Tiúⁿ-ló ]
故陳Sêng長老1925.07 484卷 p.15-16(許振芳)陳Sêng長老出世tī 1860 年，水返腳1保長坑庄長成，老父陳番，有2個兄弟就是陳Ki、陳Liân。 (1.) 歸主ê原因。陳番伯是頇顢人，遇著親族扑死人，著人命，人beh掠in摃番頭2。番伯聽見講入教不止有勢力，就將大子陳Ki hō͘伊去入教，來致蔭1家m̄免被人欺辱。後--來Ki仔知影道理是真，就招小弟兩人相chhoā同行天路。Hit時番伯看見子兒攏去入教，知影後來會無公無媽--lah;就反對講:「我是hō͘ Ki仔去入教，來致蔭咱1家。今lín兄弟仔攏去，我beh ǹg望甚物人--mah?」 M-kú 道理是真，耶穌ê...

[1925-8 台南府城教會報 文類-散文 作者-林--氏安/Lîm--sī An]
教白話字ê方法 [ Kà Pe̍h-oē-jī ê Hong-hoat ]
教白話字ê方法1925.08 485卷 p.9-10(林--氏安)Tī 這暫beh接續頂月所記--ê;chím仔beh講起教字母ê法度。 教員應該著一枝鉛筆做伊ê 伴！伊所著做記號--ê,就是學生所讀到hia ê所在；若是甚物choā ê字iáu-boē十分熟，m̄-thang做記號。趁這個法度有兩項ê利益。學生知伊著tuì佗位koh備辦，亦教員若beh koh再授伊ê 字母，抑是讀本、詩冊、聖經，kan-ta著看伊路尾擺ê記號就tuì hit choā來聽伊讀。第2項ê好：這個法度是激學生愛競爭ê心；先生若限伊著讀偌濟，驚了較無愛出力。論教員iáu有一項：較常我看教員teh教白話字ê時，in...

[1925-9 台南府城教會報 文類-散文 作者-編輯部/Phian-chip-pō͘͘]
新冊出版 [ Sin-chheh Chhut-pán ]
新冊出版1925.09 486卷 p.4十項管見這本是蔡培火先生新著ê冊，用羅馬字來印。將伊平時ài佮同胞談論，揀較重要ê十項。Hit中間攏分4、5條詳細ê目錄，來淺明hit ê理氣。句句都是tuì伊ê心內透露出--來，會thang叫醒咱ê精神。所講ê話是真pêⁿ-pāng ，所論ê事也是咱每日平常所做。內容充足，材料豐富。若讀著這本冊，無各樣親像當面受伊ê指教，實在是開啟智識，培養道德ê好冊--lah！這本冊已經印好teh佮，是四六版，160外面，66000外字。tī這月半beh發行；每本6角銀，郵費四chiam。若買上10本，郵費m̄免；亦學生聯合買30本以上，beh算減兩割。發行所是蔡培...

[1925-9 台南府城教會報 文類-散文 作者-陳瓊琚/Tân Khêng-ku]
男女對等論 [ Lâm-lú tuì-téng lūn ]
男女對等論1925.09 486卷 p.6-8(京都陳瓊琚)論這個問題是不止複雜，koh亦是真oh得論ê事，koh再論者若無像，就所論ê內容自然亦有各樣。10人ê論有10人ê說，就是逐人有伊ê 方向，有伊ê 目的，有伊ê 意見；親像心理學者，伊就tuì心理hit方面論起，若是生物學者是tuì生物ê方面來論起；其實若beh論這個問題，著ài tuì幾若方面來研究說明，才會用得。譬喻講tuì歷史就說明，抑是用男女ê頭腦佮體格來相比，抑是tuì心理狀態等等來比較說明。總--是若beh親像án-ni說，的確著寫真長，所以tī chia無機會。Tī chia所論--ê,是thang講beh做男女對等ê感...

[1925-9 台南府城教會報 文類-傳記 作者-陳Su-chhong/Tân Su-chhong]
故顏洪--氏先河 [ Kò͘ Gân Âng--sī Sian-hô ]
故顏洪--氏Sian-hô1925.09 486卷 p.14-15(陳Su-chhong)洪--氏Sian-hô 1名叫Eńg 嬸，現時人稱呼伊做顏先生媽。 Tī 1846 年4月8 日出世tī 台南市南和街，老父洪乾興，老母莊--氏。父母做船頭行ê職業；細漢ê時父母家計較艱苦。伊有兩個兄，兩個小弟，28歲ê時嫁hō͘ 磁仔巷街顏永成叔，後--來就生1個查埔佮兩個查某子。 Tī 37歲ê時對1個姊妹陳--氏蓮(Koè姆) 得著道理。因為永叔做生理tī 灣裡街（善化），永嬸著佮伊企起tī hia。雖然toà 灣裡街離真遠，iáu-kú常常來台南禮拜。 當時頭社佮番仔田也設拜堂，總--是無先生to...

[1926-2 台南府城教會報 文類-散文 作者-文姑娘/Bûn ko-niû]
文姑娘ê批 [ Bûn Ko͘-niû ê Phoe ]
文姑娘ê批1926.02 491卷 p.2用批寄hō͘ 列位ê 眾兄弟姊妹收知。我離開台灣ê 時，就攏無扑算我bē得thang koh 過去佮lín 逐家相見。聽著英國ê 公會所議定--ê,我ê 心擋bē-tiâu,真m̄ 甘；因為倚40年久，我toà tī lín ê 中間，佮lín 相出入來做主ê 工，續看tī 台灣tuì 東、西、南、北ê 聖會那開闊，亦有那濟人歸服來信耶穌。今tuì tī 所歷過ê 事，我ê 心koh 較特別ê 意思佮lín 相結連，亦m̄ 敢bē 記得 lín 常時ê 好款待，親密ê 疼痛，che 實在到永遠做紀念。所疼ê 好朋友，我抵著這號ê 阻礙，m̄ 敢嫌，就知...

[1926-2 台南府城教會報 文類-詩 作者-林燕臣/Lîm Iàn-sîn]
送別會 [ Sòng-pia̍t-hoē ]
送別會 1926.02 第491號 p.9 (林燕臣) 佇1925後春季中會的時，有派高金生牧師佮鄙人設法共巴牧師送別，所以佇今年一月一日午後六點，佇神學校講堂做場所，有開筵席，請十外人做伴，中間也有做淡薄餘興，親像出燈猜，做漢樂，予逐家相佮歡喜，鄙人閣做一手送別詩，云云。 1.先生奉差離故土， 過來台灣受艱苦， 佈道予人無歡喜， 潑粗身軀，真臭味。 2.先生無掠做真奇， 為主凌辱是福氣， 因為百姓心真淺， 愛學救主來赦免。 3.傳教教學經過久， 五十一年成歷史， 抵著夫人早過世， 單身做工無失志。 4.七十八歲稱老翁， 貴體猶原是健康， 智慧充足真精英...

[1926-4 台南府城教會報 文類-傳記 作者-葉金木/Ia̍p Kim-bo̍k]
Siàu念過往熱心ê信徒 [ Siàu-liām kè-óng jia̍t-sim ê sìn-tô͘ ]
數念過往熱心ê信徒1926.04 493卷 p.8-9(葉金木)陳Khai-teng伊是toà tī 大甲頂店。對細漢到老就是漢文家ê 讀冊人；對少年到老就是教書房。伊kap陳Kî-siông長老是做好朋友，18 年前有受陳長老引chhoā 來得著道理。對得著道理了後就深深研究聖冊，就不止熱心tī教會。伊若無tú著非常ê阻擋罕tit無赴禮拜，逐禮拜kap 1 個叔伯小弟萬順伯攏第先到。伊也有擔當長老1任，可惜伊ê子攏bē得著道理。伊ê做人真老實古意，bat 伊 ê人攏o-ló--伊。不幸tī 9 月14日忽然起腦溢血ê病，到16日就過往，享壽73歲，18日出葬。Tú tn̄g陳瓊瑤牧師轉--來...

[1926-4 台南府城教會報 文類-散文 作者-蔡椪/Chhoà Phòng]
所數念ê姐妹 [ Só͘ siàu-liām ê Chí-moē ]
所數念ê姊妹1926.04 493卷 p.14-15(蔡椪)姓名清楚林--氏葉，較常人攏叫伊瑞嬸，屬過溝ê教會，企家tī 牛稠溪，離拜堂3里路。伊得著道理頭尾9年實，tī chûn--年kap伊ê女兒李--氏卻，受汪牧師問道理進教。伊出世tī主後1870年，到舊年12 月17日天父揀召伊離開世間，享壽56歲。查考伊ê生平真正有thang可取。1.Hō͘外人o-ló。真好女德，真仁愛，凡事溫柔詳細，好親近，快快受苦勸，勤謹koh 儉樸。一下別世，人人都流目屎、吐氣，講：「可憐--ah！可憐--ah！」2.受家內敬重。M̄ 但本身認真服事主，koh 全家攏敬畏上帝，攏要緊家庭 ê 禮拜kap守安息...

[1926-5 台南府城教會報 文類-散文 作者-王守勇/Ông Siú-ióng]
北部事務：九州傳道旅行 [ PAK-PŌ͘ SŪ-BŪ:Kiú-chiu Thoân-tō Lú-hêng ]
九州傳道旅行1926.05 494卷 p.5-6(王守勇)致意請安同屬主tī 台灣ê 兄姊。這pang 受著主ê 恩惠，得著lín 列位ê 致蔭，tī 3月20號，我已經tuì 京都同志社神學部卒業，所以ài 佮逐家相佮感謝上主，也敬意kā lín 說謝，向望將來猶原會得著lín ê 指導、牽成，是我ê 萬幸。 Tuì 3月3號到17號，神學部ê 卒業生有受先生ê 指導，去九州傳道。所經過不止濟位，總--是紙面有限，tī chia boē得thang 講到詳細，所以簡單ài 紹介幾項較有關係宗教--ê,就好。 1.Tī 熊本ê 所感 (4號) 九州ê 氣候燒lō,人ê 性質小可粗暴、言語粗魯、...

[1926-5 台南府城教會報 文類-傳記 作者-蕭丁壽/Siau Teng-siū]
吳Tô ê小傳 [ Gô͘ Tô ê Sió-toān ]
吳Tô ê小傳1926.05 494卷 p.15-16(蕭丁壽)吳Tô 君是土庫ê長老，伊對16 歲就聽道理，20 歲入教會，25歲做執事倚10年久，就升做長老；到今年47歲善終。今將伊ê履歷大概記tī下面：伊一生散hiong，總--是不止克己，歡喜獻金kap出工，真熱心，禮拜日真對重，除去病痛以外，m̄-bat無守禮拜日，時常kap傳道先生抑是會友去探兄弟姊妹kap佈道，親像斗南若開佈道會ê時伊攏有來，koh斗南ê福音堂大部份是伊來做主理。見若關係教會ê代誌，伊真歡喜出力鬥幫贊。到伊臨終ê攏無變換，真可取。不幸大正12年12月發病，到13年2 月去新樓醫館手術，入院35日久倒來厝--ni̍h...

[1926-6 台南府城教會報 文類-散文 作者-王守勇/Ông Siú-ióng]
九州傳道旅行 [ Kiú-chiu Thoân-tō Lí-hêng ]
九州傳道旅行1926.06 495卷 p.5-6(王守勇)(接5月第5面)4 .Tī 都城禮拜說教（7號） 今早起是禮拜，所以我佮同伴離開，孤單去赴禮拜做主理。落車ê 時m̄-bat 半人，總--是有差1人來等接，隨時就佮伊去。到極歡喜，thang 看見79個主日學ê學生teh 等接，愛聽主ê道理。就隨時講半點鐘hō͘ in 聽，逐家致意注神來聽，真恬靜，到極ê好品行。 後--來續接禮拜，我就說教「上帝是愛。」逐家敬虔疼上帝，亦聽伊ê 真理。逐家真虔誠，堂內到極靜，歡喜聽趁上帝ê命令，專心守禮拜點外鐘。 Hit e晝坐桌tī Ki-pún牧師ê家。伊有8 個子，1陣kah-ná戲班笑gī-gī...

[1926-8 台南府城教會報 文類-散文 作者-王Khèng-hun/Ông Khèng-hun]
停一刻仔！ [ Thêng chi̍t khek-á! ]
停一刻仔！1926.08 497卷 p.11-12(王Khèng-hun)近年中，美國有1個真出名ê囡仔名叫約翰。伊真勇敢koh 真gâu,無論甚物合理ê事，伊攏歡喜去做。總--是可惜後--來有染著歹習慣ê病「停tiap-仔久！」hō͘ 伊漸漸變相。 Bat 一擺伊ê 老母叫伊去學校讀冊。伊應講：「好，總--是請慢--一下--ah！」án-ni 以後歹ê勢力日日較贏，時間無赴、出席無齊、學課荒廢、校規無守，chiah-ê 魔鬼也同時倚--來lah！甚至看輕學業、藐視先生、夜郎自大、倒行逆施chiah-ê;也一波boē平，一波又起。做到án-ni，致到先生棄sak 伊，同學無認伊做朋友，校長亦無...

[1926-9 台南府城教會報 文類-散文 作者-張基全/Tiuⁿ Ki-choân]
酒kap健康 [ Chiú kap Kiān-khong ]
酒kap健康1926.09 498卷 p.7-9(張基全)人活tī 這世間逐人有伊ê 趣味，有人愛扑獵，有人愛掠魚，有人愛看好看ê物，有人愛聽好聽ê聲音，有人愛鼻芳ê味，有人嘴愛食好食ê物。論食物種類真濟。直接會做咱小體 ê滋養--ê大概thang分做兩項： 1.有機性物質，就是有包含炭素ê物，親像： (a)卵白質，伊ê 成分是炭素，水素 ，酸素 ，窒素 ，伊ê 路用是會hō͘ 人ê身軀得著勢力，也是hō͘ 細胞加添新--ê。 (b)含水炭素。 (c)脂肪：in ê成分平平是炭素，水素，酸素，三項合成chiah-ê ；(b) 佮 (c) boē會hō͘ 細胞新生，總--是會hō͘ 人加添勢力。...

[1927-2 台南府城教會報 文類-傳記 作者-黃Siù-hui/N̂g Siù-hui]
黃誌誠牧師ê小傳 [ N̂g Chì-sêng Bo̍k-su ê Sió-toān ]
黃誌誠牧師ê小傳1927.02 503卷 p.3-4(黃Siù-hui)黃--先生，乳名號做能吉，jū名號做誌誠；本籍地是屬tī 東港ê教會。伊出世tī 1853年。當boē信主ê時，是teh做法官，不止有法術。因為子兒生了攏扑損--去，伊就醒悟伊所尊敬ê佛無法力，bē會保庇--人。所以就發心來信主。對信--了後，熱心toè 主，決心beh替主做干証，就獻心來做主ê工。第先tī 1885年入神學校，講究聖冊兩年久，就去tiàm教會。過無偌久，甘牧師teh 想ài去澎湖設教。伊本身先去tiàm 1 choā。倒轉--來就派黃深河kap先生本身去hia傳，去無偌久就有誠功效。後--來倒來搬家眷搭船...

[1927-3 台南府城教會報 文類-散文 作者-蔡安定/Chhoà An-tēng]
人生ê雙叉路 [ Jîn-seng ê Siang-chhe-lō͘ ]
人生ê雙叉路1927.03 504卷 p.9(Chhoà An-tēng)有1个少年人；伊抵tn̄g teh 想博士論文、好額，佮伊ê 愛人ê 時，死人ê 骨頭借大鼓ê 形狀hō͘ 伊看見。Hit 時伊就問--伊，講：「你是甚物？」大鼓就應，講：「我ê 職務就是teh 管理人ê 活命，我這个大鼓若摃1下，世間ê 人就死1个。Koh 1點鐘，就beh 摃1下。」伊án-ni 應答。少年人就續接koh 問：「m̄ 知是beh 為著甚物人？」應，講：「就是beh 為著你。」Ah！hit 時少年人驚1下，吐大氣，講：「偆1點鐘ê 活命！」Hit 時抵抵有1个朋友來beh 探伊，kā 伊講：「好朋友，你...