[1933-9 台灣教會公報/芥菜子 文類-散文 作者-吳天命/Gô͘ Thian-bēng]
聽上帝的話的人 [ Thiaⁿ Siōng-tè ê oē ê lâng ]
聽上帝的話的人 Siáu-kiā To-hiông 吳天命譯 1933.09 582卷 p.21-22 聖冊是上帝的話，是聽上帝的話的記錄。在這點不論新約抑是舊約攏有一致。舊約的先知以賽亞明明得著上帝指示伊上帝的話的時，用「天著聽！地著聽！耶和華講..................」這款有權威的宣言大膽向百姓來傳上帝的話。原來先知人攏是予上帝的神所醉的人，有講「毋是我講，是上帝踮佇我咧講。「這款確信的人。閣再siāng時也的確是義人，家己有實行道德生活的人。現今的話來講，就是國事。真正的國事，就是著愛聽上帝的話，來實行倫理德生活佇伊的身軀的人。對按呢想起來，以賽亞若做現今的人也是好。...

[1934-2 台灣教會公報 文類-散文 作者-吳天命/Gô͘ Thian-bēng]
牧會者著怎樣？ [ Bok7-hoē-chiá tio̍h cháiⁿ-iūⁿ? ]
牧會者著怎樣？ (吳天命) 1934.2，no.587，pp.27-29 新年又閣到lah，光陰真正緊，回顧咱的做工，感覺濟濟無進步的所在，chham-khuì的所在袂少。現代佇逐方面都teh叫喊非常時，攏teh體驗揣活路中的苦痛。基督教方面，神學方面，教會方面攏有遇著危機。在咱台灣也是有種種的悲哀現象，teh喚起咱教會著出力拍拚的所在。我斷言，基督教會(就是基督的代理者)，就是現代世人的救主，台灣教會就是台灣危機的救者。按呢咱的責任kiám毋是非常大。因為咱佇教會teh做工，就是做基督救恩的代行者，咱若無盡職，基督欲對按呢受著見笑，世人欲對按呢失落得救的好機會。所以佇這个新年，我大...

[1934-7 台灣教會公報/芥菜子 文類-散文 作者-吳天命/Gô͘ Thian-bēng]
孤寡養老會拜託 [ Ko͘-koáⁿ ióng-ló-hoē pài-thok ]
孤寡養老會拜託 (會計：吳天命) 1934.7，no.592，pp.26 列位同屬主的北部所屬兄弟姊妹尊鑒平安。 咱的教會中，有一個孤寡養老會咱的教會中，拍算列位較濟攏知影。這个會，就是teh替咱的教會的牧師，抑是傳道師的守寡人，以及細漢的孤兒，佮告老的老牧師佮傳道師，來設法淡薄的金錢通予in領去用。今這个錢對佗來？就是較早欲創設這个會的時，有募集一寡錢。今現時每月是對遮的錢的利息，佮牧師。傳道師每月的納金，來發出這條錢。總是請咱記得，牧師，傳道師的薪金是少，in每月所納--的也是少，猶閣利息金所受--的，也無偌濟。所以照現時每月攏無夠額，每月著侵the̍h所有的母金；按呢這會...

[1934-8 台灣教會公報/芥菜子 文類-散文 作者-吳天命/Gô͘ Thian-bēng]
佇教會中的禮數 [ Tī kàu-hoē tiong ê lé-sò͘ ]
佇教會中的禮數 (吳天命) 1934.8，no.593，pp.25-26 (接紲7月號24面) 照我看，普通一般的信者攏是想講，牧師著探會友，會友應該著予牧師共伊探。按呢想，卻毋是講毋-著；毋過佇閣一面，我真欣慕信者也會常常探牧師來真禮數。受洗禮感激主的恩典，做教會的一个，踏入是著探牧師抑是長老，以及濟濟年受著指導的信仰的先輩，遐的兄弟姊妹。 佇世間，人欲奉職佇官衙，會社，抑學校，若得著就任的辭令的時，就隨時去探伊的序大，抑是伊的同輩。世間有這號的風俗來真禮數，何況攏無功勞的人，踮佇基督，白白稱做義，來體驗著新生的恩典，受著袂講得的感激的人，敢毋是應該著用一个形式來表現伊的感...

[1934-12 台灣教會公報/芥菜子 文類-散文 作者-吳天命/Gô͘ Thian-bēng]
出力欲做成有意義的教會 [ Chhut-la̍t beh choè-chiâⁿ ū ì-gī ê kàu-hoē ]
出力欲做成有意義的教會 (吳天命) 1934.12，no.597，pp.23-24 昭和9年11月1日，發行的「基督教世界」，有一篇叫做，「出力欲做成有意義的教會。」我讀了有所感，taⁿ愛將彼个略意譯出佇遮。這篇是東京一流的教會，靈南阪教會的執事Kimura (木村)，佇組合教會的信徒協議會的時發表的意見。「我想逐个牧師各各攏有伊的特色；所以教會員對in的牧師，來要求著照in的意思做工，這是錯誤的事。寧可著予牧師會發達伊的特色，譬喻若較貫串講演的人，抑是貫串著冊的人，毋通阻擋--伊，著予伊伸出伊的才能。總是為著欲予牧師發展伊的特色，佇遮會發生一面的欠缺。」 譬喻親像訪問會友，抑...

[1937-5 台灣教會公報/芥菜子 文類-散文 作者-吳天命/Gô͘ Thian-bēng]
著做上帝的奴隸 [ Tio̍h choè Siōng-tè ê lô͘-lē ]
著做上帝的奴隸 吳天命 1937年5月626期 21-22 '非常時'這句話，已經流行真久啦，可惜現時的時勢猶著欠用這句的警告！非常時就是一種的危機，對逐方面共伊看起來，攏是猶佇危機中。咱的教會怎樣？照我看，猶佇危機中。照所聽的情形，今年的台灣大會，無走出佇危機外。咱北部的中會也是猶佇非常時中咧哀呻。逐間的教會也是攏佇困難的中間。實在咱今仔日受教會外，教會內的反對力所影響，來踮佇艱難的中間！Taⁿ咱欲怎樣才通拍散這个困難，解消這个危機，予主的教會得著大榮耀。 德國的神學者，為著欲解消信仰上。神學上的危機，有主張上帝中心的神學：親像按呢，我愛主...

[1937-6 台灣教會公報/芥菜子 文類-散文 作者-吳天命/Gô͘ Thian-bēng]
凡事感謝 [ Hoān-sū kám-siā ]
凡事感謝 I 帖 5：16-18 吳天命 1937年6月627期 22-23 世間人的生活態度有3款。就是：(1)無歡喜家己的責成，紲無忠實家己的義務。(2)無歡喜家己的責成，總是佇無歡喜中，對重責成來盡家己的義務。(3)歡喜家己的責成，紲佇歡喜中感激來盡家己的義務。咱做基督徒的人著屬佇佗一款？自然是屬第3佗一款？自然是屬第3款。保羅講，「著常常歡喜，著祈禱無煞，凡事感謝，因為這个是上帝踮佇基督耶穌向恁的旨意。」著予基督的道理，佇逐樣的智慧，充滿佇恁的心；用詩，用歌，用神的賦，相教示，相苦勸，對恩典佇心內咧吟來呵咾上帝。閣凡所做的，或是講，或是行，攏著佇主耶穌的名來做-...

[1937-7 台灣教會公報/芥菜子 文類-散文 作者-吳天命/Gô͘ Thian-bēng]
教會的一考察 [ Kàu-hoē ê it khó-chhat ]
教會的一考察 吳天命 1937年7月628期 25-26 保羅寄批的時，是用所在來稱呼收批的教會。親像加拉太遮的教會；有時是用構成彼个教會的人來稱呼，親像「帖撒羅尼迦人的教會」。總是哥林多兩張的批攏是用上帝做主咧稱呼，就是講「上帝的教會佇哥林多--的」。佇哥林多的批，這款的表現卻是真簡單，毋過有表示教會的一个本質佇咧。這句，有顯明哥林多的教會毋是哥林多--的；也毋是哥林多人--的，就是上帝--的。教會是上帝國的一部，對天降落佇哥林多--的。 有註釋家解釋「上帝的教會對哥林多--的」；這句中的「佇」字講是「滯留」-寄跤的意思。我想按呢不止有表現保羅的真意。照保羅的意思，哥林多...

[1937-8 台灣教會公報 文類-散文 作者-吳天命/Gô͘ Thian-bēng]
耶穌向耶路撒冷咧行 [ Iâ-so͘ ǹg Iâ-lō͘-sat-léng teh kiâⁿ ]
耶穌向耶路撒冷咧行 吳天命 1937年8月629期 24-25 耶穌有濟濟擺向耶路撒冷咧行，佇馬可福音傳第10章32節所記載，這擺的向耶路撒冷有較各樣的款；所以致到予人gông-ngia̍h佮驚惶。「In上耶路撒冷，佇路裡耶穌行佇頭前，學生gông-ngia̍h，綴的人驚惶。」耶穌這擺向耶路撒冷有甚物目的？咱若看遐的前後的記-事，就知耶穌向耶路撒冷就是向十字架，就是向世間人所第一驚的死。耶穌來世間的目的，就是欲為著世間人的罪來死，對按呢來贖回人類，顯明上帝無限量的疼痛佮正義。對耶穌來世間的目的的時已經到啦；為著按呢向耶路撒冷咧行。佇耶路撒冷有凌辱，苦痛，流血；猶過耶穌無倒...

[1937-9 台灣教會公報 文類-散文 作者-吳天命/Gô͘ Thian-bēng]
聽植村環牧師 [ Thiaⁿ Si̍t-chhoan Khoân Bo̍k-su ]
聽植村環牧師 吳天命 1937年9月630期 28-30 台南長老教女學的校長植村環女士，伊也做東京Pek-bo̍k教會的牧師。真gâu照顧指導佇東京留學的本島人。家己的教會以外，有真濟要緊的工佇東京，猶過歡喜犧牲真濟，來台南幫贊教會的教育，以及其他也有活動利益佇台灣的教會。這pang學校歇熱，伊有倒去東京，福音新報的記者就去探伊，問伊3項事：(1)東京嘛有朝鮮人，支那人咧留學，為甚麼因端你特別出力咧指導台灣人？(2)聯合婦人會(植川環牧師做會長)。對台灣人的傳道有甚物計畫？(3)佇本島人教會，最近有甚物通予人注目的事？植川牧師對這3問的應答有記佇2162號。昭和12年8...

[1937-10 台灣教會公報 文類-散文 作者-吳天命/Gô͘ Thian-bēng]
苦難的意義 [ Khó͘-lān ê ì-gī ]
苦難的意義 吳天命 1937年10月631期 22-24 「因為萬物所為著伊，萬物所對伊的，咧chhoā濟濟囝到佇榮光，就予救in的首領對苦難來成完全，本是合宜」(希伯來2：10)。 希伯來人書的記者，佇這節有發表論苦難的一个偉大的定義。伊的意思共伊簡約來講，就是講苦難是欲予人成做完全的，又閣人對苦難來得著完全，這是上帝的意思。這款的定義，對人的理解，人的立場來看，是僫得理解的事，佮人的所拍算是對反。人會得著完全；這是重罪無完全的世間人所想的範疇外的事。這个完全是對苦難來成--的；坐也是孜孜咧想看活，快樂平和的世間人所袂曉得的。對苦難的路，人得著完全的事是上帝的意思...

[1937-11 台灣教會公報 文類-散文 作者-吳天命/Gô͘ Thian-bēng]
相尊重使命 [ Saⁿ chun-tiōng Sù-bēng ]
相尊重使命 吳天命 1937年11月632期 22-23 人出世佇世間，伊的才調，工作無相siāng；對上帝所領受的使命也是無siāng款。咱受揀選來做基督徒的人，所受的使命也是無siāng。平平是著為著傳福音，榮光上帝來生活佇世間，毋過所活動的方面佮工作是無siāng款；通講逐人有逐人所著盡的使命佇咧。對這款逐人無相siāng的使命，咱著會曉謙卑來相讓，相尊重。有人常常墮落佇固執。過頭高調家己的使命，紲旁若無人來看輕別人的工作。愛達成家己的所愛，強調家己是對上帝受著使命，來壓止別人的拍算佮所做。按呢紲致到惹起相鬥爭，相怨恨，相排斥。若按呢，我想毋是真實有咧做伊的使命。因...

[1937-12 台灣教會公報 文類-散文 作者-吳天命/Gô͘ Thian-bēng]
關係祝聖誕的感想 [ Koan-hē chiok Sèng-tàn ê Kám-sióng ]
關係祝聖誕的感想 吳天命 1937年12月633期 27-29 近來咱教會內以及教會-外，對救主聖誕漸漸較有關心；我做囡仔的時差不多無聽見這个事。總是近來咱教會濟濟所在真鬧熱舉行祝賀，致到南部教會當局，今年苦勸各教會毋通傷鬧熱這个事。佇教會外，咱若行到台北市，台南市，台中市遮的所在，佇12月尾，就通感覺一款的聖誕氣氛，一般的商行，食店，thit迌的所在，攏有咧利用聖誕。對這款的情勢，我感覺也好，也歹。好--者，就是聖誕的事淺薄，總是廣闊有漸漸到佇一般的民眾。歹--者，就是聖誕的真意義那失落，毋知聖誕的深意。咱教會若過頭親像做鬧熱的款來祝聖誕，我想是害啦！ 我想咱欲祝聖誕，...

[1956-4 台灣教會報 文類-散文 作者-吳天命/Gô͘ Thian-bēng]
論說基督受難ê意義kapkoh活ê信仰 [ Lūn-soatKi-toksiū-lānêì-gīkapkoh-oa̍hêsìn-gióng ]
基督受難ê意義kap koh活ê信仰
(本篇是台灣神學院教授吳Thian-bēng牧師應編者ê要求所寫--ê。 Tī Koh-活節ê時，讀者得著這篇好文章穩當會thang得著利益真濟)。
基督教ê拯救信仰有4 個要點，就是耶穌ê成做人，十字架死，koh活，再臨。Tuì tī咱tio̍h死ê人，這個啟示信仰ê中心，自然是十字架死，iáu-kú若無神成做人ê事實，就十字架死kap一個先知，聖人ê死是相像。又koh若無koh活，就十字架死，無受證明，是空空。亦若無再臨，就十字架死ê功用是無完成。Tī chia boē-thang直接講成做人kap再臨ê信仰，是kan-ta be...

[1958-2 台灣教會公報 文類-散文 作者-吳天命/Gô͘ Thian-bēng]
社論請看Nî-hi-bí [ Siā-lūn Chhiáⁿ khoàⁿ Nî-hi-bí ]
請看尼希米--迎接第5屆總會的感想總會副議長：吳天命記1958年2月830期 p.3以色列人受tháu放倒來本國，已經經過倚欲100年。總是猶踮佇種種的困難中，也雖然得著以斯拉倒來復興in的宗教，總是對佇耶路撒冷的修建，in攏無致意，放teh荒廢。尼希米佇彼个時，雖是踮佇波斯國王的得寵下，有極榮顯的生活，想著本國，本族的荒廢，就放棄伊的快樂平安的地位，願負責到本國，佇種種的困難中，用52日來完成修建耶路撒冷城的責任。咱讀尼希米書會通發現伊得著成功的祕訣真濟。我特別愛舉起6項，就是祈禱，勉勵，合作，警醒，克己，出力工作。佇遮的的面前，一切的困難，一切對敵的引誘，攻擊，計謀都攏變做無氣力。台灣教會...

[1960-4 台灣教會公報 文類-散文 作者-吳天命/Gô͘ Thian-bēng]
將永遠的觀念囥佇人的心 [ Chiong éng-oán ê koan-liām khǹg tī lâng ê sim ]
Normal 0 0 2 false false false MicrosoftInternetExplorer4 /* Style Definitions */ table.MsoⁿormalTable {mso-style-name:表格內文; mso-tstyle-rowband-size:0; mso-tstyle-colband-size:0; mso-style-noshow:yes; mso-s...

[1940-2 台灣教會公報/北部教會 文類-散文 作者-吳天命/Gô͘ Thian-bēng]
歡喜，平安，向望 [ Hoaⁿ-hí, pêng-an, ǹg-bāng ]
歡喜，平安，向望 (吳天命) 194002 169號 p。29-30 世界的戰亂今年猶原接紲咧進行，實在予人真悲傷，是人人的責成，咱著大大認罪，哀痛的所在。雖是按呢，佇閣一方面咱真欣慕，踮佇這的戰亂的世界，咱的心神抑是咱的靈魂會得通得著歡喜，平安佮向望。著怎樣才予咱的信仰生活會歡喜平安佮有向望？保羅佇羅馬書15：13，有將伊的體驗來表出得著歡喜，平安，向望的法度。伊家己有得著，紲祈願羅馬的信徒也會得著這號福氣。 照這節保羅有提出兩个大要素，通予咱得著這个向望，歡喜，平安的祝福。就是上帝的賞賜佮人的信仰。伊佇遮有稱呼上帝做「向望的上帝」。這號的稱呼，佇聖冊中是罕得有的事，較常上帝是稱呼做...

[1940-2 台灣教會公報/北部教會 文類-散文 作者-吳天命/Gô͘ Thian-bēng]
智識的根本 [ Tì-sek ê kun-pún ]
智識的根本 (吳天命) 194002 169號 p.26-28 箴言講，「敬畏耶和華是智識的根本」(箴1：7)。敬畏耶和華是智識的根本，就是學問的根本；通講就是哲學，科學的根本tek原理。用謙卑來敬畏聖冊所指示的上帝，就是得著學問的路。檢有影按呢。怎樣若無敬畏耶和華就袂得著真的智識？現代的博士，學者的確欲笑講，這是胡說。總是博士的話較著，抑是聖冊的話較著，這是咱著判斷的問題。咱欲判斷這个問題，的確著根據世界的學問史佮人生的事實。 請問世界中，智識做第一進步的國是佇佗位？是支那，印度，波斯仔毋是。遮的國毋是無出大學者；總是用學問來指導世界的毋是遮的國。用學問指導世界的，就是英國，德國，法...

[1941-2 台灣教會公報/北部教會 文類-散文 作者-吳天命/Gô͘ Thian-bēng]
著尊重禮拜堂的禮拜 [ Tio̍h chun-tiōng lé-pài-tn̂g ê lé-pài ]
著尊重禮拜堂的禮拜 吳天命 1941年2月671期 18-19 禮拜堂是甚物所在？就是用真尊貴閣媠的信仰來建設的聖所。這个聖所是什麼人teh聚集的所在？就是(1)倚靠基督受上帝揀召的人。(2)稱呼上帝做父的人。(3)信基督是上帝的囝的人。(4)看信基督的人做兄弟姊妹的人。(5)歡喜服事敬拜上帝的人。(6) 領受聖神的恩賜的人。(7)對社會宣傳福音的人。(8)參加神國運動的人(9)做救人的大事業的人等，相佮集合禮拜的聖堂。 主耶穌本身佮禮拜堂不止有關係，伊無看輕禮拜堂的聚會，伊無忽略禮拜堂的存在。出世的時，8日就予老母抱到聖堂獻感謝的祭，做獻身的禮。Tiàm家己的厝...

[1941-2 台灣教會公報/北部教會 文類-散文 作者-吳天命/Gô͘ Thian-bēng]
偉大的恩賜 [ Uí-tāi ê un-sù ]
偉大的恩賜 吳天命 譯 1941年2月671期 24 世間做第一偉大的是甚物？就是聖冊。聖冊報咱人類知影宇宙中有大仁愛的上帝。Siāng時報咱捌救主耶穌基督，紲予咱永遠活。上帝的恩賜無限的中間，彼个最大的實在是聖冊。 無對聖冊咱袂得捌上帝。毋捌上帝就毋捌耶穌基督。若毋捌chiah 的，就人是甚物，也全然毋捌。聖冊會重頭生人。人若無對聖冊來重頭生，就袂會做靈tek存在者。人若無做靈tek存在者就是名利的奴才。就是teh服事罪惡的 軟弱者。聖冊會賜人大氣力，來釘明理的心佇十字架。人著將明理的心釘佇十字架，才會做強的人。無論欲做甚物事，才會拚命去做，若無拚命就袂...