[1934-6 台灣教會公報 文類-散文 作者-偕叡廉/Kai Jōe-liâm]
紀念Sū-poē-ní-chin [ Kì-liām Sū-poē-ní-chin ]
紀念Sū-poē-ní-chin (偕叡廉) 1934.6，no.591，pp.26 Sū-poē-ní-chin牧師佇100年前出世佇英國。因為伊真大利益佇基督教，所以佇今年中，佇濟濟所在欲開追悼會來數念伊。 Sū-poē-ní-chin牧師，毋若是大才情佮熱心的信徒，若是論說教佮口才，佇這1000年中，無幾人佮伊會比得。伊的口才實在予人話感服得。 四十年前伊予上主揀召，若是伊的工到佇今仔日猶未煞。歷過這40年，咱猶久話聽伊的聲。有人講伊的說教的力，予通世間搖choah。 伊19歲，就予倫敦教會請做牧師。拍算通世間無幾人19歲做牧師；也毋若做牧師來徛佇細細的教會，伊所牧會...

[1934-6 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 1934.06 591卷 p.7-8 (陳金然) [接紲5月號的第10面「聖經」彼篇。彼篇「聖經」是欲做這个序說的頭序]。 I. 舊約書的話語 舊約書的母胎自然是希伯來(以色列)民族，所以in的話叫做希伯來話，到耶穌以前人猶咧用；總是後來是做學者研究的對象nā-tiāⁿ。現今Pa-le̍k-su-thèng所有咧用的「新希伯來話，」自然佮這有多少各樣。論這款話，亞述人共號做「西國的話」，聖冊記者自稱做「迦南的腔口」(賽18：18)，抑是「猶大的話」(II王18：26，28；尼13：24)。總是拉比是稱伊做「聖語」(Targum是「經語」經學士的話，律法的話」)。若是P...

[1934-7 台灣教會公報/芥菜子 文類-散文 作者-吳天命/Gô͘ Thian-bēng]
孤寡養老會拜託 [ Ko͘-koáⁿ ióng-ló-hoē pài-thok ]
孤寡養老會拜託 (會計：吳天命) 1934.7，no.592，pp.26 列位同屬主的北部所屬兄弟姊妹尊鑒平安。 咱的教會中，有一個孤寡養老會咱的教會中，拍算列位較濟攏知影。這个會，就是teh替咱的教會的牧師，抑是傳道師的守寡人，以及細漢的孤兒，佮告老的老牧師佮傳道師，來設法淡薄的金錢通予in領去用。今這个錢對佗來？就是較早欲創設這个會的時，有募集一寡錢。今現時每月是對遮的錢的利息，佮牧師。傳道師每月的納金，來發出這條錢。總是請咱記得，牧師，傳道師的薪金是少，in每月所納--的也是少，猶閣利息金所受--的，也無偌濟。所以照現時每月攏無夠額，每月著侵the̍h所有的母金；按呢這會...

[1934-7 台灣教會公報 文類-散文 作者--/-]
臺東見聞記 [ Tâi-tang Kiàn-bûn-kì ]
臺東見聞記 (嘉中：一記者) (接前月18面) 1934.7，no.592，pp.18 III. 隱密的聖者：初2，無聊的時，得著林再添先生紹介講，「遮有一个英國宣教師佇遮teh傳道理佇內地人的中間，非常的克己，徹底的獻身。」我聽著按呢，連鞭拜託伊案內我去訪問伊。 阮到位，伊仆佇tatami-裡請安阮，請阮上--去。我看著伊剃頭毛(丸刈リ)閣穿台灣衫，又閣褪赤腳穿木屐，落去灶腳家己teh煮食。啊！我看著按呢，不得不紅面。伊頭毛剃光光，若是我留衫，若是我穿sebiro；伊褪赤腳穿木屐，若是我鞋吊襪穿kawakutsu。 聖者，名N. P. Yates。出世長成佇加拿大的Mon...

[1934-7 台灣教會公報/芥菜子 文類-散文 作者-偕叡廉/Kai Jōe-liâm]
贊成基督教 [ Chàn-sêng Ki-tok-kàu ]
贊成基督教 (偕叡廉) 1934.7，no.592，pp.24-25 佇加拿大國，有一省號做Kuì-phek-省。這省的人，較濟是法國人的後裔，所以濟濟是屬佇天主教。有一位天主教的新教(基督教)。現時teh做聖公會的牧師。 博士為著離開天主教，有拄著濟濟款的試煉；予人pō͘-jio̍k，予人拍，予人誣賴，予人關監，伊也是盡力傳報主的真理。天主教的信徒，每禮拜去聽伊的演講。受著感化的人，知in以前的毋著，大家決心來入佇咱基督教。有時伊的拜堂坐到滇滇，也外面講百人teh徛，袂得入。遮的人較濟是天主教的信徒。若是到佇賴博士的面前，詳細聽伊的說教明白基督救世的道理，較濟無閣再倒轉到天主教的...

[1934-7 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接6月第7面) (賴仁聲) 1934.7，no.592，pp.4-5 我試指幾若項佇遮：- (1)論洗禮。伊講見若人志願愛領洗禮，不管伊的品德佮信的程度現時怎樣，攏通即時共伊行洗禮。紲引幾句聖經真通，講，咱是欲共伊行反悔的洗禮，抑是講心信，喙認就得著救，所以喙有認就好。伊紲共我講，若有人佇菜店，手有酒杯，臭酒味袂退，若講希望愛領洗禮，也通行予伊。閣講，有一人刣人，沐血的刀攑佇手裡，走來拄著長老講，今決心愛受洗禮，也通行予伊，這是伊對我講，我到今記得，這是伊對我講，我到今記得，這是非常的禮典的冒瀆，濫用。看報的兄姊，恁通家己想。 (2)論...

[1934-7 台灣教會公報 文類-散文 作者-希望生/Hi-bōng-seng]
傳教師娘修養會的期待 [ Thoân-kàu-su-niû Siu-ióng-hoē ê Kî-thāi ]
傳教師娘修養會的期待 (希望生) 1934.7，no.592，pp.5-6 傳教師娘修養會欲到，敢是7月4號啦。眾役員穩當真無閒，teh準備。我信，穩當有備辦真豐盛活命的好物；時到，通親像真gâu的廚子料理真美味盛大的go-chí-só (生臊)。拍算敢毋若佇廚房內teh準備若定，也有teh調查看是幼秀人客抑是草地人客，是欲予人食飽--的，抑是欲食巧--的；若按呢，就受請的人客，毋若欲呵咾生臊，也欲呵咾好食，因為予in也飽，也巧。 論這款修養會，卻欲逐項攏合逐人的欠缺，實在是僫，因為遮的傳教師娘的年歲無平，學歷有高低，經驗有濟少，環境有好bái；所以in逐人所欠--的有各樣。總...

[1934-7 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) 1934.7，no.592，pp.6-7 II. 希伯來字佮抄寫的材料 舊約書的話語既然是希伯來話，就所用的文字自然是希伯來字。所以咱袂免小可知這个希伯來字的經過。人teh議論古早以色列人所用的文字有兩款：(1) 140 B. C.--135 A. D.猶太人所用的「錢」的字，就是in在來的字；摩西的律法也是用這寫--的。摩西的律法也是用這寫--的。(2)舊約的抄本所用彼號「角字」(角文字)原來是亞述的文字，Í-sū-lat傳入佇猶太人的中間--的(Green)，Talmud也按呢傳。總是後來這號「角字」那有勢力，人紲講這个是希伯來的文字。 照H. W...

[1934-7 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê Tîn-lia̍t-koán ]
新台灣話的陳列館 1934. 07 592卷 p.8 (林茂生) Bú-tâi (舞臺)：戲棚的新話；較懸的台咧予人做戲，抑是演藝的所在。對國語的butai來，就是英語的stage。複合名詞：舞台裝置 (butai-sochi，stage arrangement)；舞台照明 (butai-shomei，stage-lighting)；舞台監督 (butaikantoku，stage director)；舞台效果(butai-koka，stage-effect)；外交舞台 (gaiko-butai，the stage of the world's diplomacy)。民國...

[1934-7 台灣教會公報 文類-散文 作者--/-]
基督的死 [ Ki-tok ê Sí ]
基督的死 (M. C. H. ) 1934.7，no.592，pp.9 主耶穌chhoā學生到客西馬尼的花園，祈禱了。彼个人面獸心的猶大，有引率祭司頭佮一隊羅馬兵，攑刀，攑槌仔佮火把，透暝到遐掠耶穌，若掠賊一樣。佇祭司頭，公會，佮總督彼拉多的面前，受種種侮辱的審問。雖然問了無罪，猶過總督為著愛予祭司頭的黨歡喜，就發交耶穌去釘十字架。 列位啊！無論啥人，伊的心若沉溺佇利己主義的罪惡中；若袂捌本身經過奇異的窘迫；若無有一點誠心體會的工夫，佮想像的能力；就袂會明白當時主耶穌所受萬般的痛苦。今，到底基督的死，有啥意義佇teh？ 1. 基督的死，是上帝預定的計畫。 保羅先生講...

[1934-7 台灣教會公報 文類-散文 作者-陳鳩水/Tân Khiu-suí]
結核病 [ Kiat-hu̍t-pēⁿ ]
結核病 1934.07 592卷 p.10 (陳鳩水) 序言 宇宙間無毋歡喜活，怨恨死。死的路真濟，究勘彼个事實，死亡率最懸-的，攏毋值著結核病。泰西各國的人，看這號病親像大水，抑是猛獸，眾人攏想欲閃避。所以佇公眾衛生，個人衛生熱心研究，咱若讀in的結核病的統計表，in的進步夠額予人生驚。 越頭看咱台灣的現狀是啥款咧？咱的衛生是真幼稚，也看結核病做通驚的，是無偌濟。因為染著這號病，抑是為著這來死的真濟。這个事實，是做咱台灣人的見笑。做近佇台灣有teh欲創立「預防癆病協會，」向望結核病的淫威，會通減少。鄙人寫這个全篇無別物因端，抾別人的話，來添我的意見，也向望一般無染著，抑是已經染...

[1934-7 台灣教會公報 文類-散文 作者--/-]
數念過往的信徒 [ Siàu-liām koè-óng ê Sìn-tô͘ ]
數念過往的信徒 1934.7，no.592，pp.11-13 I. 故吳黃--氏Io 主後1850年8月16日，出世佇鳳山。到19歲，就嫁予黃Ka-tì先生。隔年決心信主領洗禮入聖會。 黃Ka-tì先生是會門人。佇1865年佮故馬醫生過來台灣。伊有做馬醫生的助手，踮佇旗後醫館真久。後來有家己開業佇奉山。對1878年到1911年的中間，有擔當奉山教會的長老。然後有搬來台南告老，紲過身佇台南，享壽74歲。 先生娘佇活當時，熱心服事主，真gâu幫贊丈夫，也真樸素閣節儉，gâu料理家庭，引chhoā序細拜上帝。若有艱苦人，伊真歡喜周助--in。佮厝邊不止和睦，人大呵咾--伊。伊有...

[1934-7 台灣教會公報/芥菜子 文類-散文 作者-明有德/Bêng Iú-tek]
傳教師總會 [ Thoân-kàu-su Chóng-hoē ]
傳教師總會 (明有德) 1934.7，no.592，pp.22 熱天又到，一年過一年，真緊。記得幾若日前，咱傳教師有聚集佇淡水；總是已經經過一年久，已經變做1933年的會。早起時，阮透早佇神學校的校前看觀音山的大自然，佮聽見上帝的聲，叫咱來修練。下晡時坐佇樹跤相佮想教會進行的事，ê昏時相佮坐，吟詩感謝上帝的大恩惠。 有一擺，我會記得，下晡時相佮聚集的時，佇一欉大樹下；有人提議一項，就是講，1933年的總會的時，若相佮得著主的能力，通來廣闊1个國，就真好，我聽了隨時感覺彼項的要緊。這款的題目，是真合紲接1934年總會的總題目。舊年是相佮聚集，來得著保羅的引chhoā咱捌救主；也今年欲...

[1934-7 台灣教會公報/芥菜子 文類-散文 作者-偕叡廉/Kai Jōe-liâm]
東西南北 [ Tang Sai Lâm Pak ]
東西南北 (偕叡廉) 1934.7，no.592，pp.28-29 (1)英國衛斯理牧師講，咱著盡力做好；用逐款的方法做好；對逐人著做好；逐時著做好；佇逐所在著做好；規世人著做好。 (2)美國有一个醫生名叫A-lūn (Dr. Allen)今年食100歲。雖罔年歲老，伊猶teh 開業。每日有患者去揣伊。A-lūn講，伊會遐長歲壽，是因為伊每日有運動。 (3)七年前，咱的母會有設教佇滿洲國。今年1250人受洗禮。 現時傳教者有50外人；大家熱心佈道無煞，對按呢得著真好結果。 (4)佇南洋有一个海嶼，號做Sin-hi-put-le̍k-joē-su-kūn島(Ne...

[1934-7 台灣教會公報 文類-散文 作者-王倚/Ông oá]
慈善會 [ Chû-siān-hoē ]
慈善會 (王倚) 1934.7，no.592，pp.19 致意，請列位疼主的兄姊來看，通知咱今年著按怎出力獻金的事。 照財務部所有算--的，排列予大家做參考。 1. 今年欠較濟錢：因為今年咱中會內，加三个先生，就是Giâm-chêng，Ē-poàⁿ-thiⁿ，大林。這三位，in所出的以外，著閣貼770外箍。閣有幾若間教會今年倒退減出；就是Gû-taⁿ-oan，Tang-āu-liâu，Koè-kau，虎尾，土庫chí 5位，減出約240箍；兩條共，著加開一千箍。 今這千箍欲對佗位來得著？今來講全部所欠--的；今年咱全部所欠--的，是三千箍。 1. 補助金：分較...

[1934-7 台灣教會公報 文類-散文 作者-編輯部/Phian-chip-pō͘͘]
傳教師會 [ Thoân-kàu-su-hoē ]
傳教師會 (編輯者) 1934.7，no.592，pp.19 過去4月24日起，兩日間，有嘉中傳教師會聚集佇Sin-hāng禮拜堂。赴會者：巴博士以外，牧師7名，傳道師11名。 有得著財務部長鄭牧師，來講起中會內的經濟，予大家相佮知，相佮擔當彼个責成。有慈善會主事王倚牧師講起慈善會的事，紲愛大家預算今年各教會的獻納額。有聽Lo̍k-moâ-sán佮畚箕湖欲改築拜堂，通歡喜的事，也拜託助成。有教育部長講起月報的整理，佮對主日學的關心。有傳道部長發表今年的交通隊，佮隊員以及大舉傳道的代誌，勉勵大家著傳，毋通靜靜。有得著黃武東先生，講起伊去台東旅行的所感，趣味閣有利益。 有事務...

[1934-7 台灣教會公報/芥菜子 文類-散文 作者-柯設偕/Koa Siat-kai]
天堂佇佗位 [ Thian-tông tī tó-uī ]
天堂佇佗位 第4回 (柯設偕) 1934.7，no.592，pp.21-22 詩篇48篇第2節有按呢講，- 「郇山的北勢是大人君的掠做歡喜。」 佇遮所講--的，是指地面的耶路撒冷。總是猶原有指起天頂的耶路撒冷-天堂。 希伯來12章22節有按呢講，- 「獨獨恁所到--的，就是郇山，真活上帝的城，天頂的耶路撒冷。」 按呢通知，佇這暫猶原有暗指天堂是佇北爿，- 「因為人得著興起，毋是對東，毋是對西，毋是對南。」 按呢有包含-是對北 -的意思佇teh。 以西結看見異象的時，伊看見- 「......大風對北方生真來，也有大雲親像火炎炎，雲裡有光，親像過磨的金」(...

[1934-8 台灣教會公報/芥菜子 文類-小說 作者-林清潔/Lîm Chheng-kiat]
守錢奴變做慈善翁 [ Siú-chîⁿ-lô͘ pìⁿ-choè Chû-siān-ong ]
守錢奴變做慈善翁 (林清潔) 1934.8，no.593，pp.26-27 佇外國有一个人，伊的性情kian-liān，伊只有對重錢，較無要緊人，伊有賰薄錢，總是真儉，連家己的某破病，都袂出得開淡薄錢共伊醫治，後來伊的某死，伊也無甚物煩惱，反轉暗靜歡喜，teh想講伊今賰家己一个，所費較省，錢就會閣賰較濟。 伊有飼一隻鵁鴒，伊常常門關teh，就提伊所有的錢出來算，將錢排佇桌頂，伊teh算錢的時，彼隻鵁鴒佮伊佇teh，用喙共伊鬥咬錢，用跤共伊鬥抓錢；按呢親像共伊鬥歡喜的款。總是伊逐擺算錢的時，就有phàng見幾若箍，對按呢伊的錢就漸漸較少。有一擺袂記得關門就teh算伊的錢，彼時忽然...

[1934-8 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接7月第5面) (賴仁聲) 1934.8，no.593，pp.2-3 總是若論聖潔會，恁無一人比我較知。雖有濟濟長老會的人過去聖潔會，我好膽講，攏是信者(某傳道的以外)。我講按呢，毋是看輕其餘遐的過去聖潔會做工的先生。我知in現時有人真熱心，閣真有研究，有的是真優秀的先生佮信徒，我也是尊敬in。總是我自信講我已經有幾分神學的常識，佮治會，教會政治的常識。閣本身入去佮in做學生，也做in的傳道者頭尾6年，按呢來講in的教會的款，拍算較會對。也照我的良心，我毋是愛排斥，也毋是愛惡評。若是欲濫糝講，我的論文就匿名，我堂堂下我的名佇頂面，是有責任的講話。閣...

[1934-8 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oán-oē ê Tîn-lia̍t-koán ]
新台灣話的陳列館 (林茂生) 1934.8，no.593，pp.4 Tîn-chêng (陳情)：對有權柄的個人，抑是團體講起情形來分訴。對國語的chinjo來(petition，appcal)複合名詞：陳情委員(chinjojin，a petition committee)；陳情詞(chinjosho，written representation)；對漢文來親像李密陳情表 Tiau-liû (tiâu-liû) (潮流)：水teh行流的流；用做譬如時勢的大氣力。對國語的choryu來(tide，current)。文例：欲佮時勢的潮流來對抗，是真重難的事(Jisei no ch...