[1934-9 台灣教會公報 文類-散文 作者-柯設偕/Koa Siat-kai]
信徒信經 [ Sìn-tô͘ Sìn-keng ]
信徒信經 (柯設偕) 1934.9，no.594，pp.21-22 [佇幾若月日前的教會報，我有寫一篇「咱的信經。」這霎愛閣寫淡薄論起咱所teh用的「信經」的由來，佮彼个重要]。 信經是甚物？信經就是教會道理的箇條，有順序排列，包含聖經中根本要緊的道理，是信徒所著遵守，保重的道理。 信經是做信徒信仰標準，也是信徒宣明信仰的標準。 所以是做信徒的人，應該遵守保重，佮著盡力保護--的。 信經是對聖經抽出來--的，所以彼个根本基礎，就是聖經。 因為按呢，咱對重聖經，相時也著對重信經。 對古早到今，純正的教會攏是因為有遵守，保重聖經，也遵守，保重信經；才會...

[1934-9 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接 8月第2面) (賴仁聲) 1934.9，no.594，pp.3-4 1. 日本聖潔教會的由來：這个事，佇咱的公報捌講，咱佇遮免講詳細；不過講幾句就好。 對這霎算起約30外年前，日本有中田重治--氏去美國留學。伊原是美以美會的人，是真熱心的傳道者。伊受派去極北的千島方面傳道，佮露西亞國境接觸，照伊告白講，伊也去買銃，按算講傳道紲欲誅北番。這是傳道佮愛國的精神並發。(這是今日聖潔會破裂的精神tek做遠因，這是我的評，檢采錯也無的確)。精神照看真媠。伊也捌為辯道佇路邊，佮和尚相拍，致到額頭一裂，彼个疧猶佇teh。對以上，通看伊的情熱的一步。這个...

[1934-9 台灣教會公報 文類-散文 作者-柯設偕/Koa Siat-kai]
基督徒的福氣 [ Ki-tok-tô͘ ê hok-khì ]
基督徒的福氣 (柯設偕) 1934.9，no.594，pp.24-25 咱信耶穌基督的人，實在真有福氣！請讀路加10：23-24。(耶穌) 「就越轉身暗靜對學生講，看見恁所看見--的，遐的目睭有福氣。因為我共恁講，前有濟濟先知佮君王愛看恁所看見--的，也無看見，愛聽恁所聽見--的，也無聽見。」 按呢予咱通知，耶穌臨到的以前，有濟濟先知，君王無通看見，也無通聽見，彼時信徒所會通看見，佮所會通聽見--的。 耶穌已經臨到佇世間啦。今仔日咱信主的人真有福氣，對聖經咱會通看見耶穌，會通聽見耶穌。 耶穌臨到的以前，有濟濟的先知，君王，gâu人，有地位的人，有勢力的人，有錢人，有名聲...

[1934-9 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê Tîn-lia̍t-koán ]
新台灣話的陳列館 (林茂生) 1934.9，no.594，pp.5 Tiong-li̍p (中立)：徛佇中央，無偏佇佗一爿；較常是用做國家對國家teh交戰的時，有第三國表明伊無倚佗一爿，彼國就是叫做中立，抑是叫做中立國。對國語的churitsu，佮英語的neutrality來--的。文例：荷蘭的政府對這个戰爭有欲守中立 (Oranda no seifu wa kono tabi no senso niwa churitsu wo mamoru beshi = The Dutch government will observe a neutrality in the war)。複合名詞...

[1934-9 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第7面) 1934. 9，no. 594，pp. 6-8 IV. 舊約書的背景 我信聖經是上帝的話，是人的經驗最高懸位的記錄。佇彼背後，有活活的上帝的啟示佇teh。因為按呢，自然有時代的表現，閣也有穿環境的衫佇teh。所以咱著知上帝的話對甚物人，對甚物機因來啟示佇歷史裡！這是咱欲明白上帝的啟示的本旨，第一重要的問題。 原來時代有時代特殊的話語，親像現代逐項攏要緊充實，所以不論甚物，都著究勘到彼个長，闊，懸，深 (弗 3：13)。換話來講，就是著立体的的看法。 宗教欲表現伊的思想，猶原著借用時代的話語。對按呢實在欲研究聖經，愛了解彼內...

[1934-9 台灣教會公報 文類-散文 作者-陳鳩水/Tân Khiu-suí]
結核病 [ Kiat-hu̍t-pēⁿ ]
結核病 (接 8月第9面)。 (陳鳩水) 1934.9，no.594，pp.9-10 第三章：結核病的傳染，免疫性佮抵抗力 A. 傳染 病菌入佇無病的身體，若病菌無濟，遇著強閣大的抵抗力，就病菌予細胞共伊包圍，袂會發病。毋過身體已經受傳染毋是一定發病，也發病的確代先著受傳染。 解剖大人的死體的時，常常看著結核病的跡，特別佇胸部是最濟。 十外年前，猶未十分明瞭；近來就確實知，到大人的時，攏有受結核病的傳染。這个學說，通用結核菌數做皮膚反應證明。 將這个試驗法，實行佇濟濟健康的人，就知有顯出這个反應的人數佮年歲平平加添。蹛城市內的囡仔，10人中，9人有顯出這个反應。佇美國15...

[1934-9 台灣教會公報 文類-散文 作者-郭朝成/Koeh Tiâu-sêng]
真便宜 [ Chin Pan-gî ]
真便宜 (郭朝成) 1934.9，no.594，pp.10 俗語講，「好貨無便宜，便宜無好貨。」無的確，鴉片上貴，是害死人的毒藥。水蓋俗，是養飼活命的飲料。聖經上蓋俗，是培養道德，予人靈魂得教的活命冊。 台中州，有創設教化聯盟，內容是文化，思想向上，除迷信，改良喪喜事。對嫁娶，致到貧窮的人，是真濟。所以草屯教會聯盟共指定，捾定的餅訂12箍，聘金訂120箍，其餘猶有所費，比前嶄然省。有查某囝通嫁--的講，閣遐便宜；有後生欲娶--的講，俗真好。其實實行遵守的人，毋知有偌濟？ 基督徒是做社會的指導者，公益的事無毋進前來做。論喜事的改良，有時紲綴人的後面，敢毋是見笑mah？ ...

[1934-9 台灣教會公報 文類-傳記 作者-莊清華/Chng Chheng-hoâ]
數念倒去的人 [ Siàu-liām tò-khì ê lâng ]
I. 數念倒去的人 (東後寮：莊清華) 1934.9，no.594，pp.11 佇4月10日，敝會有兩个熱心的姊妹，siāng時相chhoā轉去爸兜。In佇世間真熱心，也致意為主著磨，所以予我著寫幾句來數念in。 1. 柯--氏Gê。是柯Liòng長老的第二千金。佇兩年前嫁沈Tiông執事(伊今年新任執事)。In一家信道理無偌久，得著沈Tiông嫂gâu招呼，予in一家熱心服事上帝。佇4月1日起病，4月10日過身。佇10日下晡8點開聲講，「大家啊，我欲倒來去啦。」厝邊鄰右來看，也街內的人攏佇伊身邊，人問伊，講，你欲倒去佗位？應講，「欲倒去耶穌兜，天堂。」伊一生21年久，有幾若項...

[1934-9 台灣教會公報 文類-散文 作者--/-]
信仰生活 [ Sìn-gióng seng-oa̍h ]
信仰生活 (M.C.H.) 1934.9，no.594，pp.8-9 咱做基督徒的信仰生活著怎樣？佇聖經真濟所在有講起。這霎愛對實際方面來相佮想。保羅先生佇帖撒羅尼迦前書5：16-18，有講3項：- I.著常常歡喜 應該歡喜--ê，就歡喜，卻無oh得；總是欲不時歡喜，這是真為難的事。歡喜的對反，就是煩惱。人若拄著至親的骨肉過身彼時，kiám著歡喜？基督教毋是彼號不近人情的宗教。咱人踮佇這个不完全的社會，袂免得有悲傷；總是悲傷中，對信仰會通看著光明。咱若認上帝是咱的父，咱做伊的囝兒，的確無有永遠的悲傷。佇遐有光明佇teh (啟7：16，17)。 咱佇世間雖然有濟濟的苦痛，毋kú佇咱的...

[1934-9 台灣教會公報 文類-散文 作者-陳思聰/Tân Su-chhong]
林仔邊教會 [ Nâ-á-piⁿ Kàu-hoē ]
林仔邊教會 1934.9，no.594，pp.16 這个教會本屬鳳山做支會；佇舊年歸中會直轄。紲準另外設名簿，記事冊。今有創好勢。現時入教會的會員46名，小兒領洗禮的27名。全教會的總數敢有百外名。佇6月10日，有舉行典禮。午前行洗禮予8个大人，7个小兒；午後有設晚餐，陪餐者男女32名。獻金4箍，愛做宣道會的路用。也有設黃lú-hok先生佮蔡iāu-chong先生二位做長老。現時有4个長老，兩个執事。這禮拜來出席的人額，午前82名，午後100名。 這个教會teh聚集禮拜，現時傷阨；閣熱天的真熱，因為按呢，有teh計劃欲起新的拜堂，in家己募集成千箍，無久欲起。照看會友活動，將來是...

[1934-9 台灣教會公報 文類-散文 作者-李傳/Lí Thoân]
六甲教會 [ La̍k-kah Kàu-hoē ]
六甲教會 1934.9，no.594，pp.18 佇7月29號，新任議長王守勇牧師有來本會開問道會，有一名來求進教。小會議准接納伊進教，佇8月12號頂晡10點，有行洗禮予一个大人，一个小兒，下晡同守聖餐。陪餐者男女共14名，獻金3.88，因為收冬期較少人。頂晡禮拜30外；下晡34名出席。 這間教會本是共遮的人稅一間店做禮拜堂。感謝上帝，這幫施Chú-keh先生娘歡喜將伊6500箍買的一座樓，暫時獻做集會的路用，所以現時集會真好勢。向望會漸漸興起。 本教會有兩个執事，因為失落一个，所以這幫照規矩投票，邱善德兄中選；佇8月12號，有設立伊做執事來鬥料理教會。 (李傳報)。...

[1934-10 台灣教會公報 文類-散文 作者-主筆/Chú-pit]
世界大，的理想 [ Sè-kài Toā, ê lí-sióng ]
世界大，的理想 (主筆) 1934. 10，no. 595，pp. 1-2 十月第3禮拜(10：21號)，就是通世界對佇囡仔特別實施宗教教育的「主日學的紀念日。」 為著欲建設上帝國佇地上，對細漢的時，的確著用宗教教育來訓練細囝，予in會曉不時佮上帝交陪的生活。今仔日全世界，對主日學的事業，遐爾熱心，就是這个理由。 傳道的冊教示講，「你著佇少年的日，紀念創造你的主」(12：1)。意思就是佇細漢彼霎，著教督囝兒予in對上帝有忠節佇teh。這實在是人間教育的本義。 又閣講，「敬畏耶和華，就是智慧的根源。」佇世間第一可憐--的，無一項比人毋捌上帝遐可憐！彼款人，連家己都毋捌...

[1934-10 台灣教會公報 文類-散文 作者-賴仁聲/Loā Jîn-seng]
毋通相排斥 [ M̄-thang saⁿ pâi-thek ]
毋通相排斥 總是著抾來做鑑戒 (接9月第4面) (賴仁聲) 1934. 10，no. 595，pp. 3-4 3. 爆裂的近因(爆裂的一年前，我就離開聖潔教會，就是真傷心。看本部的不統制，袂顧得台灣的聖潔會，了然就傷心離開)。拄拄破裂，我是無佇彼內面。已經倒來佇母會啦。無直接親目看，抑是徛佇彼个破船的內面。檢采評了較失真，總是照我入佇手裡的材料，佮在來看in的內亂來共伊推理，拍算無錯才著。 (a)監督的著作。監督最近寫一本冊，叫做「對聖冊來看的日本。」彼本冊，政府當局陸軍軍部真歡迎。總是一般的教會，親像長老派現時神學的代表者，Ko-chhong--氏；抑是組合教會的代表者，...

[1934-10 台灣教會公報 文類-散文 作者-陳金然/Tân Kim-jiân]
舊約書序說 [ Kū-iok-su Sū-soat ]
舊約書序說 (陳金然) (接前號第7面) 1934. 10，no .595，pp .4-5 IV. 舊約書的背景 2 . 受巴比倫的影響 以賽亞雖然捌預言耶路撒冷的堅固，若是對in的違背上帝，致到佇尼布甲尼撒的面前是無抵抗；其實是袂會抵抗。佇B. C. 586，遐的百姓無論是有權--的，抑是有學問--的，攏受掠到巴比倫。彼个予大衛興盛的耶路撒冷，今變做荒埔；彼个teh顯明所羅門的行伍彼間聖殿，今變做火灰。昨日猶teh教奴僕行按呢，伊就行按呢，今仔日變做是通可憐的奴隸的地步。 佇這時in的生活閣拄著大變換。佇in的心肝頭不時有這項的大問題。In teh誇口是上帝的選...

[1934-10 台灣教會公報 文類-散文 作者-林茂生/Lîm Bō͘-seng]
新台灣話的陳列館 [ Sin Tâi-oân-oē ê Tîn-lia̍t-koán ]
新台灣話的陳列館 (林茂生) 1934. 10，no. 595，pp. 6 Chù-ì (注意)：注神的意思。對國語的chūi來，就是英語的careful，take care of，pay attention to。文例：著注意聽先生的話。( = Sensei no yu koto wo chūi shite。= Pay attention to yo͘r teacher)。著注意持防火車來。( = Kisha ni chūi seyo。Look o͘t for the train)。注意人物( = chūi-jinbutsu = a man in the black list)。民...

[1934-10 台灣教會公報 文類-散文 作者-鄭溪泮/Tēⁿ Ke-phòan]
芳味滿厝 [ Phang-bī Moá-chhù ]
芳味滿厝 (約翰12：3) (嘉義鄭溪泮) 1934. 10，no. 595，pp. 7-8 盤過節的六日前，耶穌到伯大尼，受癩ko西門的招待，拉撒路陪席，馬大來伺候，馬利亞暗靜備辦一斤極貴氣，真的ná-ta̍t芳油，來抹耶穌「芳味滿厝。」這層事過一禮拜，耶穌就受難釘死。 彼霎學生有看見，也有鼻見，其中有的就念，猶大貪心，就嫌。主講，「這个婦人人所做，是為著我埋葬的路用。普天下，不論甚物所在傳福音，的確著講起這个婦人人的所行，予人紀念。」講按呢大大呵咾--伊。這層顯明馬利亞3層的可取。 I. 盡心敬主。 II. 盡意疼主。 III. 盡力服事主。 為著...

[1934-10 台灣教會公報 文類-散文 作者--/-]
傳教師娘重大的職務 [ Thoân-kàu-su-niû Tiōng-tāi ê Chit-bū ]
傳教師娘重大的職務 (一記者) 1934. 10，no. 595，pp. 8-10 佇7月的公報有講對修養會的期待，今欲接紲來排列幾句。寫的人無出名，毋是驚人知；是驚了有人誤解，掠做所講--的，是指家己的婦人人，其實毋是：總是攏是事實--的；因為常常出外，有所聽佮所看，抾來做材料。設使若有人的毋好，抑是恁的好予我抾來排佇遮，請恁毋通受氣，也毋通自誇。毋著--的，著緊改；有好模樣著閣勉勵行佇家內，服事教會。 1. 欲怎樣予你明丈夫的目標，紲同心協力佇上帝所交代的使命。上帝的使命是甚物？就是救人的要緊，奉仕教會的精神。請看保羅的模樣(I林9：19-23，10：24，31-33)。無...

[1934-10 台灣教會公報 文類-散文 作者-雪峰逸嵐/Soat-hong Iat-lâm]
上帝的權能 [ Siōng-tè ê koân-lêng ]
上帝的權能 (雪峰逸嵐) 1934. 10，no. 595，pp. 10-11 晉江南門外，有一個叫做金井。四十外年前是拋荒的曠野，後來有一位先生佇遐搭草厝來傳教。這个教會的源母，是咱台灣早阿猴教會一个長老(施金川)倒來遮，逐禮拜六著行路(7舖外路)到安海禮拜，拜一才倒來，往復15舖。百年久的了後，才得著一个伴相佮行，也是對台灣倒來--的，後來才得著一塊草厝佇金井通禮拜；也得著許牧師佇遮，(彼時的許牧師21歲nā-tiāⁿ)，到現時金井的禮拜堂，已經起5層的西洋式。佇1933年10：19號，做獻堂式，有請中國總會的會長來行開門的禮，逐省都派代表來赴，一時偏僻的平洋，變成榮光的天堂。現...

[1934-10 台灣教會公報 文類-傳記 作者-許水露/Khó͘ Chuí-lō͘]
孤兒院的開祖梅叡廉 [ Ko͘-jî-īⁿ ê khai-chó͘ Muî Joē-liâm ]
孤兒院的開祖梅叡廉 (ジョージ‧ミユーラー) （許水露） 1934. 10，no. 595，pp. 11-12 梅叡廉 (ジョージ‧ミユーラー)原來是德國人。伊佇A. D. 1805年9月27日出世佇プロシヤ的クロツペンスタット裡。伊的老爸是咧做國產局租稅集金人為著按呢沓沓換所在。梅叡廉出世後，隔無幾年，就全家搬徙去ハイメルスレーベン。21歲的時搬去踮佇近マグデブルヒ的シェーネベック裡。 伊細漢的時，得著老爸的溺愛，養成濫費的歹習慣。伊10歲左右就真gâu共老爸偷提錢佮講白賊話。伊的老爸想愛予伊做宗教家，所以11 歲的時就送伊入ハルベルスタット會堂的附屬學校。無拍算，伊佇這中間...

[1934-10 台灣教會公報 文類-小說 作者-王守勇/Ông Siú-ióng]
教話 [ Kàu-oā ]
教話 (王守勇) 1934. 10，no .595，pp .13 (I) 移山 恁若有信無僥疑，......就若對這个山講，著徙去hiat落海，亦欲成(馬太21：21)。 有一個戇的老公仔，起厝向山teh徛起。逐擺若欲出入，著彎路來行。按呢感覺真不便；後來就chhoā伊的囝孫，攑鋤頭，提糞箕，來遷徙彼个山做工程。 有一個智識的老大人，看見愛笑講，你年已經老；山又閣懸，雖然盡你的氣力來做，亦是袂會huí山的一支門。Ah！hah--hah戇到極！！若是老公仔應講，無！毋是按呢！！我若是猶有囝，囝若死猶有孫；孫閣生囝，囝閣生孫，囝囝孫孫，接續來做，山雖然是懸，亦是毋免掛慮...